كانون الثاني 24 2017

قصيدة سنة اشفافچ على اشفافي - كاظم إسماعيل الگاطع

سنة اشفافچ على اشفافي
كاظم إسماعيل الگاطع

سنة إشفافچ على إشفافي
بصراحة الوكت موكافي
أريد الشتا إيصير أربع مواسم
ياحضن دافي
وأريد الليل سبع إسنيـــن
والله إيمــَوٌت الغافي
لو طال السفر ويـــاچ
من روحي الخدر ينزل عله الرجلين
وأمشي إعله الجمر حافي
ولو ميت وأمر بشارع إمشينــاه
أنسه جنازتي وتتحرك أطـــرافي
ولو يطفه الضوه من الصبح لليــــل
عن بيتي تِگـــول الناس
عنده إگلــوب ما طــافي
ضـَعفني الزمن لكن أكابر بيــچ
من صار النهر دهله إبربيع الفات
مَديــتي إديــچ ورد نبع صـافي
سنة إشفافچ على إشفافـــي
بصراحة الوكت مو كـــافي
إضافة قصيدة