رابط قصير:
صفحة 1 من 2 12 الأخيرةالأخيرة
النتائج 1 إلى 5 من 9
الموضوع:

دارميات عتاب الحبيب دارميات خرافية

الزوار من محركات البحث: 14366 المشاهدات : 21076 الردود: 8
جميع روابطنا، مشاركاتنا، صورنا متاحة للزوار دون الحاجة إلى التسجيل ، الابلاغ عن انتهاك - Report a violation
  1. #1
    مراقب
    من اهل الدار
    تاريخ التسجيل: سبتمبر-2013
    الدولة: Nasiriyah,Iraq
    الجنس: ذكر
    المشاركات: 22,853 المواضيع: 4,912
    التقييم: 9979
    مزاجي: Thankfully Walker case
    المهنة: teacher
    أكلتي المفضلة: Yes, anything from God
    موبايلي: GALAXY S3 تفلش بالكاع
    مقالات المدونة: 1
    SMS:
    اذا طـعـنـك شـخـص بـخـنـاجـر لـسـانـه فـلا تـطـعـنـه بـنـفـس الـخـنـجـر مــا دام بــإمــكــانــك قــتــلــه بــسـيــف ابـتــسـامـتــك

    دارميات عتاب الحبيب دارميات خرافية

    عمري الخلص زينات صرت انا شينه
    حته النحبه اليوم يضحـك عليـنه


    نمطر محبة وشوك وطيبة ومحنه
    و عز وكرم واحسان جي طبع اهلنه



     
    تدري الزعل وياك شيسوي بية
    احس السما ويا الكاع طبكن علية
     


    اشلونه الوكت وياك ابذني الايام
    ظالم رحم مابيه من همه ما انام


     
    جرح الغرب يا صاح ما منة طيبة
    ولو طحت وانته هناك ما هي غريبة


     
    موروحي بيه تعيش كمت انه اشك بيك
    ومرات احاچي الروح حسبالي احاچيك


     
    ريتك مرض وتصير مابين الضلوع
    ومزمن تصير وياي موتشفه باسبوع



    لو حبي بيك اندار صدك يسلك
    تدريني احبك موت ماحاجه اكلك


     
    فركاكم سهم مضرب بالكلب نابت
    راسلني يا المحبوب ولا تضل ساكت




    ارد انخى هالنسوان خية ابجن ابجن

    مرة اعلى ولفي الراح مرة اعلى هلجن



    ما ظل كتر بالروح ما بيه جرح حار
    حتى الجرح مجروح جرح بجرح صار



    بالك تهاب الموت دوس الثنيه
    هم شفت واحد مات گبل المنيه





    شدالدهر وياي اول شبابي
    كل مااكول يهون يكثر عذابي



    اهلا وسهلا بيك نورت داري
    من شفت وجهك طل انطفت ناري



    ثلثين الك بالگلب والك بالثلث ثلثين

    باقيلي ثلث الثلث هم الك بيه ثلثين



    اليون تالي الليل لا بد عله اسباب
    لو دهر موچر بيه لو ذاچر أحباب



    مخلص تظل للدوم هذا أنت طبعك
    وغصبن عللى الحساد أنت احلى ربعك



    نمطر محبة وشوگ صدگوني ألكم
    ومندز رسالة بليل لو مانحبكم



    مو تاجر انه احزان تاجر محبة
    والگلب لو ينساك والكعبة أذبه



    کون الگلب بی باب وانتو اقفاله
    واجعلکم اعله الباب واگعد اگباله



    اتمنه لو بالطیف هم تمر بیه
    نتشابگ انه و یاک ونفز سویه


    الكلب لوينساك للسوك اجيبة

    واكتب عليه للبيع خاين حبيبة



     أنهجم بيته الليل هاطوله بجفاك
    وبطول أظفري أيصير من أكعد وياك



    وسفة على هاي الناس وعلى الاخوة
    ليش التريدة الروح ينساهه كوة


    ماناسي والينساك ماعنده خوة
    بس الوكت مرات يلهينه كوة



    ادري الوكت مرات يلهينه كلنا
    اقسملك واحنه متغربين ماننسه اهلنا



    نمطر محبة وشوك وطيبة ومحنة
    و عز وكرم واحسان جي طبع اهلنة



    باقي ويالبذات والماله جاره
    صدكوني جاجنيت لوما الجكاره



    ياوكت خله الذيب يشاور ارانب
    واصبح عراقي اليوم يحكمونه اجانب



    الكلب بجفاك فاض من العيون
    مو حب طبيعي اهواك بيك انه مجنون



    رحم الله امك حيل جابت حليبك
    ممكن امون عليك، واصبح حبيبك



    أنت الگلب والروح وانت المحنة
    والگلب لوينساك أتبرة مننه



    يم بيتي ريتك كون واشمرلك العين
    تشبعلي منك شوف وتردها بعدين



    لو فد سباق يصير ياهو أجمل الناس
    وانرش عليك أتراب هم تاخذ الكاس




    اتمنه هسه وياك واكعد وحاجيك
    وبيه الدمع بلعين يهيج بواجيك



    بسته ثلاث بوسات ماجاني بسته
    وطعم العسل يااحباب بالشفه ضكته



    بسته وحلات البوس بعد التجافي

    وكلبي على البوسات يحسد شفافي



    ما ناسي والينساك ما عنده خوة
    بس الزمن مرات يلهيني كوة




    أمسح جرح سيال ينزف الثاني
    تقبل تضل فرحان وابقة أنة أعاني



    شعر وقصايد بيك صرت أكتب أني
    متكللي هم الفراك من وين أجاني



    جك جك تطيح الناس بس آنه طباه
    اسم الله محد كال كالولي وجعاه



    من عيني اطلع الماي واكتب على الروح
    اجمل بطاقة عيد لعيونك تروح



    هم قصف هم قناص هم شهر حاسم

    جا وين اودي هواي من نهر جاسم


    اسال علیکم دوم کل فکری یمکم
    هذا الزمن غدار باعدنی عنکم


    حلوة وعليهة اعيون مثل الغزالة
    والشعر لون الليل والخد هلالة




    من كثر تعب الروح ما تگدر اتصيح
    شايلهة بيدي اشيول بس اغفل اتطيح



    جتفت روحي جتاف كل ظني تنساك
    من روحي طلعت روح كالتلك أهواك



    للجنة اهدي الروح ولكل الاعضاء
    واهدي عبير الشوق للحلوة اسماء



    ما انسى اني اهواى لوطلقة بالراس
    جوة القبر ذكراه تنطيني انفاس


    لعيونج الحلوات ارسل بريدي
    ولشوفتج اسماء اكطع وريدي



    لو عددت العزاز لاترفع ايدك
    هيه المعزه اتكوم وتكول اريدك


    ياخوية شنهو الصار وشنهي القضية

    ليش من ادك عليك مترد علية



    يالتسأل على عبيد ماكو بحلاته
    من كد جمال عبيد ضاعت صفاته



    ريت الله لا ينطيك يالصحت بسمة
    فز فزت العصفور كلبي شيلزمة



    بكلبي ماناسيك وبفكري كل ساع
    وروحي اذا تنساك اركعها بل كاع



    صابر اضل للموت بس كون اشوفك
    تدري انت كلش زين مابية اعوفك
     

    صرت إنت وبدنياي صرت إنت كلشي
    والدنيا وبلياك ما تسوى كلشي



    ما نمت طول اليل حلف المخدة
    الدمع صاير سيل للركبة حدة



    هاك اخذ كلبي وياك حطه على صدرك
    خاف الفراك يطول هو اليذكرك





    أنسه المضه والراح ماريد أشوفك
    حجيك جذب ياحيف أنه أرد أعوفك

    عيدين الك هليت فطر وضحيه
    يالبيك الف عاشور مراً علي



    كلماتي مو اشعار كلماتي تاريخ

    ومن افتح الشفتين تطلع صواريخ


    خايب ونيني عليك جا ماله حوبه
    صاروا فريق عداي وصرت انه طوبه




  2. #2
    مشرف المنتدى الرياضي العام
    برشلوني انيــق
    تاريخ التسجيل: يوليو-2013
    الدولة: * بــ*ـــلاد الرافـــديـ*ـــن *
    الجنس: ذكر
    المشاركات: 9,027 المواضيع: 1,299
    التقييم: 4407
    مزاجي: فرحان مكيف متونس ^_0
    المهنة: مبرمج
    أكلتي المفضلة: برياني
    موبايلي: Galaxy s3
    الاتصال: إرسال رسالة عبر Yahoo إلى ᾋĿἿ ƝὛṂᾋȒ
    مقالات المدونة: 21
    SMS:
    عاشِـــرْ أُنَاسـاً بِالـذَّكَـاءِ تَمَيَّـزُوا وَاخْتَـرْ صَدِيقَكَ مِنْ ذَوِي الأَخْـلاقِ
    شكرا لك دارميات جميلة تم التنزيل

  3. #3
    ♥وفخآـأمة الـاسمِ تَكْفي♥
    عبّعوِبّۂ~
    تاريخ التسجيل: أغسطس-2013
    الجنس: أنثى
    المشاركات: 3,573 المواضيع: 219
    التقييم: 1203
    آخر نشاط: منذ 11 ساعات
    SMS:
    ‏أبتعِدوٌا عنْ أعراَض غيِركٌم وَ أحفظوٌا ألسّنتكٌم عنْ الناسّ فَ الدٌنيَا مٌخِيفَہ وَ مَن عابْ أبتلىَ ❤️'!
    حلوات كلش
    عاشت الايادي

  4. #4
    من أهل الدار
    تاريخ التسجيل: يونيو-2013
    الدولة: العراق - الناصرية
    الجنس: ذكر
    المشاركات: 7,505 المواضيع: 896
    التقييم: 3735
    مزاجي: لا يحسد عليه
    المهنة: موظف
    أكلتي المفضلة: ما عدت اشتهي اي شيء
    موبايلي: Samsung Galaxy
    الاتصال: إرسال رسالة عبر Yahoo إلى عمار الوائلي
    مقالات المدونة: 5
    SMS:
    علمنى كيف انساك وكيف افتك من كفى جراح هواك ما عدت ابحث بين الحشود عنى لكنى اخشى ان صحوت يوما فى عيونى القاك
    شكرااا محمد عاشت الايادي

  5. #5
    مراقب
    من اهل الدار
    اقتباس المشاركة الأصلية كتبت بواسطة ᾋĿἿ ƝὛṂᾋȒ مشاهدة المشاركة
    شكرا لك دارميات جميلة تم التنزيل
    انت الاجمل نورتني

صفحة 1 من 2 12 الأخيرةالأخيرة

(( ما يلفظ من قول إلا لديه رقيب عتيد )) (( ما يلفظ من قول إلا لديه رقيب عتيد ))

المواضيع المتشابهه

  1. انثى خرافية ....
    بواسطة ابورأفت السودانى في المنتدى بــقـلمــــــي
    مشاركات: 10
    آخر مشاركة: 21/أكتوبر/2013, 11:12 م
  2. دارميات عراقية 2013 ، دارميات عراقية حزينة
    بواسطة ★ملك★ في المنتدى منتدى الشعر الشعبي
    مشاركات: 10
    آخر مشاركة: 16/مارس/2013, 5:58 م
  3. منتجعات خرافية
    بواسطة ابويقين في المنتدى منتدى الصور و الفيديو العام
    مشاركات: 3
    آخر مشاركة: 8/أكتوبر/2012, 4:54 م
  4. كعكات زواج خرافية
    بواسطة شاكر زايد خليف العتابي في المنتدى منتدى حواء
    مشاركات: 4
    آخر مشاركة: 18/أغسطس/2012, 3:57 م
تم تطوير موقع درر العراق بواسطة Samer

قوانين المنتديات العامة

Google+ PureTune