تعال

تعال اليل وشل وانته ماجيت
تعال الجفن بعدك زاعل النوم

اكود بروحي كوه وعلي بفراك
خرجه الحال صاير من الهموم

موبس عيني شكهه الدمع بجفاك
الدمع بجفاك شكك حته الهدوم

كوم تكلي وطلع ومشي مرتاح
المفارك ولف مايكدر يكوم

تعال الخاطر الله الخاطر اليل
الكضيته وياك كاعد وأحسب نجوم

الكضيته وياك حسبه وحسره واهات
الكضيته وياك تضحك وإني مهضوم

على كلن تعال وعوف الاسباب
حيل الشوفتك ياخلي محتاز

شماته هواي يمي ومايرحمون
حته الجبته إليه عليه ينحاز
حسرتي عليك تطلع تخنك الريح
بحيث الريح كوه عليه يشتاز
اليمر ويشوفني يشيل أيده ويكول
الله يعين حاله مفارك عزاز