المشاهدات: 2060   المدة: 11:22   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة أحمد العثمانيے
ليلة 26 شهر محرم الحرام 1440 هـ
قصيدة: آني العليل
أداء: الحاج باسم الكربلائي
كلمات: الشاعر سيد آدم الحسني
المكان: حسينية وموكب أم الحسن - الفاو



آنـي العليـل المسبـي للشـام
آنـي العليـل المسبـي للشـام

بين السبايا ودمعي مسفوح
اسياط وسلاسل تاخذ الروح
وگبالي راس حسين مذبوح

الهاضمني عمتي اشلون تنضام

آني العليل المسبي للشام
__________________________

بلا حيل امشي وتدمع العين
والدم اشوفه ابشيبـة احسين
ظليت بين الشامت وبين

حسرة ودموع وغربة وآلام

آني العليل المسبي للشام
__________________________


القاهرني زينب تمشي واتطيح
صارت مثل سعفة ابـمهب ريح
عباس خويه ظلت اتصيح

الحگ لي صرت ابين ظـلام

آني العليل المسبي للشام
__________________________

مثل النبل نظرات العيون
شمات لو طحنه يضحكون
طول الدرب بينه يشتمون

والسوط يرعب گلب الأيتام

آني العليل المسبي للشام
__________________________

ويلي اعله زينب تلطم الراس
كاسر ظهرها فراگ عباس
هاي اخت اخوها گالت الناس

صارت سبية والله أيام

آني العليل المسبي للشام
__________________________

ما هاد جفني ولا نمت ليل
ثگل السلاسل ماخذ الحيل
صياح الشمر ومصاهل الخيل

ترعب دليل الرايد اينام

آني العليل المسبي للشام
__________________________

بعيوني ظل حسين مرسوم
گلبي اعله زينب عمتي ملجوم
اذكرها يم المشرعه اتحوم

صاحت گمرها والها ماگام

آني العليل المسبي للشام
__________________________


ياريت عمي الگمر موجود
ويشوف عمتي ودمع الخدود
شاجر گلبها وحيل ممرود

كـبرها درب الشـام چم عام

آني العليل المسبي للشام