ارسم رايه وارسم عين!! الشاعر حسين الساعدي

حسين الساعدي
::::::
وأكتب هالقصيده ابحُب الحسين
وبشوك المحب وبلهفة الناس
ورسمها رسم وبدمعة العين
وبهاي الجفوف التنبض إحساس
ولازم بالقصيده انخلي جَفين
والرايه ونهر وبصفه حراس
وارسم بالطفوف اهناكَ صَفين
لأصحاب الحسين وصف الأرجاس
ونقارن حَجهم وين! ما وين!
ونخلي الحجمهم هذا مقياس
قارنت الصفوف وشفت بعدين!
حاله العجبتني! وترفع الراس
وعاين هازغر جيش الملاعيين
وعبد الله الرضيع اشكبره يا ناس!
سبحانه المسح كل السلاطين!
ويخَلد رضيع الثابت الساس
ياناس العطر مو بالبساتين
يا عطر الشهاده الماله مقياس!
واصلت القصيده اويه المحبين
وبذاك الوصف وبكطع الانفاس
وهناك الدرب صاير درابيين!
لمن شاهدوا بالحومه نبراس
شافوا حيدر وضربات صِفين
شردو واليضل اكباله ينداس!
وأرسم رايه بحلوك الدواويين
يارايه التضل بعيوني تنباس!
وارسم بالقصيده السهم والعين
وألغيره التنادي ابصوت حَساس
والهسه الصدى ابنص الميادين
ما غاب الصدى وبالغيره ينجاس
يا زينب يكلها لا تخافين
وكَفالج يضل للموت! عباس
كَفالج يضل للموت عباس
االساعدي