تموز 15 2019

قصيدة چي حنين - الشاعر المبدع جواد داغر الساعدي

چي حنين
الشاعر المبدع جواد داغر الساعدي

چي حنين الليل يكصد للحنين
يندل الدمعة الحنينة بيا جفن
ويندل الصدر اليعطب بالوداع
والجفونه على الهجر ما يطبگن
وچي وقار الشيب للعاشگ يلوگ
امن بو فاضل شيبة شيبة تلملمن
چان من يضحك تجي گباله النجوم
لجرف شاطيه نوارس يگصدن
ومن خفت ضيه طلع صيت الظلام
وبهذاك الليل وصوركم يجن
غالي غالي ووين ابو الجرح الجبير
وين الجروحه عليّ يتفصلن
الگصبة چم حزام تلبس من تگوم
هيج كل ليلة عليّ يتحزمن
يا خريف الطف بعد ما ضل عزيز
ورگة ورگة من العيون تفرهدن
ينزع بجلده الغصن لو جاسه شوگ
وجاسني واغصاني طين اتفطرن
يمرني طيفه و اعطشه وبيه الضلوع
مثل حبات الرمل يطشرن
كلشي غالي وبس دمع عيني الرخيص
كلشي بالطف ينحسبله اكبر ثمن
حتى جان اليعطش تذبحه النبال
لان سعر الماي سبعين وضعن
للشاعر المبدع جواد داغر الساعدي
إضافة قصيدة