المشاهدات: 36178   المدة: 7:10   الدقة: متوسطة
التصنيف: صوتيات دينية   الكلمات الدلالية: باسم الكربلائي
تعليق بواسطة Samer
الكلمات:

هنـــا يالنازلين هنــا .... قبـر حسين دلوني
تــالي للمــسنــايــة .... لراعي الجود والراية
أريد اروح شجاية .... واكله يا بدر سعدي
رضــيت القوم يسبـوني

....................

طاحت من على الناقة .. تبعتها خوات حسين
تتعثر وهي تنادي .. يا خويا حسين قبرك وين
جيتك باليتامى اقعد .. تلقانا يا نور العين

خويا يالمتت ضامي .. تقعد جيت بأيتامي
شوف انتحلت اعظامي .. تراني من السهر يا حسين
ماتشوف الدرب عيني

....................

ياخويا تقعد احجيلك .. عن احوالي بهالسفرة
مشينا على الهزل حسر.. ياخويا مشية الكشرة
لابن زياد بالكوفة .. جنايزكم على الغبرة

ولو شفت الظعن من راح .. حادينا بشتمنا صاح
كل ساع ويتيمِ طاح .. كل الروس منصوبة
عن شمالي وعن يميني

....................

وصلنا الشام آه يالشام .. ما ينحمل طاريها
ياريت موسدة بقبري .. ولا طبيت واديها
ياخويا يقصر لساني .. عن أهوال الشفت بيها

على بوابة الساعات .. تلوح قبالنا الرايات
ضليت اجذب الحسرات .. تمنيتك عدل ياحسين
وبلحدي تواريني

....................

خويا والخرابة شلون .. أوصف لك مصايبها
مهدومة وبليا فراش .. نتوسد ترايبها
وماتت فاطمة بيها .. محد من قرايبها

بكت ياحسين ممدودة .. عليها الجبد ممروده
وعلي مبهوظ بقيوده .. وانا انخاكم يا عز الجار
لكن ماتجيبوني

....................

يابو السجاد ما تنهض .. العيله وصلت بيها
محفوظة كرامتها .. دوم محافظة عليها
درب الوعر والغربة .. ياخويا من يقاسيها

شمر الرجس حادينا .. صوته يلتوي علينا
تقعد وصلت سكينة .. بهمة وحشم العباس
يابن امي وتلكوني

....................

وصلناكم يابو فاضل .. ولاجيتوا تنزلوني
هاي الروس جبناها .. ومنكم نطلب العونه
راس حسين سمحولي .. ترى هي مكسرة سنونة

مصيبة ماقدر احجيها .. روحي تمرمرت بيها
اسمع مني تاليها .. بطشت الذهب كسرهن
يزيد وتنظره عيوني