نيسان 20 2017

قصيدة ياباب الحوائج - كرارالحسيني

ياباب الحوائج
كرارالحسيني

ياباب الحوائـج ياسفيـنـة نــوح جزر حبـك طويـل ويصعـد وي المـد
يراهـب بيـت آل المصطفـى الأخيـار سجنـك صـار جامـع بـيـه تتعـبـد
أمقيد بالسلاسـل وأنـتةكلـك فيـض گلـي أبيـا حديـد الفـيـض يتقـيـد
علمـت السجـن كـل المعانـي البيـك وسجانك جـزع حـد مـا لگالـك حـد
كهف الغيض صدرك يل حويت الغيـض عجيبه أشلون غيـض أبصـدر يتحـدد
أبطن الحوت يونـس مـا حمـل أيـام رغـم ماچـان حوتـه اويـاه يـتـودد
وأنته أسنين عمرك گضن عـد الحـوت وحوتـك بالعـذاب أويــاك يتعـمـد
يوسف بالسجن والسجن سبـع أعـوام بـس لمـن طلـع عالعـالـم أتسـيـد
وأنته أخمسطعش وأتجاوزت كـم عـام تالـي إعلـه الجسـر مسمـوم وأمّـدد
أيـوب الصبـر بيـه أقتـرن مـولاي وأنـته الصبـر منـك گــام يتـولـد
موسى من مصر غادرهه ثمـن أسنيـن وشوگه للأهل بيـه كـل وكـت يشتـد
وأنته من الأهل محـروم حـد المـوت گلـي أشلـون ميـت للأهـل يـنـرد
ياأطـول سجـود أيسجلـه التـأريـخ لوعدينـه بيـك أيتيـه بيـنـه الـعـد
عدوك شاف قطعة من القصـر عالگـاع فوگ إتراب سجنـه أبكـل وكـت تمتـد
شافك وأنذهـل مـن جاوبـوه أعليـك عرف شنهو اليريـده وبيّـن المقصـد
ماحدك سجـن والسجـن بيـك أحتـار وأنته أبكـل كتـر منصوبلـك مشهـد
هارونك تضعضع نـزل لأسفـل سـاف وأنته أبرغـم سجنـك عالخلـد تصعـد
ياسفـرة الحاجـه وياهـوه التعـبـان نـارك بالگـلـب هيـهـات ماتـبـرد
مثل مدعيت ربك هيجي ندعـي أويـاك لأن سجيـن هارونـك رجـع وانـحـد
يل خلصت يونس مـن ظـلام الحـوت خلصنـه بجـاه المصطـفـى الأحـمـد
يمخلـص الجنيـن وهــو بـالأرحـام
خلص هالشعب مـن كـل ظلـم أسـود
يل أمخلص اللبن مـن بيـن هـذا وذاك
خلص هالشعب من كـل عـدو أتمـرد
إضافة قصيدة