اقوى وأجمل قصيدة للحشد الشعبي

انكشف النه الوكت والحرب خفت حيل
ومثل شمرة عصى الموصل بعد عنه
انفتح باب الشمس والظلمة وين تروح
ليا سرداب تلفي و تختفي منه
عصرنه غيومها وروينه كل عطشان
وبللنا الشفات اللاذت بسدنه
وردينه الخضار لگصب عايش ناي
وسگينه الصيّفن من جربة گصصنه
وعلينه المناير هيبة للتاريخ
وصوت آذانه لاخر مدى اوصلنه
وضمدنه الجرح بسوالف العشاگ
ولحضن الجرف كل طير رجعنه
وكحلنه بسمار البصرة كومة عيون
جانت ناطرة بشارة برسايلنه
وذرينه الرماد الأسود وي الريح
وشرد دخانهم من جرت انفسنه
واخذنه حگوگنا وشگينه حلگ الحوت
وطلع يونس وفوگه عمامة لبسنه
من خيوط الحرب مغزل سلام نحوج
ونيابه على الدول بالحشد قاتلنه
وتحت هيبتنا خطينه بدم الميهون
خط احمر درس لليوصل لحدنه
سوينه الحرب زفة عرس عشاگ
والدم ع السواتر منعجن حنه
أهي بضعة وكت ونگول تم تنظيف
ترابك يا وطن والرد بعد فنه