آذار 25 2017

قصيدة ها يكلبي - نهاد الخيكاني

ها يكلبي
نهاد الخيكاني

ها يكلبي
ها يكلبي من الطعن عاد اكتفيت
زينة هسة احوالك بهالمستوى
هاي ناس معلمة تعيش بظلام
وجبت عمرك تنكل عليهم ضوة
غير كلشي الينطي ياخذ بالحياة
حتى سم الحية بي موت ودوة
ادري تمرك ما يغزر شي عجيب
اني ادري بكاعنة تملحة النوة
فوك صدرك دوس داسوا مو حفاة
الأمس جنت اقدس من طوى
شترف من الماي هم يصيبه غيظ
وغيظ عين الماي والمعول سوة
الماي من تكعد على صدره الجبال
يضيك صدره ويدور هوة
ها يكلبي
تصيرلك عبرة وتتوب
اني اعرفك زين ما تصبر ترد
شافو بدربيلهم تطلع قريب
وداروا الدربيل خاطر تبتعد
ولإن يدرونك ندى وباجر تطيح
خضروا عاكول ما صاروا ورد
أنتة لو كلبي وصدك تظل سيد هواك
صيح بيهم لا تظل عايش عبد
لا يطب روحي ويشوف بية سيف
كلب تحت ظلوعي ماشايل غمد
لا يوكف باجر من اطيح
بروحي حمزة يموت من وكفة هند
اليريد ارجع خل ينفخ بية روح
ما كدر خل يكتفي بماي الورد
من يرد قابيل يلعب وية اخوه
يجوز ذيج الساعة افكر ليهة أرد
إضافة قصيدة