رابط قصير:
صفحة 1 من 3 123 الأخيرةالأخيرة
النتائج 1 إلى 5 من 13
الموضوع:

تحيه الى جميع اعظاء المنتدى اخوكم الزيدي

الزوار من محركات البحث: 3011 المشاهدات : 5961 الردود: 12
جميع روابطنا، مشاركاتنا، صورنا متاحة للزوار دون الحاجة إلى التسجيل ، الابلاغ عن انتهاك - Report a violation
  1. #1
    صديق جديد
    تاريخ التسجيل: يوليو-2011
    الجنس: ذكر
    المشاركات: 2 المواضيع: 2
    التقييم: 1
    آخر نشاط: 6/يوليو/2011

    تحيه الى جميع اعظاء المنتدى اخوكم الزيدي

    ♥ادري من الحلاة تشرك لهاة الناس
    واليشرك يصيح الماي الحكوني
    وانه شلون بيه من الحلاة البيك
    ماشركة لهاتي الشركن عيوني

    انته من تحجي تره الساني يضيع

    مثل ام بالسوك ومضيعه طفل
    ظلمه خلو صوبنه بلا كهرباء
    ودي خدك النه بلكت تشتعل

    تمشي مو عالكاع جنك لو مشيت

    الناس كله تصيح وجهك دوره
    كلهه تلتم من تجي وجنك ثواب
    والمايعرفك راح جاب جدوره

    اذا بس مره احبك كلشي ماسويت

    واذا مليون احبك يعني مااحبك
    يمعود دخفف من جمال البيك
    الوادم من جمالك كامت تسبك

    بوسه انطيني كتلك ماكفرت شصار

    جبت امك عليه وكبت الهوسه
    حلكك بي اشكال انطيني خدك عاد
    وجنك ماشفتني وماخذ البوسه

    لاتخليلي ملح وتكلي نام

    هيه ياعين التغمض عالملح
    ولاتكلي شبيك شو مامستراح
    وانته وسط جلاي زارعلك رمح

    مجنون بغرامك واعترف بيك

    الكلب اعمه لجن ماعاف دربك
    انه القافل عليك وما اخليك
    يجي واحد على الحاضر يحبك
    اغنيها برساله لجن ماكول
    احنه شبينه عمي ما نعجبك
    تصح ومضة شعر تفرش دواوين
    ويصح ديوان ما يفرش حصيره
    وتصح كومة زلم ما تسوه فلسين
    ويصح مثلك اخو يسوه العشيره

    شيجيب باجر واكعد وياك

    واظمنك كلب مابين الظلوع
    واذا باجر اجه وماجابك ويه
    اكض باجر واشمرنه من الاسبوع

    يالجمالك بالمدارس درسو

    والصفوف انترست ابحبك ترس
    رسبو الطلاب كلهم بالاخير
    خلصوها استاذ عيدلنه الدرس

    لا تروح الأي عرس خايف عليك

    ودير بالك لمن ايعزمونك
    الناس عطشانه شهر شربت بديك
    خاف شربت ماكو ويشربونك

    كلش دخت بيك منين مخلوق

    اذا من طين اشكن كلش بهاي
    كلها بماي تسبح وتنظف الناس
    وانته بنور جسمك يسبح الماي

    لا تدنك عالذهب لو شفته طاح

    هوه يخضعلك اذا شافك قنوع
    وجوه تمثال الذهب لا تستراح
    لان بس تطلع شمس لازم يموع
    انته ووشاع الشمص فد ساعه صار
    ومنكم انتو ثنينكم ناخذ ضوانه
    ومن نزلتو اعله البشر صار اشتباه
    الشمس عل كاع تمشي وانته مشتول بسمانه
    عاتب لو تحس وياي باقي اعتاب
    وبيبان العتب وياك مفتوحه
    سر واحد بقالي وما كدرت احجيه
    وانته تحوم يمه ورايد تبوحه

    __________________


    يالجمالك بالمدارس درسوه

    والصفوف انترست بحبك ترس
    ورسبوا الطلاب كلهم بالأخير
    خلصوها استاد عيدلنه الدرس
    ==============
    لاتطالبني بأمر بي معجزات
    لأن ماعندي گلب يتعذرك
    تريد مني اذكرك شي مستحيل
    غير كون انساك حته اذكرك
    ==============
    من چفك أغار لچفك ايلوح
    أگص ايدك إذا لاحتها إيدك
    أكتب ما أريدك تنشف الما
    ينشگ دفتري وتبقه أريدك
    ==============
    بگلبي اتسابقوا لعبوا الحلوين
    خسرت كلها بالدور البدائي
    وانته بلا لعب صاعد على الكاس
    بحلاتك ربك مصعدك نهائي
    ==============
    آني ماشايف مثل وجهك جميل
    وهيچي مثل عيونك آني ماشفت
    من گلتلي اهواك مدري شبية صار
    هيچي واگف وحدي وبوحدي طحت
    ==============
    أگص الساني خاطر بعد ماحاچيك
    خاطر ينتهي البينك وبيني
    لگيت النوب عيني اسولف اوياك
    گلي أشلون اگص السان عيني
    ==============
    ياباقة ورد أهديلك انته شلون
    الورد منك خجل مايدخل السلة
    لأن مثلك ورد منوجد في هالكون
    إذا إنته الورد في عالمك كله
    ==============
    من وره الحايط شفت چتفك جميل
    گلت أگرب حتى اصدگ اضنوني
    ومن درت وجهك علي وتبسميت
    شكر من وجهك طفر بعيوني
    ==============
    تعال بكل وكت تلگاني موجود
    بس كونك تجي مو ما تجيني
    واذا ماجيتني هم تنحسب جاي
    لأن موجود انته بوسط عيني
    ==============
    ناذر للوطن عمري وانه الممنون
    وابيع الروح بارخص لو نزل سوگة
    طابوگة اشتريت وماخذت دبدوب
    خفت يوم الوطن يحتاج طابوگة
    ==============
    سكرت وگلت بلكي بسكري أنساك
    صبيتك هموم بكاسي وشربتك
    شربت الكاس كله وللچعب دگيت
    حسبالي نسيتك بالچعب شفتك
    ==============
    تريد الناس اسولف وآنه كلي هموم
    خانگني الدمع ماأگدر احچي
    إذا حته الدمع من شافني بهالحال
    لبس أسود علية وگام يبچي
    ==============
    بعيونك سحر يسجدله كل سحار
    واليخزرك هلاك والله يستر
    إذا برمضان تطلع انته فد يوم
    تشوفك عيد كل الناس تفطر
    ==============
    مر بية نهر عطشان الك موت
    يمته جروفي يرون بيك يمته
    ماطاب الجرح لتشوفه ملموم
    من گد الألم عظ اعله شفته
    ==============
    گلناله حلو وبس الله يدري شلون
    صرنه عيون كلنه ومنه مانشبع
    گلناله الشمس بس تطلع انته تغيب
    عله اعناد الشمس كل ساعة ظل يطلع
    ==============
    إنته قمة بكلشي وبكلشي ملاك
    وكلشي بيك مرتب وحسب الأصول
    إنته غيرك من يمر توگفله ناس
    وانته لو مريت توگفلك عقول
    ==============
    امن اعيونك أعرفك وافتهم شتگول
    واقره بكل وضوح اشتكتب اعيونك
    شلونك من تگلي الدنيه بية تطير
    واعوف الدنيه كلها وأشبگ اشلونك
    ==============
    سلم من تمر ماتسوه دنياك
    ولاتحمل زعل وتشيل غيضة
    مو بيضة أطگ لو سلمت يوم
    أطگ بگصتك عشرين بيضة
    ==============
    آنه احبك مو لأن انته حلو
    چنت اظن گلبك حلو وحبيتك
    ومن شفت گلبك مثل باقي الگلوب
    خذت گلبي اوياك هالماجيتك
    ==============
    گتله احبك گال أدري
    گتله وانته؟ گال مدري
    گتله كون انته بمچاني
    ومرة عانيت بكثر ماچنت اعاني
    چاگلت اوه امداني
    وامده الجابك علية
    وامده اليمك خذاني
    اشوية وخر
    وامده الواگف گبالي
    وامده الواگف وراني
    ==============
    تالي الليل اگلهم باچر انساك
    أفز من غبشة الله واحچي بس بيك
    بغيرك فكرت ردت آنه أنساك
    طلع غيرك يشبهك فكرت بيك
    ==============
    يالكلچ براءة وكلشي يوصف بيچ
    وتشوفچ اعيون الناس المْغمضة
    الشارع بي صداع ايصير من تمشين
    طوله ايگوم يفتر يردم ابعُرضه
    ==============
    فتت من باب بيتك والدمع سال
    بچيت وطاح مني نظر عيني
    عميت وردت أوصل عتبة البيت
    إجتني العتبة من سمعت ونيني
    ==============
    أشوفچ مومثل ماشوف كل الناس
    لأن رقة جمالچ عالأرض تحفة
    وحذرچ وحدچ بالغرفة لتگعدين
    بس تصفن لحسنچ توگع الغرفة
    ==============
    ردت أبچي بوداعك بس گلت هيهات
    ماطخ راس الك يمخيب اضنوني
    سيطرت اعله روحي وگلت الله اوياك
    ماطاح الدمع بس طاحن اعيوني
    ==============
    كتاب انته انكتب كل شي حلو بيك
    وما مليت منك من قريتك
    لو أدري المكاتب منك تبيع
    بعت الروح لجلك واشتريتك
    ==============
    رحت اعزي بيوم ميتلي قريب
    ولو فتت يهواي أشوفنك ردت
    وانته لمن جيت آنه بلا شعور
    بالعزة آنه بأعلى صوتي هلهلت
    ==============
    من گد ماترف ينشاف ماي البيك
    تخجل من ضواك وتنطفي الشمعة
    واظن سنتين واكثر حبلت امك بيك
    لأن دقة جمالك مو شغل تسعة
    ==============
    لتگلي اعله مثلك ما أحصل وين
    أشگر داخ منك حته كل اشگر
    مو كلمن حلو ويلمع تحضنه الناس
    هم كلش حلو وهم يلمع الخنجر
    ==============
    أگلك شغلة بس ماتزعل اوياي
    گبل ماگول أحلف حتى اگلك
    سبيت امة محمد بالجمال البيك
    اشايل من جمال اشتعلوا اهلك
    ==============
    بده العام الدراسي وكيفت حيل
    حبيبي اليوم راح ايروح مدرسته
    أمشط شعري گمت وچلب اوياي
    شلعته وبالعجل رحت آنه قابلته
    ==============
    أبيض مثلك ابيض ماكو بالكون
    ولايحمل بياضك أيًٍ من كان
    من اللبن ماخذ لون الخدود
    لذلك من اضوگك ابقه نعسان
    ==============
    أيس لاتضن ابعيني گطرة ماي
    أبچيها عليك وتغرگ اخدودي
    عنودي وما أحن لو تنزف العينين
    وبضنك لاتضن ايحن العنودي
    ==============
    صح آنه چبير وعمري بالعشرين
    أول مرة احس بعيد ميلادي
    حسيته صدگ من صرتي إنتي وياي
    وصارت كلها حلوة اوياچ أعيادي
    ==============
    مركز للحسن وجناتك الحلوات
    وشفافك للنحل صارن خلية
    تتأثر الوجنة بخطوتك عالگاع
    وتهتز كالجلي گد مـا طرية
    ==============
    عندك نور يشبه نور الهلال
    يعني انته گمر وهلال تنقاس
    إصعد فوگ بيتك باچر وشوف
    إذا مو عگب باچر تفطر الناس
    ==============
    آنه من شفتك حبيبي توهميت
    نور وجهك هذا لو شمس الظهر
    آنه لو بيدي لسويلك مقام
    ومو خمس مرات اصليلك عشر
    ==============
    اعيوني ابغير رسمك كرهن الشوف
    اوعندي اخلاف عينك مالهن داعي
    ولأن بذراعي اشمن ريحتك دوم
    تجي ساعات افكر آكل اذراعي
    ==============
    أحذرك لو تريد اسوي عركة اوياي
    ماشايفني حقك لمن اتعارك
    أشگ حلگك ابوسة ومنك آخذ ثار
    بلكي تهد علية وتاخذ بثارك
    ==============
    أحبك حب ولا مر اعله إنسان
    تدري شگد احبك راح افهمك
    حلمت آنه بالجنة وانته بالنار
    أكفر گمت حته انتقل يمك
    ==============
    على نار انتظر ومتاني الاحباب
    واندگ باب بيتي والگلب ذاب
    اطلعت للباب عود الباب افتحه
    لگيت الباب طالع فاتح الباب
    ==============
    ابوطنة الضحكة شردت من الحلوگ
    والعيدية دوم مزاعله الإيد
    يجينه العيد چان ومامش اهدوم
    هسه اهدوم عدنه ومايجي العيد
    ==============
    شگد شايف شفايف فوگهن شامات
    مثل شفتك أبد ما ملتقي بشفة
    تكض اللفة تاكل من تحس بجوع
    من كثر الحلاوة تعضك اللفة
    ==============
    يا أول عشگ ياخذني لبعيد
    يا أول محب يحتل كياني
    زعلت اوياك مرة وخلصت اوياك
    وآني اوياك صار وطلگاني
    ==============
    آنه البيت عندي وكلشي حاويه
    بالايجار الوكت گعدني بالدار
    وگلت بگليبي أسكن مايهمني البيت
    طلع حتى الگلب گاعد بالأيجار
    ==============
    كل حلو ينباس بس انته الوحيد
    دخنه بيك وعدنه صارت هوسة
    خدك ايكهرب واليبوسه يطيح
    گمنه من ابعيد ناخذ بوسة
    ==============
    چم محب حاول صدگ ينسه الحبيب
    وآنه من انساك اظل دايخ عليك
    إنته حبك يختلف فد شي غريب
    حته نسيانك حلو يذكرني بيك
    ==============
    عذاب البرزخ آنه تعذبت بيك
    ولكن بالگلب ظل حبك ايزيد
    واذا گالولي عوفه وجنة ننطيك
    أريدن برزخك أي جنة ماريد
    ==============
    أمس اباب بيتك ضاعت الروح
    واجيت آنه أدور هم شفتها
    أظن لمن گعدنة بعتبة الباب
    رحت آنه وبقت يمك عفتها
    ==============
    جبتلي گلب ثاني بلكت انساك
    صارتلي مصيبة وحبك الثاني
    عليك تعاركوا هذا كتل ذاك
    زعل گلبي اعله گلبي وموتاني
    ==============
    شميتك گبل ماقاومت وياي
    ولميتك نفس واتعثر بلمك
    وهسه تريد اشمك خايف آنه اعليك
    يمكن راح اخلصك لمن اشتمك
    ==============
    سألوني وتهت من رادوا يسألون
    ياهو انته بهويتك ياإسم شلته
    جاوبت بصراحة وچنت افكر بيك
    نسيت اسمي الثلاثي وجاوبت انته
    ==============
    إذا عينك سفينة تسابق الإعصار
    أكيد السفن يمها بلا وشك ترسي
    ولأن خايف تحسدك ياحبيبي الناس
    عليك الفلق أقره وآية الكرسي
    ==============
    جمالك معجزة وخدين مو خدين
    كلش ضاويات ونورهن يسطع
    وهيه المعجزة بخدودك الحلوات
    لأن أول گمر وية الشمس يطلع
    ==============
    بس اوياك احسن روحي تريد
    وغيرك ماشفت حته آنه اريدن
    واگف عالمنصة ومن جبت طاريك
    گمت لروحي اصفگ حتى اعيدن
    ==============
    چنت آنه اويه غيرك كلي اجروح
    أتعنه المصايب والچم اجروحي
    لكن منعرفتك گمت احب الروح
    ومن گد ماأحبك گمت احب روحي
    ==============
    شاعر عاش عمره بحسرة العوز
    وشاعر بالترف من عاش عمره
    شوف انته الفرق مابين الاثنين
    ياشاعر تحس من تقره شعره
    ==============
    بالحلم چن نهر دجلة بلايه ماي
    ناشف ومرمية بي جثة قتيل
    واسألت گالولي شارد للفرات
    لأن شاف ابمايه ورقة اتگول شيل
    ==============
    أحب روحي گمت شعلية بالناس
    خل اللي يگول ايگول اناني
    چي غيرك بعد ما حبت الروح
    أحب آني گمت چي احبك آني
    ==============
    أگول مزاعلك حته آنه اراضيك
    لأن وكت الصلح تغفه ايدي بيدك
    واگلك ما أريدك خاطر اتشوف
    أحبك حته لمن ما أريدك
    ==============
    ماحب غيري أحد يمشي وياك
    أغار اعليك حته من خيالي
    كون اصعد واضمك فوگ النجوم
    حته الناس جوه وإنته عالي
    ==============
    من گالوا إجه الكل طلعوا ايكرضون
    والبيبان طلعت هيه والعتبة
    ومن گد ماحلو لزموا سرة ايسألوه
    شنهي انته حلاتك صدگ لو چذبة
    ==============
    كون ايصير كلشي بعمري مگلوب
    وارضه بكل شي يطلع عن أصوله
    كون اول حياتي الكبر والشيب
    وآخر لحظة من عمري الطفولة
    ==============
    چنت محتاج اشوفك من چنت
    ماشوف
    ردتك عين الية بوكت عازة
    گزازة انته واضمك بين العيون
    وياعين التغمض عالگزازة
    ==============
    كتبت اسمك بصفحة حايط البيت
    ومن حس بحنانك صار مسكين
    طاح البيت لمن إنته مريت
    ولك حبك سطر حته الحياطين
    ==============
    أحس بطعم شوگك وانته زعلان
    ومن تبعد جمالك أكثر ايزيد
    يجيني العيد أفرح ألبس الوان
    وانته من يجيك يلبسك العيد
    ==============
    منهو الگالك بيك آنه مجنون
    ومنهو الگالك ماكو مثالك
    گبل لتروح خل اتراهن اوياك
    من باچر أحب انته بدالك
    ==============
    الگالك إنته حلو ماأنصفاك
    وانته شفاف وتموت من اللمس
    مغيمة خايب وانته مايع چاشلون
    يمكن انته اتموت لوتطلع شمس
    ==============
    سولفلي اعله كيفك حته اعرف البيك
    وانته بكيفك احچي امنين ماتبدي
    رايد كلمة منك خايب انته اشبيك
    وآنه اباب حلگك گاعد امجدي
    ==============
    بحلاتك سيد وينگالك مولاي
    ومن گد مادخت گتلك يمولاتي
    شفتك غوشت عيني وگمت ماشوف
    درت وجهي صفح شافتك اذاناتي
    ==============
    من گد ماحلو محد مشه اوياك
    والماشاك هم ماظل يماشيك
    إهو ماشاف دربة إتعثر وطاح
    لإن گظاها بس ايعاين اعليك
    ==============
    مو بس آني أذوب وأخدر إعليك
    إمن احلم بيك حته فراشي يخدر
    منو گال الگمر يفتر على الگاع
    الگمر شافك وداخ وگام يفتر
    ==============
    حلو وتتگلب ويختلف وضعك
    وگذلتك طايرة وتلعب على الريح
    الوحيد انته حلو ومحد يتبعك
    لأن من تمر كلها تدوخ وتطيح
    ==============
    اسهامك عذبني كطعني
    وارافس واضحكت چي ضحك سنك
    اشردت منك أحس مرتاح لني
    طلعت بيك آنه شارد موش منك
    ==============
    هوه غيرك من اشمنه أموت
    لكن آنه ارجع عدل لو شم هواك
    تدري آنه اشگد احبنك بحيث
    من تهد انته علي افزع وراك
    ==============
    عليك الگلب ثابت قفل مقفول
    وأموت وما أدور عن بديلك
    مو وكت الصلاة بس گمت اصلي
    أصلي لخاطرك حته أندعيلك
    ==============
    وي محمد انته تتغدة واموت
    والله حاير بيك شحچيلك شگول
    من يشوف اطفال دمها اعله الرصيف
    إنته گلي اشلون يتغده الرسول
    ==============
    يوم الاسود يوم گلبي ارتبط بيك
    وساعة السودة اعله دربك من فتت
    متت منك يالچنت ميت عليك
    يعني مرتين آنه من أجلك متت
    ==============
    ما أستثني منك كلشي بيك اهواه
    وماأستثني مني بكلشي احبنك
    إذا وجهي اعله كيف اختاره آنه ايصير
    ثق أختار وجهك حته اشبهنك
    ==============
    من درت عينك شفت والله عيون
    ومن درت الوجه شفت الشمس طلعت
    ومن درت الشعر رأسا اجانه الليل
    لأن خافت شمسنه وبالعجل شلعت
    ==============
    حرت مابين شفتك والجمال البيك
    متگلي اشايل من خرة بحظك
    لو شافوا حلو تعضعض شفتها الناس
    ومن اتشوفه إنته الشفة لتعضك
    ==============
    شيجيبك يباچر والتقي اوياك
    واشيلنك گلب مابين الاضلوع
    واذا باچر إجه وما جابك اوياه
    أكض باچر واشيلنه من الاسبوع
    ==============
    أحبك ماأحبك آنه ميت بيك
    وگلبي بغير حبك يعلن افلاسه
    أمشيلك واجيك وماأخاف الليل
    ولو دربك بعيد وبيه علاسه
    ==============
    ثق لو بالعراق ايصير طوفان
    ونبي الله نوح ايرد علينه
    يباوع بالبشر مايلگه إنسان
    ويصعد وحده وتمشي السفينة
    ==============
    أعدك دوم أول من اعد اعزاز
    وانته بيا مكان تحطني من اتعد
    يالأنشد عليك شما گصيت اوياي
    چا هلبت علية وبالچذب تنشد
    ==============
    تدري السبب ليش اعليك ماأنشد
    لأن سلوة دليلي ورسمك بعيني
    وبس يغمض جفنها إلك أشتاگ
    وانته بكل صلافة تگلي ناسيني
    ==============
    هم تدري صرت مني اقرب امن الروح
    لأن إنته النفس اليصعد وينزل
    وما أعرف مكانك من اعد اعزاز
    بس كلش قليل بحقك الأول
    ==============
    آنه أدري شگد تحبني
    بكثر ماضاگ الوطن طعم الأمان
    وانته تدري شگد احبك؟
    بكثر راتب كل عضو بالبرلمان
    ==============
    ماأسولف بيك واحسبلك حساب
    آنه أعرف وزنك ومقياسك
    إنته أصلا تافه وراسك زغير
    وبس اسولف بيك اكبر راسك
    ==============
    أشد بجروح حبك واشتهي انساك
    واگول ارتاح لو مرة نسيتك
    نسيتك عود لحظة وكيفت بيك
    واگف بالدمع عالخد لگيتك
    ==============
    شفتك ماگمتلي بساعة المريت
    بية الصوچ وانته من الذنب خالي
    خدرانات أدري من التعب رجليك
    هلگد ماتروح وترجع ابالي
    ==============
    مدري ليش اعيونك ادوخني بيك
    هيه نظرة وينخطف كل لوني
    مدري بعيونك سحر يسحرني ليك
    مدري هيه مچلبة بيك اعيوني
    ==============
    أسلاك وحواجز واعمدت دخان
    مامعقولة يابغداد هاي انتي
    گبل چان الورد مالي الشوارع بيچ
    هسه بكل متر مزروع تي أن تي
    ==============
    شوف اللعب عدهم شوف الفنون
    منو يگدر عليهم برشلونة
    يلزم طوبة ميسي ايخوط بالگول
    والحارس يموت ويشيعونه
    ==============
    ميت بيك ميت والنفس خلصان
    واتشاهد إذا مريت بية
    حالي اوياك هيچي وإنته موجود
    چا شيصير من تبعد علية
    ==============
    بابك ما أدگه وإنتهى الموضوع
    وگلبي اعله البعد گتلك قنعته
    واذا مرة لگيت الباب مشلوع
    يعني الشوگ الك هزني وشلعته
    ==============
    گلت باچر أجيك وفرحت الروح
    وگلبي من الفرح وياي طاير
    شفت باچر بعيد وطول اوياي
    رحت آنه اعلمودك جبت باچر
    ==============
    خليتك رسم وعيوني ترسم بيك
    وغير عيوني ماواحد يرسمك
    صاحوني شكثر بسمي وچنت ناسيه
    وگلتلهم نعم من صاحوا اسمك
    ==============
    هاك الروح اخذها وآنه ممنون
    ماأنطيك عيني وماأعوفك
    مو بخلا عليك وشنهي العيون
    إذا أنطيك عيني ابيش اشوفك
    ==============
    مثل لهفة سجين ايتاني الافراج
    عليك آنه صرت صدگني ملهوف
    واذا گتلك أحبك آنه غلطان
    لأن حته الأحبك ناقصة حروف
    ==============
    تعبت اوياك آنه وحيل مليت
    وگتله لگلبي كافي وماأريده
    بديت بصفحة بيضة وگلت أنساك
    طويت الصفحة شفتك بالجديدة
    ==============
    أغار اعليك من گلبي والعيون
    لذلك آنه حاير وين اشيلك
    وحقي ماأجيلك آنه معذور
    أغار اعليك مني وماأجيلك
    ==============
    ابطولة أحله واحد إحنه فوزناك
    بطل تستاهل انته الكاس چاگوه
    لأن ياهو اليشوفك گال هذا ايفوز
    والماشايفك هم گال إي هوه
    ==============
    إنته بعيوني وبعدني ابچي عليك
    شلون لو يوم اطلعت من عيني
    من كثر حبك دخت كلش بحيث
    إنته أندلك وادور ويني
    ==============
    ردت احبك واستحيت وبطلت
    خايف اشما أوفي ماترضالي
    لأن لجل اهواي مرة اتخبلت
    وگال موشي ومارضه اعله اخبالي
    ==============
    گلبت بوراقي بس اسمك لگيت
    وماكو غير اسمك إسم بوراقي
    كلها گالت راقي عنك من اجيت
    وكلها گالت ماكو غيرك راقي
    ==============
    الحكومة انطت شعبها ارقام وارقام
    حته ايخابر ويشرح اهمومه
    شعب خارج نطاق التغطية ايعيش
    إذن شيسوي بارقام الحكومة
    ==============
    ماأشوف شگد علي مروا ألوف
    گلها مو بالبال وانته ابالي
    انته بس اشما ردت عنك ألوف
    اشما أفر راسي تصير اگبالي
    ==============
    غيري ماشافك وغيرك ماأشوف
    إنته كل الكون تتراوالي
    إنته لو مو آنه مالك كل وجود
    وآنه لو مو إنته أعمه شحالي
    ==============
    آنه لو جيتك أجيلك جاري ماي
    واشيكضه الماي گلي لو جره
    وعنك آنه اشما رحت تلگاني جاي
    من كثر ماحبك ارجع لي وره
    ==============
    آنه مدري اشلون ظلت بية روح
    من خذنك بالحلم ذرعاني
    أحچي بيك الساني ماسمعني صوت
    ضل عليك ايغار مني لساني
    ==============
    مابدلك لأن ربك أمرني
    إذا يخلقلي ثاني ايجوز ابدلك
    واذا بدلتك آني افترض فد يوم
    هم اكره بديلك حته اردلك
    ==============
    أحبك حب ولامر اعله إنسان
    تدري اشگد احبك راح اگلك
    لو إنته حبل وتشد رگبتي
    واحس بروحي تطلع ماأفلك
    ==============
    گبل چنت آنه احبك چنت دايخ بيك
    أحبك حب نظيف وخالي من الغش
    بس هسه مااحبك هسه اموت اعليك
    مو كلش أحبك زدت عالكلش
    ==============
    من ظيم العلي ظليت ابيع اهموم
    واسعار الهموم مسجلة بخدي
    الرايد حزن ياخذ حزن ويروح
    والرايد فرح يعذرني ماعندي
    ==============
    يومية الصبح أسمع خبر موزين
    ويومية العصر أسمع فجيعة
    عراق وكلك اسود حته الاخبار
    الابيض بيك بس وجه المذيعة
    ==============
    آية من الجمال ويصعب التفسير
    وشنو آنه وافسر للخلگ آية
    أخذ مره گعد يم الامراية احتار
    دنت روحه اعله روحه وباس المراية
    ==============
    ماندگ اعله الخشب لمن تفوت
    نضرب اعله الوجه مدري شبينه
    تحتيي الموته ولا واحد يموت
    لو تجي شفافك اتبوس بينه
    ==============
    اسنين الم بشعرك وشعرك طويل
    الله ياشعرك يتعب متوني
    ربعه لميته وبعد ماظلي حيل
    لو ألمن بعد تعمه عيوني
    ==============
    مرة مدري اشبية جيت امشي وراك
    جيت اشوف الناس الي يحبونك
    حقها هاي الناس مجنونة بهواك
    تغار عينك لو تشوف اعيونك
    ==============
    من تفتح عين تضوي دنيتي
    من تفتح ثنين نار وتشتعل
    گلت خل اوصف جمالك يالحلو
    وانته شيوصفك إذا تكتل كتل
    ==============
    لاتظن انساك يالرايد تغيب
    ولاتظن اطيب گلبي اجروحه
    إنته روحي اتريد اكرهك مستحيل
    وهم شفتلك بشر يكره روحه
    ==============
    الناس تخاف ماتحمل هويات
    الهوية بجيبهم صارت منية
    ذبوها المنية وطلعوا الناس
    لگوهم جثث مجهولة الهوية
    ==============
    هذوله من طغوا صحنه لهذولاك
    أجو عالصوت فوراً وانتخوله
    واجت نفس الوجوه وذولة ذولاك
    نصيح المن ونخلص من هذوله
    ==============
    دمك نفس دمي وثبت بالتحليل
    وچذب لا إنته اخوي ولا إبن عمي
    صرت نفس الفصيلة وياي تعرف ليش
    لان خلصت عمرك تشرب بدمي
    ==============
    عشرة اويه المناية ورفگت ادروب
    مثل عشرة شذر وية المحابس
    اتركن ماي النهر ماتغفه عالماي
    على اگبور الشباب اتحط نوارس
    ==============
    علامة بكل درب صرنالك شلون
    تمر وتگول ماشفت العلامة
    يتامه وننتظر جيتك واذا جيت
    يبين العيد بوجوه اليتامة
    ==============
    بعيد الله الچبير اتعيد الناس
    وگبل العيد كلها اتخيط هدوم
    وانه بكل عيد اظل مدنگ الراس
    وادية مزرفة امن خياط الهموم
    ==============
    إذا شمسين تطلع كارثة اصير
    وجمالك هذا گلي منين جبته
    اتفق وية الشمس لدوخ الناس
    لوتطلع شمس لوتطلع انته
    ==============
    حبا بالشعب واتحده الارهاب
    وعن هذا كلامي آنه مسؤول
    گطعت الكهربا عنكم يالاحباب
    ماأرضه عراقي يموت منتول
    ==============
    ملينه الخطب ملينه الاعذار
    صدگني بعد عذرك ممقبول
    إذا عندك بقت ذرة كرامة
    عزلها الوزارة وشيل التيول
    ==============
    مو صوچ البلم من غرگ الناس
    الناس أصلا هيه غرگانة
    ولاصوچ الحرامي الباگ هالبيت
    راعي البيت نام وناسي بيبانه
    ==============
    حط اذنك على گلب المسلم
    وركز واسمع كلشي زين
    متأكد من تسمع گلبه
    اتسمعه يدگ حسين حسين
    ==============
    إذا ناوي تحب وتكون ولهان
    لاتخفي خجل بيك المشاعر
    واذا قصدك تحبني كون يفلان
    حبني انسان لتحبني كشاعر
    ==============
    من مرنه الشته وماعدنه قمصان
    ندفه على اوراق الجرايد
    وماننشر بعد بس نحفظ اشعار
    شفنه النار تاكل بالقصايد
    ==============
    بس باوع علي وتبين الاعذار
    مامحتاج منك كلمة تتعذر
    من وجهك واعرفك بيك محتار
    معقولة الغدر مايعرف الخنجر
    ==============
    مرت سنة من العمر مرت گبلها سنين
    نتمنه چنه الكبر بس هسه متندمين
    جبنه العمر ننتظر قانعنه چان الصبر
    باچر يگول الفرح والباچر متانين
    ==============
    گاعد بس اشوفك إيد فوگ الإيد
    ومفتون بجمالك والگلب يسعر
    تگرب يمي خدك وآنه اگلك روح
    أخافن بس ابوسك يصعد السكر
    ==============
    من اول مشفتچ وآنه هايم بيچ
    دخلتي بگلبي شبسرعة سكنتينه
    عيد الحب يعيد بينه اظن بس يوم
    أشو وياچ كل عمري فلنتينه
    ==============
    المثلك مايخلي تشوفه عين الناس
    يظم روحه ميطلع بالشهر ساعة
    لأن اتعم علينه وملحدين انصير
    إذا شفناك نكفر حته بالطاعة
    ==============
    لاتوگف گبالي وتدري كلش زين
    امن اشوفنك اتلعثم كلي وي كلي
    ولون عندي جمالك والترافة البيك
    أموتها الشباب وزلم ماخلي
    ==============
    راضي آنه بقسمتي وشاكر اهل البيت
    وماريد المكان النفسك تقبله
    يامعمل كراسي وياحكومة خير
    فدوة الشعب رايد حته لو طبلة
    ==============
    بخيت الشاف وجهك لحظة باليوم
    جمال البيك عجبة يوگع بساع
    لتلوم الگلب مو وحدة معجب بيك
    إذا بچعوب رجلك معجبة الگاع
    ==============
    مجنون بجمالك آنه ياقيس
    وماتوصل جمالك ليلى بالكون
    من اتفوت ليلى اتشلع الگلوب
    وانته اويه الگلوب اتشلع اعيون
    ==============
    لاتصعد درج يالكلشي مايع بيك
    بالله اعله الدرج وطشرت كلك
    شعدك عالسطح والشمس تكتل فوگ
    لاتصعد نصيح السطح ينزلك
    ==============
    يالرايد تسافر مني مليت
    واحسك ياترف من يمي طافر
    لواشنطن تسافر انته ميصير
    واشنطن إلك لازم تسافر
    ==============
    أكرهنه اليظل يدلل اوياي
    بس انته ولك يعجب دلالك
    انشلع گلبي بجمالك شحچي وياك
    إذا مشلوع گلبك من جمالك
    ==============
    صديقي ايبيع طرشي وواگف السوگ
    وگتله شبيك باقي وهوه يمشي
    ولك صورة مهند حطها عالچيس
    مو بس يمشي صدگ يركض الطرشي
    ==============
    ماأكتب قصيدة اعليك للدوم
    قلمي اوياك ابد ماگعد حظه
    باول بيت أكتب وانته عالبال
    ومن اسمك أكتبه تصير ومضة
    ==============
    أخاف اعليك حته امن الهوه الهاب
    وگضيت العمر كله اعليك خايف
    شفتين البشر تملك بالوجوه
    وانته منين ماگلبك شفايف
    ==============
    ياكلشي وكلاشي ويااشكال ارناگ
    طفل گلبي تعده وشاف دكانك
    ظل واگف ابابك گتله اخذ شتريد
    شو رادك شلع وي قطعة اعلانك
    ==============
    اختصر ربك بعينك كل جمال الكون
    وبخدودك ترافة الماحواها انسان
    موش السان واحد يكفي يوصف بيك
    اليوصفك بعد يرادله الف السان
    ==============
    يمن بيك الجمال اتعده الحدود
    ومن خدك خذوا لمعات النجوم
    نحضر اهدوم حلوة لخاطر العيد
    وانته العيد لجلك يشتري هدوم
    ==============
    وي گلبي امن اسولف تسمع انته شلون
    چنت وين انته گاعد والحچي اسمعته
    حيرني الأمر بس طلع بية الصوچ
    أسولف للگلب والگلب ثاري انته
    ==============
    شگگت الرسايل حته أنساك
    ومن بالي شلت كل العناوين
    لگيت اسمك على الحيطان مكتوب
    أدري شلون افلشها الحياطين
    ==============
    صفات البيك ماشايلها إنسان
    ولاتگدر على اوصافك قصيدة
    العسل لو يوم صدفة اتلاگه وياك
    يمد ايده عليك ويلحس ايده
    ==============
    رئيس الدولة شاعر لو يصحله ايصير
    لأن شاهد بعينه وعاين الحالة
    تمثال الرئيس انداس بالرجلين
    والشاعر بقه وماطاح تمثاله
    ==============
    أبعد ياحزن خليني مرة ارتاح
    خل مرة بحياتي أفرح بروحي
    جبت اسنين عمري بس اصب ادموع
    أشل اجروح غيري وأنزف جروحي
    ==============
    مسجون الصدگ ياناس تدرون
    وخذوا كل الچذب طلقوا سراحه
    كل تعبان گالوا يبقه تعبان
    والمرتاح يحتاج استراحة
    ==============
    انته يالانواع بيك من الجمال
    گلي هم تنباع حته آنه اشتريك
    يم المراية تجي تباوع الناس
    وانته المراية تجي تباوع عليك
    ==============
    وصل حبي إلك حد ماهو معقول
    بحيث اوياي إنته وآنه مشتاگ
    تشابگني وتشاقيني واشاقيك
    واصيح الله اكبر بسك فراگ
    ==============
    من گد ماحلو من تطلع ايخطفوك
    وكل صيف التمره ينگلب أشه
    شفت عكس البشر لو حطت الرجلين
    الشوارع بيك هيه تگوم تتمشه
    ==============
    إنته بلايه صوت معذب الولهان
    واذا أحد يسمعك مات هالأحد
    وآنه بغير صوتك شالع الإذنين
    واحس آنه بغيابك ماكو چن محد
    ==============
    إنته بلايه آنه محد انصير
    وآنه بلايه إنته أبقه محد
    مو حزورة هاي تريد تفسير
    إنته وآنه واحد يعني ننعد
    ==============
    ماترهملي بس تفصال احس بيك
    ومر تكتل واضوگنك اشمحلاك
    هله بجيتك أصيح وإنته ماجاي
    واقشمرني واگوم اشباگ وياك
    ==============
    يمي بس صعب مو سهل ينلاح
    وافكر بيه دايخ يمته الوحه
    من گد ماحلو ومدوخ الناس
    من گد ماحلو داخ اعله روحه
    ==============
    تظل انته الهوه ونتنفسك دوم
    ودنيانه حبيبي انته شمسها
    گبال المراية تجي وتتعدل الناس
    والمراية گبالك تعدل نفسها
    ==============
    رقيق انته وحلو شخصك يشفاف
    يالعينك بحر وسهام رمشك
    شما وصفك حبيبي مقصر اوياك
    إذا حظنك إلك رايد يحظنك
    ==============
    لحيت اعله ابويه وگتله بيع البيت
    يمهم بيت بويه وخاف يتأجر
    فرح والله أبويه وگام يطي الوان
    طلع حته أبويه اعليچ هم يفتر
    ==============
    السر بمحبتك من اريد انساك
    شما أنساك احبك أكثر وأكثر
    أنسه وأنشغل وبعزة النسيان
    أتذكر نسيتك وارجع اتذكر
    ==============
    إذا ساس البشر من الرمل والطين
    إنته من الذهب بس منصنع ساسك
    واذا تسعة من عشرة ليوسف الحلوين
    إنته العشرة كلها بشعرة من راسك
    ==============
    تگدر بچم فلس تشري المستحيل
    بس تره الأخلاق ماإلها سعر
    سلم القمة يريد العنده حيل
    ويصعد بأخلاق بعدين الشعر
    ==============
    تعرف كلشي بية وماعرفت اشبيك
    لغز حلك لغز من يگدر يحلك
    راح اشرد واجيك ومدري ليش الخوف
    خاف تخاف مني بسدك اختلك
    ==============
    أگولن راح اسولف كلشي من الگاك
    واصفن وانشده من اگعد بگربك
    هلگد ماأحبك خلص حته الشوگ
    ماحبك گمت من كثر ماحبك
    ==============
    يلنك مو مثل كلمن مشه اعله الگاع
    ولا وصفك سهل لمن يوصفونك
    من ضحكة عيونك شفنه وجه العيد
    چا شنشوف لمن تضحك اسنونك
    ==============
    مادامك عدل ماشيها لتخاف
    من خصمك وابد لتشيل همه
    بس الحذر واجب لأن نوبات
    تره الرجلين منهم تجي الحمه
    ==============
    مو كلمن يدگلك صدره وفاي
    ولا كل أخ صدگ أخ ايتسمه
    أحيانا عدوك ينصح اوياك
    وبزادك أخوك ايخلي سمه
    ==============
    كتبت اسمك اعناد بورقة الشمات
    گالوا ينمسح وتراهنت يبقه
    رادوا يمسحونك بلكت آنه انساك
    حروفك چلبت وانمسحت الورقة
    ==============
    ربع حبي يعادل كل اللي يحبون
    ونص حبي إلك ماحبتك أمك
    من تنجرح إنته يسيل منك دم
    دروح افحص وشوفه دمي لو دمك
    ==============
    إذا فعلا تحبني هذا بيتي گريب
    جيب اهلك تعال ويالله خطبوني
    ولتگلي تعارف نرتبط بعدين
    تره صارت قديمة وداعت عيوني
    ==============
    من جاني الخبر گالولي إنته هنا
    تمنيتك بگربي وحيل اشمك
    وبلهفة إجيتك واسرع من الصوت
    لگيت گليبي واصل گبلي يمك
    ==============
    إذا بس مرة احبك كلشي ماسويت
    واذا مليون احبك يعني ماحبك
    يمعود دخفف من جمال البيك
    العالم من جمالك گامت اسبك
    ==============
    لأن مشتاگلك قررت احاچيك
    وعليك آنه اسألت كل ضني ألگاك
    وگفت اباب بيتك عود اتانيك
    شفت ضلي طلع يتمشه وياك
    ==============
    اويه غيرك بالحچي من احچي استاد
    وافلت بالحچي من احچي وياك
    تسواني وتسوى الراح والجاي
    وتسوه الكلشي إنته وحته تسواك
    ==============
    اشلعت گلبي واگل الناس مرتاح
    واحس آنه صرت بيدك مراجيح
    وسلني تمرجحك بيه صرت خيط
    وافكر بيك خاف انگطع واطيح
    ==============
    من كثر الحلاة تشرگ لهات الناس
    واليشرگ يصيح الماي الحگوني
    وآنه شلون بية من حلات البيك
    ماشرگت لهاتي شرگت اعيوني
    ==============
    شفتك مشتعل ردت آنه اطفيك
    ولأن رجلية ميته ازحوف اجيتك
    ومشلولة الإدين وصعبة اشيل الماي
    افتحت شريان گلبي وبيه طفيتك
    ==============
    إذا موبيك اسولف يعني ماموجود
    لأن بس بيك اسولف كل وكت آنه
    تدري انته بمكانك بية وين ايصير
    بس شوية اوخر تطلع اهنانه
    ==============
    يبو شعر الذهب لاتمر بالبستان
    لأن تصفن بطولك هالنواعير
    يوسف من جماله ابير ذبوه
    عجب لي هسه اخوتك مالگوا بير
    ==============
    يالكلك حلو وبالحسن ماتنقاس
    وتنگط عسل من جدمك لراسك
    قيس انته النحل شافك خطف مريت
    دنت نفسه عليك من الحلگ باسك
    ==============
    شيرسمون منك إنته مامرسوم
    سراب تصير بعيون الينظرونك
    رادوا حاولوا بس تدري من رسموك
    خيط ومسطرة وماجابوا عيونك
    ==============
    أمس روحي بشقة ضلت تسب بيك
    أبچيها ردت گمت الچم جروحي
    وتعاركت اويه روحي وصارت ازماط
    ومن گد ما أحبك طلعت روحي
    ==============
    خطية اعيوني شبگت طيفك بنوم
    صحيت وردت افكها مخيطة اخياط
    نفط وادموع الك رشيت الهدوم
    فرحني تعال بعود شخاط
    ==============
    كلش دخت بيك منين مخلوق
    إذا من طين اشكن كلش بهاي
    كلها بماي تسبح تنضف الناس
    ومن ايلوح جسمك ينضف الماي
    ==============
    نضحك بالچذب ونضمضم الدمعات
    ومكابر نشد احزامنه البايد
    چم دوب الصبر نگضي العمر صيام
    والعيد اليمرنه اتقشمر انعايد
    ==============
    شفت حسنك متت كلش وانتهيت
    وگمت افر بيدي ولك خايب شفر
    الشامة لبخدك ولك مو شامة هاي
    هاي آنه ابوستك ماخذ صفر
    ==============
    يالوجهك بالشمس من وصفوه
    والشعر چن الشعاع ونوره
    گال خل ناخذ صور للذكريات
    گتله وجهك يحرگلنه الصورة
    ==============
    بيه كل التعب من هذا الزمان
    تعب أكبر من حدودي وطاقتي
    ردت آخذ راحتي مرة ابتليت
    طلع واحد غيري ماخذ راحتي
    ==============
    آنه دوم الهج بإسمك مانسيت
    وصار حبك بيه أجمل سولة
    وحته من گد ماگمت أصفن عليك
    وحدة من اعيوني صارت حولة
    ==============
    حلو كلك حلو بس احله مابيك
    محد بالحسن شايل صفاتك
    العسل بس العسل يتشابه اوياك
    لأن شافك حلو صار بحلاتك
    ==============
    عفتك بالشمس حته اسمر اتصير
    واعيون الحواسد تگطع النظرة
    رديت ارد اشوفك من وصلت الگيت
    وجهك ماتغير والشمس سمرة
    ==============
    من جمالك كلها وگفت
    وآنه گاعد مستريح
    مو لأن مامنتبهلك
    لأن بس اوگف أطيح
    ==============
    خطار الحزن يومية بالبيت
    ولامرة الفرح مر بية خطار
    وعزيمة للفرح فد مرة سويت
    تيه باب بيتي وراح للجار
    ==============
    أحبك كلمة بس بلساني مانتگال
    أتهجاها گوة ويمك انساها
    أشوفك أنسه روحي وانسه كل الكون
    چا هالكلمة هاي شلون أقراها
    ==============
    ماأدري شيصير بحالي لو مريت
    أتراعش أگوم وعيني ماتغفه
    ومن الزم چفوفك أبرد بتموز
    چا بية شيصير امن الزم الشفة
    ==============
    حاچيت الگمر بالظهر گتله اشبيك
    شمالك بالصبح ماتطلع شوية
    جاوبني حبيبك للدوام ايروح
    وماترهم تلمنه اثنين صبحية
    ==============
    موش اعيون عدنك صدگ اولايات
    تفر بيها القوافي والشعر يبحر
    ردت مرة أوصف اعيونك احتاريت
    بديت برمش منك خلصت دفتر
    ==============
    لبست اسود مثل كل اليلبسون
    ونويت احزن مثل كل اليحزون
    علية شماله الاسود لعب الروح
    وعليك انته شحلاته يجيب العيون
    ==============
    صح انتي جميلة وطولچ شمحلاه
    بس عندچ غرور وخمشمچ شعلوه
    أنصحچ هالتكبر مايفيدچ يوم
    لأن أصل التواضع كمل الحلوة
    ==============
    ردت أكتب شعر بي تفرح العين
    وردت غير الحزن والدمعة موضوع
    وبديت آنه بقيصدة اتنگط افراح
    ومن گد الفرح هم طاحت ادموع
    ==============
    إنحب ياوطن واگضيها آهات
    وبعد لاتنخه ولدك مالك احد
    صحيح اسلام ونحب الصلاوات
    بس للأسف مانعرف محمد
    ==============
    شوصفك ياترف ياعسل ياشفاف
    عن كل البشر متميز بميزة
    الوادم من تسافر تختم وتأشير
    وانته امريكا لجلك تدخل بفيزة
    ==============
    قرينه بالدروس غراب عطشان
    حط اخوانه بالجرة وطلع ماي
    وقرينه بالطفوف حسين عطشان
    حط اخوانه كلهم ماطلع ماي
    ==============
    خطية شگد ابويه مصدگ بلير
    وعد يبني الوطن ويشغله حارس
    عشر اسنين نام وإگعد وشوف
    تلگه الدولة بس تصبغ مدارس
    ==============
    چانت دمعتي ابعيني بت بيت
    واضن حته الرمش مايدري بيها
    هسه الدمعة ضلت كاضة الباب
    الرايح واليجي يباوع عليها
    ==============
    كلمن مدلي چفه وكضلي اقليم
    وعلى لوح الوطن مارسموا الساس
    وهلگد ماتجر اچفوفهم بيه
    شگوا خارطتنه وطاحت الناس
    ==============
    گدامك طحت ماشفت وجهك گام
    هاك ابسط مثال وشوف وتصور
    ولك خشبة بطبر فرگست چف حطاب
    من شافت حطب گدامها اتطبر
    ==============
    من گد ما أحبك صرت دايخ بيك
    صوتي اتغير ووجهي ونبض گلبي
    والساني بعد مدري شجراله النوب
    يمكن راح اصيرن أشبه اللمبي
    ==============
    ماگلك أحبك چي صريح اوياك
    وانته البية عايش تعرف البية
    إذا اگلك أحبك أنحسب چذاب
    لأن مو مرة احبك لا900
    ==============
    اتحبني ماتحبني آنه اموت اعليك
    ايعجبك مايعجبك هو هذا آنه
    آنه من آنه أبطل لو لگيته بيوم
    وي غيرك يسولف واگطع السانه
    ==============
    بوسة انطيني گتلك ماكفرت اشصار
    گلت لامك علية وگبت الهوسة
    حلگك بي اشكال انطيني خدك عاد
    وچنك ماشفتني وماخذ البوسة
    ==============
    صاير جلد باب البيت وياك
    مدري شلون يتحمل لزمتك
    واحنه البيت يهتز لو تعديت
    وناس بناس توگع من خطفتك
    ==============
    آنه ماشايف تره بعيني أكيد
    وهايه عيني تشتغل بس عالرمش
    هسه شفتك إي صحيح وگمت اشوف
    ومن كثر ماركزت طاح الرمش
    ==============
    مايسوه البچي ولاتسوه الاحزان
    ولايرهم الهم ودمعة العين
    لو يسوه الحزن صدگني والله
    چا عاشور رجع إلنه الحسين
    ==============
    من يمر رمضان حاول لاتصوم
    إنته مو واجب شهر رمضانك
    لأن بلسانك عسل داير عليه
    يعني تفطر من تضوگ السانك
    ==============
    گبل الجدري بس اعله الجلد صار
    بس هسه الضماير صابهن جدري
    بميلاد ابن مريم تدري كلها الناس
    وبمولد محمد كلها ماتدري
    ==============
    جميل انته بجمالك دوخيت الناس
    وياهو الشاف شخصك صابته الجلطة
    يمعود دخيلك روح طب للبيت
    شفت دعوة عليك بمركز الشرطة
    ==============
    مرة الگمر شافك من طلعت بليل
    ضل يحرگ بروحه وجر ألف حسرة
    صفن صفنه اعله نفسه وگال مامعقول
    أكو غيري حلو موجود بالبصرة
    ==============
    وين ماألتفت بعيوني تصير
    ويمته ماأبچي على خدودي تصب
    بعد شلي بعيني يالصرت انته عين
    أخذ عيني وخل اشوفك بالگلب
    ==============
    آنه مال انساك أكبر مستحيل
    بية كل دگة گلب تحتاجلك
    وآنه ما أشتاگلك تدري انته ليش
    لأن ماناسيك حته اشتاگلك
    ==============
    من تمشي وتدوس برجلك انته ترات
    يطلعلك زمرد صافي من يملع
    هاي برجلك وهيچ التدوسه ايصير
    إذا لحت التراب بشفتك شيطلع
    ==============
    مرهون بجمالك بس كسير اجناح
    شفتك مرة وحدة وبعد ماعفتك
    عينك ليل ظلمة ووجنتك تفاح
    وشفتك ياغزال مطعمة بشفتك
    ==============
    كل عيد اليمر واجب أعيد الناس
    واسلم عالحبايب واحدا واحد
    بس انته سلامك يختلف عالناس
    أشگن صدري ولگلبي اعايد
    ==============
    سولف گول الك واهس تضل وياي
    واذا ماإلك واهس گول لاتخجل
    ما أقبل أحبك وانته مامرتاح
    وما أرتاح احبك وانته ماتقبل
    ==============
    آنه ماصدگت إنك خابريت
    من طلع إسمك نفض جسمي نفض
    وايدي مالحگت تفتح إتصال
    اتخربطت وضعيتي وانطيتك رفض
    ==============
    شفت إبنك عطش فكيت باب العين
    من ماي العيون الغالي شربته
    ومن شفتك جعت ماچان عندي اطحين
    عجنت ابني الزغير وچيمت بخته
    ==============
    من يوم الهويتك ماأفكر بيك
    رغم شوگ البگلبي الصار الك وحدك
    مافكر بشخصك مو لأن ناسيك
    لأن ابيش افكر والعقل عندك
    ==============
    القناعة اتضيع مني امن التقي اوياك
    وعيني لشوفتك ماعاد تكفيني
    ولأن يرادلك عين بكبر بغداد
    راح بإيدي اوسع خارطة عيني
    ==============
    أحبك مو مثل باقي اليحبون
    مجنون وعثرله بخيط مجنون
    إذا طيفك يجي أرميله چيلات
    واذا إنته تجي شرميلك اعيون
    ==============
    إنته غير الناس عنهم تختلف
    وماكو صورة تشبهك بكل الصور
    الگمر يصعد للسمه حته يصير
    وانته نزلتلك وصرتلها گمر
    ==============
    حبيبي العيد بعيونك والخدود
    واذا تضحك شفافك ينچفي العيد
    أريد اشرب شعر من هاي الشفاف
    واصيح الله عليك وشفتك اتعيد
    ==============
    صحرة ومتانين ماتمطر شجاك
    تدري عطشانين الك منذ الأزل
    وانته رحمة ونزلت اعله امك وابوك
    واعله هاي الفقرة ظيم الله نزل
    ==============
    أتنطر تجي وبس بيك اسولف دوم
    والم اسنين عمري وبيك اطشرهن
    يالعيونك خضر ورمشومك اتصب ماي
    مو طلعت شمس ماتطلع اتشرهن
    ==============
    آنه لوگتلك أجي معناها جاي
    وانته مامرة گلتلي وجيتني
    مرة أذكر بالحلم گتلي تعال
    واركض بنص الحلم خليتني
    ==============
    انموت فدوة ألمهم عمرك يطول
    لخاطرك صار الچفن ملبوسنه
    إنته تجرحنه ونگل للناس لا
    الوطن مايجرح يريد ايبوسنه
    عالسمه مو عالورق نكتب عراق
    حته من نقراها نرفع روسنه
    ==============
    أريد اكتب شعر بوصافك ومحتار
    شكتب عن اشفافك لو كحل عينك
    إذا كلك حلو وبالوجنة نور ونار
    يمكن من حليب الله خلق طينك
    ==============
    إذا رايد تسولف سولف بماعون
    عسل كلمات ثغرك لاتبديهن
    واذا دمعك نزل قارورة حط للعين
    دمعاتك شذر مو كفر تبچيهن
    ==============
    اشهل بياض البيك شتسوي تعال
    فوگـ هذا ولازم مراية بديك
    عمي لو عدنه مثل وجهك حرام
    انذب المرايات ونباوع عليك
    ==============
    واجب انبوسك إذا مرينه بيك
    ايطبه طوب الخلفك لو مارضه
    ايحطك ابيته ويظل قافل عليك
    ومن وره الشباچـ ونبوسك قضة
    ==============
    أحبك ثم احبك ثم احبك موت
    ماترهم أعوفك وانفرد وحدي
    منو بگدي يحبك دور اتحداك
    أمك لاچذب متحبك بگدي
    ==============
    لاتروح لأي عرس خايف عليك
    ودير بالك لمن يعزمونك
    الناس عطشانة شهر شربت بديك
    خاف شربت ماكو ويشربونك
    مكتبة الومضات
    --------------------------------------------------------------------------------
    مكتبــــــة الومضـــــات
    يالجمالك بالمدارس درسوه
    والصفوف انترست بحبك ترس
    ورسبوا الطلاب كلهم بالأخير
    خلصوها استاد عيدلنه الدرس
    ==============
    لاتطالبني بأمر بي معجزات
    لأن ماعندي گلب يتعذرك
    تريد مني اذكرك شي مستحيل
    غير كون انساك حته اذكرك
    ==============
    من چفك أغار لچفك ايلوح
    أگص ايدك إذا لاحتها إيدك
    أكتب ما أريدك تنشف الما
    ينشگ دفتري وتبقه أريدك
    ==============
    بگلبي اتسابقوا لعبوا الحلوين
    خسرت كلها بالدور البدائي
    وانته بلا لعب صاعد على الكاس
    بحلاتك ربك مصعدك نهائي
    ==============
    آني ماشايف مثل وجهك جميل
    وهيچي مثل عيونك آني ماشفت
    من گلتلي اهواك مدري شبية صار
    هيچي واگف وحدي وبوحدي طحت
    ==============
    أگص الساني خاطر بعد ماحاچيك
    خاطر ينتهي البينك وبيني
    لگيت النوب عيني اسولف اوياك
    گلي أشلون اگص السان عيني
    ==============
    ياباقة ورد أهديلك انته شلون
    الورد منك خجل مايدخل السلة
    لأن مثلك ورد منوجد في هالكون
    إذا إنته الورد في عالمك كله
    ==============
    آنه من ظهرك شفت بيك الجمال
    وجيت اشوفك حته اصدگ اضنوني
    ومن درت وجهك علي وتبسميت
    شكر من وجهك طفر بعيوني
    ==============
    تعال بكل وكت تلگاني موجود
    بس كونك تجي مو ما تجيني
    واذا ماجيتني هم تنحسب جاي
    لأن موجود انته بوسط عيني
    ==============
    ناذر للوطن عمري وانه الممنون
    وابيع الروح بارخص لو نزل سوگة
    طابوگة اشتريت وماخذت دبدوب
    خفت يوم الوطن يحتاج طابوگة
    ==============
    سكرت وگلت بلكي بسكري أنساك
    صبيتك هموم بكاسي وشربتك
    شربت الكاس كله وللچعب دگيت
    حسبالي نسيتك بالچعب شفتك
    ==============
    تريد الناس اسولف وآنه كلي هموم
    خانگني الدمع ماأگدر احچي
    إذا حته الدمع من شافني بهالحال
    لبس أسود علية وگام يبچي
    ==============
    بعيونك سحر يسجدله كل سحار
    واليخزرك هلاك والله يستر
    إذا برمضان تطلع انته فد يوم
    تشوفك عيد كل الناس تفطر
    ==============
    مر بية نهر عطشان الك موت
    يمته جروفي يرون بيك يمته
    ماطاب الجرح لتشوفه ملموم
    من گد الألم عظ اعله شفته
    ==============
    گلناله حلو وبس الله يدري شلون
    صرنه عيون كلنه ومنه مانشبع
    گلناله الشمس بس تطلع انته تغيب
    عله اعناد الشمس كل ساعة ظل يطلع
    ==============
    إنته قمة بكلشي وبكلشي ملاك
    وكلشي بيك مرتب وحسب الأصول
    إنته غيرك من يمر توگفله ناس
    وانته لو مريت توگفلك عقول
    ==============
    امن اعيونك أعرفك وافتهم شتگول
    واقره بكل وضوح اشتكتب اعيونك
    شلونك من تگلي الدنيه بية تطير
    واعوف الدنيه كلها وأشبگ اشلونك
    ==============
    سلم من تمر ماتسوه دنياك
    ولاتحمل زعل وتشيل غيضة
    مو بيضة أطگ لو سلمت يوم
    أطگ بگصتك عشرين بيضة
    ==============
    آنه احبك مو لأن انته حلو
    چنت اظن گلبك حلو وحبيتك
    ومن شفت گلبك مثل باقي الگلوب
    خذت گلبي اوياك هالماجيتك
    ==============
    گتله احبك گال أدري
    گتله وانته؟ گال مدري
    گتله كون انته بمچاني
    ومرة عانيت بكثر ماچنت اعاني
    چاگلت اوه امداني
    وامده الجابك علية
    وامده اليمك خذاني
    اشوية وخر
    وامده الواگف گبالي
    وامده الواگف وراني
    ==============
    تالي الليل اگلهم باچر انساك
    أفز من غبشة الله واحچي بس بيك
    بغيرك فكرت ردت آنه أنساك
    طلع غيرك يشبهك فكرت بيك
    ==============
    يالكلچ براءة وكلشي يوصف بيچ
    وتشوفچ اعيون الناس المْغمضة
    الشارع بي صداع ايصير من تمشين
    طوله ايگوم يفتر يردم ابعُرضه
    ==============
    فتت من باب بيتك والدمع سال
    بچيت وطاح مني نظر عيني
    عميت وردت أوصل عتبة البيت
    إجتني العتبة من سمعت ونيني
    ==============
    أشوفچ مومثل ماشوف كل الناس
    لأن رقة جمالچ عالأرض تحفة
    وحذرچ وحدچ بالغرفة لتگعدين
    بس تصفن لحسنچ توگع الغرفة
    ==============
    ردت أبچي بوداعك بس گلت هيهات
    ماطخ راس الك يمخيب اضنوني
    سيطرت اعله روحي وگلت الله اوياك
    ماطاح الدمع بس طاحن اعيوني
    ==============
    كتاب انته انكتب كل شي حلو بيك
    وما مليت منك من قريتك
    لو أدري المكاتب منك تبيع
    بعت الروح لجلك واشتريتك
    ==============
    رحت اعزي بيوم ميتلي قريب
    ولو فتت يهواي أشوفنك ردت
    وانته لمن جيت آنه بلا شعور
    بالعزة آنه بأعلى صوتي هلهلت
    ==============
    يالهمسك غنه ويالصفنتك موال
    وصفه لكل مريض يطيب اليسمعه
    واظن سنتين واكثر حبلت امك بيك
    لأن دقة جمالك مو شغل تسعة
    ==============
    لتگلي اعله مثلك ما أحصل وين
    أشگر داخ منك حته كل اشگر
    مو كلمن حلو ويلمع تحضنه الناس
    هم كلش حلو وهم يلمع الخنجر
    ==============
    أگلك شغلة بس ماتزعل اوياي
    گبل ماگول أحلف حتى اگلك
    سبيت امة محمد بالجمال البيك
    اشايل من جمال اشتعلوا اهلك
    ==============
    بده العام الدراسي وكيفت حيل
    حبيبي اليوم راح ايروح مدرسته
    أمشط شعري گمت وچلب اوياي
    شلعته وبالعجل رحت آنه قابلته
    ==============
    أبيض مثلك ابيض ماكو بالكون
    ولايحمل بياضك أيًٍ من كان
    من اللبن ماخذ لون الخدود
    لذلك من اضوگك ابقه نعسان
    ==============
    أيس لاتضن ابعيني گطرة ماي
    أبچيها عليك وتغرگ اخدودي
    عنودي وما أحن لو تنزف العينين
    وبضنك لاتضن ايحن العنودي
    ==============
    صح آنه چبير وعمري بالعشرين
    أول مرة احس بعيد ميلادي
    حسيته صدگ من صرتي إنتي وياي
    وصارت كلها حلوة اوياچ أعيادي
    ==============
    مركز للحسن وجناتك الحلوات
    وشفافك للنحل صارن خلية
    تتأثر الوجنة بخطوتك عالگاع
    وتهتز كالجلي گد مـا طرية
    ==============
    عندك نور يشبه نور الهلال
    يعني انته گمر وهلال تنقاس
    إصعد فوگ بيتك باچر وشوف
    إذا مو عگب باچر تفطر الناس
    ==============
    آنه من شفتك حبيبي توهميت
    نور وجهك هذا لو شمس الظهر
    آنه لو بيدي لسويلك مقام
    ومو خمس مرات اصليلك عشر
    ==============
    اعيوني ابغير رسمك كرهن الشوف
    اوعندي اخلاف عينك مالهن داعي
    ولأن بذراعي اشمن ريحتك دوم
    تجي ساعات افكر آكل اذراعي
    ==============
    أحذرك لو تريد اسوي عركة اوياي
    ماشايفني حقك لمن اتعارك
    أشگ حلگك ابوسة ومنك آخذ ثار
    بلكي تهد علية وتاخذ بثارك
    ==============
    أحبك حب ولا مر اعله إنسان
    تدري شگد احبك راح افهمك
    حلمت آنه بالجنة وانته بالنار
    أكفر گمت حته انتقل يمك
    ==============
    على نار انتظر ومتاني الاحباب
    واندگ باب بيتي والگلب ذاب
    اطلعت للباب عود الباب افتحه
    لگيت الباب طالع فاتح الباب
    ==============
    ابوطنة الضحكة شردت من الحلوگ
    والعيدية دوم مزاعله الإيد
    يجينه العيد چان ومامش اهدوم
    هسه اهدوم عدنه ومايجي العيد
    ==============
    شگد شايف شفايف فوگهن شامات
    مثل شفتك أبد ما ملتقي بشفة
    تكض اللفة تاكل من تحس بجوع
    من كثر الحلاوة تعضك اللفة
    ==============
    يا أول عشگ ياخذني لبعيد
    يا أول محب يحتل كياني
    زعلت اوياك مرة وخلصت اوياك
    وآني اوياك صار وطلگاني
    ==============
    آنه البيت عندي وكلشي حاويه
    بالايجار الوكت گعدني بالدار
    وگلت بگليبي أسكن مايهمني البيت
    طلع حتى الگلب گاعد بالأيجار
    ==============
    كل حلو ينباس بس انته الوحيد
    دخنه بيك وعدنه صارت هوسة
    خدك ايكهرب واليبوسه يطيح
    گمنه من ابعيد ناخذ بوسة
    ==============
    چم محب حاول صدگ ينسه الحبيب
    وآنه من انساك اظل دايخ عليك
    إنته حبك يختلف فد شي غريب
    حته نسيانك حلو يذكرني بيك
    ==============
    عذاب البرزخ آنه تعذبت بيك
    ولكن بالگلب ظل حبك ايزيد
    واذا گالولي عوفه وجنة ننطيك
    أريدن برزخك أي جنة ماريد
    ==============
    أمس اباب بيتك ضاعت الروح
    واجيت آنه أدور هم شفتها
    أظن لمن گعدنة بعتبة الباب
    رحت آنه وبقت يمك عفتها
    ==============
    جبتلي گلب ثاني بلكت انساك
    صارتلي مصيبة وحبك الثاني
    عليك تعاركوا هذا كتل ذاك
    زعل گلبي اعله گلبي وموتاني
    ==============
    شميتك گبل ماقاومت وياي
    ولميتك نفس واتعثر بلمك
    وهسه تريد اشمك خايف آنه اعليك
    يمكن راح اخلصك لمن اشتمك
    ==============
    سألوني وتهت من رادوا يسألون
    ياهو انته بهويتك ياإسم شلته
    جاوبت بصراحة وچنت افكر بيك
    نسيت اسمي الثلاثي وجاوبت انته
    ==============
    إذا عينك سفينة تسابق الإعصار
    أكيد السفن يمها بلا وشك ترسي
    ولأن خايف تحسدك ياحبيبي الناس
    عليك الفلق أقره وآية الكرسي
    ==============
    جمالك معجزة وخدين مو خدين
    كلش ضاويات ونورهن يسطع
    وهيه المعجزة بخدودك الحلوات
    لأن أول گمر وية الشمس يطلع
    ==============
    بس اوياك احسن روحي تريد
    وغيرك ماشفت حته آنه اريدن
    واگف عالمنصة ومن جبت طاريك
    گمت لروحي اصفگ حتى اعيدن
    ==============
    چنت آنه اويه غيرك كلي اجروح
    أتعنه المصايب والچم اجروحي
    لكن منعرفتك گمت احب الروح
    ومن گد ماأحبك گمت احب روحي
    ==============
    شاعر عاش عمره بحسرة العوز
    وشاعر بالترف من عاش عمره
    شوف انته الفرق مابين الاثنين
    ياشاعر تحس من تقره شعره
    ==============
    بالحلم چن نهر دجلة بلايه ماي
    ناشف ومرمية بي جثة قتيل
    واسألت گالولي شارد للفرات
    لأن شاف ابمايه ورقة اتگول شيل
    ==============
    أحب روحي گمت شعلية بالناس
    خل اللي يگول ايگول اناني
    چي غيرك بعد ما حبت الروح
    أحب آني گمت چي احبك آني
    ==============
    أگول مزاعلك حته آنه اراضيك
    لأن وكت الصلح تغفه ايدي بيدك
    واگلك ما أريدك خاطر اتشوف
    أحبك حته لمن ما أريدك
    ==============
    ماحب غيري أحد يمشي وياك
    أغار اعليك حته من خيالي
    كون اصعد واضمك فوگ النجوم
    حته الناس جوه وإنته عالي
    ==============
    من گالوا إجه الكل طلعوا ايكرضون
    والبيبان طلعت هيه والعتبة
    ومن گد ماحلو لزموا سرة ايسألوه
    شنهي انته حلاتك صدگ لو چذبة
    ==============
    كون ايصير كلشي بعمري مگلوب
    وارضه بكل شي يطلع عن أصوله
    كون اول حياتي الكبر والشيب
    وآخر لحظة من عمري الطفولة
    ==============
    چنت محتاج اشوفك من چنت
    ماشوف
    ردتك عين الية بوكت عازة
    گزازة انته واضمك بين العيون
    وياعين التغمض عالگزازة
    ==============
    كتبت اسمك بصفحة حايط البيت
    ومن حس بحنانك صار مسكين
    طاح البيت لمن إنته مريت
    ولك حبك سطر حته الحياطين
    ==============
    أحس بطعم شوگك وانته زعلان
    ومن تبعد جمالك أكثر ايزيد
    يجيني العيد أفرح ألبس الوان
    وانته من يجيك يلبسك العيد
    ==============
    منهو الگالك بيك آنه مجنون
    ومنهو الگالك ماكو مثالك
    گبل لتروح خل اتراهن اوياك
    من باچر أحب انته بدالك
    ==============
    الگالك إنته حلو ماأنصفاك
    وانته شفاف وتموت من اللمس
    مغيمة خايب وانته مايع چاشلون
    يمكن انته اتموت لوتطلع شمس
    ==============
    سولفلي اعله كيفك حته اعرف البيك
    وانته بكيفك احچي امنين ماتبدي
    رايد كلمة منك خايب انته اشبيك
    وآنه اباب حلگك گاعد امجدي
    ==============
    بحلاتك سيد وينگالك مولاي
    ومن گد مادخت گتلك يمولاتي
    شفتك غوشت عيني وگمت ماشوف
    درت وجهي صفح شافتك اذاناتي
    ==============
    من گد ماحلو محد مشه اوياك
    والماشاك هم ماظل يماشيك
    إهو ماشاف دربة إتعثر وطاح
    لإن گظاها بس ايعاين اعليك
    ==============
    مو بس آني أذوب وأخدر إعليك
    إمن احلم بيك حته فراشي يخدر
    منو گال الگمر يفتر على الگاع
    الگمر شافك وداخ وگام يفتر
    ==============
    حلو وتتگلب ويختلف وضعك
    وگذلتك طايرة وتلعب على الريح
    الوحيد انته حلو ومحد يتبعك
    لأن من تمر كلها تدوخ وتطيح
    ==============
    اسهامك عذبني كطعني
    وارافس واضحكت چي ضحك سنك
    اشردت منك أحس مرتاح لني
    طلعت بيك آنه شارد موش منك
    ==============
    هوه غيرك من اشمنه أموت
    لكن آنه ارجع عدل لو شم هواك
    تدري آنه اشگد احبنك بحيث
    من تهد انته علي افزع وراك
    ==============
    عليك الگلب ثابت قفل مقفول
    وأموت وما أدور عن بديلك
    مو وكت الصلاة بس گمت اصلي
    أصلي لخاطرك حته أندعيلك
    ==============
    وي محمد انته تتغدة واموت
    والله حاير بيك شحچيلك شگول
    من يشوف اطفال دمها اعله الرصيف
    إنته گلي اشلون يتغده الرسول
    ==============
    يوم الاسود يوم گلبي ارتبط بيك
    وساعة السودة اعله دربك من فتت
    متت منك يالچنت ميت عليك
    يعني مرتين آنه من أجلك متت
    ==============
    ما أستثني منك كلشي بيك اهواه
    وماأستثني مني بكلشي احبنك
    إذا وجهي اعله كيف اختاره آنه ايصير
    ثق أختار وجهك حته اشبهنك
    ==============
    من درت عينك شفت والله عيون
    ومن درت الوجه شفت الشمس طلعت
    ومن درت الشعر رأسا اجانه الليل
    لأن خافت شمسنه وبالعجل شلعت
    ==============
    حرت مابين شفتك والجمال البيك
    متگلي اشايل من خرة بحظك
    لو شافوا حلو تعضعض شفتها الناس
    ومن اتشوفه إنته الشفة لتعضك
    ==============
    شيجيبك يباچر والتقي اوياك
    واشيلنك گلب مابين الاضلوع
    واذا باچر إجه وما جابك اوياه
    أكض باچر واشيلنه من الاسبوع
    ==============
    أحبك ماأحبك آنه ميت بيك
    وگلبي بغير حبك يعلن افلاسه
    أمشيلك واجيك وماأخاف الليل
    ولو دربك بعيد وبيه علاسه
    ==============
    ثق لو بالعراق ايصير طوفان
    ونبي الله نوح ايرد علينه
    يباوع بالبشر مايلگه إنسان
    ويصعد وحده وتمشي السفينة
    ==============
    أعدك دوم أول من اعد اعزاز
    وانته بيا مكان تحطني من اتعد
    يالأنشد عليك شما گصيت اوياي
    چا هلبت علية وبالچذب تنشد
    ==============
    تدري السبب ليش اعليك ماأنشد
    لأن سلوة دليلي ورسمك بعيني
    وبس يغمض جفنها إلك أشتاگ
    وانته بكل صلافة تگلي ناسيني
    ==============
    هم تدري صرت مني اقرب امن الروح
    لأن إنته النفس اليصعد وينزل
    وما أعرف مكانك من اعد اعزاز
    بس كلش قليل بحقك الأول
    ==============
    آنه أدري شگد تحبني
    بكثر ماضاگ الوطن طعم الأمان
    وانته تدري شگد احبك؟
    بكثر راتب كل عضو بالبرلمان
    ==============
    ماأسولف بيك واحسبلك حساب
    آنه أعرف وزنك ومقياسك
    إنته أصلا تافه وراسك زغير
    وبس اسولف بيك اكبر راسك
    ==============
    أشد بجروح حبك واشتهي انساك
    واگول ارتاح لو مرة نسيتك
    نسيتك عود لحظة وكيفت بيك
    واگف بالدمع عالخد لگيتك
    ==============
    شفتك ماگمتلي بساعة المريت
    بية الصوچ وانته من الذنب خالي
    خدرانات أدري من التعب رجليك
    هلگد ماتروح وترجع ابالي
    ==============
    مدري ليش اعيونك ادوخني بيك
    هيه نظرة وينخطف كل لوني
    مدري بعيونك سحر يسحرني ليك
    مدري هيه مچلبة بيك اعيوني
    ==============
    أسلاك وحواجز واعمدت دخان
    مامعقولة يابغداد هاي انتي
    گبل چان الورد مالي الشوارع بيچ
    هسه بكل متر مزروع تي أن تي
    ==============
    شوف اللعب عدهم شوف الفنون
    منو يگدر عليهم برشلونة
    يلزم طوبة ميسي ايخوط بالگول
    والحارس يموت ويشيعونه
    ==============
    ميت بيك ميت والنفس خلصان
    واتشاهد إذا مريت بية
    حالي اوياك هيچي وإنته موجود
    چا شيصير من تبعد علية
    ==============
    بابك ما أدگه وإنتهى الموضوع
    وگلبي اعله البعد گتلك قنعته
    واذا مرة لگيت الباب مشلوع
    يعني الشوگ الك هزني وشلعته
    ==============
    گلت باچر أجيك وفرحت الروح
    وگلبي من الفرح وياي طاير
    شفت باچر بعيد وطول اوياي
    رحت آنه اعلمودك جبت باچر
    ==============
    خليتك رسم وعيوني ترسم بيك
    وغير عيوني ماواحد يرسمك
    صاحوني شكثر بسمي وچنت ناسيه
    وگلتلهم نعم من صاحوا اسمك
    ==============
    هاك الروح اخذها وآنه ممنون
    ماأنطيك عيني وماأعوفك
    مو بخلا عليك وشنهي العيون
    إذا أنطيك عيني ابيش اشوفك
    ==============
    مثل لهفة سجين ايتاني الافراج
    عليك آنه صرت صدگني ملهوف
    واذا گتلك أحبك آنه غلطان
    لأن حته الأحبك ناقصة حروف
    ==============
    تعبت اوياك آنه وحيل مليت
    وگتله لگلبي كافي وماأريده
    بديت بصفحة بيضة وگلت أنساك
    طويت الصفحة شفتك بالجديدة
    ==============
    أغار اعليك من گلبي والعيون
    لذلك آنه حاير وين اشيلك
    وحقي ماأجيلك آنه معذور
    أغار اعليك مني وماأجيلك
    ==============
    ابطولة أحله واحد إحنه فوزناك
    بطل تستاهل انته الكاس چاگوه
    لأن ياهو اليشوفك گال هذا ايفوز
    والماشايفك هم گال إي هوه
    ==============
    إنته بعيوني وبعدني ابچي عليك
    شلون لو يوم اطلعت من عيني
    من كثر حبك دخت كلش بحيث
    إنته أندلك وادور ويني
    ==============
    ردت احبك واستحيت وبطلت
    خايف اشما أوفي ماترضالي
    لأن لجل اهواي مرة اتخبلت
    وگال موشي ومارضه اعله اخبالي
    ==============
    گلبت بوراقي بس اسمك لگيت
    وماكو غير اسمك إسم بوراقي
    كلها گالت راقي عنك من اجيت
    وكلها گالت ماكو غيرك راقي
    ==============
    الحكومة انطت شعبها ارقام وارقام
    حته ايخابر ويشرح اهمومه
    شعب خارج نطاق التغطية ايعيش
    إذن شيسوي بارقام الحكومة
    ==============
    ماأشوف شگد علي مروا ألوف
    گلها مو بالبال وانته ابالي
    انته بس اشما ردت عنك ألوف
    اشما أفر راسي تصير اگبالي
    ==============
    غيري ماشافك وغيرك ماأشوف
    إنته كل الكون تتراوالي
    إنته لو مو آنه مالك كل وجود
    وآنه لو مو إنته أعمه شحالي
    ==============
    آنه لو جيتك أجيلك جاري ماي
    واشيكضه الماي گلي لو جره
    وعنك آنه اشما رحت تلگاني جاي
    من كثر ماحبك ارجع لي وره
    ==============
    آنه مدري اشلون ظلت بية روح
    من خذنك بالحلم ذرعاني
    أحچي بيك الساني ماسمعني صوت
    ضل عليك ايغار مني لساني
    ==============
    مابدلك لأن ربك أمرني
    إذا يخلقلي ثاني ايجوز ابدلك
    واذا بدلتك آني افترض فد يوم
    هم اكره بديلك حته اردلك
    ==============
    أحبك حب ولامر اعله إنسان
    تدري اشگد احبك راح اگلك
    لو إنته حبل وتشد رگبتي
    واحس بروحي تطلع ماأفلك
    ==============
    گبل چنت آنه احبك چنت دايخ بيك
    أحبك حب نظيف وخالي من الغش
    بس هسه مااحبك هسه اموت اعليك
    مو كلش أحبك زدت عالكلش
    ==============
    من ظيم العلي ظليت ابيع اهموم
    واسعار الهموم مسجلة بخدي
    الرايد حزن ياخذ حزن ويروح
    والرايد فرح يعذرني ماعندي
    ==============
    يومية الصبح أسمع خبر موزين
    ويومية العصر أسمع فجيعة
    عراق وكلك اسود حته الاخبار
    الابيض بيك بس وجه المذيعة
    ==============
    آية من الجمال ويصعب التفسير
    وشنو آنه وافسر للخلگ آية
    أخذ مره گعد يم الامراية احتار
    دنت روحه اعله روحه وباس المراية
    ==============
    ماندگ اعله الخشب لمن تفوت
    نضرب اعله الوجه مدري شبينه
    تحتيي الموته ولا واحد يموت
    لو تجي شفافك اتبوس بينه
    ==============
    اسنين الم بشعرك وشعرك طويل
    الله ياشعرك يتعب متوني
    ربعه لميته وبعد ماظلي حيل
    لو ألمن بعد تعمه عيوني
    ==============
    مرة مدري اشبية جيت امشي وراك
    جيت اشوف الناس الي يحبونك
    حقها هاي الناس مجنونة بهواك
    تغار عينك لو تشوف اعيونك
    ==============
    من تفتح عين تضوي دنيتي
    من تفتح ثنين نار وتشتعل
    گلت خل اوصف جمالك يالحلو
    وانته شيوصفك إذا تكتل كتل
    ==============
    لاتظن انساك يالرايد تغيب
    ولاتظن اطيب گلبي اجروحه
    إنته روحي اتريد اكرهك مستحيل
    وهم شفتلك بشر يكره روحه
    ==============
    الناس تخاف ماتحمل هويات
    الهوية بجيبهم صارت منية
    ذبوها المنية وطلعوا الناس
    لگوهم جثث مجهولة الهوية
    ==============
    هذوله من طغوا صحنه لهذولاك
    أجو عالصوت فوراً وانتخوله
    واجت نفس الوجوه وذولة ذولاك
    نصيح المن ونخلص من هذوله
    ==============
    دمك نفس دمي وثبت بالتحليل
    وچذب لا إنته اخوي ولا إبن عمي
    صرت نفس الفصيلة وياي تعرف ليش
    لان خلصت عمرك تشرب بدمي
    ==============
    عشرة اويه المناية ورفگت ادروب
    مثل عشرة شذر وية المحابس
    اتركن ماي النهر ماتغفه عالماي
    على اگبور الشباب اتحط نوارس
    ==============
    علامة بكل درب صرنالك شلون
    تمر وتگول ماشفت العلامة
    يتامه وننتظر جيتك واذا جيت
    يبين العيد بوجوه اليتامة
    ==============
    بعيد الله الچبير اتعيد الناس
    وگبل العيد كلها اتخيط هدوم
    وانه بكل عيد اظل مدنگ الراس
    وادية مزرفة امن خياط الهموم
    ==============
    إذا شمسين تطلع كارثة اصير
    وجمالك هذا گلي منين جبته
    اتفق وية الشمس لدوخ الناس
    لوتطلع شمس لوتطلع انته
    ==============
    حبا بالشعب واتحده الارهاب
    وعن هذا كلامي آنه مسؤول
    گطعت الكهربا عنكم يالاحباب
    ماأرضه عراقي يموت منتول
    ==============
    ملينه الخطب ملينه الاعذار
    صدگني بعد عذرك ممقبول
    إذا عندك بقت ذرة كرامة
    عزلها الوزارة وشيل التيول
    ==============
    مو صوچ البلم من غرگ الناس
    الناس أصلا هيه غرگانة
    ولاصوچ الحرامي الباگ هالبيت
    راعي البيت نام وناسي بيبانه
    ==============
    حط اذنك على گلب المسلم
    وركز واسمع كلشي زين
    متأكد من تسمع گلبه
    اتسمعه يدگ حسين حسين
    ==============
    إذا ناوي تحب وتكون ولهان
    لاتخفي خجل بيك المشاعر
    واذا قصدك تحبني كون يفلان
    حبني انسان لتحبني كشاعر
    ==============
    من مرنه الشته وماعدنه قمصان
    ندفه على اوراق الجرايد
    وماننشر بعد بس نحفظ اشعار
    شفنه النار تاكل بالقصايد
    ==============
    بس باوع علي وتبين الاعذار
    مامحتاج منك كلمة تتعذر
    من وجهك واعرفك بيك محتار
    معقولة الغدر مايعرف الخنجر
    ==============
    مرت سنة من العمر مرت گبلها سنين
    نتمنه چنه الكبر بس هسه متندمين
    جبنه العمر ننتظر قانعنه چان الصبر
    باچر يگول الفرح والباچر متانين
    ==============
    گاعد بس اشوفك إيد فوگ الإيد
    ومفتون بجمالك والگلب يسعر
    تگرب يمي خدك وآنه اگلك روح
    أخافن بس ابوسك يصعد السكر
    ==============
    من اول مشفتچ وآنه هايم بيچ
    دخلتي بگلبي شبسرعة سكنتينه
    عيد الحب يعيد بينه اظن بس يوم
    أشو وياچ كل عمري فلنتينه
    ==============
    المثلك مايخلي تشوفه عين الناس
    يظم روحه ميطلع بالشهر ساعة
    لأن اتعم علينه وملحدين انصير
    إذا شفناك نكفر حته بالطاعة
    ==============
    لاتوگف گبالي وتدري كلش زين
    امن اشوفنك اتلعثم كلي وي كلي
    ولون عندي جمالك والترافة البيك
    أموتها الشباب وزلم ماخلي
    ==============
    راضي آنه بقسمتي وشاكر اهل البيت
    وماريد المكان النفسك تقبله
    يامعمل كراسي وياحكومة خير
    فدوة الشعب رايد حته لو طبلة
    ==============
    بخيت الشاف وجهك لحظة باليوم
    جمال البيك عجبة يوگع بساع
    لتلوم الگلب مو وحدة معجب بيك
    إذا بچعوب رجلك معجبة الگاع
    ==============
    مجنون بجمالك آنه ياقيس
    وماتوصل جمالك ليلى بالكون
    من اتفوت ليلى اتشلع الگلوب
    وانته اويه الگلوب اتشلع اعيون
    ==============
    لاتصعد درج يالكلشي مايع بيك
    بالله اعله الدرج وطشرت كلك
    شعدك عالسطح والشمس تكتل فوگ
    لاتصعد نصيح السطح ينزلك
    ==============
    يالرايد تسافر مني مليت
    واحسك ياترف من يمي طافر
    لواشنطن تسافر انته ميصير
    واشنطن إلك لازم تسافر
    ==============
    أكرهنه اليظل يدلل اوياي
    بس انته ولك يعجب دلالك
    انشلع گلبي بجمالك شحچي وياك
    إذا مشلوع گلبك من جمالك
    ==============
    صديقي ايبيع طرشي وواگف السوگ
    وگتله شبيك باقي وهوه يمشي
    ولك صورة مهند حطها عالچيس
    مو بس يمشي صدگ يركض الطرشي
    ==============
    ماأكتب قصيدة اعليك للدوم
    قلمي اوياك ابد ماگعد حظه
    باول بيت أكتب وانته عالبال
    ومن اسمك أكتبه تصير ومضة
    ==============
    أخاف اعليك حته امن الهوه الهاب
    وگضيت العمر كله اعليك خايف
    شفتين البشر تملك بالوجوه
    وانته منين ماگلبك شفايف
    ==============
    ياكلشي وكلاشي ويااشكال ارناگ
    طفل گلبي تعده وشاف دكانك
    ظل واگف ابابك گتله اخذ شتريد
    شو رادك شلع وي قطعة اعلانك
    ==============
    اختصر ربك بعينك كل جمال الكون
    وبخدودك ترافة الماحواها انسان
    موش السان واحد يكفي يوصف بيك
    اليوصفك بعد يرادله الف السان
    ==============
    يمن بيك الجمال اتعده الحدود
    ومن خدك خذوا لمعات النجوم
    نحضر اهدوم حلوة لخاطر العيد
    وانته العيد لجلك يشتري هدوم
    ==============
    وي گلبي امن اسولف تسمع انته شلون
    چنت وين انته گاعد والحچي اسمعته
    حيرني الأمر بس طلع بية الصوچ
    أسولف للگلب والگلب ثاري انته
    ==============
    شگگت الرسايل حته أنساك
    ومن بالي شلت كل العناوين
    لگيت اسمك على الحيطان مكتوب
    أدري شلون افلشها الحياطين
    ==============
    صفات البيك ماشايلها إنسان
    ولاتگدر على اوصافك قصيدة
    العسل لو يوم صدفة اتلاگه وياك
    يمد ايده عليك ويلحس ايده
    ==============
    رئيس الدولة شاعر لو يصحله ايصير
    لأن شاهد بعينه وعاين الحالة
    تمثال الرئيس انداس بالرجلين
    والشاعر بقه وماطاح تمثاله
    ==============
    أبعد ياحزن خليني مرة ارتاح
    خل مرة بحياتي أفرح بروحي
    جبت اسنين عمري بس اصب ادموع
    أشل اجروح غيري وأنزف جروحي
    ==============
    مسجون الصدگ ياناس تدرون
    وخذوا كل الچذب طلقوا سراحه
    كل تعبان گالوا يبقه تعبان
    والمرتاح يحتاج استراحة
    ==============
    انته يالانواع بيك من الجمال
    گلي هم تنباع حته آنه اشتريك
    يم المراية تجي تباوع الناس
    وانته المراية تجي تباوع عليك
    ==============
    وصل حبي إلك حد ماهو معقول
    بحيث اوياي إنته وآنه مشتاگ
    تشابگني وتشاقيني واشاقيك
    واصيح الله اكبر بسك فراگ
    ==============
    من گد ماحلو من تطلع ايخطفوك
    وكل صيف التمره ينگلب أشه
    شفت عكس البشر لو حطت الرجلين
    الشوارع بيك هيه تگوم تتمشه
    ==============
    إنته بلايه صوت معذب الولهان
    واذا أحد يسمعك مات هالأحد
    وآنه بغير صوتك شالع الإذنين
    واحس آنه بغيابك ماكو چن محد
    ==============
    إنته بلايه آنه محد انصير
    وآنه بلايه إنته أبقه محد
    مو حزورة هاي تريد تفسير
    إنته وآنه واحد يعني ننعد
    ==============
    ماترهملي بس تفصال احس بيك
    ومر تكتل واضوگنك اشمحلاك
    هله بجيتك أصيح وإنته ماجاي
    واقشمرني واگوم اشباگ وياك
    ==============
    يمي بس صعب مو سهل ينلاح
    وافكر بيه دايخ يمته الوحه
    من گد ماحلو ومدوخ الناس
    من گد ماحلو داخ اعله روحه
    ==============
    تظل انته الهوه ونتنفسك دوم
    ودنيانه حبيبي انته شمسها
    گبال المراية تجي وتتعدل الناس
    والمراية گبالك تعدل نفسها
    ==============
    رقيق انته وحلو شخصك يشفاف
    يالعينك بحر وسهام رمشك
    شما وصفك حبيبي مقصر اوياك
    إذا حظنك إلك رايد يحظنك
    ==============
    لحيت اعله ابويه وگتله بيع البيت
    يمهم بيت بويه وخاف يتأجر
    فرح والله أبويه وگام يطي الوان
    طلع حته أبويه اعليچ هم يفتر
    ==============
    السر بمحبتك من اريد انساك
    شما أنساك احبك أكثر وأكثر
    أنسه وأنشغل وبعزة النسيان
    أتذكر نسيتك وارجع اتذكر
    ==============
    إذا ساس البشر من الرمل والطين
    إنته من الذهب بس منصنع ساسك
    واذا تسعة من عشرة ليوسف الحلوين
    إنته العشرة كلها بشعرة من راسك
    ==============
    تگدر بچم فلس تشري المستحيل
    بس تره الأخلاق ماإلها سعر
    سلم القمة يريد العنده حيل
    ويصعد بأخلاق بعدين الشعر
    ==============
    تعرف كلشي بية وماعرفت اشبيك
    لغز حلك لغز من يگدر يحلك
    راح اشرد واجيك ومدري ليش الخوف
    خاف تخاف مني بسدك اختلك
    ==============
    أگولن راح اسولف كلشي من الگاك
    واصفن وانشده من اگعد بگربك
    هلگد ماأحبك خلص حته الشوگ
    ماحبك گمت من كثر ماحبك
    ==============
    يلنك مو مثل كلمن مشه اعله الگاع
    ولا وصفك سهل لمن يوصفونك
    من ضحكة عيونك شفنه وجه العيد
    چا شنشوف لمن تضحك اسنونك
    ==============
    مادامك عدل ماشيها لتخاف
    من خصمك وابد لتشيل همه
    بس الحذر واجب لأن نوبات
    تره الرجلين منهم تجي الحمه
    ==============
    مو كلمن يدگلك صدره وفاي
    ولا كل أخ صدگ أخ ايتسمه
    أحيانا عدوك ينصح اوياك
    وبزادك أخوك ايخلي سمه
    ==============
    كتبت اسمك اعناد بورقة الشمات
    گالوا ينمسح وتراهنت يبقه
    رادوا يمسحونك بلكت آنه انساك
    حروفك چلبت وانمسحت الورقة
    ==============
    ربع حبي يعادل كل اللي يحبون
    ونص حبي إلك ماحبتك أمك
    من تنجرح إنته يسيل منك دم
    دروح افحص وشوفه دمي لو دمك
    ==============
    إذا فعلا تحبني هذا بيتي گريب
    جيب اهلك تعال ويالله خطبوني
    ولتگلي تعارف نرتبط بعدين
    تره صارت قديمة وداعت عيوني
    ==============
    من جاني الخبر گالولي إنته هنا
    تمنيتك بگربي وحيل اشمك
    وبلهفة إجيتك واسرع من الصوت
    لگيت گليبي واصل گبلي يمك
    ==============
    إذا بس مرة احبك كلشي ماسويت
    واذا مليون احبك يعني ماحبك
    يمعود دخفف من جمال البيك
    العالم من جمالك گامت اسبك
    ==============
    لأن مشتاگلك قررت احاچيك
    وعليك آنه اسألت كل ضني ألگاك
    وگفت اباب بيتك عود اتانيك
    شفت ضلي طلع يتمشه وياك
    ==============
    اويه غيرك بالحچي من احچي استاد
    وافلت بالحچي من احچي وياك
    تسواني وتسوى الراح والجاي
    وتسوه الكلشي إنته وحته تسواك
    ==============
    اشلعت گلبي واگل الناس مرتاح
    واحس آنه صرت بيدك مراجيح
    وسلني تمرجحك بيه صرت خيط
    وافكر بيك خاف انگطع واطيح
    ==============
    من كثر الحلاة تشرگ لهات الناس
    واليشرگ يصيح الماي الحگوني
    وآنه شلون بية من حلات البيك
    ماشرگت لهاتي شرگت اعيوني
    ==============
    شفتك مشتعل ردت آنه اطفيك
    ولأن رجلية ميته ازحوف اجيتك
    ومشلولة الإدين وصعبة اشيل الماي
    افتحت شريان گلبي وبيه طفيتك
    ==============
    إذا موبيك اسولف يعني ماموجود
    لأن بس بيك اسولف كل وكت آنه
    تدري انته بمكانك بية وين ايصير
    بس شوية اوخر تطلع اهنانه
    ==============
    يبو شعر الذهب لاتمر بالبستان
    لأن تصفن بطولك هالنواعير
    يوسف من جماله ابير ذبوه
    عجب لي هسه اخوتك مالگوا بير
    ==============
    يالكلك حلو وبالحسن ماتنقاس
    وتنگط عسل من جدمك لراسك
    قيس انته النحل شافك خطف مريت
    دنت نفسه عليك من الحلگ باسك
    ==============
    شيرسمون منك إنته مامرسوم
    سراب تصير بعيون الينظرونك
    رادوا حاولوا بس تدري من رسموك
    خيط ومسطرة وماجابوا عيونك
    ==============
    أمس روحي بشقة ضلت تسب بيك
    أبچيها ردت گمت الچم جروحي
    وتعاركت اويه روحي وصارت ازماط
    ومن گد ما أحبك طلعت روحي
    ==============
    خطية اعيوني شبگت طيفك بنوم
    صحيت وردت افكها مخيطة اخياط
    نفط وادموع الك رشيت الهدوم
    فرحني تعال بعود شخاط
    ==============
    كلش دخت بيك منين مخلوق
    إذا من طين اشكن كلش بهاي
    كلها بماي تسبح تنضف الناس
    ومن ايلوح جسمك ينضف الماي
    ==============
    نضحك بالچذب ونضمضم الدمعات
    ومكابر نشد احزامنه البايد
    چم دوب الصبر نگضي العمر صيام
    والعيد اليمرنه اتقشمر انعايد
    ==============
    شفت حسنك متت كلش وانتهيت
    وگمت افر بيدي ولك خايب شفر
    الشامة لبخدك ولك مو شامة هاي
    هاي آنه ابوستك ماخذ صفر
    ==============
    يالوجهك بالشمس من وصفوه
    والشعر چن الشعاع ونوره
    گال خل ناخذ صور للذكريات
    گتله وجهك يحرگلنه الصورة
    ==============
    بيه كل التعب من هذا الزمان
    تعب أكبر من حدودي وطاقتي
    ردت آخذ راحتي مرة ابتليت
    طلع واحد غيري ماخذ راحتي
    ==============
    آنه دوم الهج بإسمك مانسيت
    وصار حبك بيه أجمل سولة
    وحته من گد ماگمت أصفن عليك
    وحدة من اعيوني صارت حولة
    ==============
    حلو كلك حلو بس احله مابيك
    محد بالحسن شايل صفاتك
    العسل بس العسل يتشابه اوياك
    لأن شافك حلو صار بحلاتك
    ==============
    عفتك بالشمس حته اسمر اتصير
    واعيون الحواسد تگطع النظرة
    رديت ارد اشوفك من وصلت الگيت
    وجهك ماتغير والشمس سمرة
    ==============
    من جمالك كلها وگفت
    وآنه گاعد مستريح
    مو لأن مامنتبهلك
    لأن بس اوگف أطيح
    ==============
    خطار الحزن يومية بالبيت
    ولامرة الفرح مر بية خطار
    وعزيمة للفرح فد مرة سويت
    تيه باب بيتي وراح للجار
    ==============
    أحبك كلمة بس بلساني مانتگال
    أتهجاها گوة ويمك انساها
    أشوفك أنسه روحي وانسه كل الكون
    چا هالكلمة هاي شلون أقراها
    ==============
    ماأدري شيصير بحالي لو مريت
    أتراعش أگوم وعيني ماتغفه
    ومن الزم چفوفك أبرد بتموز
    چا بية شيصير امن الزم الشفة
    ==============
    حاچيت الگمر بالظهر گتله اشبيك
    شمالك بالصبح ماتطلع شوية
    جاوبني حبيبك للدوام ايروح
    وماترهم تلمنه اثنين صبحية
    ==============
    موش اعيون عدنك صدگ اولايات
    تفر بيها القوافي والشعر يبحر
    ردت مرة أوصف اعيونك احتاريت
    بديت برمش منك خلصت دفتر
    ==============
    لبست اسود مثل كل اليلبسون
    ونويت احزن مثل كل اليحزون
    علية شماله الاسود لعب الروح
    وعليك انته شحلاته يجيب العيون
    ==============
    صح انتي جميلة وطولچ شمحلاه
    بس عندچ غرور وخمشمچ شعلوه
    أنصحچ هالتكبر مايفيدچ يوم
    لأن أصل التواضع كمل الحلوة
    ==============
    ردت أكتب شعر بي تفرح العين
    وردت غير الحزن والدمعة موضوع
    وبديت آنه بقيصدة اتنگط افراح
    ومن گد الفرح هم طاحت ادموع
    ==============
    إنحب ياوطن واگضيها آهات
    وبعد لاتنخه ولدك مالك احد
    صحيح اسلام ونحب الصلاوات
    بس للأسف مانعرف محمد
    ==============
    شوصفك ياترف ياعسل ياشفاف
    عن كل البشر متميز بميزة
    الوادم من تسافر تختم وتأشير
    وانته امريكا لجلك تدخل بفيزة
    ==============
    قرينه بالدروس غراب عطشان
    حط اخوانه بالجرة وطلع ماي
    وقرينه بالطفوف حسين عطشان
    حط اخوانه كلهم ماطلع ماي
    ==============
    خطية شگد ابويه مصدگ بلير
    وعد يبني الوطن ويشغله حارس
    عشر اسنين نام وإگعد وشوف
    تلگه الدولة بس تصبغ مدارس
    ==============
    چانت دمعتي ابعيني بت بيت
    واضن حته الرمش مايدري بيها
    هسه الدمعة ضلت كاضة الباب
    الرايح واليجي يباوع عليها
    ==============
    كلمن مدلي چفه وكضلي اقليم
    وعلى لوح الوطن مارسموا الساس
    وهلگد ماتجر اچفوفهم بيه
    شگوا خارطتنه وطاحت الناس
    ==============
    گدامك طحت ماشفت وجهك گام
    هاك ابسط مثال وشوف وتصور
    ولك خشبة بطبر فرگست چف حطاب
    من شافت حطب گدامها اتطبر
    ==============
    من گد ما أحبك صرت دايخ بيك
    صوتي اتغير ووجهي ونبض گلبي
    والساني بعد مدري شجراله النوب
    يمكن راح اصيرن أشبه اللمبي
    ==============
    ماگلك أحبك چي صريح اوياك
    وانته البية عايش تعرف البية
    إذا اگلك أحبك أنحسب چذاب
    لأن مو مرة احبك لا900
    ==============
    اتحبني ماتحبني آنه اموت اعليك
    ايعجبك مايعجبك هو هذا آنه
    آنه من آنه أبطل لو لگيته بيوم
    وي غيرك يسولف واگطع السانه
    ==============
    بوسة انطيني گتلك ماكفرت اشصار
    گلت لامك علية وگبت الهوسة
    حلگك بي اشكال انطيني خدك عاد
    وچنك ماشفتني وماخذ البوسة
    ==============
    صاير جلد باب البيت وياك
    مدري شلون يتحمل لزمتك
    واحنه البيت يهتز لو تعديت
    وناس بناس توگع من خطفتك
    ==============
    آنه ماشايف تره بعيني أكيد
    وهايه عيني تشتغل بس عالرمش
    هسه شفتك إي صحيح وگمت اشوف
    ومن كثر ماركزت طاح الرمش
    ==============
    مايسوه البچي ولاتسوه الاحزان
    ولايرهم الهم ودمعة العين
    لو يسوه الحزن صدگني والله
    چا عاشور رجع إلنه الحسين
    ==============
    من يمر رمضان حاول لاتصوم
    إنته مو واجب شهر رمضانك
    لأن بشفافك عسل داير عليه
    يعني تفطر من تضوگ السانك
    ==============
    گبل الجدري بس اعله الجلد صار
    بس هسه الضماير صابهن جدري
    بميلاد ابن مريم تدري كلها الناس
    وبمولد محمد كلها ماتدري
    ==============
    جميل انته بجمالك دوخيت الناس
    وياهو الشاف شخصك صابته الجلطة
    يمعود دخيلك روح طب للبيت
    شفت دعوة عليك بمركز الشرطة
    ==============
    مرة الگمر شافك من طلعت بليل
    ضل يحرگ بروحه وجر ألف حسرة
    صفن صفنه اعله نفسه وگال مامعقول
    أكو غيري حلو موجود بالبصرة
    ==============
    وين ماألتفت بعيوني تصير
    ويمته ماأبچي على خدودي تصب
    بعد شلي بعيني يالصرت انته عين
    أخذ عيني وخل اشوفك بالگلب
    ==============
    آنه مال انساك أكبر مستحيل
    بية كل دگة گلب تحتاجلك
    وآنه ما أشتاگلك تدري انته ليش
    لأن ماناسيك حته اشتاگلك
    ==============
    من تمشي وتدوس برجلك انته ترات
    يطلعلك زمرد صافي من يلمع
    هاي برجلك وهيچ التدوسه ايصير
    إذا لحت التراب بشفتك شيطلع
    ==============
    مرهون بجمالك بس كسير اجناح
    شفتك مرة وحدة وبعد ماعفتك
    عينك ليل ظلمة ووجنتك تفاح
    وشفتك ياغزال مطعمة بشفتك
    ==============
    كل عيد اليمر واجب أعيد الناس
    واسلم عالحبايب واحدا واحد
    بس انته سلامك يختلف عالناس
    أشگن صدري ولگلبي اعايد
    ==============
    سولف گول الك واهس تضل وياي
    واذا ماإلك واهس گول لاتخجل
    ما أقبل أحبك وانته مامرتاح
    وما أرتاح احبك وانته ماتقبل
    ==============
    آنه ماصدگت إنك خابريت
    من طلع إسمك نفض جسمي نفض
    وايدي مالحگت تفتح إتصال
    اتخربطت وضعيتي وانطيتك رفض
    ==============
    شفت إبنك عطش فكيت باب العين
    من ماي العيون الغالي شربته
    ومن شفتك جعت ماچان عندي اطحين
    عجنت ابني الزغير وچيمت بخته
    ==============
    من يوم الهويتك ماأفكر بيك
    رغم شوگ البگلبي الصار الك وحدك
    مافكر بشخصك مو لأن ناسيك
    لأن ابيش افكر والعقل عندك
    ==============
    القناعة اتضيع مني امن التقي اوياك
    وعيني لشوفتك ماعاد تكفيني
    ولأن يرادلك عين بكبر بغداد
    راح بإيدي اوسع خارطة عيني
    ==============
    أحبك مو مثل باقي اليحبون
    مجنون وعثرله بخيط مجنون
    إذا طيفك يجي أرميله چيلات
    واذا إنته تجي شرميلك اعيون
    ==============
    إنته غير الناس عنهم تختلف
    وماكو صورة تشبهك بكل الصور
    الگمر يصعد للسمه حته يصير
    وانته نزلتلك وصرتلها گمر
    ==============
    حبيبي العيد بعيونك والخدود
    واذا تضحك شفافك ينچفي العيد
    أريد اشرب شعر من هاي الشفاف
    واصيح الله عليك وشفتك اتعيد
    ==============
    صحرة ومتانين ماتمطر شجاك
    تدري عطشانين الك منذ الأزل
    وانته رحمة ونزلت اعله امك وابوك
    واعله هاي الفقرة ظيم الله نزل
    ==============
    أتنطر تجي وبس بيك اسولف دوم
    والم اسنين عمري وبيك اطشرهن
    يالعيونك خضر ورمشومك اتصب ماي
    مو طلعت شمس ماتطلع اتشرهن
    ==============
    آنه لوگتلك أجي معناها جاي
    وانته مامرة گلتلي وجيتني
    مرة أذكر بالحلم گتلي تعال
    واركض بنص الحلم خليتني
    ==============
    انموت فدوة ألمهم عمرك يطول
    لخاطرك صار الچفن ملبوسنه
    إنته تجرحنه ونگل للناس لا
    الوطن مايجرح يريد ايبوسنه
    عالسمه مو عالورق نكتب عراق
    حته من نقراها نرفع روسنه
    ==============
    أريد اكتب شعر بوصافك ومحتار
    شكتب عن اشفافك لو كحل عينك
    إذا كلك حلو وبالوجنة نور ونار
    يمكن من حليب الله خلق طينك
    ==============
    إذا رايد تسولف سولف بماعون
    عسل كلمات ثغرك لاتبديهن
    واذا دمعك نزل قارورة حط للعين
    دمعاتك شذر مو كفر تبچيهن
    ==============
    اشهل بياض البيك شتسوي تعال
    فوگـ هذا ولازم مراية بديك
    عمي لو عدنه مثل وجهك حرام
    انذب المرايات ونباوع عليك
    ==============
    واجب انبوسك إذا مرينه بيك
    ايطبه طوب الخلفك لو مارضه
    ايحطك ابيته ويظل قافل عليك
    ومن وره الشباچـ ونبوسك قضة
    ==============
    أحبك ثم احبك ثم احبك موت
    ماترهم أعوفك وانفرد وحدي
    منو بگدي يحبك دور اتحداك
    أمك لاچذب متحبك بگدي
    ==============
    لاتروح لأي عرس خايف عليك
    ودير بالك لمن يعزمونك
    الناس عطشانة شهر شربت بديك
    خاف شربت ماكو ويشربونك
    ==============
    إگعد يافرح مارح ينزلوك
    كافي من الملامة انفخت راسي
    خطتنة هذيچ وحلها مكشوف
    دومك إحتياط ومو أساسي
    ==============
    إتحقق حلمنه ورحنه كليات
    گلنه نشوف بيها العالم الثاني
    بس ماندري بيها تنفجر عبوات
    وانحصل شهادة موت رباني
    ==============
    من اجروحك أنه الماچنت امِل مليت
    وجبل شوگي تبايد ونهدم سفحه
    ومن گد مافتحنه لغلطتك صفحات
    بسجل اوراق حبك مابقت صفحة
    ==============
    فدوة اتوسلك لاتزعل اترجاك
    ولو أدري بزعلتك آنه راح انذل
    خل انذل اولي يطبني مية طوب
    بس هيچ ابحلاتك كفر من يزعل
    ==============
    من طبعي امن اشوفك لازم ابچي اعليك
    وانته تگلي إسكت حتى احظننك
    شلون اسكت واشوفك وانته دمع العين
    إذن أبچيك لازم حتى اشوفنك
    ==============
    تريد انساك چا عاوني أنساك
    بشرط كون انته تظمن أنسه طاريك
    گلت ماأحچي بيك گبال هالناس
    گمت چي چذبوني وحلفت بيك
    ==============
    إنته مو مثل البشر لا مستحيل
    إنته صح شكلك بشر بس يختلف
    إنته أقوى انسان گدامك ضعيف
    بنظرة من نظرات عينك يرتجف
    ==============
    شلون تعقلها آنه اعوفنك واروح
    يالسكنت بروحي وبوجداني
    مرة صاحوا بسمك وگلت آني ها
    لو يگولون انته معناها آني
    ==============
    أحبك ماأحبك والله حرت اوياي
    بيك آنه حرت وانته ولا چنك
    ساعات آنه اگولن آنه احبك ليش
    وساعات آنه اگولن ليش احبنك
    ==============
    متواعد اويه الفرح والوعد صار سنين
    لامر عليه بحلم ولاشفته شوف العين
    ناشدت وين الفرح گالولي متأسفين
    ممنوع هسه الفرح عن العراقيين
    ==============
    تصح ومضة شعر تفرش دواوين
    ويصح ديوان ما يفرش حصيرة
    وتصح كومة زلم ماتسوه فلسين
    ويصح مثلك أخو يسوه العشيرة
    ==============
    لاتدنگ عالذهب لو شفته طاح
    هوه يخضعلك إذا شافك قنوع
    وجوة تمثال الثلج لاتستراح
    لأن بس تطلع شمس لازم يموع
    ==============
    ما أركض واطيح وبية اشمت الگاع
    مو آنه اليطيح وكلمن يفوته
    أركض بالعكس لو دار بيه الكون
    أصير آنه اليهد والناس مشحوته
    ==============
    من گد ما أحبك بس اسولف بيك
    وگمت بيك آنه اسولف حتى بالسكته
    من سألوني شسمك تعرف شرديت
    بسمك جاوبت حتى اسمي تيهته
    ==============
    گمت اغار اهواي من عندي عليك
    وأي جزء مني عليك يعاني
    ولأن يحچي اهواي وياك اللسان
    گمت اسولفلك بدون الساني
    ==============
    شفناك وسكرنه بهاي شتگول
    على هذا الأمر نتحاسب هناك
    الله يساعد الصيام عالصوم
    مفاطير وفطرنه بيوم شفناك
    ==============
    أحير منين ابوسك من الآگيك
    ولو بيدي عليك امطر شفايف
    أمس سولفت يمي وصار ما صار
    مشيت وگمت ابوسن بالسوالف
    ==============
    إنتَه أكبر معجزة ودوّخت كون
    ويلّي غصن البان من طولَك خجل
    آنه ماشايف صبع ينگط حلاة
    ومن يجيس الماي يتحوّل عسل
    ==============
    تگلب بالجريدة اچفوفها الحلوات
    وذاك اليوم چانت قاسية اعلينه
    مو زينة الاخبار الصادرة و مأساة
    وبس كضتها كلها تحولت زينة
    ==============
    كلش مختلف ماتشبه الناس
    وجمال البيك ما موجود بالكون
    طاحت عيني بيدي بيوم مريت
    ما شايف جمال ايطيح العيون
    ==============
    ماشايف جمال بهاي الاوصاف
    شو كلك حلو وعيونك اوساع
    آنه ادري الگمر بالسمه گاعد
    معقولة الگمر نازل عله الگاع
    ==============
    إبعد لاتجي وتتقرب اترجاك
    جمالك صاطع انته وخاف يأذيني
    شافت شمس عيني وكلشي ما صار
    وشفتك من بعيد وغوشت عيني
    ==============
    إذا من نضرة وحدة رجف گلبي تگول
    وحبيتك گلت صرت انته خلاني
    آنه من المهد مر علي طيفك گال
    لو هذا التحب لو ما تحب ثاني
    ==============
    شفت الشمس غابت مدري شنهي الصار
    بظهر الصيف احس الناس بردانه
    لن وجهك حبيبي ضوه كل الكون
    وغابت هالشمس ثاريها خجلانه
    ==============
    اقبل اي جرح بس جرح الاحساس
    يظل ينزف عمر لو بشر داسه
    ميضوج الورد لو داسته الناس
    بس يضوج اذا الفلاح داسه
    ==============
    من طبعي شرس وتخاف مني الناس
    بس منك اخافن من الآگيك
    أشرد منك آنه واختل آنه اوياك
    وتشرد بية إنته وبية اخليك
    ==============
    من شفت الدمع سايح عله الخدين
    أصدگ ماأصدگ دمع بجفونك
    طلع گلبك ثلج وانصهر من الشوگ
    ذاب من الخجل واستقر بعيونك
    ==============
    من شفتك حبيبي ارتجت اعضاي
    ومدري شوگع مني بگد حنيني
    دخلت البيت دايخ راسي مسطور
    دگ الباب واحد جاب عيني
    ==============
    دوس اعله الورد گام الورد ينداس
    بس عطر الورد ماتگدر اتدوسه
    يصح واحد جريمة من الوجه ينباس
    وواحد عالرجل يستاهل تبوسه
    ==============
    يومية اعله مودك عركة آنه اوياي
    واتعارك اوياي وأنذبح دونك
    تعال بلا عيون انوب اذا مريت
    لأن هاي الطلايب من وره عيونك
    ==============
    يالطعمك عسل ماترحم العطشان
    ولو گطرة نده اشوي خاف من ربك
    نصبك بستكان الچاي چاي اغروب
    من كثرة حلاتك چاينه ايشربك
    ==============
    بعد ماسامحك واعذارك بفلسين
    وجحا لتصير املك واكشف اليجره
    ولا كل ساعة جاي بحجة البسمار
    هاك الباب بيعه وفكني من شره
    ==============
    صح مرات اضيع بيتي والعنوان
    بس هيهات اضيع يوم عنوانه
    قوس القزح ولفي وفوگة ثمن الوان
    يعني اخمصطعش مجموع الوانه
    ==============
    الساني شگد طويل يخورس الشيطان
    ما وزني بحياتي ولاگدرلي بليس
    بس وياك اصير حجارة عدها عيون
    واخجل كالعروس بدخلت العريس
    ==============
    ليشوفك عمت عينه من ضواك
    والمشافك عمت عينه شگد خسر
    فدوة لاتطلع أخاف يفرهدوك
    لأن مامنطين بالحصة شكر
    ==============
    مو من طين ذني خدود من جام
    وطبع الجام يبقه شما تعب يلمع
    أخاف من ارد ابوسك تطبع شفاي
    وتظل شفتي اعله خدك بعد ماتطلع
    ==============
    ماشبهك گمر هو ايتشبه بيك
    أم الگمر چانت بيك تتنسه
    ومن گد ماحلو لمن تمر بالناس
    تگوم تغني حته الوادم الخرسة
    ==============
    أكلني العوز اكل بس ماگلت جوعان
    واكلت الساني كله ولاچته سنوني
    صح اخرس صرت بس المهم مرتاح
    ماكوا السان عدي يگلكم اطوني
    ==============
    بذاكرتي مسحتك واسمك انته انزال
    وانسيت الغرام وتيهت دربي
    وفجأة اذكرت وگليبي ظل يهواك
    ثاري اسمك طلع مستنسخه بگلبي
    ==============
    حقي امن اختصر وياك بالشوگ
    مو سهلة القضية وحيل خطرة
    ضامي وخاف اخلصك من اصد ليك
    لذلك گمت اشوفك گطرة گطرة
    ==============
    إجيت وغير گلبي البية موجود
    دخيلك صحت ياستار ربي
    من گد ماتشابگنه بالاوداع
    أثاري تبادلن گلبك وگلبي
    ==============
    مانحمل شمس هنوب شمسين
    صدگ نحترگ ونموت سكته
    من هسه اتفق ويه السماوات
    لو تطلع شمس لو تطلع انته
    ==============
    ماشايف گبل وعيوني عثرن بيك
    واول ماوعيت عيوني الك صدن
    شفتك مو بشر شفتك ضوه اعله الگاع
    ومن تمشي الكواكب كلهن يسجدن
    ==============
    شاعر لو يوصفك يتعب هواي
    لأن يحتاجلك فد ست دفاتر
    ماشفت ابياضك آنه من حيث
    الشمس من شافتك لبست مناظر
    ==============
    مريض ومايشافيني دوة الغير
    واشفه من المرض لو ضگت سمك
    من گد ماأسولف بيك للناس
    نشدوني على اسمي وگلت إسمك
    ==============
    ليش ماشوفك لأن بيك آنه اشوف
    وآنه ماحبك أموت آنه عليك
    گام ياهو يشوفني يبوس بدي
    مو لأن سيد لأن كضيت اديك
    ==============
    أگلك مو حلو بس هذا مامعقول
    لأن تدري غلط وبهاي اظلمنك
    إگعد بالحديقة وبين جوري وياس
    أتيه بينهن واگعد واشمنك
    ==============
    إنته مو مثل البشر بيك اختلاف
    إنته من توگف تحير الوگفة بيك
    وظهرك يباوع على خصرك يگوم
    ولو مشيت يذب حچي حلگك عليك
    ==============
    ليش متقصد تعل گلبي بهواك
    وتدري أبچي الروح اذا شح الدمع
    تريد تشلع گلبي فوت بكل قواك
    آنه عندي گليب خاطر ينشلع
    ==============
    آنه شايف في حياتي المعجزات
    وگمت اعرف الزين من عند الردي
    بس امر حيرني خلاني أدوخ
    عمي ماشايف گمر لابس بدي
    ==============
    خلي نگلب صفحة ونعوف اللي راح
    هاي جملة نبيع بيها ونشتري
    آنه ماعندي بعد صفحة وسماح
    بكثر ماشگيت خلص دفتري
    ==============
    فدوة لله الناس گالت من تمر
    دير بالك ياحلو لاتنحسد
    عطرك اللي بيك احله من العطر
    ومن يشمك يمكن يذوب الورد
    ==============
    انته اجمل بشر شفته اعله هذا الكون
    حلو ماكو بحلاتك ذرة مملوحة
    سكر من ابوسك خاف بية يصير
    لأن كلمن يشوفك تنسحن روحه
    ==============
    إذا بيدك حجر لاتضرب الناس
    عدها الناس إيد وگاعك احجار
    واذكر بيتك المصنوع من جام
    يعني حجارة وحدة يصير طشار
    ==============
    نخاف اعليك من اعيون الذياب
    بوسط عين المحنة نضمك انريد
    ياأول حزين بعالم الآه
    من ارموش عينك نگط العيد
    ==============
    حاجز لاتخلي الباب فد يوم
    من عين البشر لاتنحسد خاف
    يبو وجه اليشع ياباب اليفيد
    سور الصين لو خليته تنشاف
    ==============
    لاتجيب الوان واحمر للشفاه
    ولاتلزگ ارموش ساعة وتنشلع
    آنه من وجهك أحس رب الجمال
    خالقك للناس قالب للصنع
    ==============
    على گلبي انكسر گلبي من الفراگ
    وبچة گلبي علية وهم كسر گلبي
    يعني الگلب يبچي والگلب مكسور
    وانطبگن علية وتيهت دربي
    ==============
    آنه اللي أحبه مايحب الناس
    ولهذا السبب دمعاتي مفضوحة
    لأن اعشگت واحد دور بهالكون
    ماشاف بحلاته رد عشگ روحه
    ==============
    حيرتني الدنيه هاذي
    والله بالمگلوب تمشي
    لليخون اتصير حمزة
    وللي يوفي اتصير وحشي
    ==============
    نختنگ لمن علينه انته تغيب
    إنته لو مريت نشتمك هوة
    طالع من البيت تضوي من الصبح
    شنهي عمي يصير متريگ ضوة
    ==============
    ماأدري شوگع من انته مريت
    أباوع ماكو شي طايح علية
    من گد ماحلو من شفتك تفوت
    أثاري آنه الطحت ماأدري بية
    ==============
    ياأرق إنسان شفته بهالوجود
    المايحبك ماأظن شايف عشگ
    والله ادوخن وانسطر واحسدها حيل
    شفتك اعله الشفة لمن تنطبگ
    ==============
    جمالك مو جلوس يوگف الناس
    وتظل تنظر عليك بعين طماعة
    بس گلي اعله قصتي الساعة بالباكيت
    من شافت جمالك وگفت الساعة
    ==============
    الجمال البيك ما مثله جمال
    وتدري منك غار بستان الورد
    إنته ربك ميزك عن العباد
    تطلع بتموز يكتلنه البرد
    ==============
    اكتبت عنك قصايد عدد شعر الراس
    عفتهن گلت أكتبلك جديدة
    بديت اوصف شفافك كملت بعدين
    دنت نفسي وگبل بست القصيدة
    ==============
    شفت هوسة وبابي طايح والسياج
    اشصار گلت ولنه واحد عايط
    فات خلك گالي وبابك إجاه
    ظل ورا يركض وجر الحايط
    ==============
    خذت گلبي من فاتت والعقل والروح
    زغيرة ودوختني وخبطت الواني
    ردت للبيت اطبن من فتحت الباب
    گعدت ولنه طالع بيت جيراني
    ==============
    مو طبع الجبل ينجر بالحبال
    ولا طبع الأسد يحتاج حارس
    ومو كلمن ركب عالخيل خيال
    ولاكلمن يشيل السيف فارس
    ==============
    صفت مثل المسلسل عشرتي وياك
    وجزت حلقات من عدها كثيرة
    وانه من الحلقة الاولى تولعت بيك
    واظل اهواك للحلقة الأخيرة
    ==============
    داخوا بالحشر للجنة ماودوك
    تتعارك عليك الشيعة والسنة
    ودوك لجهنم بيها ماخلوك
    خافوا من جهنم تنگلب جنة
    ==============
    عليك شگد اخاف شگد اداريك
    حبيبي اتمنه داخل گلبي اضمك
    إذا مو إنته بيها الدنيه شتفيد
    ولك همزين ابوك اتزوج امك
    ==============
    دخفف من جمالك رجل ذب ايد
    ذب شعرك امعود لادذب خصرك
    بس تبقه حلو إي وحگ من سواك
    لو مو تذب ايدك لوتذب كلك
    ==============
    صدگ كلش حلو وعندك حسن ماصار
    وصدگ تكتل مشيتك من تلف خصرك
    خل اسكت بعد ماداعي اوصف بيك
    إذا شفتك تريد تبةسك بحلگك
    ==============
    من جمالك كلها وگفت
    وآنه غامرني السكوت
    لأن بس احچي بجمالك
    يصعد السكر واموت
    ==============
    على اعيونك تصد وتشتكي الناس
    چم فارس إجه وبرموشهن طاح
    إذا صديت مو بس تصطر البال
    إذا عالگاع تنظر تسطر الگاع
    ==============
    أمي ماتت بالمفخخ والدمار
    گلت ماأدفنها خل تشبع هوه
    هيه كل يومين ثالثها انفجار
    متاني ابويه ايموت وادفنهم سوه
    ==============
    جيت اشوفك مالگيت بعيني شوف
    الشوف گبلي اتعنه راح ايشوفك
    ردت اعوفك ماشفت بيدي چفوف
    لأن راحن چلبن بچفوفك
    ==============
    جماعة اتگول عنك مو بشر حاشاه
    وجماعة اتگول حتما مو بشر حتما
    واختلفوا عليك وبيك مايدرون
    إنسان وملاك بواحد انجمعن
    ==============
    يا عيسى ابن مريم والله محتار
    شريد اكتب عليك وابتدي منين
    يبدي البشر نطفة وينتهي بموت
    وانته اول بشر مامر بالاثنين
    ==============
    الشوارع من تمرها تصير كلها حلوگ
    حتى تبوس جدمك من تمر يفلان
    ليلية اعله بالي وأظل صافن بيك
    عالحيطان ارسمك واشبگ الحيطان
    ==============
    ماأريدن يجهد السانك كلام
    آنه أفتهمك إذا تهمس همس
    اليوم ماشفنه شمس وكت الشروق
    ليش ماتصعد تصير انته شمس
    ==============
    ياورد الأجيبه بمولدك يالون
    ويالون اليناسب گلي وي عيدك
    من جبت الورد شفت آنه موقف صار
    الورد منك خجل دنگ يبوس ايدك
    ==============
    شعرك طار فوگ اعيونك الحلوات
    واذا طگه الهوه يتلاعب بخصرك
    يمكن ماي شعرك واعتقد شلال
    واذا شعرك توصخ تغسله بشعرك
    ==============
    أحبك إنته احبك ماأحب الغير
    واگلك غير حبك ماأحبن
    كون آنه ببحر واتمنى أغرگ بيك
    خاطر من اموتن بيك اموتن
    ==============
    أرد اسألك ياحلو وشهذا الجمال
    گلبي من شدة جمالك بي هوس
    يصير أمك بيك متنسية بغزال
    واني بيه يصير متنسية بعدس
    ==============
    شوصفنك حلو مابيك ذرة عيب
    وابدع بالخلق من صورك ربك
    من گد ماعذب ماتشرب انته الماي
    خاف الماي يطمع بيك ويشربك
    ==============
    صباح الخير اگلك واحنه نص الليل
    لأن خدك ضوه وياليل اليسده
    تسد عين الشمس لو فتحت تك عين
    لاتفتح اثنين عيونك اتهده
    ==============
    عجوز من الصبح حطت جدرها يفور
    ومنتظرة إبنها يجيب مسواگه
    الساعة العصر دگوا عليها الباب
    من لحمات ابنها انطوها علاگة
    ==============
    عذرا ماأمدحك خايف من الناس
    وتدري الناس عدها حلوگ مفتوحة
    ولأنك إنته روحي وخايف يگولون
    شكثر مغرور هذا ويمدح بروحه
    ==============
    عقل عندي شتظن واتسودن اعليك
    بقه بس عقلي هذا وجبته بالدين
    أمشي بلاوعي واركض بالدروب
    إجه مخبل سألني الخبلك وين
    ==============
    يالشفتك بحر وتروي كل عطشان
    واليصفن بشفتك ينسبي سباية
    الناس من العطش تركض وره الماي
    وانته الماي يركض شربك مايه
    ==============
    جلست والخوف بعينيها
    تتأمل وطن ماشايف الشافه
    قرت فنجانه طلعت عبوة بالفنجان
    طگ فنجانها وماتت العرافة
    ==============
    عليك الناس تحچي اشكال والوان
    وتگول انته الذهب والذهب من ساسك
    بعد بيمن نقارن لو نحط مقياس
    نقيسك بالشمس وانته الگمر قاسك
    ==============
    من تمشي حبيبي تعـوذ الشيطان
    بگلوب البشر خليت چـم علـة
    جدمك بالأرض ماخلة أي نيشان
    ولأن شفاف جسمك ما ترك ضله
    ==============
    إذا اگلك حلو چذاب اصير اوياك
    وحلاتك بالوصف غلبت حلاتك
    واذا شفافك عسل ومطعمة بنعناع
    حظر تجوال لو طلعت لهاتك
    ==============
    أسجد من اشوفك واشكر السواك
    خلي بماي شوگك روحي تتوظة
    يل من طين واكفر لو گلت من طين
    بس طينك ذهب ومطعم بفظة
    ==============
    إندفن كرسي الحكومة وگلنا نرتاح
    وانه من الناس گلت ارتاح راسي
    وصح زخت مطر بس مطرت سلاح
    والكرسي ارتوى وخضر كراسي
    ==============
    يالجمالك غار مـن عنده الجمال
    وبجمالك گلي هـم يحصل بشـر
    بطن أمك من چنت متنسية بيش
    رحمة للعبآس متنسية بشكر
    ==============
    من ماي الورد رب الحسن سواك
    ومن جابتك أمك بيك ماحست
    ولروعة جمالك عندي بس تفسير
    أمـك بالنساوة بيوسف تنست
    ==============
    ما نگدر نوصفك حتى بالأشعار
    جبل من نوصفك مانگدر نلوحك
    لذلك جبنه ورقة وقلم وانطيناك
    وانته براحتك ضل وصف بروحك
    ==============
    يالوصفك مدارس جيل يتبع جيل
    وحسنك صار منهج حتى للروضة
    خصرك درس اضافي وعالدروس امتاز
    عفنه دروسنه وبس درسك نحفضه
    ==============
    إذا انته محب وياك عندي اعتاب
    واعتبره طلب بس كون مترفضه
    ومضت شعر حسنك فتت صحنه الله
    صحنه الله غير تعيدها الومضة
    ==============
    غبت أيام عنچ مانشدتي شبيك
    ولامرة اتصلتي وگلتي اشلونك
    واظن كلبچ تغير وآنه احسن بيچ
    أظن الياهو گوگل غير اضنونچ
    ==============
    نيوتن والتجاذب كلها هـاي اسرار
    بس لغزچ يحلوة بإيدي مفتاحه
    نزلت للأرض خجلانة حقها بهاي
    شلون گبال خدچ تبقى تفاحة
    ==============
    يستحي ظلچ يظم روحه وراچ
    وحقه ظلچ مـن جمآلچ لو خجل
    إنتي لو نحلة عـرفتچ من زمان
    آني أعرف النحل بس انتي عسل
    ==============
    سبحانه الجليل شلون من سواك
    وانطاك الحسن واللولة ماهيه
    ردت شوية منك بيه صار سنين
    طابگ عالسرة وماتلتفت ليه
    ==============
    گيمر چنها شفتك والحلگ ماعون
    والخد العليك تگول كاهيه
    إلمن جاي يمي وآنه الك جوعان
    جيتك هاي حرشة لو حسن نية
    ==============
    گالوا وصفوا عنك حچولي هواي
    وگآلو كل حلو هم تلگه بي لولة
    من شفتك شفت مابيك هلگد لول
    بس عين التشوفك تنگلب حولة
    ==============
    چانت ليل يمنه وشفنه شمسين
    البشر كلهم احتاروا بالجره وصار
    وك چان احترگنه وهاي نارين
    الحمد لله حبيبي خدودك صغار
    ==============
    فصلت البشر سويتهم تمثال
    وانته الروح بالتمثال خليتك
    حجر كل البشر بس گاموا يحنون
    قطرة نطيتهم من بحر حنيتك
    ==============
    حبيبي بشفتك ما ابوس انوب
    واذا بستك أگضي البوسة خايف
    لأن شيكظها روحي وهنه جكليت
    وانته شلون تبقه بلا شفايف
    ==============
    لا توصل الحينه الناس ضجت بيك
    شارعنه اشتكالي وزعلوا الجيران
    إنته شعرفك سلمت وتعديت
    ماتدري وراك تطلگت نسوان
    ==============
    الدنيا لمت كل دولها
    وبالشعر سوت سباق
    وبس اجه وگال آنه حاضر
    فاز عالدنيا العراق
    ==============
    دگ بابي مرة الفرح كلت شعجب غلطان
    لو فاقد الذاكرة لو تيه العنوان
    رد وسألني الفرح دليني بيت فلان
    مرة بحياتي الفرح جاني وطلع سكران
    ==============
    طعم شفتك عسل والوجنة رمان
    وتره روحي بغرامك حيل مجبورة
    لأن طعمك حلو والناس حساد
    لازم وي حلاتك تخلط مرورة
    ==============
    يالمهدر جمالك مثل چاي وهيل
    وزن لامحترگ لافاهي لاشايط
    أمس بيتك وگع والصوچ منك چان
    اعله شيلة صورتك حايط ردم حايط
    ==============
    أنه بجيبي لحضرتك صورة ماشيل
    أشوفك بيها من يشتد حنيني
    أنه من اشتاگ امد ايدي على العين
    أطلع صورتك من جيب عيني
    ==============
    إكتب ياقلم خل تشهد الايام
    والتاريخ شاهد يبقى عالساحة
    الثابت بالگلب ماينمسح للدوم
    إلا الگلب نفسه يصير مساحة
    ==============
    من تمشي الصبح خل عينك اعله الگاع
    لأن نظرات عينك تكتل ابنادم
    واذا بالليل تطلع عمي طب بساع
    أذا هيه الصبح وادمنه تترادم
    ==============
    عنك لورحت ماطوّل هواي
    الرموش فراگهن حسبة ثواني
    وامانة لغيري وجهك لاتراويه
    واذا تشتاگ سولف وي مكاني
    ==============
    آنه أدري بروحي أسود مو حلو
    وانته أبيض والحسن بيك اكتمل
    آني صح اسود ولكني بلال
    وانته صح ابيض ولكنك هبل
    ==============
    تره صرنه بغيابك مثل يعگوب
    من گد البچي بعدك عمينه
    واذا مابيك جيه ويوسف تصير
    بس ودي قميصك لاتجينه
    ==============
    آني حبيتك غفل ماأدري بيك
    وخاف ما تدري أزيدنك علم
    الله كاتبلي أنام بهيچ يوم
    تحلمت بيك وطلعت من الحلم
    ==============
    گمت اغمض عيني خاطر ماتشوف
    لأن دوم عيوني يغويها النظر
    وخاف من تشوفك اتخيل عليك
    وتاخذك مني واموت من القهر
    ==============
    إنته شگد مميز والحلاة البيك
    تغري اللي ينظرك تسحره بعينك
    سنينك 16 ماواصل العشرين
    شتذب من فلك لوزادن سنينك
    ==============

    --------------------------------------------------------------------------------

    ((دارمــيــــات))
    مقتطفـات من شعـراء العـراق

    ما ادري ليش اوياك ترتاح الگلوب_

    شايل سحر للناس لو انت محبوب_
    كون أنكلب تمثال لاحس ولا أشوف_
    من أسمع بعباس وأبطاري الجفوف_
    عبوة محبه وشوك مو عبوة أرهـاب_
    تنفجـر بس بوسـات بخـدود الأحبـاب_
    صـــدك الـك حنيـت واليـحـن بلـوه_
    مابيه حيـل أنســــاك چاهيه گـوه_
    گالو تشوف أحباب من ترف عينك_
    رفت عليـك الروح بس أنته وينك_
    أهل الهوى أيگولون كلهم مساكين_
    وعدهم الف تفسير لو رفت العين_
    بچفوفه هد عالجيش لاما سحب سيف_
    و الشرد من عباس يطلعله بالطيف_
    تدري شكثر مشتاق ياسلوت العين_
    والله بكثر خطوات زوار الحسين ع_
    التمشي هاي گلوب ماتمشي رجليـن_
    كتبت عهد عالگـاع ماتنسى الحسيـن_
    صعبة اليعاشر حلو وبلحظة مايلگاه_
    مثل اليعاشر گمـر والصبـح يتمنـاه_
    لو بيدي أرسل گلب وأرسل سواد العين_
    وبوسات بيه عسل تلزك على الشفتين_
    روحي سفينة شوق بسمك هواها_
    ولو فكرت تنساك تغرك عساها_
    يم بيتي بيتك كون وأشمرلك العين_
    تشبعها منــــك شوف وتردهـا بعدين_
    شارط شرط عالروح ماتمل حبك‎_‎
    لو صرت سم بلماي أعطش وشربك_‎
    صاحي بحلم نعسان مالحضه ناسيك_
    حتى الحلم من نام نام وحلم بيك_
    ماهمني جرح الروح بس همني فركاك_
    صدكني مثل الطير تايه بلياك_
    شتنفع رساله وغزل وأنته عليه بعيد_
    ردت الصدر عالصدر والايد تشبك أيد_
    أتمنة قطرة ماي تنزل على أشفاك_
    وبحجت العطشان وأتباوس أوياك_
    فدوه من أصير أوياك غطيهن أشفاك_
    أفقد وأمصهن حيل وأتفاشل أوياك_
    أفطر وأسولف بيك وأتسحر أوياك_
    شوفتك شربة ماي وفراكك أمساك_
    روحي بتوالي الليل تنشدني عنك_
    كلتلهه راح أنساك كالتلي فنك_
    خايف أگـول أهـواك وتگلي چذاب_
    للگلب طب وشوف أسمك على الباب_
    شاطت عليك الروح تسئل تريدك_
    ماترضه يمي تنـام الا أعلى أيـدك_
    لحبابي قبـل النـــــوم تحله الرساله_
    واتمنه كلبي يروح يشــــرح الحاله_
    حسبالك انه أنساك لو طال الفراك_
    بالعكس كل ماطال اني أكثر أشتاك_
    تندهني نص اليل روحي وتهم بيك_
    وتكلـي كوم أبساع للغالي أوديك_
    للـروح أجـه الشـراي عامـل عليهـا_
    شتكـول أبيـع الـروح لو تشتريها_
    أوديلك قصايد شوق من حبك معانيها_
    أذا أنه أموت عليك هي الناس شعليها_
    أتمنى أشوفك دوم يسعدني ملكاك_
    وجروحي كلها أطيب لو أكعد وياك_
    أتمنه أصير گلاص وأنزل على أشفاك_
    وكلما گلت عطشان أتباوس أوياك_
    عاشرت ما خليـت حتى اليرضعون_
    وحلفولي بالعبـاس من نكبر انخون_
    أرسل سفينة ورق يحمله موج الليل_
    قبطان بيها الوفه والرحله أحبك حيل_
    ميـت بجيـت عليـك محد سمع صوت_
    هم شايف أنت دمـوع بخـدود اليموت_
    شنهو الجمال البيك عمي انته بلوه_
    هم وجه هم خدود هم ضحكه حلوه_
    لاتضن أنه أنسـاك مهمـة أختلفنـة_
    لو بسمـك أيصيحون تاخذني صفنـة_
    انته ذهب ياذهب والذهب منك غار_
    يتمنى خاتم الك وبيدك يصير سوار_
    راسلتك بنقال لو تعرف أشگال_
    تم انتقال الروح مو تم الأرسال_
    مادام انت ذهب يعني انت تاج الراس_
    ينقاس بيك الذهب مو بالذهب تنقاس_
    شلنه وسكنه بعيد واصبحنه غياب_
    بس طبع بينه نموت وماننسه الأحباب_
    حرب أرد أسوي أوياك وأعلنها ضدك_
    والقاذفة البوسات والهدف خدك_
    أحزن وأجن جنون لحظه غيابك_
    شنهي المعزه البيك من دهر صابك_
    تمثال الك بالروح وبصفه صوره_
    متحف ذهب والناس تحلم تزوره_
    ما أوصفك بالذهب الذهب هم أنواع_
    كل قطعه منه بسعربس أنت ما تنباع_
    أتمنـه روحـي تصيـر طيـر وتجيكـم_
    وأتظـل لمـن ماأمـوت تفتـر عليكـم_
    ليش التحبه الروح يجفي ويباعد_
    حتى العشك هم صار للبخته گاعد_
    كون أنگلب قانون وأحكم حكم عـام_
    وأحكـم على الينسـون كلهـم بالأعدام_
    الناس معدن شبه وانته ذهب لونك_
    والناس من طيبتك كلهم يحبونك_
    رفرفت مثل الطيـر روحي عالفرگاك_
    لا يمـي وأفـرح بيـك لا أگـدر أنسـاك_
    أدري العشـك مـرات يصبـح أذيـه_
    وحبـك سكـن بالـروح غصبن عليـه_

    من بيتي أتعناك يالدربك بعيد_
    روحي أشتهت بوسات من حلگك تريد_
    الگلب ما ناسيك صوره الك راسم_
    حب من زمن صدام مو حب حواسم_
    روحك شمس بالكون والكل حدرها_
    شمالك تخاوي غراب وتذل قدرها_
    خشبه وگعت بالماي فكر بمرها_
    بروحي هيچي يصير من ماتمرها_
    تدري أنه من طبيت بس عوزي فزه_
    طير وحبابي شعير وفوكاه جزه_
    كون أفتهم شتريد وشنهو أنه رايد_
    نضراتك حجايات تسوه الجرايد_
    يمسافر الله أوياك بسم الله محروس_
    وياشفة بعد أشفاك تستاهل البوس؟_
    لتظن سفرنة يطول ليش أنته خايف؟_
    ولغيرك يظل ممنوع بوس الشفايف_
    سود العيون كبار والحلك محبس_
    يحرسة رب الكون لو دلع تلبس_
    لا مسج لا مسكول عبالي مفلس_
    بس ادري كلش زين لوتي ومغلس_
    لا تمشي بين البشر خايف تصيبك عين_
    مشكلتي لو أخسرك مثلك أجيب منين_
    أحلم واسولف بيك واحلف براسك_
    والنجم لو مر بيك دنك وباسك_
    يا گمر تالي الليل شوفنا الاخبار_
    نايم حبيب الروح لو مثلي محتار_
    نوم المخده يلـوك للباله خالي_
    ومنين أجيب النوم وأنت اعلى بالي_
    بالصدفه لازم نلتقي واحجيلك وتحچيلي
    وديتلك گلبي بمسج هسه انته شتوديلي
    متعذبة روحي عليك بس حزني سكتة_
    معقولة ماحسيت واحشني أنتة_
    گاعد وافكر بيك والباري شاهد_
    نايم حبيب الروح لو مثلي گاعد_
    ناذر نذر لو جيت وتشوفك العين_
    اگعد واجدي اسبوع يم باب الحسين_
    تدري شوكت يازين من حبك انتوب_
    من تسمع الشيطان تاب من الذنوب_
    لا تجرح اليهواك حاسب ظميرك_
    صدگني يامحبوب ماعندي غيرك_
    الياحـد وصـل وياك لوتـدري حبـي_
    بـس تفتـح بلوتـوث تستلـم گلبـي_
    كـون بسعاده وخير عيد اليمر بيـك_
    وشمـا تحـب وتريـد ريـت الله ينطيـك_
    بالمهدي والموعود هالليله أهنيك_
    وتصلي عالمختار لاتنسى أوصيك_
    بالعيـد أودي أشواك وأجمل تهانـي_
    وأرسـل سـواد العيـن للما نسانـي_
    كـون الفـرح ينبـاع وأشـريـلك العيـد_
    يل شوفتك عيدين عيد أحله من عيد_
    گـالـوا أجـاك العيـد المـن تعايـد_
    مـا دروا أنت العيـد وبگلبي گاعـد_
    كل عام وأنته بخير والكل أهلنا_
    صح الوطن مجروح بس يبقى جنه_
    أسمـك محبـه وطيـب وأسمـك عطـر يـاس_
    وأسمـك سـلام العيـد تتبادلـه النـاس_
    عذبني هذا الگلب ما يرضى ينساكم_
    دگاته صارن عشك كل دگه يهواكم_
    يا شوك وين أرحلت وين الزمن وداك_
    أن جان گلبك نسه گلبي فلا ينساك_
    تربطني بيك أثنين خوة وصداقة_
    وأعتقد بس الموت ينهي العلاقة_
    كون أنگلب عصفور وأسكن سطحكم_
    كلما أگولن ويص معناها أحبكم_
    أتمنـى دوم ويــاي دم تجـري بيـه_
    حتى من أحن وأشتـاق أجـرح أديـه_
    صدك الك حنيت واليحن بلوه_
    مابيه حيل انساك چاهيه گوه_
    أحلـم وأسولـف بيك وأحلـف براسـك_
    والنجـم لو مـر بيـك دنـك وباسـك_
    صح البعد مكتوب وباعدني عنكم_
    بس القلب كل ساع ياخذني يمكم_
    ميـزان الـك بالـروح يـوزن محبتك_
    وعادلـت كل النــاس لمن وزنتك_
    بالحـلـم شفتك طيف چذبت العيون_
    نايـم وأفكـر بيك من أگعد أشلون_
    ناسي وأفكر بيك هم اللة يرظة_
    ثاري المحبة أحظوظ كلمن وحظة_
    بعيوني ماأنساك وأنت أعلى بالي_
    تروح وتجي الايام ذاك أنت غالي_
    لوبيدي فوك الروح صب أرد أصبك_
    وأكتـب عبـاره تكول للموت أحبك_
    تبعد تغيب أتروح هو أنته أنته_
    حبك سكن بالروح ما منه فلته_
    بالك تضن أنساك يا أحلى مخلوق_
    ولينسة هيجي أنسان ماعندة كل ذوق_
    بليـل أدك كل يـوم وأگطـع منامك_
    مو بيدي روحي تريد تسمع كلامك_
    أرد أسئل ألمشتاك ولكلبة مجروح_
    الجسد هم يعيش لو عافتة ألروح_
    أوديلك قصايد شوق من حبك معانيها_
    أذا أنه أموت عليك هي الناس شعليها_
    مشكلتي عايش بيك موعايش أوياك_
    وشلون أصبر الروح يالروحي تهوك_
    معذورة روحي تموت ماتحمل فراك_
    أشتاك ألك كالساع هم مثلي تشتاك_
    صدرك حنان وشوك وحبك سباني_
    تدري الله من سواك ماسوه ثاني_
    حاولت أصرف نظر وأبعد وأكول أنساك_
    وأرجع وأشوف العمر مايرهم بلياك_


    أقبل على فرگاك بس عندي شرطين_
    لو روحي تمشي أوياك لو تاخذ العين_
    والحمزه والعباس وأم المصايب_
    ما أنسه حبك دوم لو صرت شايب_
    مادام گلبي يدك تبقى الك دكته_
    ولو بيا أخر نفس أتنفسك انته_
    ترعد غضب وأحزان تمطر مصايب_
    الدنيا هيچ وياي من أنته غايب_
    لا تهتم أعلى الراح وي همك الراح_
    والعالي مو بالطول بالصبر ينلاح_
    اه شكثر عالاه متعوده هالروح_
    حتى بفرح نوبات من تطرب تنوح_
    ون وكلتله شبيـك ياكلبـي ونيت_
    كال العزيز الروح هالليله حنيت_
    لا كلبي نوبـه يهيد لا عيني تغفه_
    لا صبـر بيه يفيد لا ناري تطفه_
    أتمنى روحي تصير نجمه وترابيك_
    وبهيده تالي الليل أنزل وأشم بيك_
    بصرتنا منبع طيب مو بس لهلها_
    ياهو اليمرها أيكول ماكو أحله منها_
    سباحه الك بالروح خضره وطريه_
    تسقيها من تشتاق وتمر عليه_
    يسألني البطران شو راسك أكرع_
    مايدري عالحلوين شعري يتشلع_
    أرتجي عالمكسور حيل أركس الكاع
    بالك تذل جدام شماتـك بساع_
    كلبي أذا ينساك للسوك أجيبة_
    وأكتب عليه للبيـع خاين حبيبه_
    كلت الكلب ينساك ساعات الفراك_
    ثاري الكل جذاب بس عافك اشتاك_
    مو بيدي بيد الروح هية التريدك_
    واتمنى روحي تصير دم بوريدك_
    ألكلب من فركاك بطل عشك دوم_
    لا نبض لادكات كاضيها بس نوم_
    جثير من البشر طيبين بس أنته الك ميزه_
    تدخل للكلب تهريب مايحتاجلك فيزه_
    عشرتنه عشرة عمر مربوطه حد الموت_
    يمكن أعوفك صدك بس وأنه بالتابوت_
    فرغته گلبي وصار بس الك وحدك_
    يعني من أعد أعزاز بس أنته أعدك_
    الدنيا طبخت چاي والبخت قوري_
    ليش اليحب حلوين ينضرب بوري_
    لا تسأل أترجاك وتگلي وينك_
    بمرايه دور زين تلگاني عينك_
    صار الگلب نقال وأنته البطاقه_
    صدگني بس أوياك تحلى الصداقه_
    أنسى وأرد ردود وأذكر هواكم_
    كون برصاصه يموت كلمن نساكم_
    تحت الجفن تمثال وأنحت معانيك_
    بلكي من أغمض العين بالطيف الاگيك_
    أفرح وأطش چكليت لمن ترمشون_
    ويمكن أطش الروح لمن ترسلون_
    هاك الگلب والروح هاك أخذ العيون_
    وأخذ العقل وياك خليني مجنون_
    أنت البديت الطيب لا تشكر أبهاي_
    خادم وأضل للموت للطبعه وفاي_
    كل لحظه أفكر بيك كل ساعه كل يوم_
    حتىمن أغمض العين تطلعلي بالنوم_
    ريت الكلب بستان وأنت الورد بيه_
    ولو نشف منه الماي بدموعي أرويه_
    أگعد وأشب النار وأذكر وليفي_
    وبحجه الدخان وأبجي على كيفي_
    فززني گلبي وكال وديني ليهم_
    مشتاگه روحي أتنام ما بين أديهم_
    ارد اسئل العراف واهل القوافي_
    ليش الحجاب يلوگـ للوجه صافي_
    غالي تضل بروح ودوم انت غالي_
    تشرق شمس وتغيب وانته عالبالي_
    حيل الكم اشتاگيت يالما تنشدون_
    الگلب ذنبه اشتاگك مو ذنب العيون_
    الك ودبوسط كلبي ولك للموت اتعنه_
    واذاحبك يصيرالناراحبك واترك الجنه_
    أهتم وهيم عليك وبجي على فركاك_
    وكل جرح بيه يطيب من اگعد وياك_
    اليطلع يكولون ينذب وراه ماي_
    بس انه اذب الروح من يطلع هواي_
    روحي بسرير الموت وتكول اريدك_
    ماترضه كل دكتور بس لمست ايدك_
    دوم انه افكر بيك دوم اعلى بالي_
    حتى الكلب بجفاك يبجي اعلى حالي_
    كل الخدم تنهان شفناها بالعين_
    بس بكرامه تعيش خدام الحسين_
    جرحين الك بجلاي هم تدري بيهن_
    كل هذا وابجي عليك ثق مو عليهن_
    عاشرت ما خليت كل مذهب ودين_
    مثلك ابد يازين ما شافت العين_
    سمره وعليها عيون بالنضره تكتل_
    لويذبحوني بسيف من عدها ماأمل_
    اعذرني عالتاخيـر مو قصدي ناسيك_
    حايـــر جنـت يهواي بشلون اوافيك_
    كل عقلك انه انساك يوم من الأيام_
    مو بالحم دكيت اسمك بالأعضام_
    الصحبه صحبة موت لظن أعوفك_
    لو تدري أنا شلون مشتاك أشوفك_
    صبـح وعصر وغروب وبهـدوة الليل_
    وبكل دقيقه الـروح تشتاق ألك حيل_
    عيوني من فركاك مبتليه بالهم_
    اضحك تصب دموع اسكت تصب دم_
    تسوه عراقك شلع والناس كلها شهود_
    شفت بحلاتك جذب واليشبهك معدود_
    لو كالو انه انساك صدكني اشاعه_
    اسمك يمر عالبال كل ربع ساعه_
    سهله الجسد لومات بس صعبه الفراك_
    لو ابقى بس عضام هم الكم اشتاك_
    مسكين اليحب طيبين ماينحمل فركاهم_
    نصبر والصبر مطلوب عسانه بخير نلكاهم_


    ماضن بعد ينساك كلبي ويعوفك_
    ارضى اشتعل بالنار بس كون اشوفك_
    طيـب سليـم الـذات ما تنســة أخوتـك_
    والزينـة تمشي ويـاك ماظن تفوتـك_
    رقيق ونازك وشفاف يرمى اسهام سكتاوي_
    سألته منين محبوبي تبسم كال بصراوي_
    دم ينترس ويفيض كلبي من الفراك_
    أشهك بشهكت موت من كلبي يشتاك_
    بروتانا هالنسوان تركض عرايه_
    واحنة التقدم اخبار تلبس عبايه_
    لاتسألني أشكدأحبك شلك بهذا السؤال_
    أقره بعيوني دلالك وقيس من هذا الدلال_
    من عمت عينه الكال مومخلص اوياك_
    مثل الشمع بالناركلبي اعلى فركاك_
    مو طبعي اغث الناس بس طبعي اوافي_
    كل دغش مالي اوياك والكعبه صافي_
    لا رنه لا ترميش لا منك اخبار_
    رساله بخمس سنتات ماردنه دولار_
    غالي وعزيز الكارت وفلوسة كلفة_
    اذكرني بخمس سنتات وحسبها سلفة_
    عبوات اشد بالروح واتعنه بيتك_
    وانفجر يم الباب لو ما لكيتك_
    جار البيوت يشيل ويمكن يسافر_
    بس انت جار الروح وبقلبي صاير_
    دوخني حبك حيل خلاني مسطور_
    البس حزن بالعيد حسبالي عاشور_
    بانيلك قصر بحشاي وبالروح الك بستان_
    لا تظن يوم انساك يا أغلى انسان_
    صابتك عين الناس لو مني مليت_
    ماتنحسب مجنون لو مره دكيت_
    غصبن علي يهواي شوكك حملته_
    بالدنيا احب اثنين بس امي وانته_
    مقصرتراني أوياك وشلون اوفيك_
    لوبيدي حتى الروح افرشهة وافديك_
    حبك جزه الخوان لو جانوا أعزاز_
    لاتظن بالدلال غيرك حظه وفاز_
    مرسال منك وصل ريح الهوى جابه_
    هاذي صفات الوفي يسأل على أحبابه_
    أنت بالكلب شريان وضلوعي يحرسنك_
    عمت عين النبض والروح اذا فديوم ينسنك_
    مساء الشوك يلي من العسل اصفى_
    ولو بيدي علاج الناس لخلي شوفتك وصفه_
    مليان طيب و وفه مليان انته احساس_
    وين الكه مثلك اخو يالعندي آغله الناس_
    الدهر لو وازاك ازرع طماطه_
    وبصفه حط خيار تشبع زلاطه_
    ارد احفر التبليط وازرع بتيته_
    ليش اليحب حلوين ينهجم بيته_
    غربلت كل الناس حتى المحبين_
    كلهم صفوا بالكاع بس انته بالعين_
    غربلت كلمن جان بالخوه راقي_
    عاينت بالغربيل بس انت باقي_
    لو تحسب النجمات وتعرف عددهن_
    والله وعلي الكرار حبك بكدهن_
    تدري الله من سواك مادزك ابساع_
    خاف انقلاب يصير من توصل الكاع_
    كون انگلب عصفور بين الحضرتين_
    واشتم هوى العباس وتراب الحسين_
    ارسل مسج بوسات والظرف كلبي_
    وكل هذا قطره ماي من بحر حبي_
    الذيب يذكر طيب هم من تربية_
    ينكلب عكرب ليش ابنادم اشبية_
    احزن عليك سنين ما احزن ايام_
    وبنوحي اكعد المات ما قبل الأسلام_
    حاير شرد عليك وانته اغلى ناسي_
    كل البشر علكاع وانته اعلى راسي_
    دوم انه اسولف بيك يارفعة الراس_
    والدنيا كلها بخير لو مثلك الناس_
    طيفك بحضن العين كل ليلة ضيفي_
    بعيونك الحلوات هم يمر طيفي_
    احسب بالنجم عبالي انساك_
    كلما اعد اثنين ثالثهن الكاك_
    مو تاجر انه احزاان تاجر محبه_
    والكلب لو ينساك والحمزه اذبه_
    عمدن درت مكفاي وادريبك تصيح_
    ما ردت دمع العين كدامك يطيح_
    الخوه راحت وين تسئلني عنها_
    بالميه واحد زين يطلعلي منها_
    ما احسب انه نجوم انه اشبر الماي_
    وسع البحروالگاع حبنه افترش يهواي_
    كون الكلب بيه باب وهول وحديقه_
    جا نلعب انه وياك كلمن فريقه_
    هم قهر هم لوعات والظلم عادي_
    بس ذبح مو معقول صارت ابلادي_
    ساس العراق بخير ياربي احفظه_
    خل بعضه بالافراح يحتضن بعضه_
    ينزف جرح بغداد بس لازم يطيب_
    جيه اهله لهل البيت ظلوا معازيب_
    صاير طبع بالناس تنسه اليبعدون_
    بس انه ما انساك لو تعمه العيون_
    مثل استكان الجاي سعر الرساله_
    كاطع وياي شبيك وين العداله_
    مفخخ صرت بهواك يعني انتحاري_
    تفجيري بالنقال وبيدك قراري_
    والحمزه والعباس وموسى ابن جعفر_
    تمثال الك بالروح يوميه يكبر_
    والحمزه والعباس والما شرب ماي_
    ما اترك انه اهواي لو تنكطع هاي_
    دايخ وافكر بيك ومشوش البال_
    خابرت بالريموت حسبالي نقال_
    من ارسل الكلمات ما تشفى الجروح_
    كون من ادوس ارسال ارسلك الروح_
    مقصر تراني وياك صوت ورسايل_
    بس شكثر بالروح حب الك شايل_
    تستاهل انت الروح شنهي الرسايل_
    حبك سكن بالروح مو بالمبايل_
    >>أنـور بـري الـمـاجـدي<<


    كون الجمال البيك ينكلب بيه_
    حتى انه من اشتاك اصفن عليه_
    مو من مرض ونيت من كثر الفراك_
    صدكني كلبي عليك كل لحضة يشتاك_
    نبته وغصن مكسور وبشحه الماي_
    هذا انه حالي عليك من تكطع وياي_
    دارت رحاهة الرواح والهم لفاهة_
    وصفولي بالعشار تلكاه دواهة_
    ادري اليعيل عليك طبعك تردة_
    ولو يعمة سيفك يوم بجفوفي
    حدة_
    دوم انتة بالشدات مبرد للسيوف_
    وصدرك مضيف اجواد لو مرو ضيوف_
    في ودرع وسيوف تلكاني وياك_
    ومن تلتكي الجلات حطني اعلة يمناك_
    اصفن ودور نوم كون اغفة وانساك_
    تاليها صورة وصوت بأحلامي الگاك_
    ردتك يساهي العين بلسم للجروح_
    ما ادري يوم الضيج تنساني وتروح_
    هم حلو هم سبورت فوگاها كشخة_
    حقة الگمر لو راد من عنده نسخة_
    كاع انة وانت الطير لابد تحط يوم_
    وتمر علي فحطان لو ذرك الحوم_
    طير انة وانته الكاع وتريد احطن_
    لو ذرني انة الحول بلماي اغطن_
    ما مش بعد خوان تكضي الكلافة_
    بس بنفاة ايصير واحدهم افة_
    الوكت ما خلاش فرصة زيارة_
    كل التسير علية مشتعلة نارة_
    مجبور ادوس ارقام تجبرني ايدي_
    دم كلبي اخلصه عليك مو بس رصيدي_
    لاتظن غيرك يوم واحد عشكته_
    ولويوم احب اثنين هم انته وانته_
    الدنيا للتهواه توكفله وكفه_
    ويظل رشيد الراي محديعرفه_
    راح اخبر السلطات واهلي وعمامي_
    من عندي كلبي انباك وانته الحرامي_
    تنساني ما انساك ياشمعه الدار_
    غالي وعزيز اهواي واسمك بالاشعار_
    ريت الكلب ينشال وبصدري اخليك_
    واخلص العمر وياك كل دكه احس بيك_
    شكد الكلب يهواك بس الله يعلم_
    انه على بالك زين بس انته بالدم_
    سعفه ويطكه الريح هم اشوه مني_
    اتناثر ويه الريح من تجفي عني_
    للموت اظل وياك ما يوم املك_
    مابيه حيل افراك من هسه اكلك_
    دورت ماكو انسان يملك جفن غض_
    يخزر الميت بيه من موته ينهض_
    شلتك اسم سياب وبحضن دافي_
    وبروحي ألك تمثال يسوى الرصافي_
    رايدني احط تمثال ها خالد شبيك_
    اذا بروحي احط تمثال جاوين اخليك_
    لو ردت احط تمثال مو للرصافي_
    شاعر ومات وراح وبالكبر غافي_
    لو فكرت تنساك عيني انه لحظه_
    اعميه بلعباس كون انته ترظه_
    عيدنه واحنه اذلال وامريكا عدنه_
    جان اليريد أيلوذ يلبد أبسدنه_
    لاتظن عني ابعيد شرياني انته_
    وكليبي اظنه ايموت لوما وصلته_
    سلاني سل فركاك سواني دخان_
    واتناثرت بالريح من لحظه احزان_
    اتبرى من الروح واذبحه بيدي_
    واعصر اكليبي اعليك واكطع وريدي_
    اسأل عليك الروح مدري شتكلي_
    مدري انته نص الروح مدري انت كلي_
    شرسلك يبعد الروح ماتنوصف يالغالي_
    قليل بحقك التعبير حاير حتى نقالي_
    عايش تظل للدوم بعيوني دمعه_
    حبك سكن بالروح حوسمله قطعه_
    مشتاك الك مشتاك وبكلبي حسره_
    بيه كسر يهواي وانته التجبره_
    اوكف ولوزعلان كلمه ارد احاجيك_
    وياما بجيت اهواي هسه ارد ابجيك_
    دمعه التشك العين جمره احسبته_
    وروحي من الشوك لجلك بعته_
    اصفن واجر حسبات والدمع سجاب_
    الفركه مثل الموت ما بين الاحباب_
    جتفت روحي اجتاف كل ضني تنساك_
    من روحي طلعت روح كالتك اهواك_
    العسر خاله البين وانته احكم بهاي_
    بين ابن اخت والخال حطتني دنياي_
    وين انته وبيا صوب وبيا نويه_
    فرفحت روحي اعليك بس رد عليه_
    ميت وافكر بيك من فاركيتك_
    رغم المراره البيك بس اشتهيتك_
    كون الكلب تركيب وتنزعه وتنام_
    تغفالك اسبوعين من ظيم الأيام_
    ماناسي والعباس والينسى ماعاش_
    حبكم لكيته وياي نايم بالفراش_
    مخبل واسولف بيك صبح ومسيه_
    اكسب ثواب شبيك واسأل عليه_
    شاب وشبت والشيب صفالي راسي_
    وصدگني شيب البيه كله من ناسي_
    شاب وشبت يفلان عندك عجيبه_
    من عمر خمس سنين وبراسي شيبه_
    شيبت خمس سنين ايجوز انته حزنان_
    بس انه بالكاروك شيبت يفلان_
    بالمهد وشيبت وك هاذي اتهون_
    ابطن امي وشيبت وين اللي يحچون_
    ابطن امك وشيبيت عندك عجايب_
    من ظهر ابوي وجيت لبطن امي شايب_
    دنيا وتشيب الراس ودولاب يفتر_
    راسي انترس بالشيب من عالم الذر_


    اوكف ولو زعلان كلمه ارد احاجيك_
    وياما بجيت اهواي هسه ارد ابجيك_
    من گلبي اسوي ارسال وارسلك الروح_
    واگلب الدم سنتات واتحدى الجروح_
    ازعل يبعد الروح نتلاگه بعدين_
    انا ادري بالسباح مايترك الطين_
    كون ابخس من هاي وانته اردى مني_
    اطشرت وانوب رايد تلمني_
    ليل وبعد وفراك وشيخلص الليل_
    وحيلي انهدم بجفاك ماظل بعد حيل_
    هاك الكلب والعين خليلي بس عين_
    لوهم بعد تحتاج اكسمهه نصين_
    خل تخلص السنتات والارصده تروح_
    صدكني من اشتاك ارسلك الروح_
    من الله رقمك طاح من الله بيدي_
    بعزم الله اخلص الروح موبس رصيدي_
    ارد اسئل المشتاك والگلبه مجروح_
    الجسد هم يعيش لو عافته الروح_
    جيبولي ساهي العين جيبوه اريده_
    للكبر يمشي وياي يدفني بيده_
    الجسم سل والحال صار ارده من عود_
    من يحترك بالنار شيخضره اردود_
    تضحك عليه ادريك بس طبع بيه_
    افرح واصير وياك واضحك عليه_
    اذا انته بس مشتاق ترانه الشوك جنني_
    واحس العالم بدونك وحش ويريد ياكلني_
    مبخوت اضل للشيب يفلان اذكرك_
    وينكرني نور العين من كون انكرك_
    وينك حبيب الروح محتاج اضمك_
    صح امشي بين الناس بس روحي يمك_
    اعظم حرب بالكون ياحرب العيون_
    منهن تسودن قيس سمنه مجنون_
    لاتظن عني ابعيد شرياني انته_
    وكليبي اظنه ايموت لو ما وصلته_
    أشلون امشي لك بالعيد وانت اعز ناسي_
    بين الزحف محتار بين اعله راسي_
    شكثر ذلتني الليالي ما اضن مره اشتكيت_
    بس على فراكك ياغالي‎دنكت راسي وبجيت_
    جبهة حرب وبحور بينك وبيني_
    بس ويه ما انخاك روحك تجيني_
    العشك صار وياك مو رغبه خاوه_
    وتتبختر اعلى الناس صاير شقاوه_
    طيب واعرفك دوم للخوه تهتم_
    والخوه بس وياك ازكيها بالدم_
    بكل حلو لوله اتصير بس شحجي عنك_
    صارت اللوله البيك حتى احلى منك_
    شموع المحبه انطفت من كثر فركاكم_
    لو انسه كل البشر هيهات انساكم_
    صديق الجنت اضنه يحامي ظهري_
    ثاريه من التفت ينهش بلحمي_
    بالكلب شفت دموع من طول جفاك_
    ثاريها حتى الروح تبجي اعلى فركاك_
    عامر يظل للدوم البينك وبيني_
    وافرح بكل مرسال منك يجيني_
    خليني درع بالضيج أصد أرماح عدوانك_
    وخليني الك عنوان اخاف ايظيع عنوانك_
    لاتضن يوم انساك لو يوم اعوفك_
    صدكني ابيع الروح بس كون أشوفك_
    لو كلبي خان وياك يوم بمعزته_
    أزرعله ست عبوات وأشعل صفحته_
    لاتلزم الشباج يلمالك أحد_
    ولاتعد بالخوان ماينفع أحد_
    شوف شكثر مكروه يالخالي جيبة_
    حتى الرضع وياه ينكر حليبة_
    ماصدك اليحجون بس بيك أصدك_
    مو كلبي أنه وياك كل ثانية يدك_
    لا لا تهم يا صاح لا تهم بالعين_
    الدنية ما توفيش خانت بالحسين_
    ياصاح دمعي نشف ماظل دمع بالعين_
    افراك النحبهم صعب شك الكلب نصين_
    ارد ابجي تالي الليل بس ابجي بهداي_
    والصخر لوله عيون جاد مع وياي_
    رحت انه للدكتور شاورني بسكوت_
    لو ولفك يداويك لو باجر اتموت_
    بروحي احط اهواي واتلفلف اعليه_
    بالكلب ست اجروح سابع اخليه_
    سلمتك الدلال وبتوته كلهن_
    ظلت بكيفك عاد تكطع تشدهن_
    مالي كلوب اثنين خو تدري بيه_
    واحد واخذته وياك وشظل اليه_
    بالكلب شبت نار طفيها يهواي_
    بالوصل تطفه بساع ماتطفه بالماي_
    تيزاب احط بالعين واعميه بجفاك_
    خافن تصد للغير وانس المضه وياك_
    لا تعتقد ناسيك دوم بخيالي_
    من دكت النقال اعرف الغالي_
    حط منخلك وبضيج وبساعت امصاب_
    غربل وشوف اشلون مغشوشه
    الاصحاب_
    غربلت ماخليت كلمن مشه وياي_
    من المنخل ايطيحون اسرع من
    الماي_
    بلدمع غركانات ابقن يلعيون_
    الفارك الخلان يتبسم اشلون_
    هاك اخذ گلبي وياك يلماشي لهواي_
    گله انزرف بجفاك وابوصلك ادواي_
    هنيالك أنتة اتنام ليلك بله هموم_
    صدكني من فركاك من نومي محروم_
    شوف شكثر ولهان وتعبان بالي_
    بس ألك روحي أتهيد والله
    يالغالي_
    لاتلوم اليودك باع روحه
    واشتراك_
    ذنبة الأول يحبك وذنبة الثاني غلاك_
    وحك موت ألأخذ عباس وحك من غمض عيونة_
    أحبكم من كلب ولسان لأن أنتم
    تحبونة_
    هاك الكلب يفلان اخذه برساله_
    مكعدني نص الليل يشكيلي حاله_
    زين انته نص الليل كلبك يكعدك_
    كلبي انه الك يهواي رايدني اعبدك_
    كلبك يشك اضلوع لكن جبرتة_
    جالك كليبي بليل ما ادري سكتة_
    كلبك خلص تكطيع متعجب انته_
    كلبي انه بفركاك اذكر شلعته_


    تدري انته شيصير من تعبر عليه_
    ابكلبي رجفه اصير وتموت اديه_
    لو تدري بيه شصار من غبت عني_
    مثل اليهيم بليل وبراسه جني_
    ياصاح دمعي نشف ماظل دمع
    بالعين_
    فراك النحبهم صعب شك الكلب نصين_
    لاتضن حي وانساك ونسه الليالي_
    جثه بوسط تابوت وانته على بالي_
    صدكني ماانساك صدكني احبك_
    دورني شوف البيك تلكاني كلبك_
    شتظن اعوفك بعد واكدر على غيابك؟_
    موروحي شجره صبرونزرعت ابابك_
    ضيم وقهر وفراك وهم دمع سايل_
    وصار الكلام وياك بس بالرسايل_
    اتمني اصير اعيون وابجي على خدك_
    تدريني اموت اعليك كلشي ولابعدك_
    من كثر مامشتاك ذكرك على البال_
    بنص كلبي الك ياصاح راح ابني تمثال_
    ماضل عضو من اعضاي صاحي واجيلك_
    ياأبره وبكل يوم يسحگني فيلك_
    خليهه حلوه النار تجويني خلهه_
    احاه تگلي الروح اشاه أگلهه_
    أهلا وسهلا بيك اهلا وسهلا_
    وگبل السلام اعليك دمعاتي هلن_
    لابيك جيه اوتجي اولابيه انه انساك_
    ضليت بس بلحلم نتلاگه انه اوياك_
    أبشر يبعدالروح لرگبه دونك_
    ومثل النسر لوجاع لليضدونك_
    اهلا وسهلا بيك انته وسلامك_
    وتسوه اثنعش مليون نكلت اجدامك_
    يتشابهن بالضوك ملحك وملحي_
    بس انه احط عالزاد وانته اعله جرحي_
    لو ردت أحجي عليك بالطيب أذكرك_
    ولو أنكر الخوان لتظن أنكرك_
    ردت أنه أدور عليك وين أنته متكون_
    يحبيبي شو فركاك أثر بالعيون_
    ما أكدر اوصل ليك ولا اكدر انساك_
    مدري الزمان اشلون ورطني وياك_
    مجنون بيك اعترف وبروحي
    ضميتك_
    ومن دون كل البشر بس انته
    حبيتك_
    يل بالكلب طبيت حيل اسحك اسحك_
    اردح على الصوبين والله انته
    ابو الحك_
    اهديلك البوسات كلهن فرد نوب_
    لو غاروا العذال يطب الف طوب_
    ردتك تجيني اليوم وبعيني اشوفك_
    وشلون اصبر الروح من كتلي
    اعوفك_
    صح انه انام الليل واتغمض العيون_
    بس الكلب والروح بيكم يفكرون_
    اسمر بعين الناس وبعيني لاله_
    كل الزبير يروح فدوه لخياله_
    اتونس اعله اشفاك لو حركتهن_
    انسه شتريد اتكول وانسه الكلتهن_
    انخاني شوف اشلون راح
    انتخيلك_
    اتعكز اعلى اضلوع صدري
    واجيلك_
    من كل كتر مجروح أصبح وطنه_
    واجب علينه انكوم و انضمده كلنه_
    للصاحب امشي بليل وللخوه ممنون_
    ولو نشف دمع العين ابجيله العيون_
    كطعني ذبني بنار واحركني بيدك_
    التم وارد اردود بس كول اريدك_
    شدني بجذع من نار وارميني جيلات_
    ايدفنوني اجيك بليل بالكبر مابات_
    الكلب تالي الليل فز بونيني_
    لو للحبيب اتروح لو توديني_
    الكلب تالي الليل فز فرد فزه_
    لو للحبيب اتروح لو نحري احزه_
    لو غبت عن الروح احسبهه شده_
    واحرك بدمع العين حتى المخده_
    بين الكلب والروح والعين اخليك_
    واكتب حضر تجوال محد يمر بيك_
    فخخت قلبي بمحبتك انت ارهابي خطير_
    بس اضل للموت احبك لو زرقاوي تصير_
    لاتخسرالسنتات رمشلي ترميش_‎
    حبك نبت بحشاي فلشني تفليش_‎
    شرجي او تلملم غيم وشتد مطرها_
    روحي اشتهت ملكاك من فلك طرها_
    كل فرگه صعبه اتصير انساها وتهون_
    بس فرگتك تيزاب ينزل بالعيون_
    مخلوقه هاي ألناس بلقدره من طين_
    ورب ألعرش سواك من مشمش وتين_
    الروح حنت الك والعين مشتاگه_
    تدري اليحبه الكلب مو هين فراكه_
    هيجي الأخوه اوياك يلعذبتني_
    لو عندي انه فلوس جا خابرتني_
    لو عندك انت فلوس ما خابريتك_
    خيطت سبع جيوب واركض اجيتك_
    اني مابجاني وكتي انه من حبك بجيت_
    جنت غافل باب كلبي انته من ياباب اجيت_
    ليش التحبه الروح قطره بحر صار_
    لو گايل مبطلين كل هذا ماصار_
    من تنخى عد عيناك بس حشم بصوت_
    الموت اذا اتعناك اذبحلك الموت_
    دق قلبي ست دقات ونقلب هزاز_
    نقالي هم شيطان يعرفكم اعزاز_
    اخدر بعد مترات لمن احس جاي_
    هيه المصيبه اشلون من تگعد وياي_
    البصره لوتنباع كلها اشتريها_
    وأدفع ثمنها الروح جي أنت بيها_
    بروح احس اتعيش يالنبعك الدر_
    ترتجف كل اعضاي من اسمك يمر_
    عطشان اظل عطشان وروه على شوفك_
    بطرانه هاي الناس يردوني اعوفك_
    من كثر مامشتاق ورايدلي جيه_
    وگفت الامريكان حسبالي كيه_


    من كثر ما مشتاق ضيعت نفسي_
    وكفت الأمريكان حسبالي تكسي_
    لاتظن حي وأنساك وأنسى الليالي_
    جثتي على التابوت وأنته على بالي_
    سلم و لو بالعين تكفي الأشارة_
    روحي أبتلت بهواك سويلي جارة_
    لاتضن مثل الناس بس تبعد انساك_
    صح انته عني ابعيد بس روحي وياك_
    من عيني مدري شطاح لا دم
    ولا ماي_
    ثاري سواد العين من فرگة
    اهواي_
    حرموني نوم الليل يردوني أنساك_
    خافوا أنام الليل وبحلمي الگاك_
    رغم البعد ياصاح شخصك حضنته_
    احجي ويه روحي اليوم حسبالي انته_
    اعيونك سجن ياصاح سجنني بسكوت_
    واتمنى ماكو افراج كلش لمااموت_
    لااگدر اوصل ليك لا اگدر انساك_
    مدري الزمان شلون ورطني وياك_
    لوتبني عشر قصور سافي آنه اعله_
    أبكلبك نهر عطشان وبكلبي دجله_
    لودج عليك الريش ليغرك جناح_
    گبلك صكر ويحوم ما قاوم وطاح_
    مخلص تظل لدوم هذا انت طبعك_
    غصبا على الشمات انت ارقى ربعك_
    الشحن عندي هواي والتغطية فول_
    ليش من اتصل بيك يطلعلي مشغول_
    آه العسل بشفاك لو يوصل شفاي_
    أسبوع اضل بالصيف مااشرب الماي_
    كون انقلب سنتات وادخل رصيدك_
    كلماتدوس ارقام تلمسني ايدك_
    مساهر واعد نجوم واحسب ليالي_
    نايم حبيب الروح ما دره بحالي_
    مني أخذ شتريد وشماردت هاك_
    منك طمع مااريد بس اكعد وياك_
    هم منجلك مكسور وتكلي حاصود_
    وتريد اصدك بيك جا هيه فرهود_
    عطشان اظل عطشان وروه على شوفك_
    بطرانه هاي الناس يردوني اعوفك_
    تعطش تريد الماي نوك وترد ليش_
    أذكرت عباس من حاوطه الجيش_
    نتفارك انه اوياك بس بالهياكل_
    صدكني روحي اوياك تشرب وتاكل_
    بعيوني شفت الموت من رحت عني_
    ومن غيبتك لليوم ما ظحك سني_
    صدكني ابيع الروح بس كون اشوفك_
    صرت انت ماي العين وتريد اعوفك_
    مخلص أصيل ووفي هذا أنته طبعك_
    وغصبن على العذال أنته أرقى ربعك_
    كون المرض ماذيك ود منه ليه_
    ننطرح فرد فراش وانون سويه_
    كل همي ابدنياي تدري انته همي_
    وصح تبتعد مرات بس انته يمي_
    باليل افز فزات وبجي اعلى حالي_
    كله بسبب فركاك شكد انته غالي_
    اتطشر الفركاك وبشوفك التم_
    شتتصور انه انساك ولقيرك اهتم_
    صح أنت عني إبعيد من تحسب أمتار_
    بس أنت وسط إحشاي مبنية الك دار_
    لا مسج لا ترميش جا شنهي فلمك_
    دزلي رساله بساع لا امسح اسمك_
    فرمتت كل الروح من حب الاوهام_
    واول إسم حطيت أسمك على الرام_
    ماظل صبر بالروح حتى ابقه صابر_
    اترمش علي شتريد يبن الأكابر_
    اسأل اظل عليك حد كطع الأنفاس_
    غالي وتظل بالروح تاج انت عالراس_
    ماشفته مامر بيك دلالي ماجاك_
    فاركني صار اسبوع يمكن تعناك_
    انته التظل بالروح والباقي فلسين_
    حبك نبت بحشاي اقسم بالحسين_
    حسبالك انه انساك والكعبه غلطان_
    تحت الكلب موجود يعني انت شريان_
    غاب المطر والندى وما ذبلت ازهارك_
    خليك دوم بوصل لا تكطع اخبارك_
    امانه نظل عالبال مافد يوم تنسونه_
    اذا مره وحشناكم الف مره وحشتونه_
    لو جان حبك جرح صدكني ما اداويك_
    ولو جان حبك ملح بعيوني اخليك_
    تعودنا على قربك وصار الشوق يذبحنا_
    ترى الدنيا ما تسوى دخيلك لا تقاطعنا_
    أتمنه أمر على الدار وأشتم عطركم_
    واكتب على البيبان دمرني حبكم_
    تعودنا على كربك وصار البعد يذبحنا_
    ترى الدنيا ما تسوه دخيلك لا تكاطعنا_
    دزيـت إلك مكتـوب مـارد جوابة_
    تدري المفارك حيل يكثر عذابة_
    نوم المخده يلـوك للباله خالي_
    ومنين أجيب النوم وأنت اعلى بالي_
    دمعه وبقت بالعين محرزهه لجفاك_
    طاحت كبل لاكوم أتوادع وياك_
    ترخصلك السنتات يا بعد اهلنه_
    احنه الندك عليك بس رمشلنه_
    صح قصرت وياك بس مانسيتك_
    دورت وسط الروح كاعد لكيتك_
    لو عمري100 يصير وامشي على عصة_
    دلالي من ينساك بالموس أكصة_
    حبك سهم بالروح نابت بالعظام_
    سهرني طول الليل خلاني ماأنام_
    غصبن عليه الروح جابتني اشوفك_
    جثر الهه بالصدعات بلجن تعوفك_


    مهضومه جيت انخاك كلهم ولوني_
    لالي ولي بهل دار اهلي ونسوني_
    كالولي منهو ذاك كتلهـم اهواي_
    شنهو العلامه البيه؟؟رف كلبي وجلاي_
    خوية ام حجل مرخوص اتناشد اوياج_
    قصدج طلاع الروح لو هذا ممشاج_
    اسكت ولا مرخوص تتناشد وياي_
    ما ينترك للموت هذا انة ممشاي_
    ارد امشي هيج وهيج حركة اعلة روحك_
    وسحك علة الدلال والجم جروحك_
    صدك مريضة الروح وشفاهة عندك_
    تشفة وتطيب ابساع من تسمع اسمك_
    ياگلبي بسك عاد كافي الهضايم_
    تگضيها بالآهات والغالي نايم_
    غالين عگب المضة وما يوم ننساكم_
    والعين تبجي بدمع وتريد ملگاكم_
    يلعشت وسط ألروح لتظني ناسيك_
    بالكلب رجفه تصير من يمر طاريك_
    لو ادري هيج تصير ما عاشرتكم_
    جلد وعضم ضليت من فاركتكم_
    يمك تريد الروح تسكن وترتاح_
    دوخني هالنقال مايرسل أرواح_
    ياكلمة بالشريان تسري وي دمي_
    وبشوفتك ينزال لو جبل همي_
    حسبتك انت احزام ويشدلي ظهري_
    ناسف احزامك چان دمرلي عمري_
    طيب عساك بخير وبصحة زينه_
    ويا ربي سالم دوم واتمر علينه_
    اعمة وابد ماشوف من تگرب اصحة_
    ماصخ يظل الزاد بس انت ملحة_
    الدنيا كلها هموم وبنصها ضعنه_
    ننسه العزاز شلون مو من طبعنه_
    لاتظن يوم انساك يالتسوه كلشي_
    تسوه العدل والمات والبعده يمشي_
    اسمك فرض مكتوب وبدمي يجري_
    وغيرك فلا حبيت بس الله يدري_
    مشترك كلشي وياك والدم فرد دم_
    موصحبه انه وياك اخوه وولد عم_
    الخوه مو بالعدد الخوه رفعة راس_
    يوسف أخوته 12 وحسين بس عباس_
    أتمنى أشوفك دوم ويسعدني ملكاك_
    وجروحي كلها تطيب من أكعد وياك_
    يا گلبي هم تشتاق لو فارگتهم_
    گال أنه موش أوياك غير أنه عدهم_
    تسئلني أمي شبيك دايخ هاليام_
    كتله واحد صاك خلاني ما أنام_
    انه من اكول انساك والكعبه اجذب_
    منذوره الك هالروح ظل بيها عذب_
    محتامه روحي عليك ما أدري شتريد_
    مثل اليتيم الضاع ديناره بلعيد_
    لو زرت داحي الباب أشكيله حالي_
    كله الكتبلك بيت ظل بيته خالي_
    صبحت روحي اليوم كلش ذليله_
    تداين من الجان يفرش شليله_

    --------------------------------------------------------------------------------

    دارميات للحبيب

    ألحبيبه تبدى كلامها شعرا قائله00

    هي --أرد أنشدك وارجوك صارحني يا اهواي
    تذكرني لو غصيت من تشرب الماي
    هو يجاوبها المحبوب00
    أنتي العطش والماي وانتي المشوفه
    ورسمج وحك عيناج بالكاس اشوفه
    هي--بالحسره انه وياك وبنفس الهموم
    نتلاكه من ابعيد والعاذل يحوم
    هو--لا واشي لا نمام يفرك شملنه
    يبجي ويبوس الايد لو حب مثلنه
    هي--طال الصبر حيره وشده بال
    يمته يولف اصباي تتحسن الحال؟
    هو--العسر مهما طال اليسر بعده
    والفرج من يلوح تنتهي الشده
    هي--أكلاده ذهب ما اريد اولا أطلب أسوار
    أطلب من ألله وياك نسكن فرد دار
    هو--متأكد انه اتهون ويفرجها ألله
    ويجمع ابعش الشوك خل ويه خله
    هي-- وهسه يضي العين تسمحلي امشي
    هو--وباجر ابعون الله ما يضل كلشي
    هي --ملكانه هذا اليوم نشف دمعنا
    هو--ولابد أبوسط الدار نشعل شمعنا

    التعديل الأخير تم بواسطة الصديق ; 6/يوليو/2011 الساعة 7:15 م سبب آخر: أزالة رقم الجوال . حسب قوانين درر العراق

  2. #2
    صديق جديد
    ن كثر ما مشتاق ضيعت نفسي_
    وكفت الأمريكان حسبالي تكسي_
    لاتظن حي وأنساك وأنسى الليالي_
    جثتي على التابوت وأنته على بالي_
    سلم و لو بالعين تكفي الأشارة_
    روحي أبتلت بهواك سويلي جارة_
    لاتضن مثل الناس بس تبعد انساك_
    صح انته عني ابعيد بس روحي وياك_
    من عيني مدري شطاح لا دم
    ولا ماي_
    ثاري سواد العين من فرگة
    اهواي_
    حرموني نوم الليل يردوني أنساك_
    خافوا أنام الليل وبحلمي الگاك_
    رغم البعد ياصاح شخصك حضنته_
    احجي ويه روحي اليوم حسبالي انته_
    اعيونك سجن ياصاح سجنني بسكوت_
    واتمنى ماكو افراج كلش لمااموت_
    لااگدر اوصل ليك لا اگدر انساك_
    مدري الزمان شلون ورطني وياك_
    لوتبني عشر قصور سافي آنه اعله_
    أبكلبك نهر عطشان وبكلبي دجله_
    لودج عليك الريش ليغرك جناح_
    گبلك صكر ويحوم ما قاوم وطاح_
    مخلص تظل لدوم هذا انت طبعك_
    غصبا على الشمات انت ارقى ربعك_
    الشحن عندي هواي والتغطية فول_
    ليش من اتصل بيك يطلعلي مشغول_
    آه العسل بشفاك لو يوصل شفاي_
    أسبوع اضل بالصيف مااشرب الماي_
    كون انقلب سنتات وادخل رصيدك_
    كلماتدوس ارقام تلمسني ايدك_
    مساهر واعد نجوم واحسب ليالي_
    نايم حبيب الروح ما دره بحالي_
    مني أخذ شتريد وشماردت هاك_
    منك طمع مااريد بس اكعد وياك_
    هم منجلك مكسور وتكلي حاصود_
    وتريد اصدك بيك جا هيه فرهود_
    عطشان اظل عطشان وروه على شوفك_
    بطرانه هاي الناس يردوني اعوفك_
    تعطش تريد الماي نوك وترد ليش_
    أذكرت عباس من حاوطه الجيش_
    نتفارك انه اوياك بس بالهياكل_
    صدكني روحي اوياك تشرب وتاكل_
    بعيوني شفت الموت من رحت عني_
    ومن غيبتك لليوم ما ظحك سني_
    صدكني ابيع الروح بس كون اشوفك_
    صرت انت ماي العين وتريد اعوفك_
    مخلص أصيل ووفي هذا أنته طبعك_
    وغصبن على العذال أنته أرقى ربعك_
    كون المرض ماذيك ود منه ليه_
    ننطرح فرد فراش وانون سويه_
    كل همي ابدنياي تدري انته همي_
    وصح تبتعد مرات بس انته يمي_
    باليل افز فزات وبجي اعلى حالي_
    كله بسبب فركاك شكد انته غالي_
    اتطشر الفركاك وبشوفك التم_
    شتتصور انه انساك ولقيرك اهتم_
    صح أنت عني إبعيد من تحسب أمتار_
    بس أنت وسط إحشاي مبنية الك دار_
    لا مسج لا ترميش جا شنهي فلمك_
    دزلي رساله بساع لا امسح اسمك_
    فرمتت كل الروح من حب الاوهام_
    واول إسم حطيت أسمك على الرام_
    ماظل صبر بالروح حتى ابقه صابر_
    اترمش علي شتريد يبن الأكابر_
    اسأل اظل عليك حد كطع الأنفاس_
    غالي وتظل بالروح تاج انت عالراس_
    ماشفته مامر بيك دلالي ماجاك_
    فاركني صار اسبوع يمكن تعناك_
    انته التظل بالروح والباقي فلسين_
    حبك نبت بحشاي اقسم بالحسين_
    حسبالك انه انساك والكعبه غلطان_
    تحت الكلب موجود يعني انت شريان_
    غاب المطر والندى وما ذبلت ازهارك_
    خليك دوم بوصل لا تكطع اخبارك_
    امانه نظل عالبال مافد يوم تنسونه_
    اذا مره وحشناكم الف مره وحشتونه_
    لو جان حبك جرح صدكني ما اداويك_
    ولو جان حبك ملح بعيوني اخليك_
    تعودنا على قربك وصار الشوق يذبحنا_
    ترى الدنيا ما تسوى دخيلك لا تقاطعنا_
    أتمنه أمر على الدار وأشتم عطركم_
    واكتب على البيبان دمرني حبكم_
    تعودنا على كربك وصار البعد يذبحنا_
    ترى الدنيا ما تسوه دخيلك لا تكاطعنا_
    دزيـت إلك مكتـوب مـارد جوابة_
    تدري المفارك حيل يكثر عذابة_
    نوم المخده يلـوك للباله خالي_
    ومنين أجيب النوم وأنت اعلى بالي_
    دمعه وبقت بالعين محرزهه لجفاك_
    طاحت كبل لاكوم أتوادع وياك_
    ترخصلك السنتات يا بعد اهلنه_
    احنه الندك عليك بس رمشلنه_
    صح قصرت وياك بس مانسيتك_
    دورت وسط الروح كاعد لكيتك_
    لو عمري100 يصير وامشي على عصة_
    دلالي من ينساك بالموس أكصة_
    حبك سهم بالروح نابت بالعظام_
    سهرني طول الليل خلاني ماأنام_
    غصبن عليه الروح جابتني اشوفك_
    جثر الهه بالصدعات بلجن تعوفك_
    >>أنـور بـري الـمـاجـدي<<

    مهضومه جيت انخاك كلهم ولوني_

    لالي ولي بهل دار اهلي ونسوني_
    كالولي منهو ذاك كتلهـم اهواي_
    شنهو العلامه البيه؟؟رف كلبي وجلاي_
    خوية ام حجل مرخوص اتناشد اوياج_
    قصدج طلاع الروح لو هذا ممشاج_
    اسكت ولا مرخوص تتناشد وياي_
    ما ينترك للموت هذا انة ممشاي_
    ارد امشي هيج وهيج حركة اعلة روحك_
    وسحك علة الدلال والجم جروحك_
    صدك مريضة الروح وشفاهة عندك_
    تشفة وتطيب ابساع من تسمع اسمك_
    ياگلبي بسك عاد كافي الهضايم_
    تگضيها بالآهات والغالي نايم_
    غالين عگب المضة وما يوم ننساكم_
    والعين تبجي بدمع وتريد ملگاكم_
    يلعشت وسط ألروح لتظني ناسيك_
    بالكلب رجفه تصير من يمر طاريك_
    لو ادري هيج تصير ما عاشرتكم_
    جلد وعضم ضليت من فاركتكم_
    يمك تريد الروح تسكن وترتاح_
    دوخني هالنقال مايرسل أرواح_
    ياكلمة بالشريان تسري وي دمي_
    وبشوفتك ينزال لو جبل همي_
    حسبتك انت احزام ويشدلي ظهري_
    ناسف احزامك چان دمرلي عمري_
    طيب عساك بخير وبصحة زينه_
    ويا ربي سالم دوم واتمر علينه_
    اعمة وابد ماشوف من تگرب اصحة_
    ماصخ يظل الزاد بس انت ملحة_
    الدنيا كلها هموم وبنصها ضعنه_
    ننسه العزاز شلون مو من طبعنه_
    لاتظن يوم انساك يالتسوه كلشي_
    تسوه العدل والمات والبعده يمشي_
    اسمك فرض مكتوب وبدمي يجري_
    وغيرك فلا حبيت بس الله يدري_
    مشترك كلشي وياك والدم فرد دم_
    موصحبه انه وياك اخوه وولد عم_
    الخوه مو بالعدد الخوه رفعة راس_
    يوسف أخوته 12 وحسين بس عباس_
    أتمنى أشوفك دوم ويسعدني ملكاك_
    وجروحي كلها تطيب من أكعد وياك_
    يا گلبي هم تشتاق لو فارگتهم_
    گال أنه موش أوياك غير أنه عدهم_
    تسئلني أمي شبيك دايخ هاليام_
    كتله واحد صاك خلاني ما أنام_
    انه من اكول انساك والكعبه اجذب_
    منذوره الك هالروح ظل بيها عذب_
    محتامه روحي عليك ما أدري شتريد_
    مثل اليتيم الضاع ديناره بلعيد_
    لو زرت داحي الباب أشكيله حالي_
    كله الكتبلك بيت ظل بيته خالي_
    صبحت روحي اليوم كلش ذليله_
    تداين من الجان يفرش شليله_

    --------------------------------------------------------------------------------

    دارميات للحبيب

    ألحبيبه تبدى كلامها شعرا قائله00

    هي --أرد أنشدك وارجوك صارحني يا اهواي
    تذكرني لو غصيت من تشرب الماي
    هو يجاوبها المحبوب00
    أنتي العطش والماي وانتي المشوفه
    ورسمج وحك عيناج بالكاس اشوفه
    هي--بالحسره انه وياك وبنفس الهموم
    نتلاكه من ابعيد والعاذل يحوم
    هو--لا واشي لا نمام يفرك شملنه
    يبجي ويبوس الايد لو حب مثلنه
    هي--طال الصبر حيره وشده بال
    يمته يولف اصباي تتحسن الحال؟
    هو--العسر مهما طال اليسر بعده
    والفرج من يلوح تنتهي الشده
    هي--أكلاده ذهب ما اريد اولا أطلب أسوار
    أطلب من ألله وياك نسكن فرد دار
    هو--متأكد انه اتهون ويفرجها ألله
    ويجمع ابعش الشوك خل ويه خله
    هي-- وهسه يضي العين تسمحلي امشي
    هو--وباجر ابعون الله ما يضل كلشي
    هي --ملكانه هذا اليوم نشف دمعنا
    هو--ولابد أبوسط الدار نشعل شمعنا
    --------------------------------------------------------------------------------
    السلام عليكم
    هاي شكم بيت دارمي حزين
    واتمنى من الله ان ميجيب الحزن يارب يارب
    @@@@@
    أريد أبجي تالي الليل بس أبجي بهداي
    والصخر لوله عيون جادمع ويـــــــاي
    @@@
    هاكثر بيه جروح هاكد بجي ونوح
    روحي على روحي تنوح جاشنهو من روح
    @@@
    ياكلبي نام بيوم ولاتسمع عتاب
    سنين أعد جروح وأغلط بالحساب
    @@@
    جسر الصبر لو طال أعبر وأرد ليه
    وحتى الصبر لوغاب أصبر وتانيه
    @@@
    طير وجنح مكسور عد ياهل صغير
    روحي بيسر وتلوج ماتقبل طير
    @@@
    العسر خاله البين وأنت أحكم بهاي
    بين أبن أخت والخال خلتني دنياي
    @@@
    هذا الوكت غدار مايرحم أحــــــد
    حتى الدمع لو طاح يشمت الخـــد
    @@@
    أخرس طريح أفراش واليمه أعمه
    أطرم أجه الدكتور ياهو اليفهمه
    @@@
    ياهم تشيله الروح ياهم تعوفه
    الدهر بس وياي سنن سيوفه
    @@@
    مكتبــــــة الأبوذيــــــات
    على راسي اعتني بيتك واجيلك
    لأن بس انته أحترمك واجلك
    حسنك منوجد بهلك وجيلك
    وعبرته ليوسف بحسنك شوية
    ==============
    إلك بس انته هل دمعي والك صاب
    والك ساس بوسط روحي والك صب
    سهم هجرك دخل گلبي ولك صاب
    دليلي وصار طشاره بدية
    ==============
    بغيابك تيهت صومي والامساك
    وصباحك مايكفيني ولا مساك
    ألف هنيالي اذا شمك ولمساك
    واطفي بشمتك نار اللي بية
    ==============
    يجزعك لاتظن گلبي ويملاك
    وجمالك منوجد مثله ويملاك
    لون مال انجمع عندي ويملاك
    وبدونك فلس مايسون إلية
    ==============
    أحلفنك تگلي الصدگ بالله
    منو مثلي بچه والثوب بالله
    فراگك زيدالي الطين بله
    وفوگ اهموم حط اهموم بية
    ==============
    ابلهيب الشوگ كل اعظاي وجن
    وتيهت السنين المضن والجن
    مثلك ماشفت بالإنس والجن
    جلت قدرته السواك الية
    ==============
    شلون اتخون وانته احلفت بايات
    مزلاگه اطلعت مو درج بايات
    تريد اتروح مو بس باي بايات
    واليرجع ألف نعله اعله ابية
    ==============
    تدري اشگد الك گلبي ولع ظام
    زغار اجروحي يهونك والعظام
    أموتن واندفن واعتگ والعظام
    يزحفلك زحف لو صحت الية
    ==============
    أگوم اجلالا لحسنك وقف لك
    واسجل گلبي ياخلي وقف لك
    وحطك بي وقفلنه وقفلك
    وطب بصدري واقفلكم علية
    ==============
    فال الخير مامره فوالي
    وحبك شحن دلالي فوالي
    إذا ماعاجبك فاشطح فولي
    بس بشرط خنولي سوية
    ==============
    الدنيه ألف صورة لاقطلها
    وابد ماصرت ثعلب لاقط الها
    أنه اقلامي اتركتها لاقط الها
    شكتب بعد مايقرون بية
    ==============
    شعجب دفتر عشگنه ماتگلبه
    وليش انته اليگلبك ماتگلبه
    أنه گلبي بغيابك مات گلبه
    گلب گلبي توفه وعم عليه
    ==============
    بسهم حبك دليلي اليوم ينصاب
    والك تمثال نص الگلب ينصب
    واذا گلبك عليه ايريد ينصب
    أحب نصبك ولك أنصب عليه
    ==============
    بچيت وسال دمع العين وشل
    وبعدك من يتچي الحمل وشل
    إنته اللي تخيط الفتگ وشل
    الدهر خوان ماخلاك اليه
    ==============
    عيني لو بچت ياگلب خلها
    بسبب چي رحل من الدار خلها
    افراگه كل جميع اعضاي خلها
    على خوي الرحل وابعد عليه
    ==============
    حميتك دافعت عنك ورحماك
    الطعن أهون ولا لوذن وره احماك
    گلت أوليك ماعوفك ورحماك
    وليت وطيبتي عمت عليه
    ==============
    طبعك مو شجي وگتلك شجاني
    شجنيت اوياك شو گلي شجاني
    أمس چنت انحظن وانشم شجاني
    گنفذ والحظن حسرة عليه
    ==============
    تعال احسب اهمومي عده انته
    وگلبي اشعنده غيرك عنده انته
    أزعل الناس كلها عده إنته
    لأن زعلك يزعلني عليه
    ==============
    ساعة الوكت مشراگه سعافاي
    وعليه اليوم ماتلحگ سعافاي
    چنت نخلة ويفيلهم سعافاي
    وعلى گرصة خبز چيموا بيه
    ==============
    چنت ظهره بوكت عوزه وسده
    وعليه اليوم صك بابه وسده
    شجاه الچنت اله مخده وسده
    عله بايه وبده ايشمر عليه
    ==============
    يالبهمك املابس لابستني
    وثوب الحزن بيدك لبستني
    رحت لاصالحتني ولابستني
    ولا گتلي چذب حقك عليه
    ==============
    دكافي امن البعد ياترف بس بس
    ومنو البذنك على الهجران بس بس
    گبل تركض تجي لو صحت بس بس
    شجاك شغيرك هسه علية
    ==============
    العمر ماي وتبده كلف لمه
    وعلي نكبات هجرك صفت لمة
    گتله شوكت تفرح گال لمه
    أشوف اجنازتك تمرگ علية
    ==============
    أريد الزم خديدك واشتمنه
    واريد العن ابيك واشتمنه
    تدري شراد گلبي واشتمنه
    على صدرك أموت وهاي هيه
    ==============
    أطلبه وإجه وفاني سوادين
    شدهني وصارن براسي سوادين
    يحگلي احزن عليك البس سوادين
    الوجه والثوب أصبغهن سويه
    ==============
    ساعة الوكت مشراگة سعافي
    وعلي بجفاك ماتلحگ سعافي
    چنت نخلة ويفيلهم سعافي
    وعلى گرصة خبز چيموا بية
    ==============
    البشر معدن تعرفه بيوم ينحاك
    يوم التوگع ومكسور ينحاك
    علي خيط المصايب گام ينحاك
    والتكتلك أخوي الحاكه اليه
    ==============
    ارضعتني الدنية همها من نهدها
    طحت والطيحة طيحة من نهدها
    والله بصدري حسرة من اهدها
    أبچي المن صخر گلبه عليه
    ==============
    بدمع عيني اكتبتلك خاطر آنه
    والك مايوم كاسر خاطر آنه
    غير انته تجيني خاطر آنه
    أجيلك معتني ازحوف اعله اديه
    ==============
    أوعي بالظماير ردت يوعان
    طحت ماشفت منهم گام يوعان
    بدي وكلت اخوي الچان يوعان
    مسح حلگه بقميصي وعض اديه
    ==============
    أنه المايوم خله اوياك خليت
    شجاك وبالظهر سچين خليت
    شعندي وشبعد ياترف خليت
    صفه حته البدي هم موش اليه
    ==============
    وحگ القاب والقوسين ودنه
    لغيرك مايلف ويدور ودنه
    أگربلك ردت بخطاي ودنه
    لاچن تبتعد عني برديه
    ==============
    أشد حيلي ويبيد ابساع وانحل
    تعب جسمي وهلك بالظيم وانحل
    يسادس درس يمته اتروح وانحل
    أخاف اتأخر ويزعل عليه
    ==============
    أريد اصعد جبل حمرين وارگه
    ودز ويه الهوه للولف ورگه
    شوكت ماخضرت بالملح ورگه
    لذاك اليوم بلكي اتعود اليه
    ==============
    أبوذيات گمت اكتب عليهم
    وگولن مثله لخضير عليهم
    گلبي اليوم بي هم وعليه هم
    ولاتنفع اهمومي الأبوذية
    ==============
    رسم يوم الهجر بيده وخاطه
    الحزن فصل علي ثوبه وخاطه
    مزج مر الهوه بدمعي وخاطه
    وسگاني وماعطف أبدا عليه
    ==============
    فتح باب الگلب ولفي وطبله
    ولجل اقدومه دگ عوده وطبله
    احترمته وقدمت چايي وطبله
    إله لاچن يعاوضني بأذيه
    ==============
    تعبت من المسير وبعد مامش
    ولون هلت عيوني اعليك مامش
    صرت مثل اليدور عله الماش
    اشما أتعب وأركض هيه هيه
    ==============
    حبيبي امن انسجمنه روح وي روح
    إلي اشگد طيبت چويات ويروح
    امن اذكرك كله همي ايزول وايروح
    وهلال العيد من تگبل عليه
    ==============
    وحگ سورة بره وياسين ونسه
    وعگبك مابگالي بعد ونسه
    عمت عيني امن ابطل ابچاي وانسه
    لما الأبيض يگدرونه عليه
    ==============
    شحلات الترف من يامر وينها
    وحسنه خبل الوادم وينها
    يناظر لو تره مثلي وينها
    وعلي چان انكسر گلبك عليه
    ==============
    ربعك ناحت ونصبت عزلها
    لأن عنك حكم دهرك عزلها
    إنته الچنت للوادم عز الها
    افگدوك وظلت اديارك خليه
    ==============
    منو منكم عليه نشد من سال
    جفيتوا وبجفاكم صرت منسال
    شعندي غير دمع العين من سال
    أخفف بي مصابي الصار بيه
    ==============
    عجب للحين عندي اعيون يارن
    ولابطل دمعهن دوم يارن
    ايعين الله دليلي حمل يارن
    الدهر واطبگ جفه احبابي عليه
    ==============
    يغايب غيبتك طالت على اهلاك
    وغدو كل اليحبونك على اهلاك
    يگلبي ضل ولاتبطل على اهلاك
    لمن للگبر يسرون بيه
    ==============
    افراگ الترف للدلال علة
    جفاني وخله وسط الگلب علة
    على هجر الحبيب اصطبر عله
    يعود وترجع ايامي الهنية
    ==============
    حبيبي خوش اله وجنة وشامة
    بموصل منوجد مثله وشامه
    عونه اللي لمس خده وشمه
    تحيى الروح وايشوف الهنية
    ==============
    حبيبي بسك امن العتب واللوم
    زعلت وأذه زعلك گلبي واللم
    تعال وخلي نجمع حبنه واللم
    تره افراگك بده ايطول عليه
    ==============
    طبيب الروح ماتدري شبيها
    سگمها البالحسن يوسف شبيها
    خفي نيران هجرانه شبيها
    بچبدي او لايفيد ادواك بيه
    ==============
    بعد متفيد حسراتي وندماي
    راح الچان الي ونسه وندماي
    خضاب الناس بالحنه وانه ادماي
    خضابي وصار من عيني لديه
    ==============
    أحله من العسل خدك وشافاك
    وهنياله والوصل دارك وشافك
    طبيب اجروح تدريني وشافيك
    وجرحك ماأظن يصعب عليه
    ==============
    جمعله اچم فلس بيها تراها
    أعمه الگلب بس عينه تراها
    ثروه بدون طيب وحب تراها
    مذله وفگر واجيب الأذيه
    ==============
    على دهري چنت آمر واگوده
    ولناره اصبحت هسه وگوده
    چنت بيدي الزم الجاهل واگوده
    وهسه يگودني الجاهل بديه
    ==============
    أحس گلبك عليه اليوم لاعب
    وكلامك خشن بطله اوياي لا عيب
    شجاني اتورطت حبيت لاعب
    تركني وفضل الطوبه عليه
    ==============
    گلب صافي لون تهوه گلبنه
    وابد مايوم عالصاحب گلبنه
    إحنه اظلوع الك وانته گلبنه
    ونحافظ عالگلب من كل أذيه
    ==============
    صديقي أشگد وفي ومخلص وصادق
    واحبك ماأحب غيرك واصادق
    نخيت الهادي والباقر وصادق
    تظل انته أعز محبوب اليه
    ==============
    حبيبي بس الك هالگلب وايميل
    وعالفرگه ايتموج دمعي وايميل
    ماطالب رسالة ادزلي وايميل
    فرد مسكول لاتبخل عليه
    ==============
    مفارگ والليالي اسنين مرن
    وعلي صاير لذيذ الزاد مرن
    طفر گلبي على النقال من رن
    لأن حسيت روحي ادگ عليه
    ==============
    وحگ الألف واللامين والها
    روحي بهوى ساهي العين ولها
    لها ثغر وجبين وعين والها
    خد شبه البدر لو سطع ضيه
    ==============
    فصوص العين فص يمي وفص لك
    لأن من يوسف انته اصلك وفصلك
    أخيطك بيدي تدريني وفصلك
    واجيبك فيت عالطول العليه
    ==============
    خلبص والعب بكيفك وشربك
    وبان الغيض بعيونك وشربيك
    أجرعك لوچنت حنظل واشربك
    وأحبك لو چنت چتال اليه
    ==============
    عزيز انته والك بالروح منصب
    ودمع العين من فرگاك منصب
    عسى موتي جريب وگبري من صب
    ولا أسمع خبر عنك أذيه
    ==============
    أريد اخبط مزيج الرمل والحر
    وادور عالصديج الوفي والحر
    نخيت الله وابو الحسنين والحر
    يحفظ كل خوي يذكر خويه
    ==============
    تراچي من الذهب لابس وساعة
    وقميصه امن الخصر مابي وساعه
    ساعة اينام المدلل وساعة
    يفز مرعوب ريته ابين اديه
    ==============
    أحترگ گلبي بسعيرك والتهابك
    وترك هالناس كلها ولتهابك
    اشسبب روحي التودك والتهابك
    تفارگها وتشب نيران بيه
    ==============
    وحگ من صله بالمسجد والاكبر
    اشكثر باريتك بجبي ولك بار
    چبيرة سوايتك هايه والاكبر
    تصيرن إنته والشامت عليه
    ==============
    سبحانه الخلق حسنه ورقته
    وكلامه العذب داواني ورقته
    تمنيت بكتابه اصبح ورقته
    وكل ساعة يحط عينه عليه
    ==============
    شوصفه بياشعر يرهم وگصه
    علي من فات گلبي بموس گصه
    شنو التسريحة لبشعره وگصه
    تهد الحيل ابد مو طبيعية
    ==============
    أنه المديون والتمو طلابه
    اوكته استاد ويحاسب طلابه
    شجاه الموت طالبنه طلابه
    ترسها اگبور أرض البابلية
    ==============
    بمحبتك ماأميز الشمس من في
    وبنظرات عينك صرت منفي
    دمد ايدك بگلبي وشوف من فيه
    واذا غيرك لگيت اعتب عليه
    ==============
    مرتاحين واحسن عيشه چنه
    وهسه بقهر لمن جنته چنه
    مو چنه الإجتني أتگول چنه
    إبليس الإجاني وعم عليه
    ==============
    الدهر للحزن من ايدي يراني
    ولا واحد وگفلي من يراني
    كلمن صد الي بنظرة يراني
    خاوي الجسم بس الجلد بيه
    ==============
    أنه الصياد صادتني شبكتك
    ودخيل الله اشكثر حلوه شبگتك
    أدگ اعليك مشغولة شبكتك
    واظن مغلق جهازك بس عليه
    ==============
    حياتي انتي ومهجتي وإنتي گلبي
    وحزني بشوفتچ ينقص وگل بي
    إلزمي وفتشي ادليلي وگلبيه
    وغير اسمچ فلا تلگين بيه
    ==============
    صرت من بعده منفي بوسط وادي
    وجريح اصبحت أنزف بحر وادي
    شودك لو تگلي اتمنه ودي
    طلب واحد أشوفه وهاي هيه
    ==============
    يچكليته بطعم خدك يبسكوت
    عليك ابليلي صدگ أون بسكوت
    جبت كيه وگمت أشتغل بس كوت
    إلك بس انته والكروه عليه
    ==============
    وحگ مكة وشبل حيدر وموسى
    الهوه تذبح سچاچينه وموسى
    لون ولفي مسك جرحي ومسه
    إيده البنسلين اتصير اليه
    ==============
    سبع اظلوع يوم اهجرت حنيت
    بهجرك لاتظن لچفوف حنيت
    تصد عني ولعد الغير حنيت
    وبعد تعبي تجازيني برديه
    ==============
    بلانه الله بلوه بسمراني
    وغرامه بوسط گلبي بسمراني
    حلو ماضگت منه بس مر آني
    واحسه امن العسل أطيب شويه
    ==============
    يالمسيطر عليه دومن انته
    اشما نلعب الفايز دومن انته
    شش بيدي وتگلي دومن انته
    شدومن وانته قافلها عليه
    ==============
    تعالولي يربعي فكروني
    الأحبنهم نسوني فكروني
    إذا ام كلثوم غنت فكروني
    شحطلها وترد ترهم عليه
    ==============
    حبيبي اسمك بعيني انحفر وانخاط
    وگلبك ويه گلبي انطبگ وانخاط
    أحس دمك بدمي أختلط وانخاط
    واحس مو روحي روحك تسري بيه
    ==============
    حبيبي لاتظل محتار أوشاك
    الوشالك بيه عندي اليوم أوشاك
    تعال اهواك اهو عالموت أوشك
    تعال ومن تجي ترد روحي ليه
    ==============
    الجرح خزن يحلو الطول وده
    يبيك الگلب زاد اوكثر وده
    رسمك ياشريچ العگل وده
    إلي تذكار من تبعد عليه
    ==============
    احترگ جوفي بلهيب الحب ويغله
    وغرام الترف چتفني ويغله
    الذهب طبع الذهب يرخص ويغله
    وحبيبي بكل وكت غالي عليه
    ==============
    هنا يالچنت مني وچنت مناك
    وعلي منيت وآنه اقبلت مناك
    عزيز وليش دربك صار مناك
    قروا بذنك تريد اتخون بيه
    ==============
    يعلمني زماني ادورس وانسه
    وعلى حالي بچت رضعان وانسه
    آنه الچنت للخلان ونسه
    صرت مكروه محد يمر بيه
    ==============
    الليالي لاتظن ياصاح طابن
    بصميم احشاي الك نبلات طبن
    احملت منك چثير اجروح طابن
    لچن جرح الكلام اثر عليه
    ==============
    ظهري مال چالحاجب وحن ليك
    ومسحت المدمع بچفي وحن ليك
    مثل يعگوب اون وانحب واحن ليك
    ومثل يوسف وصالك شح عليه
    ==============
    أبد ماشفت من الدنية ود لي
    نشفت گهوتي امن العوز ودلي
    إذا عندك شوية صبر ودلي
    أكمل عيشتي الكلها رديه
    ==============
    العمر ضاع بهواك ونقص مازاد
    وحچيك بس وعد عن هذا مازاد
    أنه البيه زماني صاح مازاد
    والف شراي يتعامل عليه
    ==============
    اشبده مني وشخصك على ماطل
    وحبل امواصلك وياي ماطل
    دليلي اويه الصبر بجفاك ماطل
    مثل روحي التماطل بالمنيه
    ==============
    حبيبي العمر بعدك كلفاني
    طحت والموت اشوفه كلفاني
    ثمن هجرك حياتي كلفاني
    دفعته وإنته تتحمل خطيه
    ==============
    حبك مرض بيه منعاني
    طرحني وعن وصالك منعاني
    ماهزك الناعي من نعاني
    ولانعشي كسر گلبك عليه
    ==============
    حبيبي بدربه صدلي ولاحظاني
    لكن ماگربلي ولاحظني
    بخت ماعندي بالحب لاحظ آني
    جبتها اصفارة ماحصلت ميه
    ==============
    عليله الروح ماريدن طب الها
    وحسافه الشامت لدارك طب الها
    شجاك الدنية دگتلك طبلها
    وصفت نسوان لتوزك عليه
    ==============
    وحگ بيت التطوف الناس حوله
    الفرح بگليبي ابد مادار حوله
    طحت بمره وچنها ابليس حوله
    وعدها السان شاعل والديه
    ==============
    سدرة امي وفيي من سدرها
    ورضعت الطيب والحب من سدرها
    أبد منسه حظنها ومنسه درها
    ولا أنسه اشكثر تعبت عليه
    ==============

    عگب جرحك يدهري وشتلمني
    مثل ماي وتطشر وشتلمني
    يوكتي اللوم كافي وشتلمني
    تلوم ازغار عيشتها رديه
    ==============
    الحاقد حرض الوادم علي داس
    اوكتي اشلون حطمني وعلي داس
    لعب داس وگلت أوگف علي داس
    غلبته وضحك الوادم عليه
    ==============
    گلبي بنارة مايلهب ولاشاب
    وشعري المايصير ابيض ولاشاب
    لاعمري چبير آنه ولاشاب
    عمري سبعطعش عشت بأذيه
    ==============
    على افراگ المحب أعتب ولاميت
    واداوي اجروحي لبگلبي ولاميت
    لاني حي على افراگه ولاميت
    بگيت ابحال سكرات المنيه
    ==============
    چفك لايمسني مستحيله
    وانه المايستحيلي مستحيله
    عشرتي اوياك صارت مستحيله
    وانه الممنون اذا تگطع الجيه
    ==============
    يوم الدهر ياصاحب وعانه
    وعرفنه اللا فلس ينفع وعانه
    أخوي المانگل حملي وعانه
    إلي شيفيد لو تدنه المنيه
    ==============
    گلبي اگبال طولك حيل رباك
    والرباك مدري اشلون رباك
    من ياطين خدك سوه رباك
    گبل يوسف إلك أنطه اولويه
    ==============
    طيب ازرعت لحبابي ولازال
    وعزهم من يلاگوني ولازل
    حبهم ساكن بگلبي ولازال
    وشنو الأسباب مامروا عليه
    ==============
    ايتهجه احروف علمته وقربيه
    ونكرني ومارضه بوصلي وقربي
    أدور ياذنب عندي وقربيه
    لگيت الطيب أكبر ذنب اليه
    ==============
    وحگ عينك وحگ جفنك ورمشاك
    أظل طول العمر أمشي وره امشاك
    منك بالگلب عندي ورم شاك
    واطيبن من تخلي ايدك عليه
    ==============
    جرح أنزف وخوتي ماشلوني
    الذهب لوني وگلهم ماشلوني
    طحت يمهم حسافه ماشلوني
    توچيت اعله روحي وگمت بيه
    ==============
    وين الأخو العاوني على الراح
    ايتفرج والگلب خلوه على الراح
    خلصت العمر أصفج على الراح
    من اخوتي الشمتوا عدوان اليه
    ==============
    خفي جرحي ولامن محب حسبه
    أگضي الليل حسبه بأثر حسبه
    خلص عمري تعال اوياي حسبه
    وحرام انچان مر الفرح بيه
    ==============
    جروح الگلب فوگ الملح شرهن
    وعلي طشن ليالي الظيم شرهن
    حرت آنه شبيعن بعد شرهن
    بگه ثوب الشرف ساتر عليه
    ==============
    الليالي بهجرك اشتركن وسهمن
    وگبل چان الدمع جامد وسهمن
    جمرتين بوسط روحي وسهمين
    عفاني شلون شايلهن سويه
    ==============
    عليه اهموم وزنه والف وزنه
    وكلامي التسمعه بتفكير وزنه
    ألف واشي عليك اليوم وزنه
    والف يمك يوزونك عليه
    ==============
    نهتم بيك لنك منتمنه
    واذا تنكر حبيبي منته منه
    إحنه اخلاف شخصك منتمنه
    وبعد منريد من رب البريه
    ==============
    حسافه الچان الي مصبح ولي ماس
    لن بلسانه يطعني ولي ماس
    وردة وبيد عدواني ولي ماس
    يحز برگبتي ويگطع بديه
    ==============
    إلي يومين عن الزاد مساك
    يالماجيتني ولاگلت مساك
    أجن وازعل لون الريح مساك
    وتشل حالي لون تبعد عليه
    ==============
    وحگ ذي قار والموصل ورطبه
    بميك ياوطن گلبي ورطبه
    نخلك ياوطن وينه ورطبه
    يرد سعفات بس ضلن عليه
    ==============
    هاسل الگلب بجفاك هامات
    ويامه اگبال سيفي انحنت هامات
    أخبرك روحي نص الليل هامت
    عليك وسحل جابتني من اديه
    ==============
    حلاوة وطيب للياگل تمرنه
    ويضل نافذ كلامك من تمرنه
    تميل البصرة كلها من تمرنه
    والك شط العرب ياخذ تحيه
    ==============
    ترف ومن الورد اترف ترافاك
    والذ من العسل واطيب ترافاك
    تعال اگليبي الك بابه ترافاك
    أسده ويفتحك غصبن عليه
    ==============
    إلآهك من خلق حسنك نصف بيك
    وحرنه بياوصف گلي نصف بيك
    طلع هذا الگمر ماخذ نصف بيك
    واسمعه ايگول خل يصعد عليه
    ==============
    لون يدري الزمان اتموت چادار
    ومن صدره علينه اهموم چادار
    عگب ذاك المضيف النصب چادار
    ومصابك بالگلب أثر عليه
    ==============
    شفت بس الذهب يرهم وصف لك
    ولحط كهرب على ارگبتك وصف لك
    حبيبي ابروحي مدرستك وصف لك
    وعلى گلبي رحلتك ذيچ هيه
    ==============
    يصاحب لو تشوف اشلون كتماي
    على اعيوني يصب الدمع كتماي
    اشمگل الروح سر الهوه كتماي
    تحن وتهيج الساكن عليه
    ==============
    اجروحي اتحرشن بيه وعالن
    وانه الماكاشف اهمومي وعالن
    بحلات النوم فز گلبي وعه لن
    أخوتي وربعي اجو چتال اليه
    ==============
    أدين الروح والصاحب مدينه
    وحبال الوصل لليگطع مدينه
    حسبت ابيوت صدگاني مدينه
    وبتت بالچول خاف اتمن عليه
    ==============
    لغيرك لاجره دمعي ولاهل
    غاب الگمر من شافك ولاهل
    لالي احباب بالدنيه ولاهل
    بس انته وگطعت الوصل بيه
    ==============
    حبيبي بوسه منك طالباني
    وعليمن گلبك اشبيه طالباني
    وين الله واصيرن طالباني
    شحلات الحله اذا نمشي سويه
    ==============
    حبيبي امن العتب أرجوك بس بس
    ومنو البذنك يبعد الروح بس بس
    إذا عندك العشرة اتريد بس بس
    تعال وتنتهي كل القضيه
    ==============
    أفن من زماني وآه منه
    على من چان الي وياه منه
    أگله الدرب هذا ايگول منه
    أگله فوت بي يرجع عليه
    ==============
    أبد مو عالبشر يجري جرالي
    وعلى خدي نهر شوگي جرالي
    ولك گلبي شرد مني جرالي
    من الياخه دجره وجيبه ليه
    ==============
    أصافح إيد شماتك واعاديك
    لأنك ماصنت مرة وعاديك
    تضل تغلط واصححلك واعاديك
    تعاند ماصفه گلبك عليه
    ==============
    حبيبي ايلوگ شعرك من تحله
    غزال وكون ولفي منتحله
    اشجابك عالسماوة منته حله
    الحلاوة البيك أصلا بابليه
    ==============
    اهجرتني بلا ذنب ومشيت عناي
    وظل الگلب بس اينوح عناي
    لون ارتاح چنت اوصلك عناي
    واخبرك بالفراگ اشعمل بيه
    ==============
    حبيبي الگلب لودادك تره حن
    بشبابي وظهري من هجرك تره حن
    رحيل اليوم لو باچر تره حن
    حرام بشوفتك تبخل عليه
    ==============
    رضاة الله أمي مرضاها
    ولاحب مثل حبها مرضاها
    الوكت وارباي والهم مرضاها
    مريضة ومن اون اتون عليه
    ==============
    شتلت وطلع وسط النار شتلي
    وزماني اشكثر يامه اخوان شتلي
    عليهم شقره من آيات شتلي
    دخلي الفاتحة اقراها عليه
    ==============
    زرعنه انته وثمرنه وانته حبنه
    فگدناك وبچينه ونتحبنه
    دگوم اگعد نحبك وانته حبنه
    نشوفك فرد مرة وهاي هيه
    ==============
    نصبت ومانفع نصبي وشبچي
    ودمع العين وشلته وشبچي
    يدنيه لملمي اهمومچ وشبچي
    وخلي اشما يصير ايصير بيه
    ==============
    اشمگل الروح اصبري اتگول لامات
    وعلي اهلي وجميع الناس لامات
    الرجل يخلف وراه اثنين لومات
    ثوب وخلق عالي لهالبرية
    ==============
    يروحي اللي تحبينه ولچ مات
    نزل جوه الأرض جسمه ولچ مات
    إحملي الظيم من بعده ولچمات
    وشوفي اشضامتلچ هالدنيه
    ==============
    شكيت الحال للطيبين مرات
    وگمت امضغ احروف الصبر مرات
    يمن ريت الزمان ايعود مرات
    وارجع للجره والصار بيه
    ==============
    حبيبي الگمر وجهك من تطلبه
    والك يرخص گليبي من تطلبه
    غيابك سل يسلني من تطلبه
    وكل ساعة المرض يشتد عليه
    ==============
    تره گلبي انترس لجلك من الهم
    وغيري ابكثر ماودك من الهم
    ردت خلوه ولك أشكي من الهم
    لأن يرتاح گلبي من الأذيه
    ==============
    كل الناس صفحة وانته صفحة
    وحياتي اكتاب بيدك وانته صفحة
    اليصافح مدله چفك وانته صفحة
    وتكبر عاليدورلك رديه
    ==============
    ليش اعله التكبر دوم تسعه
    نسيت ابساع كلنه ولد تسعه
    عندك جنح واحد موش تسعه
    تريد ابتك جنح تعله عليه
    ==============
    الليالي للأحبهم صدگ شتان
    وعليه الصيف لا يالولد شتان
    تعال انته بغربتك بعد شتان
    طحت آنه الوكت دگ حيل بيه
    ==============
    ظعن حبي نوه بهجره وعلي سار
    أصب الدمع والواشي علي سار
    بقيت آنه اطبگ اليمنه علي سار
    على ولفي الهجرني وخان بيه
    ==============
    لغيرك مايسل دمعي ولك سال
    وعليك الگلب ماتدري ولك سال
    يخايب يابعد روحي ولك سال
    اتركتني ومادريت الصار بيه
    ==============
    أزرع ورد واحصد شوك واجني
    وغرامك بالف لهبة نار وجني
    يقاسي الگلب دمعي جرح وجني
    ولانوبه عطف گلبك عليه
    ==============
    روحي معلگه بحبك بعدها
    لكن هالزمن عنك بعدها
    يخوي اسأل علي مره بعدها
    ميهمني الحصل والصار بيه
    ==============
    شوصفك والوصف محتار وصفه
    وجمالك أنقه من الذهب وصفه
    عليمن يكتب الدكتور وصفه
    دواي انته وشفافك صيدليه
    ==============
    يگلبي ابيش اخيطنك ولحماك
    ولاواحد وگف دونك ولحماك
    إجاك الظيم من دمك ولحماك
    وبدال الطيب جازوك برديه
    ==============
    اذكرنه ياحنين الگلب مره
    وسويلك على الخلان مره
    ليالي اجفاك آه اشكثر مره
    طفه بيها الگمر واختنگ ضيه
    ==============
    السكن بالگلب دگ اوياي دگه
    چنت عنبر أحسبه وطلع دگه
    يشامت عاد طبلك حيل دگه
    إجت من صالحك ماصار بيه
    ==============
    أضل حزنان عالراحت وماجت
    ودموعي اعله طرف العين ماجت
    أحس الگاع تحت الجدم ماجت
    لمن راحت وغابت عليه
    ==============
    على وجنة حبيبي اثنين شامات
    ويريت اشبع گبل ماموت شمات
    لون صاروا جميع الناس شمات
    أگابل منزله صبح ومسيه
    ==============
    هلن ياجفون العين من دم
    على من چان الي وياه مندم
    بودادك لو تلفت الروح مندم
    أندم لو گطعت الوصل بيه
    ==============
    البدر بخدود حلو الطول وسم
    سجني الترف بين الأرض والسم
    ومن هجره جرعت الصبر وسم
    عفه گلبه الجلد ماحن عليه
    ==============
    خذلني الگال انه عونك وگدها
    وعليه اعداي حشمها وگدها
    ابچبدي النار وبجوفه وگدها
    الأخو الطفيت نيرانه بديه
    ==============
    عگب عينك نشف شطنه ويمنه
    وعلامك ماتمر بينه ويمنه
    تولاني الدهر يسره ويمنه
    وخلاني الصبح ماشوف ضيه
    ==============
    عشت عمري عمر منذور للحب
    زارع حبتي وناطور للحب
    صفيت آنه مثل ناطور للحب
    أود من النگيط امليلي ميه
    ==============
    معجب حيل انه بطبعه وفنه
    صادق دوم بوعوده وفي النه
    اليمسه بالأذه شحده وفنه
    عليه أعلگ الحرب العالمية
    ==============
    دليلي اتفطر بشيلة وظعنه
    راح الشوگ وتخربط وظعنه
    بينه افترت الدنيه وظعنه
    وصفينه نعد بيام المنيه
    ==============
    وحگ من بالحشر ربك حياها
    ألف ليله انگضت جفني حياها
    آنه استحي ويمنعني حياها
    السكوت مخيم اعليها وعليه
    ==============
    على گلبي الفرح مايوم عده
    ونهاري بشهر مو ساعات عده
    زماني اشگد دگايگ سود عده
    أفك وحده ويجن عشرة سويه
    ==============
    ابهيمه ياضعن صاحوا وناخوك
    وعرفوا گد للمزامط وناخوك
    صحت للمنتخي عونك وناخوك
    وعد عيناك يالزامطت بيه
    ==============
    فرگتك ياترف گلبك عملها
    وعيني لو هوت غيرك عملها
    يتيمه الروح واوصالك عمه الها
    يخف عني المصاب الصار بيه
    ==============
    علامة الدهر شتتنه وطرنه
    عگب ذاك الطرب بالهم وطرنه
    ألف ياحيف مگضينه وطرنه
    الليالي اللي مضت متعود اليه
    ==============
    هجم حبك على اسنيني غزلها
    وروحي بمغزل الحسرة غزلها
    القصايد بس الك لايگ غزلها
    يبو اشفاف العسل عينك عليه
    ==============
    تغيب الروح بغيابك واردها
    وكتاب اجفاك من عندك وردها
    روحي بفرگتك ذابل وردها
    ماي انته وترد الروح اليه
    ==============
    يصاحب لو لگيت الزين وده
    وصير اوياه گلب بگلب وده
    اشكثر جاب الزمان اشكثر وده
    ولامثلك يمر طيب عليه
    ==============
    شوفني الفراگ انجوم ظهري
    وگمت للشيبه اگلها ابساع ظهري
    ردتك يبني إنته احزام ظهري
    ترد العيله لو صارت عليه
    ==============
    أحب كل يوم اشوفك واشتمنك
    واذا تبعد أسبك واشتمنك
    شوف اشراد گلبي واشتمنك
    بوسط عيني فلا تبعد عليه
    ==============
    ليش استعجلت بالسفر ومضيت
    وبيدك وقعت عالهجر ومضيت
    جمرتك أثرت بالگلب ومضت
    ماتطفه لمن ترجع إليه
    ==============
    شحلو طولك من تمشي وناراك
    عفه گلبي الحمل ناري وناراك
    إذا إنته تعب حيلك أنا رك
    عليل اشفه إذا مريت بيه
    ==============
    حبيبي ليش عني ولك هملان
    دمع العين عالوجنات هملان
    الحديد الماتلينه النار هم لان
    واشو گلبك صخر ماحن عليه
    ==============
    لعبرلك حبيبي ابحور وانهار
    ولنتظرك يروحي بليل وانهار
    واذا ماشوفك آنه احترگ وانهار
    واوصل گبل موتي للمنيه
    ==============
    الدنيه سيوف بضلوعي سنتها
    وقوانين التعب لجلي سنتها
    الوادم تحتفل باخر نستها
    وانه ابچي اعله العمر راح امن اديه
    ==============
    الوادم تنظر لجسمي يروحاي
    وانه اموتاتني سكتة يروحاي
    شمالچ بالعجل طحتي يروحي
    خلص صبرچ يروحي وخنتي بيه
    ==============
    حگه الدمع فوگ الوجن يندار
    من حيث الوفي بهالوكت يندر
    الموت اعله المسچ والورد يندر
    ويعوف النذل والذاته رديه
    ==============
    أحبك ماأحب بالكون سواك
    سبحانه الذي من طين سواك
    بشر لكنه ويه الگمر ساوال
    وصرت إنته الگمر وايديك ضيه
    ==============
    زرعت الصبر فوگ اجبال ورد
    سگيته ومن دموع العين ورد
    حبيبي انشد عليك الراح والرد
    شعجب للحين متسير عليه
    ==============
    اشكثر عني دليلي يامعانه
    وتحمل گلبي يامه ويامعانه
    يعمي انته معاهم يامعانه
    تهد وتفازع وتاهت عليه
    ==============
    خادم صرت في حبك يسلطان
    وگلبي لو سمع صوتك يسلطن
    حمل بغيبتك يسمر يصل طن
    ويصل طنين من تگرب عليه
    ==============
    يما خذني ويجايبني مع الماي
    ردتك ياحلو تصبح معلماي
    تعال وخلي آلآمك مع الماي
    وانه وانته نضمدهن سويه
    ==============
    سريت وتعبن اجدامي منعداي
    مريض ولادوة ايشافي منعداي
    ألف عين اكرمت لجلك منعداي
    أباريهم وهم عدوان اليه
    ==============
    ورثنه الكرم عن أبنه وجدنه
    بأعز أرواح ضحينه وجدنه
    درب للخير والغيرة وجدنه
    وعليه سرنه بنهج رب البريه
    ==============
    أنه اشبيدي على امر وامركم
    سجين ولاجنح عندي وامركم
    وهم يوم السجن يخلص وامركم
    واعاتب كل شخص مامر عليه
    ==============
    يگلبي بعدك بحبهم ولك حيل
    الجرالك كله من عدهم ولك حل
    دون من القهر وابچي ولك حيل
    نصحتك ماسمعت ابيوم اليه
    ==============
    تره اسهام الهوه كثرن ولاراد
    أصيح وماإلي مجاوب ولاراد
    نخيت الگلب ينساهم ولارد
    لگيت الگلب وياهم عليه
    ==============
    روحي اهواي ذبت من دماها
    واسأل من كتلها من دماها
    نديم الليل راحت من دماها
    وصارت كالحجر حدر الوطية
    ==============
    هدملي البعد شوگي وحبي
    ويبست گاعي كلها ومات حبي
    تمنيت الحلو يمي وحب بي
    واگله البعد نار اتوج عليه
    ==============
    إحنه اجيال ربينه وعلمنه
    ويظل مرفوع ويرفرف علمنه
    ويظل يزهي ويظل خالد علمنه
    وتظل بغداد أم العلم هيه
    ==============
    يمحلاته الحلو يمي ونيمه
    على صدري ولوليله ونيمه
    گمر مو بشر بالخلقه ونيمه
    وابد ماشفت مثله اعله الوطية
    ==============
    أيا دمعي انگضه وماشفت راحات
    أعظ بشفاي حيل افركت راحات
    الليالي الماردتها اتروح راحت
    واجتني الماردتها اتمر عليه
    ==============
    المايوفي بصحبته مرضه عنه
    والبشر يطلع على اللي مرضعنه
    حبيبي اگبال عينه مر ضعنه
    نكر عشرتي وسد بابه عليه
    ==============
    لأن طگات شماتي بهاماي
    وشل لاتظن عيني بهاماي
    إذا عالذل رضه يبصم بهاماي
    أگطعه انچان يرضالي برديه
    ==============
    زماني حد علي سيفه اولاني
    واخذ مني أعز ناسي ولاني
    صرت لا آني متفارگ ولاني
    عشت وي ولفي براحة وهنيه
    ==============
    الدهر لابويه خلالي ولمي
    جريدة اصبحت لليقره ولمي
    يدنيه حشدي اجيوشچ ولمي
    على هذا المصاب الصار بيه
    ==============
    سگيتك من دموع العين قدحان
    ولا گلبك علي فد يوم قدحان
    تعال اگرب حسابي اوياك قدحان
    أخذ الإلك وانطيني الإليه
    ==============
    يطير اخذ الكتاب اوياك وصله
    للأعرف عمامه منين وصله
    الگلب بجفاه صار اثنعش وصله
    كل وصله تطالب جيبه ليه
    ==============
    شفت حلوات خزرني وفاتن
    وحسنهن يجلب الناظر وفاتن
    حضي الماحوه بمروة وفاتن
    أخذني ايگود بيه لجاسمية
    ==============
    إلك هيبه والك جاه وسعراي
    والك نار اوجرت بيه وسعراي
    أريدك تسمع اشعاري بوسع راي
    واريدك تنطي رايك هسه بيه
    ==============
    حبيب الروح كونك هسه ياماي
    مثل يامه وافراگك كسر ياماي
    وعطش فرگاك يمته اشربك ياماي
    يمي زمزم وأعذب منه ميه
    ==============
    يمته من الحزن نفرغ ونخله
    ينخلني الزمان بيده ونخله
    خط آنه وفسفورة ونخله
    عراقي ومامزور بالهويه
    ==============
    عفاني اشلون الي مهجة ولي روح
    أداوي بالعلل كثرن واليروح
    لاني بحال اليبقه واليروح
    بحالك يالگطعت الوصل بيه
    ==============
    مشيت وشوگكم عدني وردني
    ومسحت الدمع بچفوفي وردني
    إذا مكتوب من عدكم وردني
    مثل ميت ترد الروح اليه
    ==============
    شفتچ وانگطع بالگلب بتي
    ويريت بحظني ذاك الليل بتي
    إذا بالعمر إنتي بعمر بتي
    وانه امن ازغر بناتي ازغر شويه
    ==============
    يامه ادروب لجلك ماشي بيها
    يالبالكون كله ماشبيها
    لگذلتك كون اصيرن ماشه بيها
    وكل ساعة تمشي ايدك عليه
    ==============
    همت وانسلب عگلي وزاد مرضاي
    على المامر عليه شخص مر ضي
    لون تسكن بلب احشاي مرضاي
    أگول اگرب يهل مبعد عليه
    ==============
    أبد ميهمني لاحسنك وشكلك
    وليهمني شنو شربك وشكلك
    أريد بگلبي اشدنك واشكلك
    واعيش اوياك عمري للمنيه
    ==============
    أنه المظلوم من ساعة ولاداي
    حته احبابي تركوني ولاداي
    مريض بدون لاعله ولاداي
    سبب مرضي زماني اغبر عليه
    ==============
    أبيك آنه وابد ماگول مابيك
    يالكلك حنان وشين مابيك
    غبت عني واگول اشبيك مابيك
    امن اغيبن هم يظل بالك عليه
    ==============
    يفز گلبي بتوالي الليل ويروح
    يمك يالمليته اهموم ويروح
    عشرتي اوياك عشرة جسد ويروح
    إذا تتركني أموت شلون بيه
    ==============
    أشرفنك على العالم وافضلك
    ودمعي ماجره لغيرك وفضلك
    أنه امن أذكر بعض طيبك وفضلك
    أشكرك كل صباح وكل مسيه
    ==============
    خلص عمري أدور اعليك وانشد
    وبحروفك أغني صرت وانشد
    بعدك بس نداوي اجروح وانشد
    نخيط جرح بس ينفتح ميه
    ==============
    اغيم وامطر وانخبط واصفه
    على اللي راح مني وتاه وصفه
    حبيبي وچان للبلواي وصفة
    أشگ الچفن لو مر طيفه بيه
    ==============
    بس احنه المصيايب صاحبنه
    لأن كل ساعة نفگد صاحب النه
    إبنه المات محد صاح ابنه
    أخاف انصيح ويعدمون اخيه
    ==============
    إدي لليوم تنزف من رصيدك
    لأن مرة انته صايد مرة اصيدك
    عليه اصرف دقيقة من رصيدك
    وانه اعوضك إذا تصرف عليه
    ==============
    حفرت الجدم چيفن يوم طبله
    ولا مرة الهوه والوكت طبله
    الوكت خلاني بيد اعداي طبله
    أصرخ والچفوف ادگ عليه
    ==============
    صلاتي وقبلتي إنته واذاني
    وبعدك قلق سببلي واذاني
    اليزعلك أگلب الدنيه واذاني
    واليحبك أخلي بين اديه
    ==============
    دمع العين لجريلك وهملاك
    وانه الما همن بروحي وهملاك
    الملائك حنت لحالي وهي املاك
    چا گلبك صخر ماحن عليه
    ==============
    شفتك وآنه دايخ يوم شفتك
    ومافكني هواك شلون شفتك
    أخدر لو تبلل هاي شفتك
    واذوبن وانعمي من اتكض اديه
    ==============
    إلك صار الگلب سلوه ويظل لك
    ويويله اليبعدك عني ويظلك
    أغار اعليك من تمشي ويه ظلك
    واغار اعليك من روحي عليه
    ==============
    الدنيه شما احبنها وابرها
    تزرفني بمخايطها وابرها
    جاعت ناگتي وأكلت وبرها
    الدرب طول واخاف ترد عليه
    ==============
    سلالتكم نسب يوسف نسبها
    الدنيه بغير نظراتك نسبها
    الوادم مية بالمية نسبها
    بس نسبة جمالك سبعميه
    ==============
    طعم آلو شبگتك منگه رصتك
    مكسبه اشفاك وطني من گرصتك
    بتليت آنه اعله عمري من گرصتك
    سعف ترجف لهسه اطراف اديه
    ==============
    علي دوم الليالي تلف وتدور
    ولجلك رخصيت الذهب والدر
    أحبك من زمان الدار والدور
    شعجب لمن كبرنة تخون بيه
    ==============
    صرت نار بدليلي ومنك ابره
    شتظن أنسه آني ومنك ابره
    تعال الخيط مني ومنك ابره
    نخيط اگلوبنه ونلتم سويه
    ==============
    سهامك بالگلب صابن ولاحن
    وكلبك مابچه لحالي ولاحن
    بهلال العيد ماأفرح ولاحن
    أفرح بيك من تسأل عليه
    ==============
    أنه الشديت جرحك ليش حليت
    عليه وحلة الطلاب حليت
    ذكرتك بمتحاني وغلط حليت
    شجاوب وانته شاغل حتى اديه
    ==============
    بين ضلوعي شلتك ماهملتك
    وبقيت بجفن عيني ماهملتك
    حسبالي الخيانة ماهي ملتك
    لچن هسه اتضح كلكم سويه
    ==============
    ربي لاتموتني مع المات
    حتى الدنيه لتگلي معلمات
    أنصحك زوج اولادك معلمات
    يشيلون الحمل يوم البليه
    ==============
    وزارات العدل فشلت والاوقاف
    وبعدك لاأسير آنه والاوقاف
    (مر) طعم الشهد عندي ولو (قاف)
    تحطلها وتشيل المر عليه
    ==============
    عشگتك من صغر سنك ويهلك
    اليحبك ليش يتعذب ويهلك
    أغار عليك من تمشي ويهلك
    لچن ويه الغريب شلون بيه
    ==============
    شدگ شلطم شنوحن شبچي آنه
    على الغرب ضعنهم شبچي آنه
    شباچ الناس صادت شبچي آنه
    شما اذبه يرد فارغ عليه
    ==============
    جيتك يالأحس إنك وناسي
    ولجلك عفت كل ربعي وناسي
    لگيتك شو تحب غيري وناسي
    الگلب يهواك ماحطلك أذيه
    ==============
    دحوك بثوب حسنك ونسج النه
    بجهنم حبك ارضه وانسه جنه
    انحبسنه بقفص عينك ونسجنه
    وتحط رمشك كلبچات بإديه
    ==============
    تعالوا لعلتي وشوفوا دواها
    نار التسعر بگلبي دواها
    طبيب الناس چنت أوصف دواها
    وهسه آنه المريض شلون بيه
    ==============
    نخيت المصطفى الهادي واهل بيت
    گلت هلبت گعد حظي وهلبت
    فرد بت البقه بروحي وهلبت
    دخيل الله بگطعته شلون بيه
    ==============
    بس مني التريده يصير بالفور
    طفيلي وأدري بيك تموت بالفور
    يهودي ومن تواعد وعد بالفور
    توصل للصدگ تگلب عليه
    ==============
    بعسر غير النوايب فاتحتمن
    وسهم غدرك بگلبي فاتحتمن
    اكتلتني وجاي تنشد فاتحتمن
    ولاچنك رحت جناز بيه
    ==============
    چثير الهم على گلبي تراكم
    وگصيتو اوياي ياحبابي تراكم
    تود العين كل لحظة تراكم
    ولو بالطيف مرتكم عليه
    ==============
    تتلني الروح مره و مره اتلها
    وچثيرة ايام سوده مرت الها
    روحي همر تاهت من رتلها
    تعال وصير عبوة وطگ عليه
    ==============
    ألف وسفة الدهر عنك بعدني
    أموتن وارتجي لوصلك بعدني
    تراني اوياك عالعشرة بعدني
    وتراك انته النفس والروح بيه
    ==============
    لحد الموت احبنك واريدك
    وعسه دمي دخل يسمر وريدك
    حياتي وموتي يمدلل وره ايدك
    أرد أحيى وترد الموت اليه
    ==============
    بعد حداد ماصيرن ولاسن
    وحقي من ارفعن صوتي ولاسن
    انطو جوز للمامش ولاسن
    وثريد انطو لابو اسنون القويه
    ==============
    بعدكم تارك بگلبي ورم شاك
    علاجي بنظرة عيونك ورمشك
    أحبنك وحب أمشي ورمشاك
    وصلتك بعد خل نمشي سويه
    ==============
    يدنيه شبيچ بس اوياي صحتي
    عليه الضيم فوگ الحزن صحتي
    ينشدني صديجي شلون صحتي
    شجاوب وآنه كل الضيم بيه
    ==============
    لاراهب عرف علتي ولاقس
    ولا ليلى ابتلت مثلي ولاقيس
    بعد ما أحسب لهجرك ولاقيس
    رضيت شما يجي منك عليه
    ==============
    الفرح لمن گربلي ياب اذية
    ومحبتك يابه بلوه يابه اذية
    شوصفك ياقصيدة يابذية
    إذا حتى القفل عاصي عليه
    ==============
    اعله دربك بعد لاروحن ولارد
    واظل ساكت لون تحچي ولارد
    أريد الحزن والدمعة ولاريد
    الأخو البذات طبعة وخان بيه
    ==============
    على گلبي محامي وكليته
    اعله كيفك ويه چبدي وك كليته
    صديجي بهاي اديه وكليته
    رفس ماعون زادي وخان بيه
    ==============
    الدهر ما شلي كل الگلب شل تك
    وگلتلك ماتفيدك هاي شلتك
    تذكر من طحت مو بدي شلتك
    اشمالك من طحت ماجيت اليه
    ==============
    گضيت العمر بس اقبلك ورضاك
    وصرت بين السمه يفلان ورضاك
    ضعت بين الزعل والعتب ورضاك
    وادور گمت هسه آنه عليه
    ==============
    غصب أنزل دمع عيني وسيله
    لأن مالي على اوصالك وسيله
    دهاك أخذ الگلب بيدك وسيله
    يخبرك بالجره منك عليه
    ==============
    حبيبي وچالنجم ويلوح بسماي
    أذوبن من اسمعه ايصيح بسماي
    عجب ياعين شو تبچين بس ماي
    إبچي ادموم عالراح امن اديه
    ==============
    فرق بين اليذوب بساع والصاك
    وتذكر بيش اخوك اليوم وصاك
    أسميك العلم مرات والصاك
    وواجب للعلم ناخذ تحيه
    ==============
    كاروك آنه يمك وانته هزني
    مثل فرصة واجيتك ونتهزني
    أنه شجرة بحياتك وانتهزني
    أمطرلك عشگ بثنين اديه
    ==============
    جمالك زاد عن يوسف وقبله
    وحبك صار الي معبد وقبله
    أحبك من زمن عيسى وقبله
    وحبك صار دين ومرجعيه
    ==============
    وگع گلبي بغرامك ماتشيله
    وتره گلبي التعذب مات شيله
    أخابر وإنته تسمع ماتشيله
    وينك ياحلو بس رد عليه
    ==============
    الگلب عاف البشر كلهم ولك راد
    مشه مسافر تذكركم ولك راد
    عرب ما طيبوا علتي والاكراد
    دواي انته يهل مبعد عليه
    ==============
    وحق رموشك الحلوة وعينك
    أنه البالشدة أوگفلك واعينك
    لو بيدي أنصبنك واعينك
    ملك تحكم على كل البريه
    ==============
    قدر مكتوب حبك وانته قسمه
    الواحد ماله ناتج من تقسمه
    لون بسيوف گلبي من تقسمه
    تشوف معزتك شمسويه بيه
    ==============
    أظل طول العمر صابر ولامل
    وابد ماجوز عن دربك ولامل
    بكنوز الأرض مابدلك ولامال
    وغيرك ماأريد اخ إليه
    ==============
    أصيل انته ومضيفك دوم ينضاف
    وگلبي من الألم ياريت ينضاف
    كون العمر فوگ العمر ينضاف
    إلك مني العمر كله هديه
    ==============
    الأحبه روحي بروحه مذابة
    زعل وياي لو أدري ماذا به
    ذبني بلا سبب وآنه مذابه
    هجرني وصاح حبك بس اذيه
    ==============
    أريد انصب عزه لروحي واقيمه
    لأن مابقت حيثية وقيمة
    الناس اتچلب بعنبر وقيمة
    وانه مرگة هوى تصعب عليه
    ==============
    حيرة بياسجية امتدح واصفه
    أنقه امن الذهب والماس واصفه
    واعله امن الوصف والمدح واصفه
    بكل خصلة حرت وبكل سجيه
    ==============
    حبيبي ومهجتي ودنياي وانته
    تره المالوم صعب اهواي ونته
    يصاحب تاه مني الگلب وانته
    بس لو صادفك تلگاه اليه
    ==============
    كسر ابراحتك بالگلب وفطر
    ضلوعك ماأرضهن يوم وافطر
    أصوم آنه اعله وجه الله وافطر
    إذا ظلك خطفني ومر عليه
    ==============
    على فراگك بچيت بدمع من دم
    وعلى تعبي التعبته اوياك مندم
    جرحك داخل الدلال مندم
    لحد هسه تجي منه الأذيه
    ==============
    بره المسگوم من علته وناداي
    وحرگت اليابس بهجرك وناداي
    براس اربع طرق لگعد وناداي
    أنه المظلوم وانته ابعدت بيه
    ==============
    يحادي الظعن بالله اعليك أني
    لما يسمع شريچ الروح أني
    لريد اصبر واعلم الصبر أني
    أمر امن الصبر فرگاك اليه
    ==============
    الهجر يكتل يصاحب وانته داري
    عليك يخاف گلبي وانته داري
    إنته اهلي وعمامي وانته داري
    إنته امي وابويه وأخ اليه
    ==============
    يهالروحك على الطيبات تربه
    وعلى دربك تظل العين تربه
    يريت اگعد على مصلاك تربه
    وابوسك من تحط گصتك عليه
    ==============
    حبك شامة بخدودي ودگة
    واحط بالگلب بسمارك وادگه
    اشچم دگة شفت منك ودگة
    ورغم كل هذا احبك مو بديه
    ==============
    نشدت الناس عنك وانته هينه
    وعلى فراگك تلفنه وانتهينه
    گلبي انته التعذبه وانته هينه
    ويظل اسمك حلو وغالي عليه
    ==============
    صحيح بعيد بس گلبي شعر بيك
    حزين وباقي بس يكتب شعر بيك
    عجب لي هسه باقي اسود شعر بيك
    وانه بفرگاك ماظل شعر بيه
    ==============
    يجن بيه المصايب مايجن بيك
    وعسه الجنبك عني مايجنبيك
    شلون تريد طالب مايجن بيك
    إذا الأستاذ ياخذلك تحيه
    ==============
    سكر كاس الخمر من ضاگ نفسك
    واكو غيرك حلو بس ماكو نفسك
    أريدك ياحبيبي تبوس نفسك
    بس بداخلك تنويها اليه
    ==============
    صرت دم المشه بداخل وريدك
    ومثل متريد مشيني وريدك
    فراگك حيل مرمرني واريدك
    على جروحي تدوس بلا خطيه
    ==============
    گلبي ايموت بس اوياك يحيى
    ويظل سهران طول الليل يحيى
    صرتيلي لميس وصرت يحيى
    طلعلي منين تيم وعم عليه
    ==============
    جرح البيه كافيني وزايد
    واظل للموت احبنكم وازايد
    بمزاد الحب أريد اگعد وازايد
    واگولن هذا حبك بس اليه
    ==============
    اكتبلي شما ردت تكتب واردلك
    بساتين بوسط گلبي ورد لك
    أروحن وابتعد وازعل واردلك
    لأن الگلب بيدك مو بديه
    ==============
    سابيني بجماله وطول شعره
    واموتن لو سمعت ابيات شعره
    أنه بيني وبين الموت شعرة
    دشوفو وينه خل يلحگ عليه
    ==============
    دمعتي اربع مناشف منشفتها
    شفتها وخذت روحي من شفتها
    لزمتها وخذت مصة من شفتها
    بتت صبحت واشفافي نديه
    ==============
    بهجرك صفه بيتي دار ميات
    وعندي من القصر والدار ميات
    حبيبي شكثر ادزلك دارميات
    ومنك ماشفت بس ابوذيه
    ==============
    ربك لليريده باب هدله
    وانه دشداشتي امن الزيج هدله
    الچلب لو شاف اخوه انوله هدله
    وانه اخواني اصبحوا عدوان اليه
    ==============
    علي گالوا شمالك بستغني
    من الموال بسك بسته غني
    كافي بعد إسكت بس تغني
    أنه انجنيت مايدرون بيه
    ==============
    يصاحب لاتظن مسرور بعداك
    وعسه سم الزهر يندار بعداك
    شيطفي الگلب من نار بعدك
    يطفيها الوكت من ترد ليه
    ==============
    صرت سمچة عليمن جاى شراد
    أرد بالگلب لكن حيف شراد
    تدرى انته بعشرتي اوياك شراد
    صبر أيوب ما يلحگ عليه
    ==============
    تره المكتوب يسمر مو بدينه
    وعليكم دمع صافي مو بدينه
    تگول احنه انتهينه مو بدينه
    ونهايتنه غفل صارت سويه
    ==============
    ذهب گالوا عليك شلون فضة
    وگلبك يالحلو وياي فضه
    حچي العذال لا تطريه فضه
    وعوف الگال والگالوا عليه
    ==============
    انحكمت بهوه حبك صرت مسجون
    نمسج دوم إلكم ماتمسجون
    ودوني الطبيب وگال مس جن
    ويروح الجني من اترد عليه
    ==============
    أفرمت گلبي منك والغي رامه
    واشيل العشگ منه والغرامة
    وعليك افرض ضريبة والغرامة
    چي ناسيني ماتسأل عليه
    ==============
    بهجرك راح عگلي مالفاني
    وچثير اشعار لجلك مالفاني
    رحت أركض بهيمة مالفاني
    أدور اعليك يالرحت امن اديه
    ==============
    مرضه بحبك وحبك شفانه
    تسامرنه ولا واحد شفانه
    تذكر يوم من طبگن شفانه
    أحس ارض وسمه انطبگن سويه
    ==============
    رمح جارح وكتنه خله بينه
    ثبتنه وعيب بانت خله بينه
    طبع إحنه من ابونا خله بينه
    نبيع ارواحنه ونحمي الخويه
    ==============
    على سنيني الدهر بدموع خطك
    واگصن رجلي لمن تجزي خطك
    شو آنه أتصل مشغول خطك
    أثاري اثنينه نخابر سويه
    ==============
    تهزهز ياگبر وانفض ترابيك
    عزيز الروح هالنايم ترابيك
    إجاني العيد وعيوني ترابيك
    إنهض لاتشمت اعداي بيه
    ==============
    اهمومي ماتعداها ارقام ونمر
    متى نگدر نفوت اعليك ونمر
    دليلي اعله المصايب صلف ونمر
    يضحك والدهر محرب عليه
    ==============
    يباري المرض هد حيلي وهدني
    ولا يوم ابتعد عني وهدني
    ارشدني لرحمتك يارب وهدني
    طريح افراش والعلة خفيه
    ==============
    شوف اشسال من جرحي وشده
    وعلي تصعب مداواته وشده
    نخيت اشچم خوي بهمة وشدة
    يصير اصعب من اعدائي عليه
    ==============
    رضيت بزينك وشينك وعابيك
    وگلبي ما وعه بغيرك وعابيك
    أشور بيك تدريني وعابيك
    لون چانك تريد تخون بيه
    ==============
    وحگ اهل الوفه والملح والزاد
    الكرم أفضل معاني الشيم والزاد
    حلالي مايهمني النقص والزاد
    تهمني الناس شتسولف عليه
    ==============
    نص احترگ من هجرك ونص طاف
    وغرگ نصي ابحر حبك ونص طاف
    يريت المدرسة ترجع ونصطف
    وابدلك بالعلم وآخذ تحية
    ==============
    شخص البادلك بالطيب رده
    مو تجفي وتروح بغير رده
    شافاني وركض للباب رده
    جزات الطيب رد بابه عليه
    ==============
    أخذ گلبي إذا ذابت دلالك
    من نار العشگ يسلم دلالك
    أحب إسمك لحن همسك دلالك
    واحبك حته من تقسي عليه
    ==============
    أبيع احزان تالي الليل من راد
    وسؤالي اللي طرحته اليوم من رد
    ليش الطيب ويه الناس منراد
    لأن مايمتلك ذرة أذيه
    ==============
    تناديني واگلك هسه اجاني
    وگبل للحزن راغب هسه جاني
    چنت محتاجه مامر هسه اجاني
    من طاح بعسر مد ايده ليه
    ==============
    أبشرك مابعد بالعين ضل ماي
    واحس حته الصبح بجفاك ضلماي
    زماني مرادف اعله الروح ضلماي
    سلب عگلي وشدهني وشد اديه
    ==============
    أگطع من خدودك ورد واشتم
    ولا أدري شبقه امن العمر وشتم
    أرخصك ولك سبني حيل وشتم
    شتايمكم ثواب لوالديه
    ==============
    يطارش هاك مكتوبي وسر بيه
    حنين الگلب بسطوره وسر بيه
    إخبره شوكت نتلاگه وسر بيه
    وعلى كل بيت اطشن واهليه
    ==============
    يبو اليمه وحگ مسلم وهاني
    أحبك لاتظن حبك وهاني
    بالمحشر سعيد آنه وهاني
    شفيعي انته يبن سيد البريه
    ==============
    بحب حسين شرد اوصف وشملي
    إسمه موسم بگلبي وشم لي
    بالمحشر لون شمله وشملي
    انجمع واشكيله حبه اشعمل بيه
    ==============
    اعتنيتك يوم ضكني الدهر عناي
    گاصد گبتك يحسين عناي
    حاشه تگصر انته بيوم عناي
    وانه برجواك دنيه وآخريه
    ==============
    حبك بالضلع بسمار مندگ
    واحس گلبي يسولف بيك من دگ
    گمت أركض على النقال من دگ
    لأن أدري العزيز اتصل بيه
    ==============
    ذبت وبشوگ شخصك مايع آني
    ويعاني الگلب منك مايعاني
    لون تعطش سگيتك ماي عيني
    والك روحي لقدمها هديه
    ==============
    بنار الهجر صدگ مايع آني
    ونشف من كثر دمعي ماي عيني
    تريد اتشوف گلبي ومايعاني
    مد ايدك جهنم تلگه بيه
    ==============
    صرت مرهون حبك وانته راهن
    وعليه ايام هجرك ون تراهن
    تجي مرة انتواجه وانتراهن
    منو الأكثر يحب ويود اخيه
    ==============
    أبد مايرحم الطايح وكتنه
    جمعنه ورجع طشرنه وكتنه
    أصيح اعله الفرح اوگف وكتنه
    تركني وماسمعني ورد عليه
    ==============
    وگف وكت الهوه بينه ولادار
    ونشف فرع العشگ يسمر ولادر
    يتامه ولا وطن لمنه ولادار
    عگبكم والدمع هم شح عليه
    ==============
    من هجرك بقه الدلال بس تك
    لاتلعب على الحبلين بس تك
    أمس بالحلم مدري منين بستك
    لأن كلك حلو وتاهت عليه
    ==============
    وحگ رصعة خدودك وحگ شفتك
    انسبيت بيوم وسط الخلگ شفتك
    اشيخلصني بعد شرتاح شفتك
    تبعد تقترب نفس الأذيه
    ==============
    ذبل هرش الگلب لجلك وخاوة
    وطمع ما اريد من عندك وخاوة
    الفضل مو للذي عاشر وخاوة
    الفضل والطيب لليذكر خويه
    ==============
    وحگ اللي خلق بالكون آلاء
    مثل عين الغزالة عيون آلاء
    أمد ايدي عليها اتگول اوه لاء
    تأدب لاتمد ايدك عليه
    ==============
    عليك الليل كله آنه وآنه
    ومعاك العتب هسه آن اوانه
    اتهدد بالنفاهة آنه وآنه
    وينك مو طبگ دهري عليه
    ==============
    روحي اوياك ما أگطع وصلها
    وتفرح لو خبر منك وصلها
    نسبها دورت عنه وأصلها
    لگيته ايعود الك ميعود اليه
    ==============
    إلك دمعي الحبسته والجريته
    والك كل العملته والجريته
    والك عمري شعلته وجريته
    حته اشويلك اسنيني بديه
    ==============
    أحس من يون گلبك ونته عدي
    أريد العمر يخلص وانته عدي
    جسمي بساط افرشه وانته عدي
    هلبت تعثر وتوگع عليه
    ==============
    ترف ياللي بطريج الهجر ماشيت
    عجب بجفاك عني العگل ماشيت
    عاندني وتدلل واخذ ماشيت
    بس لاتبخل بوصلك عليه
    ==============
    راء وعين الك مني ودالي
    وامس مكتوب محبوبي ودالي
    گمت أسمع حسام آنه ودالي
    لأن عاشگ بنات الناصرية
    ==============
    حديقة بعلم رب الكون ضليت
    وعن درب العلم ياناس ضليت
    شجرة وبس عله العاوين ضليت
    وصرت سايق مخدة وجودليه
    ==============
    إله اسنين الفرح وياي مايه
    ومو واحد جروح الگلب مايه
    اليغص ابلگمه اذا ينطوه مايه
    وانه بالماي اغص وشلون بيه
    ==============
    وحگ من كون الأكوان وابسط
    أنه اسهل من نسيم الريح وابسط
    چنت املك مخدة صوب وابسط
    الإجوني فرهدوا ذني من اديه
    ==============
    سنة دمعي مله جفوني سناسل
    وسنة مجنون خلاني وسناسل
    وسنة بحبال چتفني وسناسل
    وسنة هدني وگعد يضحك عليه
    ==============
    شفت بالطيف شخصك سالماني
    همت ودموع عيني سالماني
    علي تسأل يصاحب سالم آني
    عزيز وشوفتك شحت عليه
    ==============
    يكاس العمر ماظلت وشل بيك
    ويجرحي لشوكت تنزف وشل بيك
    تگلي ليش متمرمر وشل بيك
    تهت منهو اليدليني عليه
    ==============
    عيونك صيف مامرهن شتلهن
    ومصايب شوگك بگلبي شتلهن
    تگلي إسحب اهمومك شتلهن
    حيل ثگال راوني المنيه
    ==============
    گبل عنگود خدك يمي داني
    صطيت وجفن عينك يمي داني
    أغم گصتي واصيحن يمداني
    يمي وماخذت ثاري بديه
    ==============
    تسعر نار گلبي منكبره
    ولافد يوم افكر منك ابره
    آنه الخيط مني ومنك ابره
    واخيط شفتي وشفتك سويه
    ==============
    هلي اوياهم چنت عايش بلا هم
    ونهاري شما ضوه مظلم بلاهم
    هلي مدري الوكت شنهو بلاهم
    ولا همه اعرفوا بالصار بيه
    ==============
    هواكم أثر بعگلي وداره
    ومنو مثلي الچ وفه وداره
    سمعت بقيس عاف اهله وداره
    عليكم ماحمل مثلي أذيه
    ==============
    وحگ حيدر شديد العزم والياس
    زرعت ادروبكم بالورد والياس
    منكم ماگطعت الرجه والياس
    اعزاز وتصعب الفرگة عليه
    ==============
    محد حل لغز حبك حلالي
    وغيرك بالبشر لتظن حلالي
    نذر لو صار لبالي حلالي
    أجيب اعيوني اطشهن واهليه
    ==============
    نبيع الروح للينشد علينه
    وصبح ثوب الحزن لايگ علينه
    وحگ عباس والحمزة وعلينه
    نظل ننشد عليكم للمنيه
    ==============
    دمع عيني بغيابك بره سايل
    وعليك الگلب يطلع بره سايل
    ماينفع غزلنه بالرسايل
    أريد الغزل وانته ابين اديه
    ==============
    صديقي الماخذ بشوره ورايه
    أثاري يطعن بضهري ورايه
    علگ لافته بضيجي ورايه
    واشوفه بلا خجل يضحك عليه
    ==============
    الزعل بينك وبيني ابعيد خله
    واحنه من الصبه ياصاح خله
    تسدلي انته واسدلك دوم خله
    وحچيهم عم عليك وعم عليه
    ==============
    عليك الروح تنشد ماتمرها
    وامرها مو بديها مات امرها
    عليك اليوم نعقد مؤتمرها
    ونحدد جدوله بموعد الجيه
    ==============
    صرت انته سوالفنه وحچينه
    وعليك بخير صدگني حچينه
    حبيبي ارجوك جاوبنه حچينه
    من تزعل تضيج الروح بيه
    ==============
    أريد الياس منك ياسه ياسه
    وهذا الگلب صدگ ياسه ياسه
    ردت تحچي بسياسة ياسياسة
    سايستك گبل دگيت بيه
    ==============
    عليك القيت حجة والقي يامه
    يامه براسك احچي والقي يامه
    تدري الحشر يمته والقيامة
    القيامة الحشر من تزعل عليه
    ==============
    عذاب الروح إنتي وانتي صحتي
    ولامره نصحتچ وانتصحتي
    بعدني مالزمتچ وانتي صحتي
    وگلبتي الدنيه والوادم عليه
    ==============
    يدهري اشحصلت منك بس الداي
    عليه محورب وتهدم بسداي
    آنه التدخل الوادم بسداي
    صرت وحدي وادور سد اليه
    ==============
    أنه المجروح من ناسي وخلي
    واجيب الملح لجروحي واخلي
    راح افتح قفل گلبي واخلي
    كلمن مابچه يبچي عليه
    ==============
    ترص ايدك واعاني من رص يدك
    وانه الصياد واحلم مرة اصيدك
    إذا سنتات ظلن من رصيدك
    دخيلك بالچذب رمش عليه
    ==============
    ماشاء وأظن اليوم شالك
    وعلى راسه أحس الگلب شالك
    على شعرك لون ذبيت شالك
    تذب عالروح طرگاعة وبليه
    ==============
    گلبي صار بسمك يعني مالك
    وشنهو اللي بقالي عندي مالك
    عشت بقصر حبك وانته مالك
    ورضيت بجورك وظلمك عليه
    ==============
    عرفتك واعرفت لغزك وحلاك
    وحگ من جملك يسمر وحلاك
    چذب من ايدي اهدنك واحلاك
    لأنك روح وفراگك منيه
    ==============
    التفت ليه بسهم عينه رماني
    متت چن من جبل عالي رماني
    حلو وفوگ القهر لابس رماني
    شفته وطحنه انه وروحي سويه
    ==============
    ترف نعجز ولانگدر نصف بيك
    وربك بالحسن كلش نصف بيك
    نص بيه صفه گلبي ونصف بيك
    وضل يون عليك الباقي بيه
    ==============
    يروحي بطلي المعاشر وعودي
    سباني ونحل اعظامي وعودي
    آنه الماخنت مرة وعودي
    عجب ليش الحبيب ايخون بيه
    ==============
    عجيبة تريد تنساني وانه اسلاك
    أظنك لاگي من غيري ونس لك
    أريد اعرف شنو أصلك ونسلك
    وشنو إنته يبو اطباع الرديه
    ==============
    شمالك ياضعن بهواي شتيت
    أنه شمالي واهمن بيك شتيت
    ان چان انته بقميص الصيف شتيت
    أنه مصلخ شتاك المر عليه
    ==============
    وحگ رمضان واشرافه وكتبه
    عليك ايهل دمع عيني وكتبه
    أنه شماريد أهم خطك واكتبه
    شدهني جفاك من غصبن عليه
    ==============
    يامن بالگلب والروح حليت
    اجرعت مر الصبر وهواي حليت
    الك چم مشكلة ياحلو حليت
    وهواك المشكلة الصعبت عليه
    ==============
    قرص نعناع خدك وانته هيله
    الحسن بس لجنابك وانته هيله
    تراب اللحد بيدك وانته هيله
    ويظل اسمك حلو وغالي عليه
    ==============
    حاير واطلب لدربي دلاله
    وكتي بنار خلاني دلاله
    يربي اشلون مرمرني دلاله
    تهت وآنه الدليل اشلون بيه
    ==============
    سواطير النوايب ثارمني
    ويريد الوكت ياخذ ثاره مني
    حبيبي الصوچ كله ثاري مني
    بريء انته واذب الصوچ بيه
    ==============
    أجيلك عمر يسمر ماتجيلي
    وثياب الحزن ضاگت ماتجيلي
    گضت كل الرفاگة ومات جيلي
    وبقيت انته وتشح وصلك عليه
    ==============
    أطب جنة عدن ياترف فرضاك
    ولو تزعل ترض كل عضم فرضاك
    إذا ربك يحلل علي فرضاك
    أصليلك قدر واكثر شويه
    ==============
    حبيبي شلون ما احبك ولابيك
    وامك ماتحن مثلي ولابيك
    عساهن بيه لوعاتك ولابيك
    ويحول كل مرض منك اليه
    ==============
    غيابك خلخل اعضامي وهدهن
    واجر حسرات ببعادك وهدهن
    إلي دمعات لو أبچي وهدهن
    تفيض اليابسة ونغرگ سويه
    ==============
    شجاك شغيرك عني ولاهاك
    وحگ رب البشر كلها ولاهاك
    بعد شبيك ما اگلك ولاهاك
    ولا اريدك تجي وتسأل عليه
    ==============
    گلبي انته ملكته وانته حربي
    عليل وطبي عندك وانته حربي
    كاس السم أشربه وانتحر بي
    إذا غيرك يمس اطراف اديه
    ==============
    ردت طيفك بيوم يلوح مالح
    وطعم فرگاك صار هواي مالح
    بعد ما ادز رسالة وبعد مالح
    لأن كلما أدز مترد عليه
    ==============
    دليلي بيدي اشلعنه واسلمه
    لحبيبي اليحفظه ربي ويسلمه
    ومثل ماحب عمر بالفلم سلمى
    أحبه وبعد أكثر أنه شويه
    ==============
    تمنيت الزمن يرجع وردكم
    واظل يمكم أشم آنه بوردكم
    إذا يحباب مرسالي وردكم
    فرد مسكول دزو انتو اليه
    ==============
    إلك گعدة بدليلي ودار من دار
    وعلى غيرك حبيبي النظر مندار
    أفرش روحي الك والگلب مندار
    واذا مو گطن أصلي اعتب عليه
    ==============
    مرتب ماشفت مثلك ولاصاك
    ياهو الخربطك عني ولاصاك
    بديه مذبحت أحد ولاصاك
    ولجل عينك لصك روحي بديه
    ==============
    تلمع شفة اوليفي بلابل
    شفته وشفت كل ربعه بلابل
    گالوا حلو گلتلهم بلا بل
    رهيب وكارثة ونقمة وبليه
    ==============
    حته اسمي نسيته بيوم شفتك
    وگلت لگلبي فكني وگال شفتك
    أخاف النحل يلتم فوگ شفتك
    يشوف العسل حسباله خليه
    ==============
    اضعفت ماواحد بربعي گواني
    وشلت حملي على اچتافي گواني
    أموتن جوع وابقه البس گواني
    ولا فد يوم امدلهم إديه
    ==============
    افلست وآلامي هاجت والصخونه
    بوصخ لفلوس هلبت وصخونه
    يهل رايح لخونه وصي اخونه
    الخوة الصدگ خوة بلا وصيه
    ==============
    الحزن من زغر سني لازماني
    وعهد ويه المدامع لازماني
    لاولفي رحمني لازماني
    مصبر عالجرح والبيه بيه
    ==============
    حرت ياهو النچزه والنظيفه
    بسبب خبطت الوصخة والنظيفة
    صفه حتى النزوره والنظيفه
    يذب شكواه قبل الجودلية
    ==============
    هاك اخيوط روحي هاك ابرها
    ولو صاير بحرها وهاكبرها
    إلك حسرة بدليلي هاكبرها
    علي ثگلت مثل ثگلك عليه
    ==============
    الگلب من ساعة الحبك هلك ليش
    أحچي اوياك ماتحچي هلك ليش
    اقتنعوا كل هلي بحبك هلك ليش
    ماقنعوا بحبك ليش اليه
    ==============
    بليل وصبح طيفك لازماني
    طحت لنته ارحمتني لازماني
    شوكت تدريني اشوفك لازماني
    أصير اجنازة بلچي اتمر عليه
    ==============
    حبيبي اخلاف عينك مالمعنه
    واسألك هذا گلبك ماله معنا
    الحچي كله بغيابك ماله معنى
    لأنك بالكلام اتذوب بيه
    ==============
    أعد اجروح گلبي مايه عدي
    ولهسه الفرح صدّگ مايه عدي
    أگل للحزن عدي مايعدي
    يدوس اعله الجرح ويعم عليه
    ==============
    ماشايف مثل شكلك ولاماس
    إنته اللا ذهب مثلك ولاماس
    أنه المابيه نص طگه ولامس
    صرت مجنون من نظرك إليه
    ==============
    هوينه ومن هوينه منهوينه
    غشمة وماعرفنه من هوينه
    اليوفي بالمحنة من هو وينه
    إذا تلگا أگص اثنين اديه
    ==============
    أنه الماعوف شخصك أبد متراك
    وتعمه العين لو فد يوم متراك
    شريته بروحي لو ينباع متراك
    وفصلك ثوب لايگ بس اليه
    ==============
    سفن حبي بشواطي الروح شرعن
    ولجل حبك أمشي الگلب شرعن
    ردت مذهب يخلي البوس شرعن
    واذا ماكو أرد للجاهليه
    ==============
    وحگ رب التعبده الناس واحد
    حبيب الگلب موش اثنين واحد
    إذا للصحبة ردت اختار واحد
    أختارك إلك وانسه البقيه
    ==============
    أريد اگصد لعد گلبك وظيفه
    وحط حبي على حبك وظيفه
    إذا صار العشگ يمك وضيفة
    فلا أطلع تقاعد للمنيه
    ==============
    صرت مو بس حبيبي قطعة مني
    وگلبي بسيف رمشك قطعه مني
    لأن لحظات هجرك قط عمني
    يرد الشوف لو رديت اليه
    ==============
    يگلبي شبيك عالمحبوب حنيت
    نسيت اجروحه منها الظهر حنيت
    دشوف آنه بفراگه الإيد حنيت
    واهلهل گمت من يبعد عليه
    ==============
    يگاطع بالهجر الارحام وصّل
    ومد اجسور للصوبين وصل
    لعگرب لا تأمن يوم والصل
    يلدغك لو چنت له بيوم اخيه
    ==============
    ترف يامن ضعنكم مر علينه
    هجرتونه وجفاكم مر علينه
    احلفت مهما الزمان ايمر علينه
    منسه ايام عشناها سويه
    ==============
    عگدت الگلب وسط الشوگ باسلاك
    ونذرت العمر ويه الروح بس لك
    أحبك لاتفكر يوم بسلاك
    أنه بنومي ويمر طيفك عليه
    ==============
    سواد العين بعدك سال مني
    وعذولي من المكابر سالمني
    هواي چفوف بعدك سالمني
    ولهسه ونار چفك بين اديه
    ==============
    بدو من حچو بالزينة بدوني
    وماني بصحبة الصاحب بدوني
    دروح وشوف دنياتك بدوني
    يمسك ضيمها وترجع اليه
    ==============
    هفت نور الليالي وعلي ظلمن
    وبعد ما دللني سنين ظلمن
    هذا الطاح حدري منين ظل من
    طلع ظلي وسحگت آني عليه
    ==============
    ألف الدنيا كلها وماتلفني
    عنيد وغير شخصك ماتلفني
    عمت عين المنية الماتلفني
    لأن فرگاك حيل اثر عليه
    ==============
    أريد اكتب رسالة بحبر من دم
    على العمر الكضيته اوياك مندم
    شما ضحيت للطيبين مندم
    أندم على الأخو اليگطع أخيه
    ==============
    عملاق وجبل والباقي دگ دگ
    مايرحم خصم بالگول دگ دگ
    وشم عالإيد آنه اكتبت دگ دگ
    مشجع برشلوني للمنيه
    ==============
    نذرت الروح لعيونك وعدلاك
    ومامش بالخلگ مثلك وعدلاك
    إنته او لا عوج منك وعدلاك
    شعدل بيك يالروحك أبيه
    ==============
    من زغري افگدت ملگاچ يمي
    واحن واشتاگ واتخايلچ يمي
    نساني الفرح بس الحزن يمي
    وگطع بيه أعز الناس اليه
    ==============
    العطش مرسوم بعيوني وشفتي
    وشگول اعله العشگ وهله وشفتي
    أضن للدار زرتيني وشفتي
    لكل اهل العشگ داري زهيه
    ==============
    حبيب الروح طبعه حار شطة
    وانه غرگان كلي بماي شطه
    أگلها انطيني مي تنطيني شطة
    شربته و ماردت تزعل عليه
    ==============
    صرت عطشان حبك وانته كاسه
    العشگ بعدك خسارة وانتكاسة
    بطولة عشگ سوو وانته كاسه
    وربحتك وحدي وارفعتك بديه
    ==============
    حياتي بدون شخصك شلي بيها
    وجميع اعظاي صارت شلة بيه
    توديلي رسايل شلي بيها
    ردت شوفتك والگعدة سوية
    ==============
    مو مرة ولا مرتين مرات
    أحاچيك وترد زعلان مرات
    ضوگني هواك سنين مرات
    وهذاك انته العزيز اتظل عليه
    ==============
    ترف حسنك فريد وماتتمه
    يشح وصلك عليه وماتتمه
    صرت مثل الرضيع الماتت امه
    يتيم ومنو مثله بهالبليه
    ==============
    يريت البيك بيه ايصير لاباك
    ولا اشوفك أبد مهموم لاباك
    لا أمك عليه تحن لا باك
    عاين هالغرام شسوه بيه
    ==============
    ترف شامة اعله خده بيره بيها
    وجنته الدمع حافر بيره بيها
    ضگت طعم الشفايف بيرة بيها
    بستهن والسكر بين عليه
    ==============
    احباب الروح گلبوا فرد گلبه
    اوكتنه بلون نص الليل گلبه
    دفعني وانگلبت شلون گلبه
    سحگني ومن عثر ظل يسب بيه
    ==============
    غزل عينك رهن روحي وجرها
    وشعل نيران البگلبي وجرها
    أريد اتمسك بشفتك واجرها
    حته انقل ذنوب البيك اليه
    ==============
    مثل جنح الفراشة اشفاك وارقه
    وربيع العمر منك راد ورقة
    إذا بوسة حبيبي انطيك ورقة
    واذا حضن بحضن دفتر هدية
    ==============
    بعد ماأصطبيلك وانتبهلك
    واحذر حيل مني وانتبه لك
    أنه بأهلي أزامط وانته باهلك
    واذا أهلك زلم هدهم عليه
    ==============
    يربي لو نخاك العبد عينه
    سودة وماتحب الكحل عينه
    رفع طرف العباية وشفت عينه
    وشفت ميزان ونجوم وثريه
    ==============
    غرف رمان بخدوده غرف تين
    ويريت اغرفلي من حسنه غرفتين
    دأجر مشتمل گلبي غرفتين
    والإيجار بوسة بكل مسيه
    ==============
    شفت شمس وگمر يضوي خلالك
    ربك من وجه يوسف خلالك
    تنحه الحسن عن عرشه خلالك
    لأن شافك صبح وكت المسيه
    ==============
    يجي يوم وتشوف انجوم ضهرك
    عجب گلبك چذب مو مثل ظهرك
    أنه بشدتك چنت حزام ظهرك
    شعجب گدامك يطعنون بيه
    ==============
    عيوني من الدمع جفن وغارن
    واحب الخيل لو ركضن وغارن
    واموتن لو تحب غيري واغارن
    واغار من الهوه اليدخل الريه
    ==============
    يلايم لاتلوم النفس خلها
    وعساها تموت عگب فراگ خلها
    لزم إيدي الطبيب وگلت خلها
    الألم داخل مهجتي شلون بيه
    ==============
    حزن دنياي تمطر ماصحتلي
    وردت فرصة أشوفك ماصحتلي
    وگفت اگبال عينك ماصحتلي
    وصحتلك مادرت وجهك عليه
    ==============
    تظل صاحب فضل وشكبر فضلاك
    وخلگي مافضه لغيرك وفضلاك
    أميزك عالخلگ كلها وافضلك
    وبسمك أحترس صبح ومسيه
    ==============
    خلافك بعد أسمر من ونادم
    ومتحسر على شوفك ونادم
    عيون الناس مي تجري وانا دم
    بچت عيناي من فرگاك اليه
    ==============
    حرام الدمع ينظم شفت اكته
    إلك يالتيهتني شفتك أته
    جمر حرگتلي شفتي شفتك اته
    جهنم بيك وآنه ابليس بيه
    ==============
    صحبتك ليش گصرت ما طلتها
    وانه الدنية اعله مودك ما طلتها
    چنتلك فرصة سهلة ما طلتها
    اخسرتني بسبب بطرانك عليه
    ==============
    صفه گلبي و گلبك ليش ماراق
    وعجب گلبك صدگ لليوم مارق
    گلبي من تزرفه بسيف مارق
    شجاه يصيح زرف بعد بيه
    ==============
    صديق الفاضلك بالطيب فضله
    ومثل ما فضلك عالناس فضله
    اشكره ومو جزاته انكار فضله
    يجيلك يوم هم تحتاج فيه
    ==============
    يامن فارگت شملي وشملاك
    اسمعني والحچي يخصك وشملاك
    إذا غيري وصل خدك وشملاك
    حرام يبوس خد الچان اليه
    ==============
    گلبي ما لعب غيره لعابه
    واحسن شفه لأمراضي لعابه
    سبحان الذي صاغه لعابة
    ونفخ بيه روح حته يعم عليه
    ==============
    عيون الگلب يوم اجفاك يدمن
    عفتني وصافحت ياترف يدمن
    أنه المثلي على الحسرات يدمن
    عسه أنسه هواك اشعمل بيه
    ==============
    سچاچين الوكت بالروح بردن
    واحس الجسم وكت الصيف بردان
    انه بردنين رحت وأرد بردان
    واخاف الغربة تاخذ حتى اديه
    ==============
    سهول الناس عندي وانته راسي
    سفن غرگن ابحري وانته راسي
    صديقي انته واخويه وتاج راسي
    واعز منك تره ماكو عليه
    ==============
    أفرح لو شفت وجهك وسر بيه
    وحبك ثابت بگلبي وسر بيه
    شما طال الدرب أمشي واسر بيه
    واجيب الروح لعيونك هدية
    ==============
    گلبي شم عطر خدچ وراساچ
    وعلى مرسى العشگ حطچ ورساچ
    أحلف بالغزل واهله وراسچ
    معوفنچ لون تدنه المنيه
    ==============
    أساس بعشرتي وياك صبيت
    وجنني الهوى وبالشوگ صبيت
    إذا إنته عليه ادموع صبيت
    بچيت اعيون من فرگاك اليه
    ==============
    أذوبن شمعة واتأمل تمر مر
    عزيز الگلب بفراگك تمرمر
    أنشدك هم ضگت مرة تمر مر
    وانه البرحي انگلب حنضل عليه
    ==============
    تلفاتچ يدنيه من تلفني
    وابيض ثوب روحي من تلفني
    فرني اشتلگه بيه من تلفني
    غير الحزن ماظل شي بديه
    ==============
    حبيبي اشأخرك عني وماييت
    الوسيعة ضاگت بعيني وما يت
    طريح وناحل بهجرك وميت
    ارحمني بصدت عيونك عليه
    ==============
    روحي اتگول عدله ماني ميته
    وعجب زرع الزرعته ما نميته
    وهذا الليل كله ما نميته
    فراگ وحرموا وصلك عليه
    ==============
    زبد يا ملمس الوجنة من الحر
    أخاف اتموع من تمشي من الحر
    ابن آدم صورك ربك من الحور
    وانه الدافع ثمن هاي الاذيه
    ==============
    شلون الروح اكضها من تهم بيك
    ومثل تهمة حبيبي متهم بيك
    الضيم اليمر بيه منته هم بيك
    ولا چنك وانه مبين عليه
    ==============
    صفنت الها وضربت اخماس بسداس
    وتعبت اعله البنيته اوياك بسداس
    صحيح انته لعبت اوياي بسداس
    اغلبتني ابطيبتي العمت عليه
    ==============
    أمر بالدار واسمع حنة بيها
    اظلوعي والمفاصل حنه بيها
    چفوفي لاتضنها حنه بيها
    مسحت الدمع دم واثر بدية
    ==============
    اشمعد ايام عمري وانسه عدها
    واگولن وين عزها ونسعدها
    عجيبة الناس تضحك وانسه عدها
    بطر لو من سفاها اضحكت هيه
    ==============
    سيوف الدهر بس ليه جردهن
    وليالي الشوم لبسني جردهن
    علي حسبات لو رايد جردهن
    دفاتر كون ما تلحگ عليه
    ==============
    اعيوني لشوفتك ركضن وجداً
    واريدك مو لعب فعلاً وجدا
    وآنه اهواك عن أبا وجدا
    واحبك من عصور الجاهلية
    ==============
    السائل سأل شنهو الصار وجره
    وليش أمست مهجنه ابنار وجره
    گلت كاظم الغيظ انفقد وجره
    مدامعنه وفجعنه بهالرزية
    ==============
    عجب مامر عزيز الروح بس لاح
    رماني وردت ارد السهم بس لاح
    لجيبك لو تصير اليوم بسلاح
    وتداوي جروح علاتي الخفيّه
    ==============
    أحبك أكثر من الكون وانسه
    وعندي الموت اذا يرضيك ونسة
    مافارگ أبد ذكراك وانسه
    واقدم روحي لعيونك هدية
    ==============
    يبو طول الجميل ووجه فاتن
    إلك سهمين بالدلال فاتن
    تبارك من خلق من طين فاتن
    خلق فرح وعذاب وهم اليه
    ==============
    الك گلبي ونظر عيني هدايه
    وعليك اسلم يالعيونك هِدايه
    الجمال يصيح ياعالم هدى آيه
    ويوسف من تمر ياخذ تحيه
    ==============
    ربچ صفطچ تصفيط آيات
    ومو آيه الجمال البيچ آيات
    هو اشگال گلبي بشوف آيات
    خر گلبي ووگع بثنين اديه
    ==============
    يسيل العسل صدگ مرطبنه
    إذا فد يوم شخصك مرة طبنه
    مرة تصير علة ومرة طبنه
    ومرة اتصير إنته الصيدلية
    ==============
    قسيت اوياك يسمر عمي آنه
    وعين الما تشوفك عميانه
    إذا خالك فزعلك عمي آنه
    تبره وضحك الوادم عليه
    ==============
    أنه گلبي نسه اضلوعي شرد لك
    وظل مديون كل عمري شرد لك
    إذا كل يوم تذكرني شرد لك
    أمد روحي جسر واعبر عليه
    ==============
    يعاذل نار شوكَي هل تمسني
    اهديني لشوف حبي والتمسني
    بچه من مد يمينه والتمسني
    لگاني نفس مامش جسد بيه
    ==============
    أريد اغفه على اذراعك وانامن
    گضينه الحب تمن انته وانامن
    وحگ عينك نسيت اسمي وانامن
    تهت أرجوك دليني عليه
    ==============
    همي من كثر يذبل وراها
    ونار الگلب مايخمد وراها
    كل شدة يهل وادم وراها
    فرج والفرج من رب البرية
    ==============
    روه الزيتون من دمعي والراك
    وغيرك مانحل جسمي ولاراك
    أخاف اتطول غيبتكم ولا اراك
    الوصل شيفيد من تدني المنية
    ==============
    كل مغرم برت علته وناله
    وسعيد اللي حضه بشخصك وناله
    الطارش من سمع نوحي وناله
    ترك شغله وبچه رحمة عليه
    ==============
    سريتوا بالضعن ياترف هاوين
    جفيتوني ولعند الغير هاوين
    ها ميت يحلو الطول هاوين
    حياتي وأنظر اقبالك عليه
    ==============
    مدري العيب عدك مدري عدي
    مدري غلط عدك مدري عدي
    مدري اوگف واطالب مدري اعدي
    واگولن ينصلح ويرد اليه
    ==============
    الدمع نهران بخدودي كراها
    حبيبي سلب من عيني كراها
    ليش امحبتك صارت كراها
    اشبده مني وتشمت اعداي بيه
    ==============
    بسواد العين يسمر منته رابي
    شعجب گلبك تغير من ترى بيه
    أنه ماظن ترابك من ترابي
    حضنتك والعسل چلب بديه
    ==============
    حبيبي اديارنه لو جيتوا مرها
    ونفسك عالوفه والطيب مرها
    عشرتك ضگت حلوتها ومرها
    وطلع مرها أمر امن المنيه
    ==============
    وگعت وصحت آنه إلك أخ أخ
    تأذيت وبچيت هواي أخ أخ
    حسافة تعوفني ياخوي أخ أخ
    إذا باول مصية انكتت بيه
    ==============
    امن اعد زينين صدگ آنه اعدك
    شما تحتاج گلي آنه عدك
    خم روحك وتلگه آنه عدك
    مالكني ولا فرطت بيه
    ==============
    بحر شريان گلبي وانته مايه
    صفر بالحب أخذنه وانته ميه
    انتسابي إلك وحدك وانتمايه
    ومتى بحبك توقعلي الهويه
    ==============
    ذهب صافي طبعنه ماصدينه
    وابد للي نودهم ماصدينه
    تصيد الناس واحنه ماصدينه
    رغم نفس المچان انذب سويه
    ==============
    التعب والضيم جنبي الراحة جنبك
    اشتضن من نار گلبي راح اجنبك
    عشگ العقل خلص راح اجن بيك
    واموت بعشرتك وابليك بيه
    ==============
    زوج طيور حبنه صفن بس تك
    وصرنه للشماته علچ بستك
    ماأدري شجاني وگمت بستك
    اعذرني عالجرالك مو بديه
    ==============
    يهل ناديت بسم هواى عيده
    اويه هل ماخذ دليلي اوياك عيده
    الگلب مو بس بعد رمضان عيده
    عندي العيد من نگعد سويه
    ==============
    مرارتنه يصاحب مرها منكم
    وانه المعلول وابحث مرهم الكم
    تدري ليش آنه مرهم الكم
    آنه ارهم لابو اطباع الوفية
    ==============
    هاك اشعل گلب گلبي وجهاك
    اعله حالة راح اعلمنك وجهاك
    بشالك من تلف شعرك وجهاك
    تلف روحي مثل لف المنيه
    ==============
    كلمن گال سوف اعمل وسبني
    چنه بحچيه شتمني وسبني
    أگله من الوطن إطلع وسبني
    آنه ابني الوطن بثنين اديه
    ==============
    طبع اليحفر بصحراء يعراگ
    ومن طبع الشجر بالطين يعراگ
    ومن طبع العراقي ايصيح يعراگ
    إلك يغدي العمر فدوة وهدية
    ==============
    أشد حبل الوصل والگاه محتال
    بسبب لن التريده الروح محتال
    سكن گلبي ورضيت ايكون محتال
    وجبتله الكرسي ريسته عليه
    ==============
    يظل غامض سؤالي اوياك منحال
    وجسمي من السهر وياك منحال
    وحياتك صرت يبن الناس منحال
    العسل حصتك وانه اللسعات بيه
    ==============
    يحلوة الطول من تمشين بالراح
    بمشيتچ مو طحنتي الگلب بالراح
    تعذبت وصفگت الراح بالراح
    وراحت روحي من مريتي بيه
    ==============
    علي دنياي صبت غيض چزيت
    وروحي من القهر والضيم جزيت
    عشرتك والإسم فد نوب چزيت
    السبب مديت إيدي وعطت بيه
    ==============
    تعال اگعد نصفي الإلك ولي
    عليه انوب ياهي تريد ولي
    گتله خل ابوسك گال ولي
    شنهي تبوسني وتنگ عليه
    ==============
    شفكن من هواكم بعد شفتك
    وعلي طفر عسل من حچت شفتك
    طحت كلي اعله كلي بيوم شفتك
    دگضني مو طحت كلي عليه
    ==============
    عليل ومن بست شفتك شفتني
    ولتگلي العشگ فتك شفتني
    اذا كلك طحت لمن شفتني
    أنه اتوذر إذا تخطف عليه
    ==============
    مريض آنه وصعد مرضي على اشفاي
    وطب لندن فلا يلحگ على اشفاي
    حبيبي من تحط شفتك على اشفاي
    أطيب وكل مرض مايضل بيه
    ==============
    صرت كلي جرح بجفاك ودي
    وشوفك كل مسه ومصباح ودي
    إذا خلص رصيدك علي ودي
    أمد شريان وانته اتصل بيه
    ==============
    جمال وچان عندك كله فتنه
    واجب رغم حچيك كله فتنه
    تدري اشگد فرگتك كلفتنه
    مثل الراح دفان بأخيه
    ==============
    هله ياللي عشرتي اوياك_مأسات
    إلك خدين بيض أتگول ماسات
    أسكر لو شفاي شفاك ماسات
    واذوب ومايظل كل حيل بيه
    ==============
    وحگ الألف والآمين والها
    ابعدها ماتسله الگلب ولها
    الشمس صارت مناصف إلي والها
    بخدها النور وآنه النار بيه
    ==============
    يون بسمك دليلي انته وانته
    تاه وأرد اسألك انته وانته
    يحب اثنين غيرك انته وانته
    تركني وإنته بس ضليت بيه
    ==============
    زرعت الدرب لجلك وردة وردة
    وعذب منهل ودادك وارد اوردة
    مثل يعقوب حالي ورده ورده
    لاردلي القميص ولاله جيه
    ==============
    ببعادك صفيت اشبه خرابة
    واحس بيتي علي وحشة خرابة
    يوم اليگظي من دونك خرة بيه
    الموت اهون ولابعدك عليه
    ==============
    من زغري الحزن والضيم چلباي
    ويروحي بحبل صبرچ حيل چلباي
    أكل عظمي او وفه وياي چلباي
    وبعضهم أكل لحمي وخان بيه
    ==============
    وحگ من ذا الذي أسرى ولعراج
    على الشينات ماردن ولا اعراج
    العتب مو على الما يمشي والعراج
    العتب على الصاحي ميسويله جيه
    ==============
    طحت مابيه حيل اعدل ولا اعوج
    ودليلي ابنار لهابة ولع وج
    اتشمت بيه الصاحي والاعوج
    وغمان الوكت سولفوا بيه
    ==============
    حبيبي بيا بخت وياي شديت
    وگلي بهجرك شقدمت شديت
    إصبعك حتى تذكر خيط شديت
    انحصر دمك ولافكرت بيه
    ==============
    بعد شتأمن من الخان شرجاي
    وعلي غير شمالك صار شرجاي
    أعرفك من تجيني اوياك شر جاي
    وتطش يمي المصايب واهليه
    ==============
    انياب الدهر عضن من شراها
    وبالله ارجوك كفني من شراها
    صحت للبيع روحي من شراها
    شراها الچان يحلملي بأذيه
    ==============
    تبلل ثوب حزني ما شريته
    مشه وريته اعله گلبي ماشي ريته
    حل بية الشراني ماشريته
    شريت الباعني ومارحم بيه
    ==============
    احلفت ماأبچي بفراگك ولانوح
    وبعد ما ردد بإسمك ولانوح
    يوسف مبتله مثلي ولانوح
    ولايعقوب مر مثلي بأذيه
    ==============
    أعلن ياگلب حبك وشيعه
    واتبع راي كل مخلص وشيعه
    عيب حچاية السنة وشيعة
    الوطن لاهل الوطن كلهم سويه
    ==============
    آخ اشگد احبنكم واجلكم
    وگلبي انشلع من صدري واجلكم
    أنه اتمنه يحين اجلي وأجلكم
    بگبر واحد يدفنونه سويه
    ==============
    جفيت وخلفت بجفاك عبرات
    ونيني وصل سابع جار عبرات
    أنه الشاطر عليه اشلون عبرات
    مشه وماچلبت بثنين اديه
    ==============
    شجاك شبيك لامريت لايت
    وهاي الروح عگبك حيل لايت
    يبو عيون الوسيعة تگول لايت
    ضرير آنه دحط عينك عليه
    ==============
    ونيني لاسنة بطل ولاعام
    وسجني خاص الي وحدي ولاعام
    أخبرك لا أخو ينفع ولاعم
    بس الله العزيز يحن عليه
    ==============
    صفت شمس الضحه بالعين ظلماي
    حزين ولا بقه بالعين ظلماي
    أنه المظلوم محد عرف ظلماي
    جفوني العشت وياهم سويه
    ==============
    حرت مابين أتاني ماأتاني
    وعدد شماتي يمكن ماأتاني
    انتظرته هواي تالي ماأتاني
    ماريده بعد لو حب اديه
    ==============
    أون ومن ونيني اعضاي خوان
    شجاني وماعرفت الوكت خوان
    حسافة الچنت اعدهم إلي خوان
    صفوا عدوان بعد الصار بيه
    ==============
    الدهر بس البراسه اجنون يمنه
    غدر بيه وبجاري الچان يمنه
    ماتنتصر يسرة بغير يمنة
    ولا يمنه وحدها اتحل قضية
    ==============
    الدهر أغضب عليه ودار وجها
    وبنيرانه چوه احشاي وجها
    صديقك لو زلف عالعدل وجها
    مو بالعكس تحفرله ابهبيه
    ==============
    جره دمعي على الوجنات ياحيف
    على اللي مايقدر التعب ياحيف
    آنه الچنت اخوف خفت ياحيف
    ولذت بالچانوا يلوذون بيه
    ==============
    حنيني اعليك أمك ماتحنه
    وظهري لغير شخصك ماتحنه
    أسف چفي بمحبتك ماتحنه
    تحنه دموم من گلبي الخطيه
    ==============
    لاتأشر على الماشي ولتصح
    وخوة صدگ ماظلت ولتصح
    اعضامي أبد ماتبره ولتصح
    أصحه لو يمر ذكرك عليه
    ==============
    عيني من الزغر دمعي نغمها
    وروحي ما بعد يطرب نغمها
    الدنيا اخلاف عشرتكم نغمها
    مثل موته انتمشه اعله الوطيه
    ==============
    علي مرت يناهي ايام سودة
    واريد اصبغ اهدومي اعليك سودة
    حبك بالگلب والروح سوده
    أونن والطبيب احتار بيه
    ==============
    كل من شاف حالي أبد مالام
    وعرفني وشاف جرحي كلف مالام
    صرت مثل الطفل بالمهد مالام
    يتيم وعيشته كلش رديه
    ==============
    يهل ناوي على الهجران وك تان
    خامك لاتخبطه بصوف وكتان
    بالدنية يمر عالبشر وكتان
    وكت راحة اوكت كله أذيه
    ==============
    يلايم لا تلوم الگلب بسعاد
    صدگ ناس بضليمة وناس بسعاد
    يهل گاعد توالي الليل بسعاد
    تذكرني بوليفي الخان بيه
    ==============
    هلال افراگم روحي وهلها
    ودمعتي مرة أكفكفها وهلها
    البصرة وكل نواحيها واهلها
    الوجودك فرحت وأدت تحيه
    ==============
    عذاب الشوگ شبگ ساعديني
    وساعة انخه الأيمة ساعة ديني
    على نص المصايب ساعديني
    كلف ظيم العشگ كله عليه
    ==============
    وحگ صفين والخندق وحطين
    أملش الراس بغيابك وحط طين
    واطير من الفرح صدگ وحطين
    إذا بالطيف مرة اتمر عليه
    ==============
    أخوي اللي ردت وياه نبله
    رماني وشج الي بحشاي نبلة
    إذا إحنه امن اهلنه النوب نبله
    اشتظن نرجه الغريب اعله الحمية
    ==============
    العگل تكين تك انجن وشل تك
    بسبب داريتك بزغرك وشلتك
    عصرتك عصر بچفوفي وشلتك
    لگيتك بس عذاب ونوح اليه
    ==============
    بچيت وبالدمع للعين صفيت
    اخبطوا ياما اخبطو واشكثر صفيت
    يصاحب ويه دهري اشبيك صفيت
    انطبگتوا اثنينكم عدوان اليه
    ==============
    آنه الماعرفت اولك من اتلاك
    وياهو البالحسن گبلك من اتلاك
    يعشعش وهم بعيوني من اتلاك
    كتاب وصعب تفسيره عليه
    ==============
    بصحن شوگك يروحي دوم نطفه
    ولا من نار حبك يوم نطفه
    أحبك ياترف من چنت نطفة
    وكاروكك بتوتي وذني ادية
    ==============
    أشوف العمر لايسوه بلاهم
    ولو منهم علي زايد بلاهم
    وينه المسعد وعايش بلا هم
    واسأله اعله الفرح ميمر عليه
    ==============
    الحزن ماينحسب لو ردت عده
    على المبعد واخذها الروح عده
    يعمري اللي على العشرين عده
    ظلمة وهالليالي تمر خفيه
    ==============
    حبيبي لاتظن الدهر سرنه
    هجرنه ديارنه وللغرب سرنه
    وحياتك ماظهر للغير سرنه
    بس دمعي فضحني وعم عليه
    ==============
    شمالك بيه مافد يوم حسيت
    واحس جرحك بماي العين حسيت
    تدري بيوم عني ارحلت حسيت
    العمر وي روحتك راح من اديه
    ==============
    شجاها عليك خلانك وربعاك
    كلهم كلو من طيبك وربعاك
    ثلث ترباعك انته الهم وربعاك
    حمه للگاصدك يشكي الأذيه
    ==============
    طفل گلبي بغيابك ماله والي
    غده الشيب اعله راسي ماله والي
    عضو من اعضاي وكتي ما لوالي
    لچن ضيمك لواني وعم عليه
    ==============
    جفوني اغطاك وعيوني وسدلك
    أبيع سنيني يالغالي وسدلك
    أصيرن فيض عالشامت واسدلك
    واصد اسهام عذالك بديه
    ==============
    وحگ الفوگ ماتت راس ابيها
    يظل حبك بروحي راسي بيها
    بعشرتك إذا گطعوا راسي بيها
    ولا أتخله عنك للمنيه
    ==============
    يأن الگلب وتأثر بما أن
    واظن الروح ماتطفه بماءا
    طحت گدامك وگتلي بما أن
    طلبت العون مني اتبوس اديه
    ==============
    عدت ياما وبعد كافي شعدلك
    واعوج صعب تعديلك شعدلك
    خمسة خمسطعش عشرة شعدلك
    جزن مليون دگاتك اليه
    ==============
    أنه الما كرر بحچيي ولاعيد
    ولا أحسب بزلاتك لاعيد
    شمالك ماتمر بيه لاعيد
    الخلل مدري بجنابك مدري بيه
    ==============
    أقدم الروح لحبابي وسلم
    واصافح راحتي بچفهم وسلم
    يارب العرش صلي وسلم
    على المصطفى وآله بكل مسيه
    ==============
    إلك مني سلام وألف مرحب
    شكثر مرت صداقة شكثر مر حب
    وحگ اللي طبر بالسيف مرحب
    تظل انته صديق وأخ اليه
    ==============
    جره دمعي على الوجنة وسيله
    على الماصار الي اوياهم وسيلة
    أدور المبتلي مثلي وسيله
    المصيبة اعليك مثل العليه
    ==============
    حبيبي بالگصايب يلف وي حيل
    بمرضي گالت الشمات وي حيل
    وعلى الكلفات أطبگ حيل وي حيل
    واصيرن سبع واتحده الرديه
    ==============
    اگطعت خيط الوصل عني والف لاك
    ومثلي مايصح يشگر ولف لاك
    بألف مليون مابيعك ولافلاك
    عجب وانته برخيص تسوم بيه
    ==============
    صديقي ما أبدله بذهب لو مال
    واصيرله سند للحمل لو مال
    خاف تگول مني تعب لو مل
    أضل اوياك لأخر نفس بيه
    ==============
    أجيت اطلب النخوة من نخوتك
    لگيتك يمي حاضر من نخيتك
    إذا يسألني سائل من أخوتك
    أگولن إنته اخويه وهاي هيه
    ==============
    أطوف لخاطرك وافتر بلادين
    واعوم بحور دنياتك بلادين
    أصبح كافر وأمسي بلادين
    ولجلك خل توافيني المنية
    ==============
    أجيب السم بدية ولهمنه
    على الناكر هوانه والهملنه
    خل الفرح عندك والهم النه
    المهم إنته سعيد وهاي هيه
    ==============
    حظوظ الناس حلوة ماله حظنه
    ومثل حسنك ياغالي ما لحظنه
    كون اليوم شخصك مال احظنه
    قسم إسنين ماهده من اديه
    ==============
    وگع ميزاني بحبك والك دگ
    وگلبي المايدگـ لحد والك دگ
    جهازي اتصل من وحده والك دگ
    لأن اثنينه انحبك سوية
    ==============
    الشرب من ضاگ طعم اشفاك سكر
    فقد وعيه وصعدله النوب سكر
    بعت من حصتي گونيتين سكر
    واخوط الچاي والشفة سويه
    ==============
    لاتظلم دليلي اياك واياك
    انه انطيتك وچف الغير وياك
    صدگ من عليه تهد وياك
    أهد وافزع واطگ بثنين اديه
    ==============
    هاتعبني حبك هايذاني
    دخت هاياصلاتي هايذاني
    أگول التوبة ماحب هايذاني
    أهد ذاني ويرد حبك عليه
    ==============
    عسل وبحلگي وكتي مرجعلكم
    ومرجعكم لگلبي ومرجعلكم
    صرت آية بهواكم مرجعلكم
    خذيتوا منين فتوى وخنتوا بيه
    ==============
    إبني اقصور ابد لتظن بنادم
    انجرحنه لچن مابين بنادم
    إبنها مو شرط يطلع بنادم
    إذا حوه اطلعت موش آدميه
    ==============
    اللولة البيك چي مابيك لوله
    ملاك من السمه البالمهد لوله
    جمالك ماتجاوز بشر لوله
    الخمرة اويه العسل طبگن سويه
    ==============
    وحگ الساكنين الشام ويران
    عفه عيوني يشوفن بعد ويران
    أخابرلك وخطك يدگ ويرن
    الف نعله اعله ابيك رد عليه
    ==============
    العجايب سبعة غيره ماعجبني
    وعجبني شلون اگولن ماعجبني
    جبن هو وشبگته وماع جبني
    ولحد الآن احس مايع بديه
    ==============
    بحة صوته تكتل منسه بحته
    ويوشل الماي كله من سبحته
    تشوفه تگول مومن من سبحته
    وهو كلاوي ويلعب عليه
    ==============
    هجرك حيل خايب مرضاني
    زعلت وعگب شخصك من رضاني
    ترض صدري وتگلي مرضاني
    ولا چنك سحگت انته عليه
    ==============
    بوادي الشوگ احس صوتي دوالك
    ودليلي اشموع الك عشرة دوالك
    إذا گالولك بكتلي دوه لك
    شتظن بدواك روحي تعز عليه
    ==============
    شلت منه وتبعني هم لگاني
    لگاني وشلگاني هم لگاني
    عسل ظنه بعدني هم لگاني
    صرت سم وخذت ثارات اليه
    ==============
    أريد العشرة انه اطويها ولفها
    بسبب لن الغدر بيها ولفها
    جروحي الفين احسبها والفها
    يعد الفين من تجبل عليه
    ==============
    بصفگات وهلاهل ودعاني
    وهو الكتل حبنه وادعاني
    وده ابچي وانوحن وده اعاني
    وده مايمر الفرح بيه
    ==============
    من همي الصخور اتموت واذيب
    وعلي دنياي تجمع ظيم واذب
    إبن آوه انجمع والضبع والذيب
    اليطلع الشاة وينه البي حميه
    ==============
    برشا اسمه ذهب فضة ومسي
    وصگار الريال ايتو ومسي
    أصبح بس لهل برشا وامسي
    واظل برشاوي لاخر نفس بيه
    ==============
    من جن برشلونة مو إنسته
    والجمهور متعته ونسته
    لزم طوبة لقه نظرة انيستا
    وزرف الاشباچ بالضربة القوية
    ==============
    ذكرت احبابي هالليلة وحنيت
    وحنة خذت من دمعي وحنيت
    صحيح العمر ماخذني وحنيت
    أنه هذا وبگت روحي أبيه
    ==============
    مشه حادي الظعن بالعيس وحده
    وگلبي شلون يگظي الليل وحده
    اذا غيرچ أحب مجبور وحدة
    إنتي اوياچ احبنكم سويه
    ==============
    نفس واحتاج شمك ياهوانه
    العمر ذلة بغيابك ياهوانه
    أتيه روحي يمك ياهو آنه
    خيالك مرة دلاني عليه
    ==============
    تره الدنيه صفت مو دنيه بعداك
    ولذت ياريت بالخوان بعداك
    أنه امن اذكر الغربة وطول بعداك
    أبچي الليل وانجومه علية
    ==============
    أصد وازعل وادير العين طبعن
    لأن لچمات الك بالگلب طبعن
    حلو وتنحب ولكن بيك طبعين
    تشك وتغار من روحك عليه
    ==============
    لتظن نار گلبي اعليك تبرد
    وبعد كل الحچيته اوياك تبرد
    شوكت ماجيك بالسچين تبرد
    دهاك اذبحني هو شضال بية
    ==============
    أشوفك صعب من تعله شنش بيك
    وچنت ملتم علي كلك شنش بيك
    علي زعلان شالقصة شنو شبيك
    ولاچنك أمس نمت اعله ادية
    ==============
    أحس الموت واگفلي ويومي
    واضن گربت منيتي آنه ويومي
    أريد اگعد أنه الليلة وي امي
    گبل ماروحن بثوب المنية
    ==============
    گلبي ساعة الك ينبض سعالي
    ولاأنسه أبد كلمن سعالي
    أسعل شنهي ماتسمع سعالي
    وعلى شفافك تحمل صيدلية
    ==============
    أسف منك كل اهمومي والآلام
    وجرحي اوياك مايشفه ولالم
    ورغم كل هذا ماعاتب ولالوم
    وانته بكل صلافة تلوم بية
    ==============
    گطرة حيه آنه واتگصة
    يعرفنه النشد عنه والتگصه
    إحنه بجسم واحد والتگصه
    چفك لاتضن گصيت ادية
    ==============
    أأمرني والبيلك عسلبيك
    وعساهن بيه يفترن عسه البيك
    حنظل لو ضگت خدي عسل بيك
    وشفتك للنحل وجبة شهية
    ==============
    أريد امشي نهار الصيف واسعه
    على ام حلگ الزغير وعين وسعة
    يحفار الگبر بالله وسعه
    بلكي اتصير موتتنه سوية
    ==============
    بعد ما أغزل لغيري ولاحوك
    لأن لارد اليستاهل ولحگ
    غشمة وصوبوك انته ولاحوك
    وعنتر بالحچي صاير علية
    ==============
    بعدك گمت اسوي النوح ويبات
    ولا خلي دليلي ايهيم وي بت
    الحزن وياي طول الليل ويبات
    بفراشي ويسولفلي علية
    ==============
    عميت ولانفع حدي وسني
    ولاواحد عرف حالي وسني
    سنون الناس عضتني وسني
    ماعضني لچن يضحك علية
    ==============
    الملوك احنه الكبار احنه والابطال
    وانتو ازغار وانظمكم بالابطال
    أخذنه الكاس والدوري والابطال
    وحمسناكم بستة عدال مية
    ==============
    أصفن بيك من ظيمي وسه لن
    اصعاب البيك ماذلن وسهلا
    تگلي بالوجه أهلا وسهلا
    واحسك بالظهر سچين بيه
    ==============
    وحگ العين ثم اللام واليا
    عليك انشد من اللي راح واليا
    ولاني هالزمان شلون ولية
    واخذ مني العزيز وخان بية
    ==============
    تعجب حته بعيوبك ولولاك
    ويبخته اللي لزم مهدك ولولاك
    بوجودك دنيتي حلوة ولولاك
    وحشة وخالية من الفرح هيه
    ==============
    أهلك من حلات البيك ميتين
    ومي مشمش خدودك مرة مي تين
    اليبوسك صعد سكره 200
    واذا آنه ارد ابوسك 900
    ==============
    من شفتك رجف گلبي واختلك
    وبين اعيوني اظمنك واختلك
    كون ايصير أخ ليه واخت لك
    وگصة بگصة ونحل القضية
    ==============
    الورانه ايظل ورانه مايعدنه
    وخسر كلمن بصحبة مايعدنه
    الچان الخبز عده ماي عدنه
    باچر يغص من يطي اميه
    ==============
    مبلل مايهمني المطر من صاب
    وميت مايهمني السهم من صاب
    هدف وبساحة الميدان منصاب
    ثابت يالتريد الطعن بية
    ==============
    وحگ الريت والياريت والليت
    مفرع واندعي من يوم وليت
    يوالي من علي بجفاك وليت
    وبعد عينك منو العينه علية
    ==============
    حبيبي اجروح الك بالروح حالن
    وامس چنت احسن من اليوم حالا
    أريدك تنتخيلي وتجي حالا
    باچر وين ماتلحگ عليه
    ==============
    عليكم من سلام الله ورحمة
    وحن اعله الگلب مرة وارحمه
    إذا رايد أجر إنته ورحمة
    تعال انطيني بوسة وحن عليه
    ==============
    طحتلي بناس عگبك فطراني
    ونهر يابس وهجرك فطراني
    صوتك وآنه صايم فطراني
    منشوفن صورتك شيصير بيه
    ==============
    بإلاهك أرد احلفنه وإلاهي
    صدگ يفلان ناسيني ولاهي
    لاهو الموت اخذ روحي ولاهي
    تشوف احبابها وترتاح هيه
    ==============
    شكثر ضحالك گليبي وفالاك
    وتبعتك خيط تتخلبص وفلاك
    شسوي شصك بحلگي وفالاك
    بظهري وشبچتك طبگت عليه
    ==============
    أريد اسأل اعيوني شلون شفتن
    جماله ولمن تبسمت شفتين
    كون الزملي واجب حرس شفتين
    هم احميه وهم نگعد سويه
    ==============
    على گلبي حمامة شوگـ حلت
    وزهت دنياني والأيام حلت
    أنه اترجاك يااستاد حلت
    غلط لو صح متسوه انطيها مية
    ==============
    صب دمعي على الوجنات ياهل
    وماتدرون بية اشصار ياهل
    صرت عصفور چني بيد ياهل
    أهو يلعب وآنه اشلون بيه
    ==============
    شهر سيفه الدهر ضدي وسله
    نساني وراح وي غيري وسله
    عنب ماحصلت منه وسلة
    طلع ذيب وكتلني اربات اديه
    ==============
    حبك من شفاف الگلب عت باي
    ولانوبة اذكرتنه واصلت عتباي
    أعتب مانفع وياك عتباي
    على ياهي اگطعت وصلك عليه
    ==============
    گلبي مافرح عگبك ولاسار
    وجدمي ماخطه لغيرك ولاسار
    أخبرك مابگت چلمة ولاسر
    فضحني الدمع من غصبن عليه
    ==============
    حبي إلك مافد يوم ينگص
    وليش الصاحب امن ايغيب ينگص
    زمن خله الحديد بخشب ينگص
    ويخلي الماله أول بالثنيه
    ==============
    أسگي ضماي من اشفاك وارده
    يالخدك جميل اتگول وردة
    ردية احوالي يبن الناس وارده
    إذا بالبوسة هم تبخل عليه
    ==============
    بسك يافرح وشوكت شفتك
    تطوخت بغرامك حين شفتك
    مريض آنه ودواي بطرف شفتك
    تصل لشفاي واشفه من الرديه
    ==============
    بية اجروح يصعب علي شلها
    وجور الوكت كل اعضاي شلها
    الدنيه اوياي من غاياب شلها
    خذت حيلي وبعد شتريد بيه
    ==============
    حبيبي آنه منك وانته مني
    واحس كلمن يونلك ونته مني
    إجت احزان دهرك واتمن لي
    وصرت يفلان مأوى لكل رزية
    ==============
    تشوف اهمومي بعيونك وترها
    وتغيب وتگطع بروحي وترها
    يرهيك الوكت يسمر وترها
    وتصير انته أبو الراهي عليه
    ==============
    سره گلبي بدرب حبك ومارد
    أصيح وماسمع صوتي ومارد
    مصباح آنه اصيرنلك ومارد
    واخدمك ياترف بثنين اديه
    ==============
    همومي براسي لابسها كليتة
    ومثلي من الفگر بايع كليته
    جعت ولساني من جوعي كليته
    رضيت اخرس ولاأرضه بعطية
    ==============
    امتحنتك ردت اجربنك صح اتحل
    تشد جرحي واذا يشفه صحت حل
    بعدني ماطحت يمك صحت حل
    لو طايح صدگ شتسوي بيه
    ==============
    زاد بگلبي شوگك وانته قل بيه
    وصعد للراس حبك وانتقل بيه
    أحب شلون غيرك وانته قلبي
    وانه بگلبي أحبن مو بديه
    ==============
    يحلوة الزعل طول صاحبينه
    بهجرچ عظم ماظل صاحي بينه
    چنه برضه وچانت صحة بينه
    زعلتي وزعلت الصحة عليه
    ==============
    شتظن تلحگ علية الأوف لالا
    بليل اوداع خدة اشتعل لالا
    أگله ارجع يگلي انتهت لالا
    لقد تم البعد غصبن عليه
    ==============
    الزمان اشكال لابن آدم يراوي
    واخذ مني قصص واكتب يرواي
    أنه الربيتهم طلعوا يراوي
    اكبروا وتعلمو عضات بية
    ==============
    مجرد شك اشكن هاشكشبيك
    تكش بوجهي لكن هاشكشبيك
    أشگ حلگه اليغثك ها شكو شبيك
    واذا اغثك أشگ حلگي بديه
    ==============
    أرى جرح العشگ يكبر وارى الدم
    دخت بيك وگمت أدعم واردم
    مو للدوم احبنك وره الدوم
    واگول مقصر وحقك عليه
    ==============
    عيوني غوشن ماشوف قفلن
    وبس اعليك گلبي انقفل قفلآ
    تريد اتروح قف لتروح قف لن
    شگل للناس قد راح من اديه
    ==============
    وحگ ارموشك الحلوة وعينك
    أنه بالشدة أوگفلك وعينك
    لون بيدي لنصبنك وعينك
    ملك تحكم على كل البرية
    ==============
    باد الحيل واتعس بيده هاية
    وطلع ماكر حبيبي بي دهاية
    سالمني وشبگني بيده هاية
    وبيده الثانية يأشر عليه
    ==============
    إجيت تگلي خل نرجع بعدما
    حكمت اعله العشگ كله بعدما
    بعد ماصدگ بحچيك بعد ما
    بعدما تگدر اتقشمر عليه
    ==============
    المثلك كون يعرف قدر نفسه
    وكون النافسك بالخير نفسه
    بلال الشال صخرة انگطع نفسه
    وانه الممنون اشيلنك بديه
    ==============
    إلك شفتين تكتل ولعني
    واحسها بنار تحرگ ولعني
    شني مسودن واگلك ولي عني
    لو شارب نفط وجنون بيه
    ==============
    الجگارة بنار دلالي ورثها
    وعاين دنيتي وشنهي ورثها
    أخذها الروح ترثيلك ورثها
    ساعة انته تنوح وساعة هيه
    ==============
    من دمعي جرن نهرين وعيون
    ولخليلك الف حراس وعيون
    شلون خدود عندك ولفي وعيون
    كبار ومحله نظرتهن عليه
    ==============
    أريد آخذ قصط راحة من الراح
    بچيت وربعي سألوني من الراح
    شجاني وماخذت عبرة من الراح
    ولا بالجاي عبرة اتصير اليه
    ==============
    افتحت صدري لسهامه من رماني
    وشفته وگلت مدري من رماني
    بفيي وگعد ياكل من رماني
    ويحسب للشته شچم غصن بيه
    ==============
    بين ظلوعي شلتك ماهملتك
    وبقيت بجفن عيني ماهملتك
    حسبالي الخيانة ماهي ملتك
    لچن هسه اتضح كلكم سويه
    ==============
    بعد من نار شوگي من جمالك
    يهالغاير غاير جمالك من جمالك
    ثكيل الصحرة تشكي من جمالك
    واذا تصعد جمل تنكسر هيه
    ==============
    هله ياللي على الفطرة هوانه
    وينعشك لو يمر مرة هوانه
    إذا تسأل على اليوفي هو آنه
    أفزع باول صياحك عليه
    ==============
    مثل مرجوحة بي رايح ورادود
    ولولي بصوت لاناعي ورادود
    من يمشي الحلو يمشي ورا دود
    امن اشبگة الدود يتكوم عليه
    ==============
    بابي المانهر چفك من اندگ
    ودعاين آنه لو وكتي من اندگ
    حنطة وطبعي اظل واگف من اندگ
    أغزر بالوفي وبالذاته ابيه
    ==============
    يامن ما لغيره الگلب يامن
    رضه گلبك علينه انگول يامن
    أنشدك إنته امس مريت يامن
    وراك الناس تتراكض خطية
    ==============
    كم من عمري خلصته وراكم
    وگضيت اسنين بس اركض وراكم
    بعت عمري تره لحبكم وراكم
    بدال المشتره تبيعون بيه
    ==============
    المصايب أمنن بية ولاذن
    بغيابك لانظر عندي ولاذان
    وحشة غروب المفارگ ولاذان
    العديلة تگول يقروها عليه
    ==============
    منهو النكر عهده من عهد من
    انهدم گلبك وگلبي منع هد من
    عشگنه اتعرف عهده من عهد من
    گبل الاسلام هسه تخون بيه
    ==============
    عطش گلبي بمحبتك ماي اتاني
    وبعد ماظن ينطرك مايتاني
    تعال وشوف حالي ميت آني
    بس الروح گوه مچلبة بيه
    ==============
    جرح گلبي شعمل بيه وشده
    نزف محد گرب يمه وشده
    وگفت بكل مصيبة الهم وشدة
    انعم الله اعليك محد گال اليه
    ==============
    اذا نترك ودادك وانتنازل
    إحرگ جدنه الاول وانتَه نازل
    بعد روحي أحطك وانته نازل
    وسط گلبي واريد اقرب شويه
    ==============
    أصيلة الروح تنشد من خيالي
    وافز مرات اخافن من خيالي
    شكثر حاولت احذفك من خيالي
    خيالي انحذف وانته الضال اليه
    ==============
    عدد الأبوذيات 701
    سؤال انت والك مقصد والك حل
    والك جاز الظلم بية والك حل
    بعد عشرة وتكول اترك ولك حل
    القصد ادري القصد منك اذية

    تذم بية وتكول اترك ولك حل
    والك واهس علي تقسى والك حيل
    كتلك من دست جرحي ولك حيل
    لكن بالهجر تجني عليه

    الك دير العمر طابو والك حيل

    فدى عيون الحلو الاسمر والكحيل
    سمعت منك على الشامت ولك حيل
    سبب ضيمي ويحرضهم علية

    هاك الكلب عالكيف بيدك تشغلة

    وكل المساحة البي وحدك تشغلة
    ادك عليك مشتاك عمدة تشغلة
    الف يا حيف دكيتي يا ادية

    اريد اليوم ابين الضام والضم

    يالمنهم عذاب الروح والضيم
    حبل حبك اضل بي اشد والضم
    واخيط بي فتك ثوب الاذية
    ما يوم روض الوفا مني الورود أحمد
    للمشى بخير وسعى واجب عليّ أحمد
    حبي وودادي لنبينا المصطفى أحمد
    دايم يظل متصل يارب يشهد علي
    خل يقسي بي الدهر ويزيد ظيمه علي
    ما عوف حب الوصي وابقى بولاية علي
    بستان حيدر زها هاك انظر لزهرة
    واللي يذب لي زهر ما همنا زهره
    للموت أصيح بحزن مظلومة يالزهرة
    حب الزجية عمل ما يصح مثله حسن
    وعروقي ماي الوفا من نهر ودها حسن
    عند يا مرة منولد مثل الإمام الحسن
    الحنظل بودهم عسل يشفافي بيه لحسين
    بحب آل طه ارتقي من أحسن الأحسين
    هنيالك المن صبح خادم صدق لحسين
    اللي يضدهم هلك لو عمره ظل سجاد
    لشيعتهم آنا افرشت جفن النظر سجاد
    ومنك خديت الصبر يا سيدي السجاد
    بصبر العليل اعترف لك يا زمن باقر
    عود الصبح للعلم بين الملأ باقر
    أرسل سلامه النبي لمحمد الباقر
    أهل الذكر نهج وإخذوا عليه صادق
    ماعندهم أبدا زلل كل قولهم صادق
    جعفري آنا وهلي وإمامي الصادق
    خل يبرد بشفرته دهري ويحد موسه
    عاشق وعقلي شرك جن العشق موسى
    لحاجتك يا من ردت اقصد وجهك الموسى
    كل من قصد حضرته بالخير رد والرضى
    نسحق بعظم اليضد ونكسره ونرضه
    بالكاظم آنا اقسمت يا سامعي والرضا
    ودهم لروحي درع بيه المخاطر تقي
    والبايع آل النبي محسوب هذا تقي
    إيا مذهب إمامهم قلي جواد وتقـي؟؟
    مذهب الشيعة صبح للغانمة هادي
    للشيعة عمري نذر وبلا ثمن هادي
    عاشر أنوار الهدى من فاطمة الهادي
    عسكر بصدر الشعر ما ينهزم عسكري
    جندي لبني فاطمة واقضي العمر عسكري
    لمن يهل بالنصر إبنك ياهالعسكري
    المتسمي باسم النبي مهدي الأمم أحمد

    السانك لو تحبني .. شا طراني

    وكـرهه الذي بحبك .. شاطراني
    خذت مية بمحبتك .. شاطراني
    اذن غصبن عليك اصير الية
    حي دره
    شكد جبان الموت اجالك بالصلاة
    لو سبع وجه بوجه بس يدري بيك..
    انت من ظهرك على اعدائك تخاف
    ياهو هذا بالوجه يكدر يجيك..
    خفت على الموت انة منك لا يموت
    انة من الموت ما خايف عليك…
    يا علي في مدفنك عندي شكوك
    صغيرة لان النجف ما اظن تحتويك..
    انت ما مدفون ابد بارض النجف
    اعتقد هية النجف مدفونه بيك..
    كذب المنجمون ولو صدقو
    واليصدك هذا أثم جاهلي…واب…ن ملجم هو من المنجمون
    اذا عايش بعدة ما ميت علي…
    علي دوم اختلفو بشخصة فئات
    وبيهم وابدا ماكو احد عاقلي…شي يسمونك خليفه وشي يسمونك امام وشي يسمونك صحابي وشي يسمونك ولي….
    وبالمراكز للاسف صار الخلاف شي يكول انت الاخير وشي يكول الاولي…
    وعلي اصلا لا من هذوله ولا هذوك
    وعلي اصلا عن وصفهم معتلي..
    وعلي معناه باللغه يعني العلو
    وعلي منزلته تفوق المنزلي….
    علي بس واحد يشبهة من البشر
    علي محد يشبهة بس علي…
    علي من سموه حيدر عن قصد مو جزافا واد ما جت عابره .حتى اسمك يا علي مثلك بليغ
    حيدر انجمعن باسمك حي ودره..
    علي حي في قلوب المومنين
    وعلي نوع من النفائس والدره..
    وما دام انجمع باسمه حي ودر
    اذن لابد ما يسموه حيدره…..
    الزنجيل
    وهذا النوع من الشعر الشعبي كتبه الشاعر نائل الشمري
    وقد اجاده لانه سهل الاانه مفرداته صعبه المنال لانها مرتبطه بعض ببعض متلازمة المعنى .قوية الارتباط
    هذا الشاعر الشاب قد اجاده وابدع فيه .
    لأنك بالتزمك مومن اهلك اخاف اشيل ذنبي مومن اهلك
    منو بكدى يحبك مومن اهلك منو بكدى يحبك مومن عشرته
    وانه اشكظيت خايب من عشرتك اتمنه اصير اصبع من عشرتك
    وعد اسنين عشرتنه والجروح واخيرا كتلي ودعني وهج روح
    اروحن وين ماكدر هوه انته وانه الماهان من اجلك هوانته
    حرت بين التركته والتبعته وانه الونيت والوني تبعته
    ماباعك حبيبك انته بعته حبيبك باع عمره واشترك بيه
    وحزن كلبي على حزنك واشتركبيه -وبعد شدوس كلبي واشترك بيه
    جبل حبك تكلكل من ثكل بيه يدنيه اشمادفعتي منثكل بيه
    ولاتنسه يكلبي من ثكل بيه ولااريدك بعد وبصدرى احملك
    حبيبي اشلون ترضه بصدرى احملك اذا حملك يتعبك بصدرى احملك
    الي وروحي الارض وشكد دوه اله وتداوي الداء لو بالمر دوه اله
    بس العين مايحصل دوه اله دواة العين خله من تقربيه
    وتعب كل ماتشوفك من تقربيه ولك شيصر حبك ون تقربيه
    تحبني انت يقين بصدري موشك الف شوكة سكوت بصدري موشك
    انذبح كلبي وتشظه بصدري موشك وعرف محد يدفنه شي دفن شي
    عكب صدره المواكد شي دفن شي كفر من رسم غيرك شي دفنشي
    واظن للجنه يدخل من يرسمك حبيبك ينسه حسنك من يرسمك
    وبسمك حبي جمالك من يرسمك وانه الليل بعيونك شفتك احله
    شفت شمس الاصيل وشفتك احله العسل من ضكته كله شفتك احله
    اذن لو من شفاتك بستك اشفه اذا المات يعدل بس تكشفه
    شتظن حبك يضعفك من تكشفه علي تخفي اهتمامك وكتراثك
    وانه الي مات كلبي واكتراثك نسيت الحب الاول وكتراثك
    صدك نسه تراثه هسه جيلك وتشوف سواج عيني هسه جيلك
    ونادي وماتكلي هسه اجيلك حملتك يا وصارت كبريائي
    واذا ذبينه بالشط كبريائي حبيبي شلون تجرح كبريائي
    وتذلني اكبال كل ناسك وناسي وبقيت بصحره شاتلني وناسي
    ناس اتكول لاتسكت وناسي لان كلش مذلتي لاكت الهم
    وجبل حبي المقدس لاكت الهم وكالو حيل ذلك لاكتلهم
    عنايه احتاج كلبي او جاي اعاني وخفيت اشكثر منك جاي اعاني
    تمرمرني من ازورك جاي اعاني شكثر ندمان جيه بيتك عتبته
    وعرفني الباب من دكت عتبته عتابي اوياك جيه حبك عتبته
    كلبي شلون يمنهم وك كسرته اسير وذل شجالك وك كسرته
    كبل جانت اسرتك وك اسرته اسرتك هسه سمتني الضحيه
    ـقصة حب..

    فرات الشمري


    صغيره وما تعرف تحـــب .. ولا دغـدغ قلبها الشــــوق

    خفيفة بشط هواها تروح .. ودومها تعاتت اويه الموج
    صغـــــــيره وحســـــرتي كبــــــيره ..
    يا صاحبي ما أظنها تفّل ..ولا اظن تحصل اليشتل
    تصــد مــرّه وأعاتبــها .. تراضيني وترد تجفــــل
    لا غلطه بدت مني .. ولا كلمه قلت عنها ولا عني
    أهيم وما أقول أرجع .. تجي يمّي وتجابسـني
    أنام وحتى ساعه أهجع .. تجي بطيفي وتفززني
    وأحس بحرقه بضلوعي .. وتضل تدي وحنيني يصب
    وأقول هذي هم قسمه .. صغيره وما تعرف تحب
    كثيره أيام يا ناس وآنا هالحاير .. لا شوره تدليني ولا شاير
    واشوف الناس كلها عـزاز .. وآنـــــــا وحيـــدهم بايــــــر
    اشـــجاني واشحصلت منـــــها ؟
    أوادم وشت عليّ .. مثل ما وشـــت عليها ؟
    لا ماكو عواذل .. العواذل ما تحاجيـــها !!
    عرفته اللي كــان واشـــيها .. !!!
    ولك يا صويحبي استاذي يحـوم ويـدور عليها
    تحاجيه ويحاجيها .. تناغيــه وينــاغيها
    أقول يا صاحبي اسندني .. أشوف الدنيا تتل بيه وأتل بيها
    وإلا استادنا ريّض .. يقــــول هالنـاس شعليها
    حســــافة اســـتاد .. جنك ما دريت بحسبتي وياها
    حســــافه اســــتاد .. قلبي اللي هواها شلون ينساها
    شـــقول عليك يا استاذي .. شــريد أدعي ؟
    عسى انك بيش
    بالحسرة التحز بكَليبي وبضلعي
    بالعبرة التسيّل عالوجن دمعي
    بالضحكات بالجلمات علمعبر
    نار وبالضلع تسعر
    عسى انك بيش يملذون يلن كل جلمة بالدفتر تذكرني هواك اكثر
    واذكرنهة احبنهة
    وحك عيناك يا استادي والله وحكَ رسله احبنهة
    انشد عليك الله لا توصل بعـــد يمها
    شـــتريد انطيـــك شـــهديلك ..؟
    الك قلبي وقــلبي عوسج ابهمها
    الك روحي وانت الروح ظالمها
    تريض وانعل الشيطان .. واسمع نخوة افادي
    لو هذا الحجيته وياك ما ينحاج يا استادي
    خل يشهد علي الهــادي
    احرم عليك حتى طبة النادي
    وشحدهة وتكَلك طب صغيرة وما تعرف تحب
    اشوف الناس كلهة الناس تركض عالسراب تكول هذا المي وما مش ماي
    وانا عليمن اكَنطر داي فوكَ الداي
    ولفي وما يهمه بجاي
    لجن انا يا بعد جلاي موش استاذ
    ولا بيدي امر ذيج وهاي
    وما اكَدر انجحنها لو سـاعه اضحكت ويــاي
    ولا أقدر اسقطنها إن صــدت تـريد جفـــــاي
    انا منين أجيب الشهادة منين وارضي بيها هواي
    وأنا حسره عليّ يا استادي شربة الجاي
    بس عندي قليب يا محلاه .. ألف حسره تحس بجلاه
    وعندي تركه من بقايا الروح كثيره جروح وتصيح الدّاد
    ما جاني برقبتك يا استاد
    جرحي ما يلفه ضماد .. ولا اظن قصتي على البشر تنعاد
    هذي قسمتي من الله مو من واحد واعتب .. صغيرة وما تعرف تحب

    رد الاستاذ:


    عيش ابخت واحجي ابخت وبوكَ ابخت مكَرود يالمالك بخت

    صدكَ يالتنشد عليها ودمع عينك حرام يصب
    صدكَ يا فلان زعطوطة صغيرة وما تعرف تحب
    صغيرة ولعبت علية صغيرة وعذبت كَلبي
    شفتها ابدرسي مو راحة تصد عين وترد تربي
    تشيل اصبعها بالعمدا .. شحلاة اصبعها يسبيني
    واحس بدمها اليدبي واجاوبها وترد تسال
    واشوف منادس الحلوات ياذيني
    واحاجيها واكَول لكَيت مكَصودي
    شحلاة الرد تكد ايدي وتسليني شسولفلك
    اخاف تطول سالفتي
    على ساعة لني غركَان ابعواطفها
    احبج كالت حبيب اريدج كالت اتدلل
    احب ذبة سوالفها اكلها شلون وآن استاد
    اكلهة شلون اطب للصف اخاف حجاية العذال لو واحد يخالفها
    يا عيب العيب كالت غصبا على الناس
    احبك واعبد الدفتر اريدك واعشك الجلمة التوالفها
    مشيت برجل تستاهل الجنة اثاريها بكبرها تطب
    صدك يالتنشد عليها ودمع عينك عليها يصب
    صدك يا فلان زعطوطة، صغيرة وما تعرف تحب
    عليمن تنخه ابو حزامين وتنخه بعلي الشرجي وعلي الهادي
    وتريد تحرمني غصب من طبة النادي
    يا حيف عليك وانت مشورب وراهي
    ويكولون الفهم عندك
    ولك وين الفهم باليفرض بروحة عل محبوبة ؟؟
    الفهم يا فلان من يعرف معاني الحب على دروبة
    العشكَ يا فلان روحين وسط الريح مصلوبة
    العشكَ رد وبدل يا فلان
    لو بالكَوة جان صار العشكَ طوبة ..
    اعاتب .. والعتب ياذيني ويذبني
    اعاتب لجل عينك مو لجل وحدة تعذبني
    ترة آنا هم مثلك ظليت مدوهن وحاير
    آنا الظليت ارد للضيم جبحاتة
    آنا الظليت ذاك الكَال
    لا ردنة ابو عليوي ولا بينت مسحاتة

    رد الطالبة

    جبيرة انة جبيرة وعدكم صغيرة
    صغير الماعرف امرة وتدابيرة
    صغير الوكَع حظة وبكَة بحيرة
    ولك والحبوا يكولون ؟
    لو مال الغصن حدرة يا طير اطفر لغيرة
    جبيرة انة جبيرة وعدكم صغيرة
    صغير انت .. صغير وماتعرف تحب
    نسيت شلون اتلكَاك من تجهب
    هناية لاهي وماعرفت اشلون تلهة
    هناية ساهي وما حسبت حسابك الهة
    ساعة الكَيك يم سوسن
    ساعة الكيك يم زهرة
    تعال اكرب اعتبنك ولو مرة
    تعال اكرب تعناني اشوفك جرحك اشكبرة
    تعال وصير عطابة
    تعال وجم تعال وما نفع وياك وانت على ضحجات العليلة
    شلون مسترطب
    هذا انت وتكلي صغيرة وما اعرف الحب ؟؟
    شنهو الحب ؟؟
    شتريد تكول .. شتوصفة ؟
    المخلص يجيب الماي من الغيم لو لحظة عطش ولفة
    لا تطري دروب الحب عليك محرمة كلفة
    ادري بك طري ذبلان ادري بيك شبه سعفة
    تميل وية الهوة لو مال
    ماريدك بعد حيال ظل اسمع حجي العذال
    واشبع لوم كلمن كال
    المايعرف تدابيرة حنطتة تاكل شعيرة
    جبيرة انا جبيرة وعدكم صغيرة
    هذي قصتي وية فلان .. لاجن دشوف اشجان
    استادي يصول يجول يدور ابحومة الميدان
    يعض اصبع يظل سهران .. عليمن ؟؟
    شنهو البدر مني وبان
    يا ناس اسمعوا قصتي
    شلت ايدي لجل فهم الدرس مو لجل حرشة غايتي
    وجيتك مرة لو مرتين للغرفة
    مرة توصفلي طريج الحل
    مرة مدري اشجانت الوصفة
    يا عيب العيب تحسبهة سوالف شوكَ ولهفة
    خلف الله على الدلاك عايزهة بعد زفة
    حرت انة يا هل وادم بين استادي والطالب
    من مثلي على الصوبين دتحارب
    بعت انة وشريت النوم ولو فد يوم
    اريد الناس ينسوني
    اريدن تغمض جفوني
    حيرانة الدرب دلوني
    لا يوم اليمر يومي مو راح اشكَن هدومي
    يا ربي شلون هالحيرة
    جبيرة انة جبيرة وعدكم صغيرة
    مايحتاج اكلكَ
    ما يحتاج اكلك انت تعرف زين
    تعرف كلشي بية واعرف شبيك
    وما يحتاج اكلك اني احبك ليش
    تدريني وي روحي اني اغار عليك
    صرت انت السفينة واني سفان
    وغيري اعلى الجرف ياهو اليرسيك
    غيرك ما اريد ولا احبن غيـــــــــــــر
    وغيري اعلى الحزن ياهو اليواسيك
    احبك خاف اكلك وتكلي جـــــذاب
    واقصر خاف اكلك ما اوفيـــــــــــك
    سولفلي اعلى حالي واسال ارجوك
    وسولفلي علية شبيك ما بيــــــــك
    هم …….ك يحن من نفترك لحضات
    وغم ذاك ال……. لو ما يحن عليك
    شعلت روحي شمع وبظلمة تالي الليل
    واطفي شموعي كلهة وبس اضويك
    خليتك دمع وبساعة الضيـــــــــــــج
    ابجي دموعي كله وما ابجيــــــــك
    اعطش من اشوفك وابتسم حيل
    واظل عطشان مني واني ارويك
    ما ارضة بزعل وما ازعل وياك
    وازعل الدنية كلهة وبس اراضيك
    الشارع مو امان والناس كلهة حلوك
    وادز روحي وي …….ي وعيني تحميك
    من طبعي شرس وتخاف مني الناس
    بس منك اخافن من الاكيــــــــــــك
    اشرد منك اني واختل اني وياك
    وتشرد بية انت وبية اخليــــــــــــك
    100
    التعديل الأخير تم بواسطة الصديق ; 6/يوليو/2011 الساعة 6:44 م سبب آخر: أزالة رقم الجوال . حسب قوانين درر العراق

  3. #3
    Jeanne d'arc
    تاريخ التسجيل: يناير-2010
    الجنس: أنثى
    المشاركات: 17,285 المواضيع: 8,156
    مقالات المدونة: 27
    SMS:
    أشياء كثيرة نُؤمن بها بطريقةٍ نعتقد معها إننا لَن نَكفر بها مهما حدث.. فكرة التخلي عن هذه الاشياء غير واردة من الاساس.. لكن, في لحظة ما, نجد انه لاشيء يستحق.. وان اغلب ماكنا نؤمن به ليس الا هدرا للوقت!
    وعليكم السلام وحمة الله وبركاته اخونا العزيز الزيدي.. ما اعرف لو مخلي هذا الشعر بمنتدى الشعر الشعبي وعلى شكل مقاطع قصيرة حتى يتسنى للقارئ القراءة بدون ملل وتكتب فقط موضوع للتعريف بالاصدقاء بمنتدى الترحيب وكل الهلا بيك اخ وصديق عزيز عالى الجميع. اسمح لي بنقل الموضوع الى منتدى الشعر الشعبي مع كل الود

  4. #4
    من المشرفين القدامى
    تاريخ التسجيل: سبتمبر-2010
    الدولة: اين ما وجد الحزن
    الجنس: ذكر
    المشاركات: 797 المواضيع: 91
    التقييم: 70
    مزاجي: حزين
    المهنة: طالب جامعي
    آخر نشاط: 14/يوليو/2013
    الاتصال: إرسال رسالة عبر AIM إلى ملك الطيب
    مقالات المدونة: 11
    SMS:
    لا يقاس الحسين (ع) بالثوار، بل بالأنبياء ولا تقاس كربلاء بالمدن، بل بالسماوات ولا تقاس عاشوراء بحوادث الدهر، بل بمنعطفات الكون
    هلا بيك ياورد ..يس شي واحد ياورد الناس اتمل اي شي طويل كان من المفروض ان تختار بعض من هذا الومضات افضل من السرد الطويل ولا تنسى ان تكتب اسم الشاعر في نهايته الموضوع المره القادمه

    بما انك جديد سنعفيك هذه المره,,,مع خالص امنياتي لك بالتوفيق

  5. #5
    صديق مؤسس
    صاحبة الامتياز
    تاريخ التسجيل: يناير-2010
    الدولة: البصرة
    الجنس: أنثى
    المشاركات: 29,322 المواضيع: 4,251
    التقييم: 5247
    مزاجي: هادئة
    أكلتي المفضلة: مسوية رجيم
    موبايلي: Galaxy S3
    مقالات المدونة: 77
    SMS:
    Sometimes the heart sees what's invisible to the eye
    كل عضو جديد ياخذ قائمة ارشادات من الاعضاء القدامى وبما انه اني اقدم عضو هنا عدنة موقع اسمة سوالف عراقية بأمكانك نشر هذه الومضات في موقع سوالف عراقية
    وبداية رااائعة ومفرحة جداا شكرا الك واهلا وسهلا بيك الزيدي يسعدنا وجودك بيناتنا ... تحياتي الك وردة

صفحة 1 من 3 123 الأخيرةالأخيرة

(( ما يلفظ من قول إلا لديه رقيب عتيد )) (( ما يلفظ من قول إلا لديه رقيب عتيد ))

المواضيع المتشابهه

  1. تحيه الى جميع اعظاء المنتدى اخوكم الزيدي
    بواسطة الزيدي في المنتدى منتدى الشعر الشعبي
    مشاركات: 12
    آخر مشاركة: منذ 4 أسابيع, 9:37 ص
  2. تحيه من القلب لهذا المنتدى
    بواسطة ibraeng في المنتدى منتدى الترحيب بالأصدقاء الجدد
    مشاركات: 9
    آخر مشاركة: 14/مارس/2012, 10:12 م
  3. رساله من سالي الى جميع افراد عائلة المنتدى
    بواسطة سالي في المنتدى مقهى الدرر
    مشاركات: 11
    آخر مشاركة: 12/أغسطس/2011, 7:10 م
  4. الى جميع المتواجدين او المشاركين في در العراق تحية حب من اخوكم ابو النون
    بواسطة najah في المنتدى منتدى الترحيب بالأصدقاء الجدد
    مشاركات: 18
    آخر مشاركة: 22/يوليو/2011, 10:36 م
  5. تحيه الى جميع اعظاء المنتدى اخوكم الزيدي
    بواسطة الزيدي في المنتدى منتدى الترحيب بالأصدقاء الجدد
    مشاركات: 2
    آخر مشاركة: 6/يوليو/2011, 6:22 م
تم تطوير موقع درر العراق بواسطة Samer

قوانين المنتديات العامة

Google+