بهجرك راح عگـلي مالفاني
وجثير اشعار لجلك مالفاني
رحت آركض بهيمه مالفاني
ادور اعليك يل رحت من اديه

جدمي عطل بوداعك ولاسار
وكلبي مافرح بعدك ولاسار
فديته بعيني أليمنه واليسار
عمن يوم مر فركاك بيه

تذمبية وتكول اترك ولك حل
والك واهس علية تقسي ولك حيل
كتلك من دست جرحي ولك حيل
لكن بالهجرتجني عليــــــــــــــــــــه
تحياتي ام بغداد

عليك وهملت اعيوني وساليت
يهاشم ناشد العالم وساليت
حسب ظنك نسيت انه وساليت
وراسك بالوسن تطري عليه

جروح الشوك بعدك ولا مني
وسبب الفراك منك ولا مني
بغيابك نظر عيني ولا مني
اوجد حرثتي بطراف اديه

غاب الكمر من شافك ولا هل
ولغيرك ما نزل دمعي ولا هل
مالي دار من بعدك ولا هل
عزيز ويصعب فراكك عليه

لفه مكتوب محبوبي من هلي
قريته وصب دمع عيني على هلي
يدنيه ليش حرمتيني من هلي
ساكن بلغرب وغصبن عليه

طلع كلبي يدور عليك مارد
وسهم هجرك لعند الجبد مارد
لون عيشه بعرش هارون مارد
اريدك يلكطعت الوصل بيه

**************************
عليل اصبحت من فركاك بس نوح
وكضي الليل كله عليك بسنوح
اليشيل الحمل عني ايجوز بس نوح
اذا جاب السفينه وفزع ليه

****************************
انولت روحي بغيابك والمنته
وغدر بيه الذخرته والمنته
كبل لاصيح اعرفك والمنته
تهد كبلي وتشيل الراس ليه

الرماحي