وينك ياعلي الهادي

قصيدة منبريه بحق الامام علي الهادي عليه السلام

شيعة حيدره اتنادي
وينك ياعلي الهادي
... ..
من سموك يبن الطاهره انسابه
صاحت شيعتك وبدمعه لهابه
بعدك ياهو نكصدله وندك بابه
نذوب شموع من نوصل على اعتابه
حزنك بينه ضل حادي
وينك ياعلي الهادي
... ..
يوم افراكك الما ينحمل مره
تبقه ابكل كلب ماتنطفي جمره
عليك الدمعه تنزل عالوجن حمره
اعله صخره لوتطيح اتفطر الصخره
ودمعهم يترس الوادي
وينك ياعلي الهادي
... ..
مسموم ورحت شاب وخلص عمرك
امام ومفترض بالطاعه من زغرك
تصبر عالظلم أه شكبر صبرك
ماشفت الفرح من مهدك الكبرك
عليك اشكد ظلم سادي
وينك ياعلي الهادي
... ..
عانيت ابحياتك ماشفت راحه
كلبك تنلجم بالمغرب اجراحه
وجهك عالحسين الغالي واصلاحه
وللطف والمخيم غابت افراحه
الحزنك صرخة واجدادي
وينك ياعلي الهادي
... ..
مسموم ورحت نعشك يحملونه
أمام انت بمدامع دم يودعونه
اليصبحون اعله وجهه واليمسونه
امير ارواحنه شخصك يسمونه
فراكك والله مو عادي
وينك ياعلي الهادي

ياسر العارضي