ارسمني

ارسمني جفن وارسمني عين
الاعمى لوراد يرسم يبتدي بنضره
وارجع ارسمني نبره يم اخرس
من يذكر الصوت يموت وتبقى بذنه
عايشه النبره
وارسم بصفي شجره ومر بيها الخريف
طاحت منها وركه وماتت الشجره
ولاترسم غص يم عصفور
باجر يبني عشه وتبقه البلابل ع شجر مطشره
ولاترسم شمس وبصفها فانوس
الشمس تختاض لوصبح الفانوس للكاع كمره
اذا رايد ترسم ضوه ارسم اليل
حته من تشتاك للضوه تشعل ضوه منلكمره
وارجع اكتب ع رسم عاشك ومعشوك
وغني وفقره
وناس عاشرت ناس عيشتهم النضره
واني ادري اليعاشر النضرات
حستره تنطفي بجمره
وارجع اوكف ذب ع جرح من حبرك اسموم
حته من ترسمني بكلت تطلع العبره
ورغم سمك والجروح هواي
اتونس من ترسمي بيدك السمره
خليني دوم بنص رسم واقلام
بلكت اضوج وتخبطني حبر وي خمره
واسكر واكلك هنا بشفايفك اندفنت الحمره
وبنص الرسم واكف لاتكمل
لئن خايف تكمل وتموت بيه روحك الخضره
عفتني وضلت بالي مطبوعه رسماك
رحت وبديت انه ارسماك
يفلان كمت اكتب اسمي وره اسماك
خاطر من اذكرك تنطفي الحروف بيه