أم عليوي راحت ألندن شچم يوم تزور أبنها عليوي الي يدرس هناك ...
المهم شافت عليوي ساكن ويه وحده أسمها ( جيجي ) البنيه متشاركه ويه عليوي بالغرفه . يعني زميلته بالغرفه !
الأم العجوز ماعرفت شتسوي . بس شافت جيجي بنيه صاكه كلش . فتوقعت اكو علاقه بيناتهم ، وهالشي خلاها تشك ، بس عليوي گدر يقراء أفكار أمه وتصرف بسرعه وگال لأمه ، آني أعرف إلي تفكرين بي ، بس حبيت اطمنچ اني وجيجي مجرد زملاء متشاركين بالغرفه ، لا أكثر ولا أقل هيه بچربايتها وآني بچربايتي ؟؟؟؟!!!!
المهم الزيارة انتهت ورجعت أم عليوي للعراق .
وره أسبوع جيجي گالت لعليوي من يوم ما سافرت أمك وكاسات الشاي ماكووو ؟
يجوز أمك اخذتهن وياها بالغلط ؟؟!!
عليوي گال أشك بهالشي .. بس خليني اسألها عالموبايل حتى أتأكد ...
گعد وكتب عالموبايل لأمه ...
شلونچ يوم .. آني ما أگول أنتي أخذتي كاسات الشاي من بيتي ... ولا أگول أنتي ما اخذتيهن بس تردين الصدك ... كاسات الشاي ضاعن من أول ما رحتي من عدنا ...
وره شويه ردت أمه عليه ...
وليدي عليوي .. آني ما گلت أنته تنام ويه جيجي ولا گلت متنام وياها ... بس تريد الصدگ ...
لو جيجي تنام بفراشها چان لگت الكاسات جوه مخدتها !!!!
آني خليتهن من أول يوم قبل لا أسافر وأرجع للعراق ... يعني صار أسبوع مانامت الخانم على چربايتها وحست بيهن ؟؟!!
ايگلك الشيطان دز على أم عليوي رايدها سكرتيره عنده :smileys-happy--happy-71531