حزيران 26 2020

دارمي قصة دارميات من الذاكرة الشاعر عمار …

قصة دارميات ( من الذاكرة )

الشاعر عمار الدليمي ورضا الجبوري وصادق العارضي

على لسان حالها احدى الطالبات في كلية التربية ذهبت لتسكن عند عمتها في بغداد افضل من الاقسام الداخلية وتصورت انها تكون مسرورة وسعيده وستواصل اجتهادها للتتفوق بدراستها لكن حدث عكس ما كانت تتصور من عناء ومشقة وسوء المعاشرة من عمتها فطلبت دارميات تكون على معناتها .. وسأدون ردودكم ايضا اخوتي الاعزاء

شمالج يعمه اشبيج عذبتي حالي

ما نشف دمع العين بالخد يلالي

ازداد البجه والنوح والصايح اشتد

ها انتي وكحة عين ميحبج احد

لا أبن راضي اعليج لابت تحبج

واشلون اعيش اوياج يكتلني كربج

عمتي وعماج البين ياعمتي ريته

وموتج لون ينباع بالدم شريته

اوهه امداهه الروح جابتني يمج

هم الوكت وياي والنوبه همج

مثل الجبل عالراس همج يعمه

ردتج وسيلة خير صرتيلي نقمه

مضطره والعباس ومضطره انه

ما أدري هيج ايصير واشبع مهانه

ياعمه شدعي اعليج شرد اندعيلج

عمية كلب وعيون منهدم حيلج

ياعمه شدعي اعليج ريت انه عمتج

جا شفتي صبري اعليج واشكد حملتج

ريت العمه ولاشوف فرحانه فديوم

منج دموع اتسيل والكلب مهموم

صارت يعمه اوياي هالقسمه صارت

شاب الكلب والراس دنياتي دارت

يالجنت اضنج خوش واحبيبه ليه

تاليهه بالشدات صرتيلي حيه

عيب الاسم ينساب ها انتي حيه

أوغلط كلمن كال بسمج وفيه

ياوكت يادوار دور بوفيه

ضوكهه طعم الظيم والهم سويه

لاطيبة كلب وياي لا رحمه عندج

لفلف جريته الموت خلّصني منج

لو أدري هيجي ايصير ماجان أجي اهنا

بأتفه قسم ظليت وأتوالف اوياه

الشعر حاتم الهاشمي

ياعمه هاي اشبيج شنهي القضيه

فوك القهر والضيم ضيمج عليه

الشاعر جبار العامري

ياعمه تالي أوياج كافي أذيه

والله ولفاني الشيب والهم بديه
إضافة دارمي