حزيران 20 2017

قصيدة اكو مذبوح يمكن جان ذباح! - الشاعر حسين الساعدي

اكو مذبوح يمكن جان ذباح!
الشاعر حسين الساعدي

مو كلمن ضحك وتظنه مرتاح
ممكن وبضحكته ايضم الجروح!

ولا كلمن بجه ويسَمعك اصياح
تتوقع صدك ! وبكلبه مجروح!

مو ياهو التسرفن صار فلاح
ولا كل الورد وبريحته ايفوح!

لو كون الكمر عالفقره ينزاح
جا ماشاهديته ابكل السطوح!

لتخلي الحقيقيه ابسعرالاشباح
وتساوي الكَعد! بِالعَطر اللوح!

والراس الصعد مافوك الارماح!
مايتساوه ويه البعده مطروح!

أكو مذبوح يمكن جان ذباح
ويعذب الروح ابطلعة الروح!

واكو جتال بس ابذاك السلاح
دافع عالضعيف الكاتله النوح!

واكو رايح صدك بس هو ماراح
راح الخاطر المايقبل ايروح!

واكو طايح صدك! لاجنه ما طاح
شال ابطيحته المايكدر ايلوح!
شال ابطيحته المايكدر ايلوح
حسين االساعدي
إضافة قصيدة