تشرين الأول 13 2017

قصيدة مولاي حيل أعتذر - كرارالحسيني

مولاي حيل أعتذر
كرارالحسيني

مولاي حيل أعتذر خوفي بكثر شوگي الك
وياك أسولف حذر وأنگل حروفي نگل
وچلماتي المبعثره بشعري امنطب هيبتك
مايوفي لو دنگت واجب يلبسن عگل
وكون امنسولف حچي ما ماشي درب اللسن
منزل ابوحي الفكر ما مار حته ابعگل
واتوضه والبس وفه واتعوذ من النهر
الما فزع وي جربتك من حشميته گبل
وامنين اجيبن هذن يردن كرم والكرم
بحره انخلق بس الك شي يفوج جف البخل
لاكن فجت يالعذب ادري اني بيك ارتوي
كاسرت روحي نده وناخل النيه نخل
تدركني بس اندبك غير انت درت علي
بينك وبين العرش قرأن حبل الوصل
بجاهك تگل للخلف خل يضهر الشيعته
باقين بس ننتظر ما بين نبله ونصل
سيف الطبر هامتك" بسبايكر "هم ذبح
چم اكبر وچم علي مأساة يابو الفضل
ونفس الشمر هم رجع والحاشيه وحرمله
نفس الجره بكربله مغزى الحچي والقفل
إضافة قصيدة