المشاهدات: 1560   المدة: 15:19   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
آ يزهره .. باب بيتي ابهالرزيه
آ يزهره .. أحد اسباب المنيه
آ يزهره .. تعاشرن عيني واديه


انه حيدر واعتذر منچ يـ بيتي
بابي ما غيرته من يوم الإجيتي
ماخطر مره اعله بالي يامُنيتي
من وراهم بالدمع تغرق لحيتي

چان أخلي .. باب أخف من العمامه
چان أخلي .. مو جذع ريش النعامه
چان أخلي .. باب مايعرف أذيه
__________________________

دمعي ينزل مو لإن دخلو عليه
لا وحگ محسن يبت سيد البريه
اگدر أمحيهم جمع بـ ثنين اديه
بس بخت بيهم انه موصه بوصيه

يجري دمعي .. لإن ماتلگيني يمچ
يجري دمعي .. من اشوف ابابي دمچ
يجري دمعي .. ريته كون الصار إليه
__________________________

إنتي دنيه من الوفه وشلون اودعچ
مو ضلع يفطر سمه صدكيني وضعچ
موتي أتمنه ولا تبچين أسمعچ
أرضه انطي ضلوعي كلها ويصحـه ضلعچ

أبقي يمي .. آنه روحي تعيش عندچ
أبقي يمي .. ياهو يمسح راسي بعدچ
أبقي يمي .. ديرة مال أيتام بيه
__________________________

إنتي أمي والأبو كل أهلي إنتي
إنتي ما زلتي وبقيتي إنتي جنتـي
إنتي حاضر إنتي ماضي ياضحكتي
إنتي عافيتي وعلاجي وإنتي صحتي

خلافچ ابقه .. للحزن آنه العلامه
خلافچ ابقه .. حالي من حال اليتامه
خلافچ ابقه .. والبچي يبچي عليه
__________________________

بصدري لو ضاگ النفس چنتيلي نسمه
يانظر لعيوني بعدچ عيني تعمه
هِسه رايد أسألچ سمعيني كلمه
ابدفنتچ لمن أرد ياهو الأكلمه !

لو مشيتي .. يبقه بيچ الساني يصدح
لو مشيتي ..ثاني يعقوب آنه أصبح
لو مشيتي .. ثوب يوسف ماله جيه
__________________________

كولشي يصرخ يا علي لا لا تهدها
حالك ايبچي الحجر حيدر بعدها
عانك الله ابيا قلب تحفر لحدها
مو ترب يمكن دمع تدفن جسدها

كولشي يدري .. إنتي بالنسبه إليه
كولشي يدري .. مو هوه بل إنتي ريه
كولشي يدري .. حته نجمات الثريه
__________________________

چنها صارت للأسف فرقنا موتچ
واذني ماتسمع بعد يالزهره صوتچ
ردي لو كلمة لإن يذبح سكوتچ
راح اودعچ يالأخذ كل بابي قوتچ

وداعة الله .. راح اوصي تراب قبرچ
وداعة الله .. خاف يلجم صدفه كسرچ
وداعة الله .. سامحيني يالزچيه
__________________________

كلمات الشاعر :-- عبد الرحمـن السـلامي