قصيده ضد الطائفيه!!الشاعر حسين الساعدي

يلله خلونا انتناطح!!
حسين الساعدي
؛؛؛؛؛؛؛؛؛
يالله ياسنه عَليهم
نذبح الشيعه ذَبح
ويالله ياشيعه نهاجم
عله السنه إمن الصبح
يالله خلونه انتناطح
صارت الشغله نَطح!
تِضحك العالم علينه
عادي لَمن ننفضح
يالله كل الزود بينه
واحنه واحدنه وَكح
ياعراقي اذبح عراقي
والسلامه ما تصح!
واليكول إتذَكروا الله
إنكِله اسكت لا تلح
والينادي للإخوه
هذا سَموه منبطح
يالله خل نفتح جهنم
بالعراق المنجرح!
حتى لو كَعبَتنه وحده
وحتى لو ربنه سَمح!
احنه هاليوم اجتهدنه
وكل فتاوينه ذبح!!
يالله يا إسلام يالله
كَبروا اليوم الفتح!
يالله خل نقتل بعضنا
وما يلوك النه الصلح!
تفرح اسرائيل بينه
إولازم اتحس بالربح
ما ننام ابهل مسيه
عالجرح حطوا ملح
رَيحوا حكام الأذيه
وبقتلنه تِنشرح
يالله يأهل الطائفيه
هِدو عُمال إوفلح
وهاي بغداد الأبيه
كون نمسحهه مَسح
كون نمسحهه مَسح
حسين ااالساعدي