صفحة الكلمة الدلالية: زهيريات عتاب

إضافة زهيري
  • صفحة 1 من 4
  • 1
  • 2
  • 3
  • 4
  • >

أبريل
12
2014

زهيري – يم غيري تظحك اويمي الحزن لايكلك
بواسطة الحنين والله
يم غيري تظحك اويمي الحزن لايكلك الله يامحله مشيتك اومحله الخلق لايك الك انه الروحي فدتك بلكي تلوك الك سبحان رب الخلق سبحان من داراك ياهو الي غيري تعب ياهو الي داراك سولفلي شنهو الي جره او عن حبي اشداراك غلطان كلمن كال علاوي مايلوك الك

أكتوبر
21
2013

زهيري – تخزرني خزرة غضب ترفع علي حاجبك بالله اريد
بواسطة غير مسجل
تخزرني خزرة غضب ترفع علي حاجبك
بالله اريد اسألك ياهو العلي حاجبك
وياك انزف وفة مو طمع أو حاجة بك
كللي شنو شغيرك عني يا الاسمر ملك
تلعب علي لعب ما يوم قلبي ملك
إنته بجمالك صرت فوك الخلايك ملك
و ما دام إنته الملك اقبلني انا حاجبك

يونيو
21
2013

زهيري – من يوم حبك ترة نار اصبحت ﻻهبه
بواسطة ayed
من يوم حبك ترة نار اصبحت ﻻهبه
و الشوك بيه الته و انا اصبحت الاهي به
ﻻ خير منك بدر ﻻ شك ﻻ هبه
رب الحسن بس الك كل الحسن موهبه
و ذوق تاليف الشعر عندب اصبحت موهبه
كالزلي من محبوبتك صحت و كل ﻻ مو هبه
ضحكو و ردو عليه كالولي تكذب ﻻ هبه

أبريل
23
2013

زهيري – 09:44 مساءً “‏دم دم يدم الدمة من من
بواسطة الشاعر احمد الساهرالملف الشخصي في درر العراق
09:44 مساءً
“‏دم دم يدم الدمة من من يدم دمدمة
دم دم دمع من دمع ما من يلم دمدمة
مندم هدم من هدم دمنة دمد دمدمة
مندم دماهم يمد مدمن نمد مندمة
الدم مدلل يلم منة بمدن مندمة
الدم مدن ماندم مني لمن مندمة
دم دم دمايا امد مني المدن دمدمة
بقلمي
احمدالساهر‏”

أبريل
23
2013

زهيري – ‏كوللها بجفاج يمكن ماورا ابد صحة وصوت العليج
بواسطة الشاعر احمد الساهرالملف الشخصي في درر العراق
‏كوللها بجفاج يمكن ماورا ابد صحة
وصوت العليج نده جم نايمن صحة
تحذير طب العدل مالوا اي صحة
شرحو جثتي ورا التشريح خاطوها
وصوج العواذل بزاد اسموم خاطوها
عوف الجكاير على البنوات خطوها
تحذير صحي البنات ادمر الصحة
بقلمي
احمد الساهر‏”

يناير
11
2013

زهيري – يازين طعم العسل مخزون في شفتك وروحي عليه
بواسطة كوكشے الكربلائيے
يازين طعم العسل مخزون في شفتك
وروحي عليه ترد ولله لولحت شفتك
شفتي تعاسه واسه وصار الفرح شفتك
وكل ما اخلص حزن حزني عليه يعيد
والجان ماصدكت هاك الاجروح وعد
صايم ولا افطرت من مر عليه العيد
ايصير اعيد وانته اهلال ماشفتك


يا صاح انت الكبد وانت بحياتي ورد
اتمنيت اوصل الك وانطيك روحي ورد
بالروح حبك زرع بستان هيل و ورد
وسهام حبك صفن بالكلب ميه والف
انت وليفي صرت وماعندي غيرك ولف
لو ابقى كل العمر افتر وادور ولف
ما ألكه مثلك محب ولا ألكه مثلك ورد



كصت شعره الخلك بس مو مثل كصتك
وماشفت بين البشر طولك ولاكصتك
جن واله انس كلي شنو كصتك
عجبني طيفك معاي ايبات عجبني
وكل ما اروح الدرب الكاه عاجبني
تدري شنو انته الفتني وبيك عاجبني
عاجبني كلك حلو من جدمك الحد كصتك



عن حالتي لا تسل يا صاح ملوني
وبنار هجر الغضا ذولاك ملوني
تايب على حبهم ما يوم ملوني
تم القلب مبتلي وحيران وياهم
وبفراقهم مهجتي واعضاي وياهم
ذاك التعب والسهر ما فاد وياهم
لمَّن حجيت الصدق يا ناس ملوني





گلبي الگبل مايون بجفاك وننته
وضنيتك انته الفرح ثاريك ونه انته
مامش طيوفك واباري ابشوگ ون انته
ماخوذ مني وخيالك ابد مالحظه
ورسمك يزين النبا مبعد علي لحظه
مشتاگ اشوفك ولو مشوار لو لحظه
وين انته روحي دنت عالموت وين انته





دنياك ملها وفه غدّاره بالصاحب
بايّام سعدي إلي كل الخلك صاحب
لمَّن جفاني الوكت ما ظل إلي صاحب
لا تصاحب اللاش خلّه ينجلع ويروح
وصاحب الزين ما عزت عليه الروح
دار المعزة عذب قبل المذله ايروح
ويمته يدور الفلك وانعاتب الصاحب



راح وكســر خاطري ولملم طيوفه وشال
ونهــر المحبـه نشف ظلت جروفه وشال
الزمــن ماعافنـي رد عالـكفوف وشـل
ماعفت حبــك انا كلبـي على حبـك ظل
عالهجر شو تعتنـي عالوصــل دومك ظل
بجتافي اغطي الشمس بالصيف اصيرن ظل
لو مر عليك الشتا لفني على صدرك شال





احباب كلبي ارحلو ولغيرنه دارهم
ماادري شنوه السبب عني الوكت دارهم
من شالو باليل عكلي والكلب دارهم
سهران مالي ونيس بس النجم ينعد
مطعون بوسط الكبد عندي الم ينعد
والله لولا الزمان الراحلي ينعاد
لعوف الاهل وسكن قرب دارهم


منهو ضعيف البخت الكال منحبكم
واحنه عطاشة ونروم الماي من حبكم
واحنه الزرعنه كلبنه ورود من حبكم
واصبح دليلي كطن بيه الليالي اندفن
وتظل جروح تندي وايندفن
ان جاكم خبر ان المرسل مات واندفن
اعلم تراني متت يازين من حبكم



ضحكت حبيبي دوه الجر الكلب شافتو
عينو وسيعة ومثل لون الجمر شغتو
ولفي احلا من الكمر طعم العسل شفتو
الكمر مالو عطر هيل مخلوط ابان
ولاطولو طول الرشى ولاغصنو غصن البان
الكمر لوما الشمس مالاح نورو بان
واني الشمس تستحي من ولفي ان شافتو



سألوا تعرف الفرح لا جاوبت معرفه
وسالوا تعرف الحزن اى جاوبت معرفه
من حيث شاعر صرت وادري الشعر معرفه
ومختص فقط بالحزن غير الحزن مكتبه
واسبابه عندي جرح ما سد ابد مكتبه
وشكبان منه الألم يمكن واظن مكتبه
وديوان دمعي انطبع دار النشر معرفه




ياصاح جوي خبط ماضنتي يـصفي بعد
من يوم شـال الترف مـن يمي راح وبعد
وضليت اصفك بــدي مـافكـرت بـلـبـعد
كـالـولـي اصـبـر لازم يـجيــك بـيـــوم
خلصـت كل عـمري انا احسب اليوم بيوم
تـيهـت انا حسبتي وثاريني باخر يــوم
كالولي هسه يجيكـ كلـتـلهم شـظـل بـعد





(&تلفت دربك كثر مااروح بيـــه وارد
وانت بصدودك وابد ماحن دليلـك ورد
رسمك ابالي ولا رسمي ابالــــك ورد
يازيك صد وكبر الله الچبير العـــلي
والطير يزغر ترى شما صار بسماه عـلي
شنهو اللي بيكه حلو كبرانه نفسك علي
بس وجهك انت گمر والطول غصن الورد)




(يمه رمانه الهوى وحيلي بدا امحـــلل
ونار بدمي اسعرت ما شافه امحـــلل
ناديت ولفي تعال ابشوگ ومحا الليـل
وگرب عليك النبي والواحد الاحــد
وزيح همي البدا من اثنين للاحـــد
وانه ييمه المتت لا تتهمون احـــد
چتالي ذااااااااك الترف ماهوب ومحلل )




(يا صاح ثكل الدمع بجه العيون وشرد
الناس تنشد علي مدكلي خايب شرد
الي انطيته عمري غافل اكليبي وشرد
ماخله بيه لحم بس العضم بهدوم
لا تضن حجي الدغش عمرك يخلص به دوم
حياتك يصاحب مدرسه وماتضل به دوم
ومن يسئلك ربك اشتحجي عن المضه
وشترد)




ياصاح دون الخلك كلبي الك فاتحة
والكلب ينخة الحلك بالحب الك فاتحة
اي والذي نزلج ام الصور فاتحة
مابين ضلع وصدر حبك حبيبي لطم
وحجي العوذل ترة يضربني صاير لطم
لو غبت عني ترة ابيتي يصبح لطم
ويصير كل العمر بعدك ترة فاتحة


كتله انا معجب ضحك معجب انه بشفتك
كلي شايفني كبل؟ كتله ولا شفتك
كلي دفكني اذاً كتله شفك شفتك
كلالي امنن ترى كتله انا احب منك
كلي دليني الدرب كتله الدرب مناك
كلي امسودن اذاً … كتله الدوه منك
كلي شنهو الدوة كتلة الدوة شفتك



يا صاح لمن تمر سولك علينة مرة
كلت للشماتة عسل يالعشرتك مرة
ضوكيني يادنيتي يوم من الفرح مرة
وردي علي يادنيتي مني
مطبوخ يا صاحبي هم ينوخذ من ني
نصيحة ارد انصحك حجاية اخذ مني
الحب ماهو لعب والعشك بس مرة





يادنيا عيدي الزمن لحظات بس عيدي
اشوف ذاك الجنت وياه بس عيدي
الناس يغمرها الفرح بالعيد بس عيدي
حزن ومأسي وقهر ودموع عيني تهل
وجروحي تلجم لجم والدنيا فوكي تهل
ياعيد المن تجي يهلال المن تهل
مادام محبوبي رحل هالعيد موعيدي ……..




تريد احزان فك الكلب بي كم
ولا واحد نشدني الجيب بي كم
مو شايل كلب ايكول بيكم
اذا كل ساعة عشرة يحب سوية




(طبعا مجاهد يضل يجمع صلاة ُ بقصر
من حيث له انبنه عد ربُ بيت وقصر
والله ونعم الزلم مابان منهم قصر
واللي عليهم جره مرد گليبي وحش
كبودي يناس وغدن چن مار بيهن وحش
لكن عتبنه يخي عالوضع هذا الوحش
لخله اسود الفله مسجونه في ام قصر)

يناير
03
2013

زهيري – مامره ياصاح الوكت أبدآ معالجنه : ومن
بواسطة الشاعر حسام اللهيبيالملف الشخصي في درر العراق
مامره ياصاح الوكت أبدآ معالجنه :
ومن يوم ولفي رحل ورت معالجنه :
عامات بينه الجرح ومل المعالجنه :
وحتار بينه الوصف وأهل العلم والطب :
وعنيت لاهل الوفه ياصاحبي والطيب :
كلمن يعاين جرح يوم وشهر ويطيب :
وأني ألطبيب العلي جايب معا لجنه :

نوفمبر
23
2012

زهيري – ياما نصحتك قبل بدماغك أملي وحش وحذرتك انه
ياما نصحتك قبل بدماغك أملي وحش
وحذرتك انه شكثر من الباك زرعك وحش
محـــــد يجيلك بعد ظل وسفه دارك وحــــــــش
من حيث جودك فرغ ما ظل بعد ماي بيه
وجروح أهـــــــل الغدر بجبدك صفن ميه بيه
لمـــــن تعاشر بشر كـــــــــــــون افتهم ما يــــــــبــــيه
صح شكله شكل البشر بس نيته نية وحش































ا

أكتوبر
26
2012

زهيري – شبيدي عله الصار يا صاحبي وشجره ومفيد بعد
شبيدي عله الصار يا صاحبي وشجره
ومفيد بعد دمعي اشماهمل وشجره
ما تجي يل المبتعد وشوف بيه وشجره
أكعد وياك اكعود وأحجيلك بظيم العلي
ناحل تراني اصبحت والموت مجبل العلي
بيدك اريد الغسل وأتزفني أنت لعلي
وتبنيلي بيدك كبر وتكتب عليه وشجرة

أكتوبر
09
2012

زهيري – قلبي بجفاهم تلف ونعاب مات اصبـــح صحراء ليل
قلبي بجفاهم تلف ونعاب مات اصبـــح
صحراء ليل وغرب وشموسو ماتصبح
ياقلب ظل بحزن للموت ماتصبـــــــــح
سعيد وانت الولف شو خان شو ورني
راح ونساني ولا بجفاه شاورنـــــــي
ترى جابوا طبيب وبجا وبسكوت شاورني
اسكت وخلها اذا مسيت ماتصبح
  • صفحة 1 من 4
  • 1
  • 2
  • 3
  • 4
  • >