رمز الوفاء - ابو حسين الجياشي بواسطة الجياشي في 2014/4/4 (منذ 10 سنوات) تنزيل (7.4 MB) رابط قصيرg+ftاغلاق
المزيد من المقاطع بواسطة الجياشي
وتدري بـسكينة جمر دلالهة....
وتدري عبد الله الطفل ضل بس ونين..
العيــلة تنطر ماي يا جفّالهة..
ذيج زينب تنطر ويمهة الاطفال..
شلون مايك ما وصل لــَعيالهة..
وانتة صرخة موت من رب العباد..
انتة عزائيل صال وجالهة..
انتة يمـفـركَ العِدة بيوم النزاع ...
منك تلوذ الميمنة بِـشمالهة..
شلون تصفة علة النهر مكَطوع ادين..
وعينك بلا شوف من نبالهة..
آنة اسأل لكن اعلم بـ الجواب..
وأدري تنقاس الزلم بافعالهة..
آخ.. يــا عبــاس يا رمز الوفاء..
حكَهة أُمك تفتخر هنيالهة...
واللة أديت الامانة بكل إباء ..
وبعدك الخوة منو اليحلالهة..
خاف واحد يعتب عليك ويكَول..
مات ابو فاضل مثل باكَي رجالهة..
إنطيت عينك نصرةً لبن الرسول..
انطيت اديك الميمنة وشمالهة..
وصرت مضرب للمثل وبكل زمان..
وانتة يلمهيوب زين أمثالهة...
وانتة يلمهيوب زين أمثالهة...
ابو حسين الجياشي 3/4/2014