يل سألتيني

انا من اهل الجنوب
ومن اكلج انا ياهو تهلهلين
انا ابوي الما عرف يوم الخنوع
وخبزة امي الشبّعت جوع السنين
انا بصراوي بنخلتي انطي ريع
كلمن يهزني برهاته وكل حنين
وانا من ذي قار فزعه بكل مجان
لو سمعت ال حيهم ازحف عل الادين
وانا ميساني بطبع مشحوفي اجول
ابهور مايغفى عل حس كلمة حزين
وانا لوكلت السماوة اوكف واحير
شما اسولف حاير وي الحايرين
انا ديواني ونجف وي كربلاء
وانا كوتاوي وامر عل الحله مرت عا شكين
وتاج راسي وبيتي كله بكل حنان
انا بغدادي ونذر للكاظمين
روحي سامراء كلبي بنينوى
وتجري بالانبار كلمة صابرين
انا ياهو يمكن انت ستغربتني
هااااا أكلك انا يلتسموني عراقي الرافدين