محاورة شعريه بين رجل وأمرأة
هذه المحاوره بين امراءه ورجل كانا يسكنان في نفس المنطقه وكانت تلك المراءه تكن في جوارحها حبا لهذا الرجل المتكبر فقررت في ذالك اليوم ان تبوح له كل ما لديها من احاسيس وللاسف كانت النهايه مؤلمه جدا عليها فقالت له
تمر مثل العذب لو صار ....جاري
اليودك لا تصده بساع .... جاري
تجيني لو صحيح اتكول .... جاري
تعال ارجوك هسه اتمر عليه
فقال لها
امر ان جان ردتيني .... واجيلج
نساء هواي من عمرج .... واجيلج
اودج من صغر سنج .... واجلج
اخاف اكصد تهب امج عليه
فقالت له
تعال وشوف حالي شلون .... مالومه
وبعد حيل الوكت وياي .... مالومه
نزل ماي الجفن عالكاع .... مالمه
اريد انخاك بلجي اتلمه ليه
فقال لها
يكون الكاج وحدج ما وياج .... احد
والم دمعج واصيح الله .... واحد
لجن مشغول كل جمعه وسبت .... واحد
اثنين الجاي بلجي ايصح بديه
فقالت له
عمت عينك صدك ما بيك .... غيره
ولك طبعك صعب ارجوك .... غيره
اعوفك لو تكول الروح .... غيره
نخيتك صدك ما عندك حميه
فقال لها
يامن حجي الغلط ما اريد .... اسمعه
ولا كلبج اريد اعتب .... واسمعه
رخيصه وما تهمج دوم .... سمعه
عمت عين الوكت ذبج
**منقوله للأمانه الشعرية**
رد مع اقتباس
