باب ألعتب
ما أفتح أبد باب ألعتب وياك ...
حالف ما أفتحه بقفل سديته ...
سنتين ألعمر من عندي عده وراح ...
بس هم وحزن وجروح گظيته ...
رغم هاي ألسنين وگلبي عايش نار ...
جرحي بالصبر كل يوم شديته ...
ما أسأل وأگولن أنته ليش أتصير ...
وي شامت عليه أبضحك خليته ...
ولا أسأل وأكولن ليش ماوافيت ...
لأن أني ألأحبه أسنين وافيته ...
وافيت أشكثر بس خانوا ألأحباب ...
وگلبي أشگد حنين وناسي ماذيته ...
ماعندي بغض وي كل بشر مخلوق ...
وسلاحك بحر وياي هديته ...
أذا هذا ألبشر يرميني كومه أحجار ...
أني بالورد وألياس جازيته ...
========================
ضياء ابوخالد ... واسط
========================