الكلمة الدلالية: ومضات غزلية

فبراير 08 2015

ومضة عيد الحُب حسين الساعدي ::::::…

عيد الحُب
حسين الساعدي
::::::

ما أدري ابوصفك شَكتب
وانته الحب وعيد الحب

ياحبك حاير
شهديله

والورده الحمره
اتغنيله

وهالليله ابيا عيد انطب
وانته الحب وعيد الحب
االساعدي

بواسطة ارجع يازمان

فبراير 07 2015

ومضة طلعت شمس وفكرت بحجاية أمس…

طلعت
شمس
وفكرت بحجاية أمس
وأحله خبر
مصاصه جايبلج مهر
كليلي
يايوم العرس!
حسين الساعدي
بواسطة ارجع يازمان

يناير 14 2015

ومضة شيجيب باجر واكعد وياك واكضنك…

شيجيب باجر واكعد وياك
واكضنك واحطك مابين الأضلوع
واذا باجر اجة وماجابك وياه
اكض باجر واشمرة من الأسبوع

يناير 14 2015

ومضة شكد شايف شفايف فوكهن شامات…

شكد شايف شفايف فوكهن شامات
بس مثل شفتك ما شفت شفة
تكض اللفة تاكل من تحس بجوع
من كثر الحلاوة تعضك اللفة

يناير 14 2015

ومضة حظر تجوال خلو يوم يومين…

حظر تجوال خلو يوم يومين
رادو شوفتك من عدها يحرموني
راح اطلع واجاهد خلي كلشي يصير
بس اوصل واشوفك خل يكتلوني

يناير 14 2015

ومضة اكص لساني خاطر ما أحاجيك…

اكص لساني خاطر ما أحاجيك
وحتة ينتهي البينك وبيني
لكيت انوب عيني تسولف وياك
يعني شلون اكص لسان عيني

يناير 14 2015

ومضة هوة غيرك من اشمنة اموت…

هوة غيرك من اشمنة اموت
لاكن ارجع عدل من اشتم هواك
تدري انه شكَد احبنك بحيث
من اتهد انت عليه اهدن وراك

يناير 14 2015

ومضة حلو وتنكَلب ويختلف وضعك وكذلتك…

حلو وتنكَلب ويختلف وضعك
وكذلتك طايره وتلعب على الريح
الوحيد انت حلو ومحد يتبعك
لأن من تمر كلها ادوخ وتطيح

يناير 14 2015

ومضة من احلم بيك حتى فراشي…

من احلم بيك حتى فراشي يخدر
منو الكال الكمر يفتر على الكاع
الكمر شافك حلو وكام يفتر
على نار انتظر ومتاني الاحباب
وندك باب بيتي والكلب ذاب
طلعت للباب عود الباب افتحه
لكيت الباب طالع فاتح الباب

يناير 14 2015

ومضة احبك حب ولامر على أنسان…

احبك حب ولامر على أنسان
وتدري شكَد احبك راح افهمك
حلمت انه بالجنة وانت بالنار
اكفر كمت حتى انتقل يمك