جدي كللي

جدي كللي شلونه حب هذا الزمان
كتله خلهه امجودرة لا ننفضح
كللي جدي احجيلي وانطيك الامان
ارد انشط الذاكرة لا تنمسح
كتله جدب من اثنعش يبدي الغرام
وتبتدي الخدمة ويصح المايصح
وذاكه عنكود العنب مو عالي جان
هسه غافي بحضنك يضل للصبح
اتبوسه خلك , هو باسك عادي صار
اتصير عشرة اببينكم بوس وملح
كللي مو حب , كتله حب , كللي لا
هذا مو حب اذا مابي جرح
احنه حبينه كبلكم حب شريف
البوسة جانت بالعشك بس للصلح
وجنه نتواصل رغم ماكو اتصال
وجنه نتكاطف رسايل ع السطح