انا ابن ادم
أنه بنادم صدك ما حط لظهري جناح
اذم واكره واسولف واحچي كلش الچان
وما خطط لفرحه ولا لدمعة عين
ولا احزن چذب حتى انعرف انسان
من تصهل ضحكتي اعبر لذاك الصوب
ومن تنشغ دمعتي مناشغ المعدان
عل الفطره من اسولف ما تهمني الناس
ولا ادور صداقه بگعدة الديوان
متناقض لان عايش طبيعي وياك
الما عنده تناقض هذا مو انسان
جنحي من انفتح ما زاحمت عصفور
ولا غرني الصياح ونافست خرسان
تعيرني بعشرتك من چنت وياك
وگلبي بعشرتك گله انترس دخان
منه مسير ضوه لسردابك المسدود
بوكت شمس الظهر ما دكت البيبان