منك يا علي ومستنسخين اهواي!

حاير بالعدد وتخبط ابممشاي
واشكد الصميده! ولازم انذكره!

هذا المرتضى لو حيدر الوياي!
لو هذا الامام الكافل الفقره!

متعجب عله الواحد يصير اهواي
موجود الدليل وزادت العشره!!

شو ياهو اليندبه ويعتنيه عناي
ويه الصاح حيدر لازم ايحضره!

يحجولك قصص وبفزعة الوفاي!
هو ابوقت واحد حاضر الكثره!!!

يقسملك الاول هاجم الحماي
وبنفس الثواني وحيدر ابكتره!

والثاني اليكول الحاضر ابلواي
كرار الهواشم يمي وأتذكره!

والثالث اليقسملك عله يمناي
شفته وباليسار الحيدر النظره!

والرابع يكول ابصولته ابملكاي
خلاها الجثث كدامي مِطَشره!

والخامس يكول ابحملة الكفاي
بتلاثه الشفتهم ثبت الطبره!!!

والسادس وسابع والاسير الجاي
حاضرهم علي وبساعة العسره!

وأستغرب وكولن واحد العناي!
شو كلها حضرها وكلها مبتشره!!

طلعوا حيدره وكرارها الشفاي
وابو الحسنين حاضر ويده متحضره

وياهم علي ويتشاورون الراي
وحماي الحمه وراياته منتشره

هسه اتبينت وتوضحتلي ابهاي
والكعبه الشريفه البيك متعسره

منك يا علي ومستنسخين اهواي
حته امة محمد تبقه منتصره
حته امة محمد تبقه مننتصره
حسين االساعدي