حزيران 11 2017

قصيدة مافادك اشعيط ابجرة امعيط! - الشاعر حسين الساعدي

مافادك اشعيط ابجرة امعيط!
الشاعر حسين الساعدي

صير ابعمر جرحي وأمشي وياك
انه الما أحب مشي الزعاطيط!

ما تاخذ نصيحه ابذاكه ممشاك
عصفورك فلت شتسوي بالخيط!

واشكد جرجريت ابهايه دنياك
مافادك اشعيط ابجرة امعيط!

دَور مستواك والعب اهناك
تكدر تختلط ويه المخاليط!

لتزامط صكر طار وتعلاك
بعدك وينك إوين التزاميط!

انته اتخيرت زوري وتعداك!
وانه اتجاوزت حته الشبابيط!

وبأولها كون اتخلي معناك!
ليش الزله! ودز التواسيط!

 بالك تعتنيلي ابهذا ملكاك
وتشتت افكاري ابهل خرابيط!

هاي اخر كتابه البيها طرواك
وتميز الشعر من الشخابيط!
حسين الساعدي
إضافة قصيدة