تجي صفناتها تسولفلي مرات
رغم مابالها مشغول بيه
كلبهاوراسها نصبغن فرد لون
بيض ثنينهن صارن عليه
عدها أعظم يمين تحلفه وتخاف
… إذا كالت وحك هاي المسيه
أمي وي الزجية بيوم الحساب
تجي رجل ورجل وي الزجية
تطلع فاطمة بجفوف عبـــــاس
وأمي هناك هم تطلع بديــــــة
وتجي هم بطبق بس ياطبق هاذ
طبق من طين كاع الناصرية
بدر تستغفر الأم لازم تكــــوم
وعلى شط العرب تترك وصية
الأم أجمل في بـــــــــــــــلادي
بس وتلغي الأشياء البقية