رابط قصير:
صفحة 1 من 3 123 الأخيرةالأخيرة
النتائج 1 إلى 5 من 13
الموضوع:

تعريف و برمجة راوتر

الزوار من محركات البحث: 3123 المشاهدات : 5811 الردود: 12
جميع روابطنا، مشاركاتنا، صورنا متاحة للزوار دون الحاجة إلى التسجيل ، الابلاغ عن انتهاك - Report a violation
  1. #1
    صديق مؤسس
    UniQuE
    تاريخ التسجيل: يناير-2010
    الجنس: أنثى
    المشاركات: 16,115 المواضيع: 1,220
    التقييم: 3668
    مزاجي: لا يوصف
    موبايلي: Galaxy S3
    مقالات المدونة: 70
    SMS:
    مشكلتي ...........أنَك مشكلتي !

    تعريف و برمجة راوتر

    السلام عليكم ...
    قبل ايام قمنا بتنصيب نانو ستيشن ...و اشتركنا بمنظومة ...
    الخطوة التالية هي ان نجعل النت وايرليس في البيت لكي نستفيد منه على اكثر من حاسب و كذلك للهواتف الذكية ...
    عندنا راوتر نوع الفا 802.11 جي ....طبعا مشتريه قبل اكثر من سنتين ...
    اول مشكلة تفاجأت انه السي دي التعريفي مالته مفقود ...
    ثاني شي ..رحت لمواضيع المنتدى اللي تشرح ربط و تعريف الراوتر ...الحقيقة تعثرت من اول خطوة ...اي من الربط مع الحاسبة ...

    اذا ممكن شرح بالخطوات بالتسلسل ...
    يعني هسة عندي لابتوب و مرتبط بالنانو بواير ودا اسحب النت ...
    من هنا نبدأ....ماذا بعد ؟

    وشكرا مقدما ً

  2. #2
    مدير المنتديات العام
    تاريخ التسجيل: يناير-2010
    الدولة: عراقي الاصل - ماليزي الإقامة
    الجنس: ذكر
    المشاركات: 13,338 المواضيع: 966
    التقييم: 4264
    مزاجي: دراسي
    المهنة: Master's student
    أكلتي المفضلة: حاليا .. حليب وجاي
    موبايلي: Galaxy S2
    الاتصال: إرسال رسالة عبر Yahoo إلى Samer إرسال رسالة عبر Skype إلى Samer
    السلام عليكم

    قبل كلشي .. شوفي شرحي هنا

    http://www.dorar-aliraq.net/showthread.php?t=48993


    الراوتر بيه 3 منافذ:

    1- WAN اللي هو المنفذ الرئيسي المميز، و اللي راح يستلم انترنت بواسطة واير الانترنت اللي نازل من النانو مثلا
    2- الـ LAN Ethernet اللي هي المنافذ الأخرى غير الرئيسي اللي يكون عددها عادة 3 أو اقل يكون الاتصال بيها عن طريق واير الانترنت الاعتيادي كذلك
    3- الـ Wireless .. اللي هو ضمن شبكة الـ LAN ..يعني سواء تربط عل منافذ بالنقطة 2 او عل واير ليس نفس الشي .. من الاثنين راح تستلم انترنت بواسطة الراوتر




    هسة اول خطوة تسويها .. هي أنه ترستين الراوتر من زر الترسيت .. عادة يتطلب الامر ضغط باداة رفيعة عدة ثواني لحد ما يترست و ترجع (الخرابيط السابقة) للاعدادات الافتراضية

    الخطوة 2:

    تعرفين كون الـ IP مال الراوتر الافتراضي .. عادة يكون 192.168.1.1 أو 192.168.0.1 تلكيه عل اكثر مكتوب على الرواتر نفسه
    كذلك تعرفين الاسم و كلمة المرور الافتراضية عادة تكون admin للاسم .. و الباسورد تكون فراغ او كذلك admin

    تغيرين الـ IP مال الحاسبة تخلليه ضمن المدى مال IP الراوتر .. مثلا تخلليه 192.168.1.7 أو اي شي المهم الرقم الاخير بس يتغير .. شوفي هذا الموضوع

    تربطين الحاسبة على الراوتر عبر احد المنافذ الـ LAN Ethernet يعني واير

    تدخلين على الراوتر بواسطة رقم IP مباشرة من المتصفح .. مثل اي عنوان انترنت

    تضبطين اعدادات الراوتر .. تختارين قسم اعدادات الـ WAN تسويها PPPOE

    تكتبين بيها اسم المستخدم و كلمة المرور الخاصة بحساب الـ PPPOE .. علمود يتكفل الراوتر بالاتصال بهذه الطريقة .. و يدخل الانترنت بداخله من خلال الحساب مالتج

    بعدها تفعلين الـ DHCP بشبكة باعدادات الـ LAN بداخل الراوتر .. علمود يوزع انترنت (و يسلم ايبيات) للاجهزة اللي راح تتصل بالرواتر .. سواء عبر الـ LAN Ethernet او الوايرليس

    الـ DHCP يقوم بـ (تأجير) ايبيات للاجهزة المرتبطة بيه .. راح تشوفين المدى من الابيبيات اللي راح يأجرها ممكن للاجهزة .. عادة تكون من 192.168.100 إلى 192.168.199 بحالة الـ TP-Link هذه مو شرط تلتفين إلها

    آخر شي .. ترتبين امور الواير ليس .. تروحين على القسم الخاص بالوايرليس .. و تختارين (اسم اشارة SSID مثلا (Fairy forever) ـ علمود يبثها الراوتر ، و كذلك ممكن تختارين نوعية تشفير الاشارة (علمود لا يكنكون الجوارين ) .. تختارين مثلا نوعية تشفير WPA2-PSK و تخللين الباسورد من 8 رموز أو اكثر .. و إذا اختاريتي نوعية تشفير web تخللين 5 ارقام فقط

    و بعدها .. تلغين الـ IP اللي خلليتيه بالحاسوب، و تربطين واير النانو على منفذ الـ WAN و تربطين عل اشارة مال الراوتر مع الباسورد او عبر الواير و تفحصين هذه الاشياء:

    1- استلمتي IP من الراوتر لولا .. إذااستلمتي ..تكدرين بعد رئسا تدخلين عل راوتر
    2- الراوتر قام بالاتصال بطريق الـ PPPOE وحده ؟ راح يبين بصفحة الـ Status مال الراوتر
    3- حصلتي نت لو لااااااااااااااااع :عااااا


    نريد نسمع اخبار حلوة هع

  3. #3
    صديق مؤسس
    UniQuE
    هممممممممم
    طبعا هاي الاشياء اكيد رح احاول بيها باجر ان شالله ..لأن الوقت هسة متأخر
    بس ما كتلي ...مسألة القرص التنصيبي مالت البرنامج مالت الراوتر اللي ما لكيته ...هي شيء مهم ؟...يعني شو من كلامك ماكو شي يتنصب من قرص مثلا ً...لو اكو داعي ؟...
    وطبعا اشكرك جداً....لأن اكيد الجواب اخذ منك وقت ....و تقييم لابد منه

  4. #4
    مدير المنتديات العام
    اقتباس المشاركة الأصلية كتبت بواسطة fairy touch مشاهدة المشاركة
    هممممممممم
    طبعا هاي الاشياء اكيد رح احاول بيها باجر ان شالله ..لأن الوقت هسة متأخر
    بس ما كتلي ...مسألة القرص التنصيبي مالت البرنامج مالت الراوتر اللي ما لكيته ...هي شيء مهم ؟...يعني شو من كلامك ماكو شي يتنصب من قرص مثلا ً...لو اكو داعي ؟...
    وطبعا اشكرك جداً....لأن اكيد الجواب اخذ منك وقت ....و تقييم لابد منه

    أتصور قرص التنصيب يكون مهم إذا كان الربط للحاسوب هو عن طريق الـ USB إذا الراوتر بيه هيج خاصية

    أما إذا كان الربط (سواء للحاسوب الكلاينت او النانو الـ Wan) يتم عن طريق الوايرليس أو عن طريق الواير الـ UTP .. قطعا ما نحتاج قرص تعريف .. الشغل كووووووووووووووله يكون عن طريق المتصفح و واجهة الـ Web UI - Web User Interface الخاصة بالراوتر

  5. #5
    من أهل الدار
    العقابي
    تاريخ التسجيل: مايو-2010
    الدولة: في بيتي
    الجنس: ذكر
    المشاركات: 1,111 المواضيع: 223
    التقييم: 374
    مزاجي: الحمد لله أولا وآخرا
    المهنة: كلشي و كلاشي
    أكلتي المفضلة: زرازير شوي
    موبايلي: Iphon5
    آخر نشاط: منذ أسبوع واحد
    الاتصال: إرسال رسالة عبر MSN إلى علاء إرسال رسالة عبر Yahoo إلى علاء
    مقالات المدونة: 8
    SMS:
    الحمد لله و الشكر له و سبحانه وحده
    السلام عليكم
    فاير , سامر
    كان بودي بالامس ان احاول طرح الجواب بالصور لكني لم افلح لأني لا أمتلك هذا النوع من الرواتر, فهو يختلف تماماً عن الموضوع المشروح سابقا في راوتر TP-Link
    لأن الاختلافات بالواجهة و الخيارات.
    أما بخصوص (قرص التنصيب) .. أن منتجات بعض الشركات يضعون برنامج او شي من هذا القبيل يقود المستخدم لتسطيب أعدادات الرواتر بسهولة ... دون الحاجة للدخول عن طريق الويب.

    المعطيات:
    نوع الرواتر ألفا
    المتطلبات : أعداد الراوتر لكي يزود انترنت من خلال PPPoE wan

    1- تغيير IP الحاسوب الى 192.168.2.100
    2- الدخول الى الراوتر بوضع العنوان التالي في المتصفح 192.168.2.1
    3- تختارين Gateway Mode كما في الصورة ادناه



    4- بعدين تروحين على TCP/IP setting و تختارين WAN interface و تختارين PPPoE كما في الصورة ادناه



    5- تضعين اليوزر نيم والباس وورد الخاص بمزود خدمة الانترنت كما في الصورة ادناه



    6- بعدين تروحين تفعلين خاصية DHCP Server كما في الصورة ادناه


    7- بعدين تفعلين السيكيورتي : هذا الخيار ما يتوقف عليه عمل الانترنت ..لكن فقط لحماية الاشارة الصادرة من الرواتر حتى تصير محمية برمز انتي تعرفيه فقط.








    طبعا ملاحظة مهمة جدا ... بعد كل خطوة تغيير تسوين save او Apply حتى لا تخسرين الاعدادت.
    و اذا ما اشتغل لا تدعين علية ...لأن هذا الي أكدر اسويه لمريض بدون ان اكشف على حالته

    شكرا

صفحة 1 من 3 123 الأخيرةالأخيرة

(( ما يلفظ من قول إلا لديه رقيب عتيد )) (( ما يلفظ من قول إلا لديه رقيب عتيد ))

المواضيع المتشابهه

  1. تنصيب راوتر
    بواسطة hassansat في المنتدى أسئلة و إجابات
    مشاركات: 4
    آخر مشاركة: 18/أكتوبر/2013, 6:43 م
  2. كيفيةالزيادة على إشارة راوتر
    بواسطة Suzana في المنتدى منتدى الاتصالات والشبكات والساتالايت
    مشاركات: 11
    آخر مشاركة: 17/نوفمبر/2012, 6:38 م
  3. تحويل الماك الى راوتر مع شرح شبكات الإتصال والفرق بينها !‎
    بواسطة ابويقين في المنتدى أخبار التكنولوجيا
    مشاركات: 0
    آخر مشاركة: 7/أغسطس/2012, 2:54 م
  4. حول حاسوبك المحمول الى راوتر وايرلس
    بواسطة Suzana في المنتدى منتدى الاتصالات والشبكات والساتالايت
    مشاركات: 8
    آخر مشاركة: 4/يونيو/2012, 9:13 ص
  5. كيفية إعادة تعيين كلمة المرور راوتر لينكسيس
    بواسطة Suzana في المنتدى منتدى الاتصالات والشبكات والساتالايت
    مشاركات: 4
    آخر مشاركة: 24/أبريل/2012, 5:18 م
تم تطوير موقع درر العراق بواسطة Samer

قوانين المنتديات العامة

Google+