خلة طعنه بكلوب الحياطين-حسين الساعدي

صوركم يا صوركم ماليه الدار
خلت طعنه بكلوب الحياطين
وأشتاك العطركم وامشي خطار
واتعنه الورد ذيج البساتين
ماكلتوا عليه اشصار ماصار!
وبهدت دمعتي الشكت العين!
مامنكم أثر ممسوحه الاثار!
وأنه ابخدي محفوره النياشين!
بدموعي وأطفي النار بالنار
كلبي ودمعتي ومشتعله نارين!!
ياريت الدمع مَيطَفي الأنوار
واشمر خطوتي ابكل الدرابين!
تعبان وتطشر عمري طشار
هلبت ريحه بدروب المحبين!
والينشدني عنكم شنهي الاعذار!
ما أدري ابدبركم وين ما وين!
ما أدري ابدبركم وين ما وين!
حسين الساعدي