الك وحشه

الك وحشه بدليلي جنها غيمه
تمر بعيون سهرتُ تمطر إدموع
أحس آنه بغيابك ماكو أنوار
مَطْفيّه بغيابك حتى الأشموع
أمس جانت فرحتي ماليه الدار
وهسه بسبتك هلصرت موجوع
دنيه بلا عشگ ماتنشره وتنباع
شعجب حبك حبيبي صارمبيوع
إجانه العيد حامل هلمسرات
بحضني بفرح والعتب مرفوع
أحلفك من تمر هم الغي العتاب
وعيّدني بضحكتك گبل لاتموع
أسولفلك حبيبي بعد أشصار
سهم فرگاك نابت بين الأضلوع
ابو رؤى قاسم الدوسري