جارحني محب مومثل الاحباب
جارحني محب مومثل الاحباب
وشاغلني كلب مومثل الكلوب
كل هذا ورضيت بكل الاسباب
وكلت قسمة اكيدة او وعد مكتوب
مكتوب الحزن عالكصة نشاب
وانا دون الخلك بحبابي منشوب
جثيرة دموع عندي تريد تنساب
لان كلبي نهتك كل سترة منهوب
وصرت ادري العشك للمثلي جذاب
لان طبعي حزين وكلي عيوب
كل ربعي بفرح من نلعب اجعاب
وانا بذاك الوكت من صغري منكوب
لاتكرب علي مااريدن احباب
خليني بحنين البية مصيوب
انة ادري العشك للمثلي جذاب
ومايرهم ابد للمثلي محبوب
عرفتك من الاول صفحة بكتاب
ويطويهه الزمن وشبيهه مكتوب
لاتكرب علي خليني سجاب
شلك من خطيتي تحمل اذنوب