انه ابن العراق وامي بغداد

أنه أبن العراق وامي بغداد
العرب كل العرب تتنخه بيه

دار العز وطنه ودار الأمجاد
يادار التضم حامي الحميه

مجروح اشكثر ومعاند اعناد
وشوكه ابعين كل الداعشيه

حركوا بيتنه وكالو صفه ارماد
رجع أحله وبنيته ابهاي اديه

العراق ابخير بس اشويه يراد
صبر ونغربل المو صافي مَيه!

هويتنه العراق العرب واِكراد
الشرف يتشرف ابهاي الهويه

والغيره الورثناهه إمن الاجداد
اجتنه ابزود طَف الغاضريه

سُفرتنه جبيره وزايد الزاد
يااطهر وطن فوك البريه

البصره والرمادي روح بغداد
وداعش بالحرب شاهد عليه!

اشكد خَططو بس كلشي مافاد
بقينه اخوة ونبذنه الطائفيه!!
بقينه اخوة ونبذنه الطائفيه!!
حسين االساعدي