راح واذكره بخير

راح واذكره بخير ابقه بدعائي
راح اليظن مسجون جان بسمائي
راح بغصن زيتون مثل الحمامه
للي شهامه وطيب بس بلثامه
راح وفتح ذرعان للماله ملگه
وانه اطلگ بآهات كل لحظه طلگه
كالولي لمن راح كله ابتسامه
ما حاسبلها حساب حجم الندامه
كالولي رد ندمان ما والمه العش
مو بالكلب بالبيت شو گله لدش
گلتلهم بعز چان نص گلبي عايش
ثوب المهانه يلوگ للرايه طايش
گالولي ضل محتار محّد يسنده
لچانت تحسده عيون محّد يعده
گلتلهم تمنيت ردلي بوكتها
هسا اني عندي هموم كثره شبگتها
ميت گلب ضليت المن يجيني
لا اني فارغ بال لا عندي عيني
بس خل اشوفه ردود شنهو شجراره
مو وهسي صار وياه وهسي بجگاره
راووني صورت روح بچّت كياني
معقوله هذا الچان كلشي بزماني
ذابل وجه وجفون والضحكه ميته
ابيض شعر ورموش لا ما عرفته
گالولي هذا الچان والما حزرته
ما جبنه صورت ذاك بالصوره انته

الشاعر : ابو قاسم الملا