هالايّام

هالايام
مانی لایگ الروحي
هالايّام
بصبي الجرح بیدر ملح
بطران الیگله ولک نام
هالایّام
أرد اضم عسري
لچن
ما عندي مضمام
هالایّام
الشمس
إبني الخلص صبره
گعد یرسمها بصخام
أثاریها مِحنتي
چن عیوزه تضَمضُم بصُرّة ألمها
الهاي الأیام
شبّاچی الغبار معشّش بجامه
أمسحنّه
ویرد امغبّر الجام
سهرت ویه الجرح
ما طبِّگ عیونی
بعد ما رید الاحلام
بنهرنه بلام ودّینه
النويه الشمس
لا رَوَّح بلم
لا رجع بلّام