نيسان 5 2014

قصيدة صم ملح وياك ماغزر

صم ملح وياك ماغزر
صم ملح وياك ماغزر



الناس تحط ملح خاشوكه فوك الزاد
وانه صم ملح وياك ماغزر

شنهو انت شكثر صلفات العيون
يكَولون الملح للناكره يعثر

غير اتحس ولك غير ايصير عندك ذوق
اكيد العفو للفاهمه اليكَدر

كتلك هالغرور اتبطله مو مقبول
حجايه انه حجيت وياك مو اكثر

اليريد ايكون عالي الشان عند الناس
يصير ازغير ربعه موش يتكبر

احترام الناس واجب الله وصه اعليه
واليوفي الربعه ابد مايخسر

وانته الهوه هذا لو يمر اعليك
بجرة النفس منه اعليه تتكبر

الله انطاك صحه وعقل للتدبير
وبرمشة جفن ياخذهن وتخسر

الجبير ايصير خيمه ويلم كل الناس
ويشيل هموم ربعه ابعينه لو يكدر
إضافة قصيدة