كانون الأول 5 2021

قصيدة كام منهم شاعر اخرس. - الشاعر حسين الساعدي

كام منهم شاعر اخرس.
الشاعر حسين الساعدي

كام منهم شاعر أخرس
؛؛؛؛؛
سَوؤ أكبر مهرجان .. وللشعر همه الدعونه
العرب مجتمعه كلها... والاجانب شرفونه,,,,,
ابقاعة الوالي الجبيره,, الحشر صار وجمعونه
الوالي قرر كلها تحضر,,ابلا عذر كلهم اجونه
الرفض يحضر,,
ارهابي,,
هذا راح ايحاكمونه,
قَبطت كل الكراسي ,,, وبره نسمع طلعونه
والفضاءيات كلها
,,التمت ,,
ومن صورونه!
جنه نبجي وصرنه نركص
حتى بالصوره نبين همه كلش فرحونه!
والفقير
الصارت الكامرا ابوجهه
صاح صوت ابلا مرونه
هو صابغ
وجه اصفر
الجوعه ما خطفت ابلونه!
الف شاعر عالمنصه المدري بيش ايصعدونه!
كابلونه
ودوخونه
مابقت كذبه بالعالم
ما حجوها وسمعونه!
عالفقير الحجي اهوايه .. وبالفعل ميساعدونه!
وعله كل مسوؤل تافه,,, بالاصلاح ايطالبونه,
لكن ,,ابيوم التقاهم ,,
باللواكه ايجاملونه!
اصواتهم ويه اليتامه.... اكلوبهم للبي دهونه!
كلها بالاصلاح تحجي ,, يعني ذوله الدمرونه,
وعذبونه
امنين اجونه؟
واحنه عالتبريد نغفه,, ولو غفينه ايكعدونه,
ابخزره وحده نفتهمهم ,, بيها حيل ايصفكونه!!
حتى اليجدون حضروا
بالشعر ما فاركونه,
ايد اليجدون بيها ,,,,, صفكت للفرهدونه!
كام منهم شاعر اخرس
اتمكن ابروعة فنونه
اختصر
كل القصائد.....
ابنظره ,
موزونه
..وحنونه.
ماحجه .. لكن قرينه_ابياته من نظرة اعيونه..
صفكيناله ابحراره
ومن كثر ما صفكينه,,,, طردونه,
طردونه,,
حسين االساعدي
إضافة قصيدة