صدك والغيري تنزفين!الشاعر حسين الساعدي

صدك والغيري تنزفين!!
حسين الساعدي
من ضمن قصائد الطلبات الخاصه!!
؛؛؛؛؛؛؛؛؛؛؛؛؛؛؛؛؛؛؛؛؛

صدك ولغيري تنزفين
وأنه القهر سابيني

وصدك بلحنه تتحنين
مو من دم شراييني!

وصدك بلزفه تتكحلين
وأنه دمعتي ابعيني

عاد الليله لتضحكين
هالضحكات تاذيني!

ضمي ضحكتج بعدين
لمن ما تضيعيني !

وعاد ابنظره لتبخلين
بالنظرات واسيني

انتي ابين المهنيين
وأنه انختمت اسنيني

جنه اثنين متصافين
إشفَرَق بينج إوبيني!

أصيحلج يضي العين
ومحبوبي تسميني

وبأشواك المحبيين
ألاكيج إوتلاكيني!!

لكن للأسف بعدين
ابهل موقف تخليني!

أودعنج إوتبتسمين
إوبلدمعه وتشوفيني

وبعتيني ابصلافة عين
وبلحظه ونسيتيني!!

ما جنه هوينه اسنين
ولا جنج تحبيني!

وروحي ابزفتج تدرين
عافت كل عناويني

وهلبت بيها تندلين
وبروحي وتلاكيني!

ماشفتيها راحت وين؟
بالله ابروحي دليني
فدوه ابروحي دليني
ااالساعدي