آب 24 2011

قصيدة روحي يمك - ايهاب المالكي

روحي يمك
ايهاب المالكي

روحي يمك
عودتهه اتحن الك مثل النوارس
من تحن بشواكهه لماي الشواطي
روحي يمك
وانه باقي بلايه روح سنين عايش
فاركتهه هواي من يوم العرفتك
روحي يمك
نجمة اول ماعرفتك
فوك ليل رموشك بود علكتهه
روحي يمك قصتي ومنين ماتقراهه هيه تصير قصه
روحي يمك
فرصه الك جانت وانه المامره منك خذت فرصه
ترجف جفوفي منريد اقره القصيدة
واحس بيك تشكك اوراقي الاحطهن عالمنصه
عوفني بداعت عهد وياي تبقه
مالي حيل اتحملك والحيل ورقه
بيك ياسوك المشاعر كلشي صار
وموعجيبه وياك كلبي ايصير صفقه
إضافة قصيدة