بگلبه گلت يشوف

قصيدة الأعمى اضعها بين ايديكم كاملة عسى ان تصل لمستوى ذائقتكم

فتاة قبلت ان تتزوج رجل اعمى وانجبت منه ثلاثة اولاد وبعد مرور فترة من الزمن اصيبت بمرض منعها من الأنجاب مما اغضب زوجها وهددها بالزواج بدل ان يساندها ويقف معها

فتعاتبه وتقول

حاول تقتصد بحچايتك ميجوز
مو كل الحچي يتسولف وينگال

قيس حچايتك ووزنها سولف عود
انا السويته لأجلك ما يمــر بالبال

بنت شيوخ ولجلك ما قبلت شيوخ
ردتك لله منك ما ردت مثقال

لخاطر عشرتك عاشرت سابع ضيم
قصتي اتسولفت وتناقلوها اجيال

اعمئ وما رفضته بگلبه گلت آيشوف
اذا غاب النظر بالنية يمشي الحال

مثلي اتحملو بس انه حملي آطنون
اذا طاح الجبل بچفوف ما ينشال

اگــــودك لو اگود بولدك احتاريت
گضيت العمر مشتغلة چن حمال

بليلة عرسي خاتم بيدي ما خليت
العذر متشوف گلت وما عليها اشكال

هسة تريد غيري وغيري يرضئ شلون
بالفيئ ما يوچد لو يمر لـخيـال

آقصر لو جبت طاري الأقصور اوياه
داريته مثل دارت ام الأطفال

المربية البنت تنشال فوگ الراس
تصعد للشمس لمخلفه ثلث ارجال

علية اتكبرت وانطيك حگ بهاي
من يگوئ الرمل ميطيح بالغربال

ضريرة واعترف وعيونك مفتحات
چي بيك اقبلت وادريك مو رجال