تشرين الأول 1 2016

قصيدة فارگونـي - الشاعر جواد داغر الساعدي

فارگونـي
الشاعر جواد داغر الساعدي

لطمية بحق السيدة فاطمة بنت الامام الحسين (ع) العليلة :

هاجروني وتركوا احلامي على چف منجل تنام
فارگونـي وعشت دمعة وصافحت جفن الحمام

مفارگيني وروحي بجفاكم سراب
ويني ووين الفگد واعضامي عود
يعصر بگلبي العصر لو منه فات
الجنت بيه اتنطر الغايب يعود
يا ضوه الله السافر وخله الضلام
يترس البيت الصبح حيطانه سود

واتركوني تنهش بحيلي الليالي الليئام

العله مو علة مرض فرگة عزيز
بيها حچي عيونكم وكت الوداع
من بعدكم بيتي يفگد چم عمود
يـ لسفينة نوح صورتكم شراع
چم خله يفارگ ضواه ويبگى عوز
وانا بكل ليل الدمع يصبح متاع

ودعوني وضلت أذني مناطرة لاخر سلام

راحوا وخيط الصبر بيه اگطعوه
وروحي لمن گوطروا بدوها ماي
جانت أحلامي على چف حسين ابات
شعنده مني الغالي ياخذ وكتي جاي
جنت زهرة وعايشة بفي الدلال
ما دريت الوكت جان يلف وراي

وبعيوني. شايلة دموع الي تصعب ع الكلام

وشما أصد ليكم ونين بگلبي حاد
شچم نسيم مسافر وتارك عمــــر
ياهو المخليلي ضحكة من أرد اعوز
ولون يشمت واهسي الفي ليا كتر
الطاحن دموعه وصفن شيمرلي بيه
وشلگه بالحيطان لو ما مر خبر

ما نسوني. بس مصايبهم اضن كلش عظام

خادم أهل البيت (ع)
جواد داغر الساعدي
إضافة قصيدة