كَلايد شَمْ

سَير يالروحك كمريه
وطرد خوفي....
ولون الليل....
خلافك سجة هندس عيني
ولا زلفك يدبي بلا صوت
لا يسحك برموشي شويه
لم سنيني......
لم دخاني.....
كل دخان الدنيه العاجر
فضيته خلافك بالريه
لو مريت اشبك بخيالك
واشبك......
وارجع....
واشبك.....
وحفر بخيالك كاع الله
حدما جيسن كلب اخيالك
حدما تلتفك ذرعاني
وتالي ....
اطلع اشبك انه بروحي
لين خيالك مر بروحي
سير....
كل عمري متانيك
كاعد وكفه.....
نايم وكفه.....
صاير جن بلبل مسجون....
لو نام بقفص يضل واكف....
وانته ولا منك حنيه
لا خلخالك ينده روحي
لا لصفة معضد .....ترجيه
ياهلبت منك فد جيه
ياااا هلبت....
جان وداعة كل شوغاتي
اركض حدما اشهك طولك
وانسه سنيني....
وكل دخاني....
يا وحشة صفنات الهندس
اخ شكد بروحي الهندس
مرررر.....شباجك ....هسه ابالي....
هلبت وجهك ...مر ابالي
تبخل .......
شووو صاير...حتينه ابالي...
يمته الكاك....
اووووين الكاك....
غنيتك....... والواهس سنبل
احتاميتك.....ياطين الاول
ليش معلعل.....
ابقه معلعل؟؟؟
فيض وفزز كاعي بطولك
ومن تفيض....
ابقه انه مندي....
و لو طلعن شمسين اكبالي
في زلفك.... يرهم..... عالكدي...
وكلشي أُبُدّي...
كلادة شم صاغتلك ريتي
وبجيدك تتعلكَ بُّدّي
وزف خصرك موكَد لجفوفي
ولهناك الما صاير يبدي
ونبدي ... ونبدي...
وتخَلص كل هاي الدنيه.....
وانه وياك يطول حدي....
فيض ....
ومن تفيض....ابقه انه مندي
ابقه .....مندي
..................................
سلام الكريزي