ماضل دمع بالجفن

ماضل دمع بالجفن لا ضل حچي الينگال
خلصن سنين العمر حملي بغيابك مال
محتاج حيل وصبر بُعدك بعد لو طال
كلشي بغيابك عِكس كلشي بغيابك عال
حد منجله الفلاح من سعفه صوفر حال
جان اليروّي السعف شافه السعف چتال
حتى الليالي صفت مابيها راحت بال
وينك سألني الجفن وچم دمعه دز مرسال
ريّه ونفسها اختنگ رحت ونسيمك شال
والسمچه رادت عذب مايروي صم رمال
والعاشت بنص نهر فوگاها هد الفال
تعبني لوم البشر حسبوني واحد ظال
خلصت حروف اللغه وما بينت يهلال
يا مهدي ضل الامل ماضل حچي الينگال

ابو قاسم الملا