ديسمبر 19 2012

قصيدة اني من الجرح ياصاحبي اتعافيت – ايهاب المالكي

اني من الجرح ياصاحبي اتعافيت
ايهاب المالكي
اني من الجرح ياصاحبي اتعافيت عبرتني المنيه ويومه اتبدل لكطت السنين ولحكت عالظال وحييت الامصوفر كبل لايذبل تانيت امنياتي المامنعسه اتنام حته اكدر ابسكته من الاقيود افتل عفت بيت ابوذيه على العش مكتوب
كلبي ابفركت الخلان وجناح
وبديت انحاز للشمات وجناح
صدك خليتني ريشات وجناح
لاكن صفك جنحي من ردت ارحل
صفك جنحي لحد غيمه عفت ذاك الغصن هيمه عمر وياك ادور حل جبيره السمه وين اسئل اخاف اشرد وماندل الان قررت حسيت عمري الضاع شفته الطير من ايطير اثاري اسهل اثاري العش عذر للمايعرف ايطير اكول اشبي ساكت مايريدني ارحل حركت الضن مثل لعبت الغميضان ورء حايط الشوك ابلوعتي اتختل جنت الخاطرك تحلف ابخلكي الناس انازع واليشوفني امدلل حكت لغلاطك منصين كلبي اعذار ترفه اتغار منها احياكت امغزل اضوكك بالجفن وستطعمك بالروح وجمد ابعدك وبهواك ارحل مدينت ضني تشبه دولت افلاطون شفتك بيها فكره استبعدت تفشل طيني اتغلب ابقوه على نار ابليس تغلط واني اشوفك بس اكول اغفل وتلمس اجفونك لمست المجفوف اريد الكالي دمعه لوجفن مبتل وتركك وسمع ابعزتك تصهل خيل خطوه تكلك امشي خطوه لا تنذل واني غيمت برد مابيها بس افياي انطي الشمس ضهري ونجوي اتحمل مرات اختنك لمن يجيني الليل افك شباج صدك ووكف اتئمل صياد احس روحي والنهر وشل اشوفك جاي اليه وركض اتخيل ووصل للنهايه وبتدي من اول اذا رفضت اضنوني جيتك عالبال اغافلهن وكلك ما عليك اقبل
اغافلهن امغافل روج بالراس
اعلى نيتي وثاري طبع الذيب بالراس
العكل شيفيدني ومتروك بالراس
وكلبي ليه الراي والشور والحل يوم الي بدونك كمت اكضي مكسور تبطه الدكايك بي والوكت يضكل روحي بجنبك مثلت شاهد الزور والحكي من صوبي الصوبك تحول كنت بتجيك تكون بضلمتي نور والليل في روحي بلابعادي طول لما تركتك صاحلي الشوك معذور والحب من مهر الاماني ترجل عفتك بس احس مدري اشنسيت اوياك وطمئنان روحي والاماني اختل اخاف من النده والورد ماثق بي اذا بلبل يغرد نار يم مشعل وراك الماي صافن والنجوم احجار خصر الشمس منه شفت ليلهن سل نسيتك وتعب جفي الي فك الباب احس لوحت حياتي ابفركتك تكمل ونه وصيت كلبي وكتله كل شي ايهون ناطي اجروحك على الروح شكلن
يكلبي وسبب ذل الطير شكلن
ذله ومعرف اشون شكلن
لئن لاشايفه ولاطار بيه
بواسطة كوكشے الكربلائيے