يونيو 27 2012

قصيدة طـــــــــــــاري الهـــــــــــــــــجر – رياض الجبوري

طـــــــــــــاري الهـــــــــــــــــجر
رياض الجبوري
على طاري الهجر والدمع من ايطيح

ذكرتك والدمع ظل يجري دم عالخد

ما اكــــــلك نسيتك جيف بعدك طال

بس شـــــــمات اجوني ولية كالو رد

انه منـــاطر ادروبك هاي صار اسنين

وعـــــــــدتني السنين وتاه منها العد

انه مليــــــــت اتاني وانتظر واشتاك

ولازم مــــــــرة اوكف حتى احطن حد

انه انتاسيــــــت جرحك بيه لمن صاح

فزز جم جــــــــــرح من صاح بيه اكعد

جبت بيدي الصبح مللهوف اوفي انذور

علي جــــــــــانت قديمة وبعد ماتركد

واذبحــــــــت الصبر مصباح يوم العيد

واذبحت الدمع فدوة اعلة باب الــخد

الك تجران دمعي امحالل وموهوب

واللك تيجان عرشي المالبسهن حد

المعاتب كلف صح ما يصح فد نوب

واحس سيف المعاتب بالضلع ينحد

السيف اابلاية مبرد جن حديدة بزور

يظل ابلا بخــــــــت لو مايصح مبرد

انه الناي اليون من كل كتر بجفاك

وطعنات البظهري بصدى صوتك صد

بعدك حالي ظل تتناقلة الشمات

كل ساعة بحلك ويلوج بيهم رد

اتصور رمح بالساعة الك حطيت

ردت الوكت يوكف والزمن يرتد

لجن مانفع رمحي ولا بعد ميفيد

تتخترقة العقارب والزمن يصعد

وكفت الثواني من نويت اتروح

رحت بس الدقايق مارضت تجمد

بعد ما ارتجي منك ترد وتعود

روح وداعت الله وبعد لاتنشد

بواسطة رياض الجبوري