شيفيد بعد العتب

شيفيد بعد العتب وياك
شيفيد بعد العتب وي صاحباً مايحس
عشرت عمرنه انتهت من جربيتك امس
عل الفركه صوتك علىء وعل الملكه جيتك همس
ولتحطلي حجه وعذر يل ماردت نستمر
غر بي الحجي الجذب ميغطي صدك الشمس
صح البخور اشتعل وبراسه كظ الجمر
نحر الصداقه انكطع وانت الحفرت الكبر
وجان اسمي بالافته ولتكلي جادر عرس
ثوب وعليه اكصرت ومنعندك اتنازلت
وثوب الي يجيب الفشل كلش فشل ينلبس
عينك جهنم ولك وافضالي امة شرك
شما قدمتلك فضل عينك فلا تنترس
ادري بحلك خوتك كتلي ونعم صدكت
نص جفي اشو مارجع والرد جاي بغرز
شتريد اصدك بعد عاجر تخلف ولد
لو كلشي ابيض حلو ماصار مر الدبس
يلجف ضميرك جمر جويني من كل كتر
تدريني كهوة عرب والنار اليه ونس
جيشك خلاص انهزم
صح الغنايم الم
بس ماظل جوه ايدك عمر بلا نفس