بطلوا حته الموت!_االساعدي

مبخوت
وبيا بخت!
حاسدني يا مبخوت!
,
لاعب وجيت أشتهر
طردوني بأول جوت!
,
فَتَحت وَكت العصر
شربت عصير التوت
,
ذَبو دعاية خطر
واللي يشربه ايموت!!
‘
متكلي وبيا بخت
حاسدني
يا مبخوت!
,
بالوطن غربه اشكثر
وأنه الصرت مشحوت!
.
دبرت نول السفر
كوه وكطعت القوت!
,
تئبرني كالَوا ترد
طِردوني مِن بَيرووت!
,
رديت الك يا وطن يابو النفط والموت!
رديت الك يا وطن بَس حضر التابوت!
جوعان مثل الجمل
ومحمل الياقوت!
سربوت أظنه الوكت ومنصب السربوت!
,
مبخوت وبيا بخت
حاسدني
يا مبخوت!
مكتوبه أبقه فُكر وشيمسح المنحوت!
دَوار رحت أشتغل منعوا عليه الصوت!
,
بالنجف واحفر كبر
صار الدفن بالكوت!
وهناكَ رحت أشتغل بطلوا حته الموت!
مبخوت
وبيا بخت
حاسدني يا مبخوت!
,
رايد اتعلم حَجي
وصار الحَجي ابسكوت!
,
كالولي تكدر تجي
بس يكبر الكتكوت!
,
وتبصرت وارتجي
امشي ابضوه الناعوت!
,
بردان اخذني البجي
وما جابوا المازوت!
,
افتر واداوي البشر
وانه ابجرح مفتوت!
,
وازرع سواجي النهر
لو مابقه المنبوت
,
وانكت بقايا العمر
وارجع على المنكوت!
.
نوبات اكول الشعر
بيت ويجيب ابيوت!
,
وارسم ابهاي الصور
ضحكه ودوه المبهوت!
,
والقهر نفس القهر
لا تفضح المسكوت!
,
ماكضه غير الكبر
ذاك الجنى المسحوت!
,
وانه البقيت انتظر
هلبت يجي المبخوت!
,
ضليت أقص القصص والملك فاته الفوت!
مَدري طالوت انتصر مدري انتصر جالوت!
هَددني ذاك الملك كالالي يا ممقوت!
لازم تحط النقط وتشخص الطاغوت؟
,
ما أدري يمته انفجر
وشيضمن الموقوت؟
,
ناعي ابمجالس قهر
وانه الصرت منعوت!
,
ضليت اسولف نكت
وبجلسة المكبوت!
,
ما أدري لو بسطت!
يتكَسر الحانوت!!
مبخوت وبيا بخت! حاسدني يا مبخوت؟
,
ترهم اشوية كطن
بذنك ويخفه الصوت!
لكن كلام النذل شتحطله من اتفوت!!
,
يونس أظن ما علم
داعش تِهد ابيوت
لو يدري بالكارثه جا مايعوف الحوت!
جا ما يعوف الحوت!!
مبخوت
وبيا بخت!
حاسدني يا مبخوت!
حسين االساعدي